لا تنسون التصويت + التعليق + متابعة الحساب
#رئيكم_يهمني
*********
مثل قطرات المطر مثل أوراق الشجر
مثل الوان الزهر مثل انواع الثمر
كل واحده منا سقطت بمكان لكن اجتمعنا بسسب حقد البشر !!
تجمعنا و اجتمعنا و أصبحنا دواءً لبعضنا
**************
في العراق الحبيب في عروسنا المدلله في بغداد الجميله أرض الغرام و حكاية الف ليله وليله نتجول في شوارعها المزدحمه و ندخل احد بيوتها تحديداً ذاك البيت الذي تعلو فيه أصوات الموسيقى و الطرب الأصيل نفتح أبواب البيت لنرى فتاة جميله تغسل الصحون و تُدندن مع أنغام اغنية صباح فخري .
قدك لمياس يا عمري يا غصين البان كاليسرِ
انتِ احلى الناس في نظري جل من سواكِ يا قمري
قدكِ المياس مد مالا لحنك الفتان قتالا
هل لواصل قلت لا لا لا لا فاقطع الآمال و انتظري
انا و حبيبي في جنينة و الورد خيم علينا
ان طلب مني وصالو يارب تستر علينا
عيونك سود محلاهم قلبي تلوع بهواهم
صارلي سنين بستناهم حيرت العالم في أمري
اشجان : ولله شي حلو معليا الموبايل و جاي تسمعين و عايفتي غسل الملابس
ميس : درت وجهي و طفيت الموبايل
ترا جاي اغسل مواعين مجاي اركص على العموم انتي اليوم دورج تسوين الريوك و تغسلين مواعين العشه اذا تعشينه طبعاً
اشجان : اي
ميس : بسيطه هسه اشوف منو مغلسه و عايفه شغلها
اشجان: لا ميوس عيفيهم اسفه و اعتذر ساعة لكشره لشكيتلج
ميس : صبريلي هذول ميجون الا بالعين الحمره
طلعت للصاله و صحت
رحيل ديالا رحمه بسرعه تعالو كدامي اتسطرو اني الكم مغلسات عود
التفتت على باب المطبخ شفت جدول الشغل اليوم على ديالا غسل الملابس درت وجهي لكيتهم وكفت و يتبسبسون
اليوم غسل الملابس عليج ليش عايفتي
ديالا : ما الحك عندي امتحان عقوبات و الله لا يراوي لاحد
ميس : اشجان تأخرت من وراج هسه كون هي بالشغل احنا ترا كولنا مشغولين والف شغله و شغله براسنا
ديالا : ترا مصار شي لو عايفه الملابس بين ما اكمل و اغسلهم
اشجان : و اني انتضر حضرت جنابج بين متكملين امتحانات و تغسلين الملابس ليسمعج يكول كنتو كنتورنا متروس ملابس هنه هل قطعتين نغسل وحده و نلبس وحده
رحمه : مبقى شي و اصير دكتوره اترس كناتيركم ملابس و ما اخليج تشتغلين تكسي و لا اخلي ميس تسوي اكل للعالم و لا ننجبر نشتغل ببيوت الناس
ميس: الله كريم اني شاده ضهري بيكم اريد ترفعون راسي لتعب لي جاي اتعبه يهون بس كون تنجحون رحوم ركزي زين
رحيل : و اني ما اركز
اشجان: يمممه حجت المعلمه الله يساعد طلاب الروضه عليج خطيه
رحيل : لا تنقهرين عليهم انقهري على نفسج روحي اخذي التكسي من ابو رواء و اشتغلي طلعيلج كم فلس راح يجن صخام الوجه الفواتير و عدنا الأقساط و الثلاجه فارغه
اشجان: رحت لبست سترة و شفقه
تردون شي
ميس : لا رجعي من وكت
اشجان: انشاءالله
ميس : و انتو كل وحده بدراستها يالله
راحو البنات باوعت على رحيل بتك عين
رحيل: ادري الغده عليه التهي بالكبه مالتج
ميس : يا كبه ولج و مسواك ماكو
بس كملت الحجي سمعت صوت هورن مال سياره عبالي اشجان ناسيه شي طلعنا اني و رحيل و شفت أيوب طابك سيارته يم الباب بس شافنا ابتسم ابتسامته الجذابه و نزع نظارته الشمسيه و نزل من سيارته الحديثه و فتح الصندوك و كال
أيوب: يالله تعالو نزلو الغراض
ميس : اووو باوعت على اشجان جانت يم بيت ابو رواء بس شافته اجت ترعد
اشجان: اني كم مره كتلك بعد لا تجيب فدشي
أيوب: الحجيه دزتهم
رحيل : همست لميس
ولج هاي دومها فاضحتنا كدام الرجال
ميس : و هو دوم يخجلنا بلطفه
رحت اتلاحك لاشجان لانو ادري بيها راح تدوس بالحجي ويا كلت
ليش هل زحمه هاي دائماً هيج تسوي
أيوب: مو بيناتنا بعدين الحجيه هي لي دزتهم يالله تعالو فوتو المسواك وياي
ميس : ربي يخليها الك انشاءالله
فوتنا المسواك جوا و اشجان واكفه يم الباب تفر بمفاتيح السياره و تخزر بأيوب و أيوب يشرب ماي و ممهتم
رحيل : اشجان مو جنج تأخرتي
اشجان: رايحه رايحه
أيوب: فدوة رحيل فد استكان جاي بروح يعقوب
رحيل: ههههههه متبطل سوالفك روح اكعد بالصالة بين ما اسوي الجاي
أيوب: ميس اخذيلي طريق
ميس : ههههه مو باب الحاره احنا استقر تدري البنات مو محجبات
أيوب: الشيخه ديالا محجبه اذا افوت و اشوفها مفرعه تسمطني بدعوة اتكرم من وراها و انه وحيد امي
ميس : خرب غيرتك امشي البنات بالغرفه
كعد على الدوشك و كتله
ليش هيج تسوي
أيوب: شمسوي
ميس : هل مسواك لجبته ليش دوم انت تسوك و تجيبلنا شلون نهج منا من وراك
أيوب: اكول شو انتي انعديتي من اشجان شجاج
ميس : لو شما اسوي ما اوفيك دينك
أيوب: انه عندي خوات الحمدلله متزوجات و عايشين بس خواتي عدهم بنات و انه اذا دماغي نضرب هم اتزوج و يصير عندي بنت و يمكن يصير بيها مثلكم محد يدوم لاحد بهل لدنيا لذلك انه داير بالي عليكم و للامانه هل مسواك مو مساعده ابد و هذا صدك من الحجيه توزعه كل شهر على روح الوالد
ميس: الله يرحمه
أيوب: رحيللل وين الجاي ادري شكتلج هاي لو باجه جان تنامين بالمطبخ
رحمه : جنت بالغرفه اقرا سمعت صوت أيوب عفت الكتاب و طفرت شفته بالصالة سلمت عليه و كتله هاا شصار
أيوب: المطي طلع نفسه لحمار
رحمه : لا بدون شقه
أيوب: وافق شن طبقه
رحمه : ايووووب
ميس : ميتوووب
رحمه : راح انجلط حتى انتي
أيوب: ههههههه لا تعصبين شجاج باجر عكبه شتسوين بالمرضى صدك انتو كولكم اعصاب
ميس : بس اني لفقيره
رحيل: انطيت لجاي لايوب و كلت
يممه وين الفقاره من شوي وكفتينا قصاص لانو اشجان غسلت الملابس بدال ديالا
أيوب: صدك وين ديالا
رحيل : اجت ديالا لابسه حرام الصلاة ابيض و لازمه سبحه كالت
ديالا : هلا خويه شلونك
أيوب: هلا بالشيخه بربج ادعيلي اتزوج
ديالا: الله يهديك
أيوب: الله يسامحج وين اكو مني
رحمه : الله شاهد ماكو منك ورده مال الله
أيوب: لوكيه لو ما عندج مصلحه يمي مجان مدحتي بيه يالله عاشت ايدج على الجاي رحيل انشاءالله يوم للتتزوجين يعقوب و تخلفين يوسف
رحيل : ههههه خليك يمنا على الغده
أيوب: امي متحب تاكل وحيدها انتو فد يوم تعالو يمنا تكيف عليكم
ميس : الله كريم
راح أيوب و فتحت الثلاجه جانت متروسه غراض و المجمده هم طلعت غراض الكبه و كعدت اسوي الحشو اجتي ديالا تدردم
ديالا : اووووي صعب مينطاق
ميس : من لأول كتلج القانون صعب انتي لحيتي و روحي فتحي لباب اكيد هاي رواء
ديالا : فتحت الباب اجت بنت جيرنا رواء سلمت و كعدت
ميس : شفتي رواء الست ديالا جاي تدردم فوك راسي لانو القانون صعب
رواء: اوووي صدوك صعب الله يساعدها زين تخرجت
ديالا : شدراني مينطاق ولج صعب هنيالج انتي قسمج جان تاريخ مو
ميس : اي بس مستفاديت شي ماكو تعين شدي حيلج صح القانون صعب بس تكدرين تشتغلين بي
ديالا : الله كريم
ميس : الله كريم و أكرم من الكل بس اريد افتخر بيكم و انتي و رحمه و اشجان ما اريد تعبي يروح بلاش هيج
ديالا: رحت كعدت يمها و كلت
مبقى شي و نكمل و نشيل عنج الحمل تدرين مرات احسج امنا و احسج كولش جبيره رغم بعدج صغيره بنت ٢٦
ميس : كولنا الهم و الفقر كبرونا لو ما الله دزلي أيوب جان الله ليدري شصاير بينا اتذكر لمن جنت بالجامعه اخر سنتين جان ما عندي فلوس و جان أيوب يتوسل بيه علمود اخذ منه و ما اقبل بحيث مضليت اداوم بس بوقت الامتحانات جنت مكضيتها شغل بشغل
رواء : زين سؤال
ميس : جواب
رواء : شلون تعرفتو
ميس : ضحكت بحزن و كتلها قصه طويله
رواء : ما عندي شي اسمعها شبيكم ما اريد اعرف عنكم شي بس شلون التقيتو
ميس : مو وكتها هسه طامسه بالكبه
رواء : الفضول كتلني على لعموم لو ابقى منا لباحر ما أخذ منج لا حك و لا باطل ديالا سولفيلي شلون عرفتيهم
ديالا : اني و رحمه جنا سوا من الميتم و طلعنا سوا بعدين بيوم رحمه تخربطة وديتها للمستشفى مجان عندي فلوس و صدفه ام أيوب الله يخليها جانت هناك شافتني ابجي و اتوسل بالدكتور و خو حقر وياي و ما عندي فلوس العلاج اجتي دفعت لفلوس و لمن كملنا اشترت العلاج و أيوب اجا عليها على اساس يوصلنا للبيت بس احنا ساكنين بجامع و لمن شافنا هيج جابنا هنا يم ميس و اشجان و ورا فتره اجت رحيل
رواء : زين هل حجي شكد جان عمرج
ديالا : ١٨ و هسه ٢٣
رواء: اووي الله يعينكم شكد حباب أيوب ورده مال الله لو كل الشباب مثله
ديالا : سبحان الله هلكد مساعد الناس الله يرزقه أضعاف
رواء : الحمدلله يالله اني رايحه ميوس تكمل الكبه و دزيها
ميس : تمام
رواء : يالله من رخصتكم
اشجان : طلعت للشغل و وصلت كم نفر دور و بما انو موسم مدارس راح اخذ خطوط هم الحمدلله كون الحك لانو عندي دراسه هم ادرس تربيه رياضيه مرحله ثانيه اني الوحيده من البنات لي اعرف اسوق لانو عمو ابو رواء عنده ٣ سيارات تكسي و ردت اشتغل و هو علمني اسوق و طلعت شهاده سياقه صار سنتين اشتغل بيها اشتغلت بأكثر من مكان بس اني مفالحه بالتنضيف مثل رحيل و لا طبخي طيب مثل ميس و لا لساني حلو بالتعامل مثل ديالا و لا ذكيه و خطي حلو مثل رحمه اني نطوني عركات حاظره
لذالك اختاريت السياقه رغم كل يوم يركبون وياي ناس أشكال وألوان بيهم لزينين لميحجون بيهم ليشمرون حجي بس اني ما احجي ويا احد على كد السلام و الكروة هلكد و خلص
صار المغرب خليت بالسيارة بانزين و رجعتها خطيه ابو رواء مياخذ مني فلوس شكد لحيت عليه مقبل بوكتها عفت الشغل و اخر شي ميس كالت نسويلهم معجنات و كبه بلاش يالله اقتنعت انطيته لمفاتيح و رجعت للبيت سويتلي لفة جبن و فتت للغرفه جانت رحمه تقرأ احنا البيت لكاعدين بي بس غرفه و صاله و مطبخ و حمام يعني نام بغرفه وحده نزعت سترتي و لفيت راسي و غمض عيني حسيت على رحمه كامت طفت لكلوب و شالت كتبها و سدت الباب نمت و اني احس جسمي مكسر
ديالا : اشجان تعشت
ميس : سوتلها لفة جبن و راحت نامت كلمه محجت و لا اني حاجيتها مبينه ضايجه رايحه انام تصبحون على خير
فتت للغرفه فرشتلي الفراش بهدوء و غطيت اشجان و رحيل و نمت
ثاني يوم كعدت بنشاط خليت اغنية ( قدك لمياس ) ادندن و اشتغل

ديالا : بالعباس حفضت الاغنيه وراج
ميس : طفيت الاغنيه و كلت
احبها ولج اعشقها كلماتها تجننن
ديالا : اي حلوه
ميس: يالله كعدي تريكي بين ما اكعد اشجان توصكم صدوك رحمه كعدت
ديالا : اي جاي تراجع عينها بالملزمه
ميس : انشاءالله ميضيع تعبكم
رحت كعدت البنات و تريكو و اشجان وصلت ديالا و رحمه للجامعه و رحيل للروضة و اني كعدت اسوي معجنات شوي و ندكت الباب رحت فتحتها طلع أيوب جان جاي و ويا جنطه مبين جاي من المحكمه كال
أيوب: البنات هنا لو لا
ميس : لا طلعو
كبل فات كعد بالصالة و كال
أيوب: فد استكان جاي رحمه لصباح فخري
ميس : ههههههه متكعد راحه بدال متكول رحمه لامج
أيوب: دهسه سوي ملحكت اشرب جاي
ميس : لعد خل اجيبلك ريوك هم
أيوب: لا ما اريد ام سجاد بالمحكمه عامله شلون كليجه مسويه اكلت منها بس الجاي مو طيب اجيت اشوفكم و اشرب
ميس : كمت صبيت الجاي جان حار اخذه و كال
ايوب : انشاء الله يوم عرسي
ميس : هههه انشاء الله و اذب لحم بالعرس مالتك
ايوب : الله كريم شوفي رح عن بالي انو رحمه لفحمه مموجوده كلت اككللها صديقي دكتور و عنده مستشفى تروح هناك تتدرب حجيت ويا و انتفقت على كل شي على وكت دوامها يكون ٣ ايام صباحي و ٣ مسائي
ميس : يالله الحمدلله هاي خلصنا من شغله
أيوب: بهاي الورقه عنوان المستشفى تروح للمدير و تكول انه من طرف المحامي أيوب
ميس : تمام بس اكو إجراءات يعني مو لازم الجامعه يعرفون
أيوب: اي كتلهم انه صارلي فتره اشتغل على الموضوع يالله عاشت ايدج على الجاي انه رايح محتاجه شي
ميس : لا
كام و طلع يم باب الحوش دار وجهه و باوع عليه جنت مبتسمه بمجرد حجه اختفت ابتسامتي
أيوب: ميسان
ميس : احس كلبي كبل نعصر لمن صاحتي بأسم ميسان كتله بغضب
كم مره اكولك اني ميس مو ميسان
أيوب: بس لازم بين فتره و فتره تتذكرين نفسج ميسان انتي عندج حق بس بهروبج مضيعته بس لو تنطيني فرصه انعل ابهاتهم لي اذوج
ميس : دمعتي نزلت و مسحتها
شتسوي أيوب شتسوي اريد الله ياخذ حقي منهم و رجاءً بعد لا تصيحلي بهذاك الاسم اخاف فد يوم تخربط كدام البنات دور شيخلصني
أيوب: خوش يالله انه رايح اذا تحتاجين شي خبريني و تلكيني عند عيناج
ميس : ليش منو عندي غيرك
ابتسم و راح سديت الباب و فتحت باب الذكريات و رجعت للماضي
.
.
.
قبل تسع سنين
المكان . العراق . صلاح الدين
يتبع ......
لا تنسون التصويت + التعليق + متابعة الحساب
#رئيكم_يهمني
و اريد تشاركوني المقاطع لي حبيتوها من القصه بالستوري
هذا حسابي مال انستكرام @201gzl غزال