بَــــــــهجة البِدايــــــَات
لَــمــا بِيحصَل ونِتقَابل
ونــــِـــلاقي علاقة تِتكَون.
الكـــُـــــــــل بِيحْلَى ويِتلَون.
ويِطَــــــلّــــــــــع الــــمَـــــــــلاك جُواه.
ووشُوشنا بِتبقَى مَرسُومة بِحِبر سَعـــادة..
وقُلـــــــــــــــوبــــنا الطِيبة جُواها بِـتبقى زِيـــــــــــادة..
ومِين يـــِـدي.
ومِين يِــاخُد.
الكُل.. مِش فَــارقه مَعـــــــــــــــاه.
والكُـل يِحب يِتــنَــازِل.
مَفيش ولا حَــاجة تِستَــاهِل.
ولَـــو حَبِيـــــنَــــا نِتقَــابـــل.
مـــــابِنَمـــــــــش.
ووَقت لُقَانا بِنستَنَاه.
ونِـــهـتَم بــــالتَــفــــــــاصيل.
وعِتَابـــنَا بِيبــــقَى قَليل.
وياسَلاااام عَلى التَسَاهِيل..
لــَمــــا تِحَـــــلِــــــــــــــــي حَيـــــــــاة.
والفَـــــــرحَة بِتبقــى مَاسكَانا.
حَالـــــــــــــــــــة جمــــــيـــــــــــلة مَالكَانا.
إحساس بِــكْــــــــــــــــــــــــــــــر جـُـــــوانا.
وقلوبنا بِضَمـيـر حَساه..
وفـي بَهجة البدايات ارتسمِت وشــُــــوشنا.
وعـــــــشان مفيش أزَمــــــات اتبَنِتْ عرُوشنا.
وفـــــي أحــــــــــــــــــــلـــــــى الأَوقـــــَــــــات كِبـــرت وعُودنا.
وبِمَاء العَشم انكتبت الحِكاية.
والكــل بَايــــــن جَـــــدع بَايـــــــــــــــــــــــــــــن أصِـــــــيل.
وكـــــــــــــــــلامنا زي العــــســـل نَــــــازل يِسِـــــــــــيل.
والــوِش كَما بِلْيــــاتشُو مِتْـــلَون جَمــــــيل.
ومَعــــــدَنا زي الدَهب والصُــــورة بالألوان.
والرَسم كـُلـــــــــه أَدب والخَسِيـــــس سُلطان.
تَايهـيــن ما نِعــرف..
مِيـن الجَــدَع.
ومِين الفَشوش.
لِحَد ما جِه الزَمن..
طَرْطَــش ظُــروف عَلـــى الوِشوش.
جَات الظُروف..
مَسَحِــت مِــــــن ع الــــوِشُــــــــــــــــــوش أَلوان.
والكُـــــل بَــــــــــانْ..
ومَافضِلشِ غِيـر بِرواز رِتُوش بــَهتـان.
وسَاعـتـها بَان الجَدع مِن الفَشوش.
وسَاعتها عِرفنَا العِشرَة علــــى مين تِهُون.
ودَهبـــــــــــــــنا كــــــان قِــشـــــــرَة مَــــالُــــــوهشِ لُـــون.
جَات الظروف بَيّـنِت كل الـملامِح.
بَيّنِت كـل الّلـي عــَــايــــــــــش للمصالِح.
ولَقيــــــــــــــــنــــا إِن الشِـــــــــــــــــدَة كتـــــيـــــــــر بِــــتنــــــفَـع..
بِتعرفك مين حَبيب ومِين كَان بِيخـدَع..
وخَلاص بِنبقَى أَغراب..
بَعـــــــــــــــــــد ماكُـــــــــنا أَحبَاب..
وفجأة اهتمامنا يِرُوح.
والضِحكـة..
تُسكن مَكانــهــــــا جُــروح.
وقَفلنا بَاب الوِد..
بَعـــــــــد ماكَــــــــــــــان مَفتُوح.
وبَعد ماكُنا بِنتـْـــــمَنى فـــــي يــــــــــــوم الصُــــــــدفة تِجمَـعنَا.
بَقينا لَــمــا نِتــــــقَابِل بِنتْدراى ونِدعي الأَرض تـــِــبْــلَعنا.
وخُطانا تِتْبـرجِـل ومانِــتكَلِمش.
ونِبعــــــــد وفــــــــ البعـاد قُلوبنا تِنَادي..
لَـــكـــــــــــــــنْ مَانِــــسمــــــــعش.
وفَجــــــــــــــــــــــــــــــــــــأة يِصـــــــــــــــــبـــــَــــــــــــــــــح عَــــــــــادي..
نِتـقَابـــــــل ومَانسَـلِمــش.
الوِشْ يِجـي في الوِشْ.
ومَانِــــــــــتــــــكـَـــــــلمش.
أَستَغــــرَب ولا مـــاأستَغرَبش..
ومين كــــان فينا يِتخَيّل نِوصَل لِدِي الحَالة.
فين البَــــــسمة فين الفَـــــــــــــــــــــــرحة الّلي مِتشالة.
فِيـــــــــــن بــــهجة البـــــدايات.
والضِحكَة والحكــــايات.
مِين كَان فِيـــــــــنا يِتــخيّـــل.
في يوم نِتقَــــــــابل ومَانسَـــلِمش..
مِين كَان فِيـــــنا يِتحمّـــــل.
يِفوت كَام يُـــــــوم ومَانتكَلِمش..
مَلعُون أبو الدُنيا الّلي بِتْبــــــــدّل..
ومَلعُون أبو العِشّرَة الّلي مابِتْطمَرش..
أصل الحِكَــاية
أَصـل الحِكاية
بَحـــــــبـــَـــــــــــــــــــهــــــــــــــا..
وبِكُل حَاجة فِيّـــا لِيـها قُـــلتها.
إِلا الكَــــــــــــــــــلام..
سِــــــــــــــــكــــت الــــــّـلـــــــســــان وَقـــــــتها. !
وكَأنه صَخرَة بِحَبــل خُـوف ربَطَـــــــها.
وكَأنه قـَشْـة في وِسْط مُــــوج غَرقتَها.
ولَقِيتْنــي خَــايف أَتــكَــلِم.
نِتـــْــــــــــــــــــــــــــــــــــــــــــــــــــــقَابــــــل أَسَــــــلِم.
أَشُـــــــوفـــــــهَـــــــــــا..
تِــرتِعش فيــّـا كـــــل حَـــــاجــة.
وأَبــَان قُدامها كَإني أَهبَل..
كَإني مَعجُون بالسَذَاجة.
وكَإني الغَبـــــاء.. فِيّا عَادة.
والأَكَــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــادة.
قَبلــــــــــــــــــــــــها بـَــــــــــــــــبـــــــــــــــــقَى تـــَـــمام.
لَكن أشُـوفهَا..
يِتشَــــــــــــــد بـِـلّـــــــــــــسَاني اللِجَام.
وأَتلِخم وأَتـَــــهْــتِه فِي الكَلام.!!
وأَرتــِبكْ.. ومن ارتبَـــاكي.
هـِـــــــــــــــــــــــــــي كَمــــــــــــان تِرتِبك..
وتبُصْـــــــلِي بِاستــــــــــــغرَاب.
وكَأنها بِتقُولي.. مَــــــــالَك؟
إِنت كِــــويــــــس!!
بِخيــــــــــــــــــــــــــــــــــــــــــــــــــــــــــــــــــــر لِسَــانك؟!
أســـــــــــــكــــُـــــــــــــــــــتْ.
وبِالسَــــــــــــــــــــــــلام أَرتِضـِــي.
وتِنتِهي بِينا الـمُقَابلة..
من قَبــــــــــــــــــل ماتِبـتـِدِي.
وأَمـــــــشِـــــــــــــي وأَسِيـــــــــــــب بــــــــــــالـمكان.
شَخــــص تــــــــــــــــــــــــاني مـــــــــــــــاأعرفُوش.
وأَمشـــــي وأتْــدَارى من الوِشُوش.
وتـِــــتـرسِملِـــي..
صُورة بَــــهتانة مع شِوية رِتُــــوش.
والمشــــكــــلــــة..
إِن طَبيعتـــي مِــش كِده.
مَعاها بَس بَكون كِده.!
لا عُمـــر دِي كَــــانــت صِفَاتي..
ولا حتى دِي أَســــوءْ حَــــلاتي..
أنا الّلي فـــي صَــــلاتي بكُـــــون إِمَــــــام العَاشِقِيــــن.
أنا الّلي كلامي فـي الحُـــب بِيخَلّي الحَجَر يِلِيــن.
فَجأة لَـــقِيتني فــي حـَـــرَم حَبيبتـي وَاقِـف حَزِين.
فَجــــــــــأة لَــقيـــــــــت فَـــــــاتـــــِت سِنِيـــــــن...
وأَنــــــــــا بَـــــقــُــــول.
هَرّضــــى بِنَصيبــــي وأَعِيــش.
أنا لِيـهـا إيه؟
أَخ..
صَدِيق..
مَــــــايــــــهــــمنِــــيــــش.
مَايــــِهمنِيـــــش أَكُون حَبِيب..
يِكفِيني بَس أَكُــون قَريـــب..
وأَفضَــــــــــل أَشُـوفـــهـــــا.
كُل الحِكاية إني أنا مُـــدمن..
مـُــــــــدمـــــن وجــُــودهــــــا.
مُدمن وجُودها.
وفِكـرِة أَسِيبــهـا.
وفِكرة تِسيبنِــي..
لِيـــــــــــّــــــــــــا عــــَــــــــــذَاب.
لا قلبــــــي..
يِــــــــــــــــقْــــــــــــــدَر عَـــــــلــــــــــــــى الـــغِــــيـــــــاب.
ولاعَقلـِـي..
يِتحَمّل أَعــرَاض الانسحاب.
فَعـَـايـــش بــــقُول..
خَلينا كــِـــــــــــــــــــــــدة أَحسَن.
خَلينا صُحاب أَضمَن.
فجَايــز أَصَارحها
وبِيـــها تكون النَـاهيـــة.
وتِبعــدنِي بِعيــــــــد عَـنها.
فَعِشت فـي قُربها سَاكتْ.
فــــــــــي بــُـــــــــــــــــــــــــــــــــعــــدها سَاكتْ.
سِكتْ عَشان سكُوتي بَر أَمان.
ويَجــــوز كـــُــــــــــــــــــــــــــــنــت أَنا السَجان.
وبِخُوفي بَــنــــــــــــيت سِجنى
وسِجني طُـــــوبه سـكُوت.
وحُريتي في كِــــــــلـــــــــــــمة.
((بَحبِـــــك)).. أَيـــــــــّــــوه.
كِـــــــــــــــــــــــــــــــــلمة.. أَهِي سَهلة..
أَقُولها وأَقتِل بِـها سكُوتي.
فأَقـــُــــولــــــــها..
لَكِــــــــــــــن.. يِــــــــــــــــــــــــــروح صُــــوتي.
وهِـــــــــــــــــــــــــــــــــــــــي مـــــــــــــــاتـــــِـــــــــسمَعهــــــاش..
وأَلاقِــــي حَاجـــــة تِقــــولــي بـــلاش..
فأَكــــــْـــــــــــــــتِمهـــــــا لـمَــــــــــاخســـــرهَاش..!
أَفتُوني أنا فـــــــي أَمــــــــري.
فَاتـــــــت سِنــــــيــــــن عـُـمري.
وأنا فــــي حُبــها رَاهِـــــــــــب.
رَاهِــــــــــــــــب مــــــــــــــن الــــــرُهــــــبان.
وأَنا نِفسي أَكُــــــون إنسان.
زي بَقِـــــــيـــــــــــــــــــــــــــت النــــــَــــــــــــــاس.
ملعُـون أبـــــــــوك إحسَــاس.
إِحسَاس جَبان بِيخاف..
خَليتني مِـــــــــش مِتـــــشَاف..
خَليت سِنيــــــــــــني عِجاف..
أَفتُوني أنا في أَمري..
فَاتِت سِنين عُـمري..
وأنــــا فــ حُبها مِحتار.
والحــــُــــــــــــــــــــــــــب نَــــــــــــــــــــــــار.
والحـُـــــــــــــب نَــــــــــــــــــــــــــــــار قَايدة..
وحَاسس مَفيش فَايدة..
أنـا يِئســــــــــــــــــــــــــــت خـَـــــلاص.
مَلعُون أبــوك إِحسَاس.
إِحسَاس وحَب الـمُوت.
أَخر طــمُــــــــــــوحه سكُـوت.!!
مِنـــــــــــك أَنـــــا تِعبْـــت.
خَليتني زي البِنْت.
مِستَني تِجيــــــــــــــك وتِصَارحَك.
وتقُولَك بَمُــوت في مَلامحَك.
وإِني عَاشقة ودَايــــــــــــــــبـــــــــة دُوب.
مــــــن إِمتـــَــــــــى..
كَــــــــانت البِنْت بِتصَارح قُلوب.!
ومــن إِمتـــَـــــــــى..
كَانت البِنــــــت بِتصَارح حَبيبها..!
يابنــــِـــــــــــــــــي سِيــــبها.
تِشُـوف نَصيبها.
والحُب وحْدُه مش كِفاية..
الحـكــاية
البِـــنت مِحتاجة..
قَلب تِقــوى بيه.
تِسنـــــــــْـــــــــــــــــــد عَليه.
(تِقُوم حُروب الحُب مِن نَظرة عِينيه)
وإنت مَعــــــاها مــــش كِده.
إنت مَعــــــــــــاها غيــــــــــر كِده.
بِعيدة تِكُـــــــــــــــــــــــــــــــون مَلهوف.
قَريبة تِمُوت مــن الخوف.
مَابتشُوفشي نَفسك لَـما تِشُوفها..
خــــــــُـــــــوفــَــــك.
أقــــــــــــــــــــــــوى مـِـــــن خوفــــــــها.
كسُـــوفــَــــك.
بِيـــــــــــدَاري علــى كسُوفها.
ناقَصَك بس يِجيلَك
كُل شَـــــــــــــــــــــــــهــــــــــــــــر ظُروفها.
وفــــــــــــــي الأخر..
عَايزها بِيك تِـهتَم.
ياراااااااجـــــــل..
خَلّي عَنـــــــــــــــدك دَم.
خَليتها صَعب تِحبنـي..
طَب قُـــــولي إيه ذَنبـها !
مَعذُورة، وهـــي معَاك مَظلومة..
مَعذُورة..
لو تِقرر شَمسها تِغيب خَـــلاص عن نـــــــــهاري.
ولو قلبي مَات بَعدها يِبــقى دا كَان اختياري.
سَاعـــــــــتها أَستَاهل.
لإِني غَبي وجَـــاهِل.
(وماأَقدَرشِ ألُومــــها)
وماأقدَرشِ ألُــومـــها تــِحبِنــي.
وإزاى أَلـُــــــــومـــــــــــــــــــها.. تِــــحبِنـــي.!
ماهِي لِيـــهـــا حَــق مَـــا تِحبنِيـــــــش.
وإزاى أَلُــــــــــومــــــــها.. تِـــحبِــنــــي.!
وأَنـا لَــو مَكـانــــها مَــــــا أَحبــــنِــيش...
زَي ما هُنت عَليك
خَلاص حَبيبي هَنـــــــسَـــاك.
وصَدَقنِي البُعاد أَضمَـــــن.
وزي ماهُــــــــــــــــــــــــــــــــــنــــت عَـليك.
هتـــــكُون عَلـــــــــــــــــيّا أَهــــــــــــــــون.
وإن كان بعَـــــــــادَك صَعب.
هَيكون بعَـــــــــــــادي أَصعَب.
وإن جَالـــــــــــي يُوم وتـــِعـــبتْ.
إيه يَعنِــــــــــــــــــــي لَـــــــــــــــــــو أَتـــعــب.
البُعد أَصبَـــح أَكيـــــــــد بِينَا.
وإن كَـــــــــــــــــــــــــــــــــــان عَــــــــــــــــــــــــــــــــــــــليّا..
مَا كُنـــــتـــِــــــــــــــــــــــــــــــش أَتــــــــــــمَنَــــــــى.
أَبْـعـِـــــــــد ف يُـــــــــــــــــوم عــَـــنـــــــك..
سَيْبـــــاك ورُوحـــــــــــي فِيــــــــــك.
لَكِن ماأَهونِـــــــــــــــشِ عَليــــــك.
أَعِيش مَعـــــــــــــــــــــــــــاك مِتـهانة.
لا حَصلت إِنـــــي حَبيبتــــك..
ولاحَصــَـــــــــــــــــلــــــــــــــــــــــــت مِتخَانة.
مَرت سِنِيــــــــــــــــــــــــــــــــــــــــــن ويــــاك..
ف حَياتك مَالِيش خَانة.
ومانْسِتش ما بينا الوِد.
ولا عُمـــــــرَك عَليــــّا هُنـــت.
لَكن صِبِــــــــــــــــــــــــــــــــرت كِتيـــر.
ودِلوَقتي فَـــــــــات الوَقــت.
فَدِلوَقت عَــــــــــــادي تِهـون..
ودَايما عَــــــــزيـــــــــــــــز النَفس.
بِيفَارق لمَا كَرامته تِهون..
ومانْكِرشِ. إنك بِصراحة حَبيتـني..
وعِشـــــــــــــــــــــــــــــــــــت الحَــيـاة لِيّا.
وحُب الدُنيا فــــــــ عِــــــــــنيك..
شُـــــــــــــــــــــــــــــــــــــــــــــــــــــــــــــــوفــــــتُــه بـِـعنيّا.
وأبــــقى كـَـــــدابة
لو قُلت إِنـــــــــــك مـــَــــــاحَبتنيش..
لَكن على قد ماحَبيـــــــــتـــــني.
تِقــــــــدر تِقول إِني النَتيــجة.
إنــــــــــــــــــــــــــــــــــــــــــــــــــــــــــــك مــــَــــــاحَبــــــتنيش..
إِيه يَعنــي حُب مَابِينا.
لَكن مَالُهوشِ صُوت..
إِيه يَعني حُب مَابِينا.
كُل كَــــــــــــــــــلامه سكُوت..
أَيــَــــــــــــــــــــــــــــام تِفُوت.
ومَشَاعِـر تِمُوت.
وحُبك مَالُــــــــــــــــــــوش عِنوان..
سِنــيـــــــــــــــــــــن تِـــروح.
وتِصْحـى جـــروح.
وخَطوتَك بِنَفس الـمَكان..
يَعني إيه أَصــــــرخ حَنين.
لِكلمــــــــــــــــــــــــــــــــــــــة (بَحـــــبِـــــــــــــــك)
تقولها.. وماتِقُـــلــــــــــــــــهَاش!
يعني إيه تــِـــــــــــــــمُــر سِنين.
أَستَــــــنـــى أَسمَعهَا..
فَتِكتمها ومَاأسْمَعهاش!
يَـــــــعنـــــــي إِيــــــه..
الاسم صُحــاب.
والكُل شَايف حُبنا بَاين عَلِينا.!
يَعني إيه عَايـش فـــــــــــ خُــــوفَك.
يَعني إيه كُـــل أَمــــــــــــــــا أشُوفَك.
أَحسْ إِنك جَـــــاي تِصَارح.
فَتِرتِبك فِيــــــــــــــــــــــــــك المَـــلامح.
وتِرتِـــعش..
وتـِــخــــــاف..
وتـِسكُــــت..
وأنا كَمان أَسكُت.
ومـن السُكات
يِمّل إِحسَاسنا ومِنّا يـِــــهـَــاجِر.
ومِــن السُكات
تِنْقـــــِـــــــــــــــــــــــتِل فِيـــــــــــنـــــــــــــا المشَاعــــر.
ويتْبني بِيــــــــــــنا أَلـــــــــــــــف سُــــور..
كِلمة (بَحبِــــك) مَحبوسة.
كِلمة مَمنوعة مِن الـمُرور..
وكَأني عَايــــز أَنا الّلــــي أَصَارحَـــك.
وأَقُولَــك بــــَـــــــــمُــــــــــــوت فــــــــــ مَــلامحَك.
وإِنـــــي عَاشْـــــــــقــَـــــــــــــــــــة ودَايبَــــــــــة دُوب..
مِــــــن إمتى كَانت البِنْت بِتصَارح قُلوب..
ومِن إِمتى كَانت البِنْت بِتصَارح حَبِيبها.!!
يعنــــــى إيــــه سَاكِت.!
مَشَاعري خَلاص مَــــــــاتِت.
فَأَحسَن أَبعِــــد بِعِيد وأَنسَاك..
وإوعـــى تقُـــــــــــــــــــــــــــــــــــــــــــــــــــــول ظَـــلْمَاك..
وإِوعى تِقُولـي أَستَنى
أَستـــــــــــــنى!!
أَستَـــــــــــنى مِين..
فَاتِــــــت سِنِين..
أستَـــــــنى بُـــكرا.!
طَـب الّلـــــــي فَــــات والّـلـــي كـَـــــان.
هُو إِنت فَـاكر إِنـك أَقوى مِن الزَمان.
ولا إِنتَ فَاكـر كُنت لِيك مِلــــــكْ يَمِيــنْ..
أستَنـــى مِـــــين.!!
فَاتــــــت سِنِين..
الفُرصــــة رَاحت خَـــلاص
وخَلِيك كِدة عَايش فـــ خوفك.
ومَهمَا كَانت يــُــــــــــــــــــــــــــــوم ظروفك.
مِش هَسَامحك.
مِش هَسَامحك عَلى الّلي فَات..
دِبلْــــــــــــــــــــــــــــــــــــت جَنبَك وقلبــــي مَات..
ولاعُمري في يُوم هَرجَعلَك..
ولا تَانــــي هَــــــــــــــــــــــــــــــــــدُوق نَـــارك.
ونَصِيـحة لِيــــــك..
الحـــُـــــــــــــــــــــــــــب مِـــــــــــــــــــــــــــش كَـــارك.
الحُب للشُجــــــعَـــــان
((أَما أنت.. خُسَارة جَبَان))