كل الحكاية
أسماء علي
ديوان شعر
سطوع لخدمات النشر
جميع الحقوق محفوظة
جميع الحقوق محفوظة ويحظر طبع أو تصوير أو تخزين أي جزء من الكتاب بأية وسيلة من وسائل تخزين المعلومات إلا بأذن كتابي صريح من الناشر
الديوان دا قبل ما شال ٱسمي، شال جزء من أفكاري ومبادئي في الحياة، وعاش صراعات بين عقل وقلب، جزء كبير من المجتمع طول ما ٱحنا واقفين وبنتفرج مين غالب ومين مغلوب؛ فلذلك:
هات قلبك وعقلك وكل إحساس لطيف عيشتوا قبل كده واقرأ...
تقرأ بصوت واضح من شخص عاش الخوف
راح عمره على كذبة .
مات قالوا ياما نشوف ...
كل الحكاية
إقفل طريقك للرجوع
وٱرسم خُطى لسيرك
جوع مـِ الصحاب وإن تجوع
سِرك يبات بيرك
عاب القريب فيك ك الغريب
فـَ معدلكش غيرك
آمِن بتفكيرك
وإنصُب صُوان كُل العزيز
وأقف بهيبة وخُد عزاه
حلمك صاير قتلوه ضرير
وأهو كل واحد خد جزاه
لسّاه طريق الدنيا شاغل بالحُفر
وماعدش ينفع شحط زيك يتوهِم فـَ يقولوا تاه
عارفينها مفرمة الحياة
وإن اللي جاي معجون وجع
وإن السعادة متتوجدش
في وسط كون سيقاه البدع
وإن الشهاوى والغناوى إتملكوك
إنك فقدت العزوه وإنت في بيت أبوك
وإنك فقير إستوطنوك
لجل أمّا ينجح حلمُهم
وإنك فقير إستعبطوك
وخدوك سِتاره لكفرُهم
إياك فاكرهم لبسوك توب الفضيله عشان حلاك
دول لبسوك توب الهلاك
نصبوك كمين ..
فـَ قتلت منك عزوتك من غير ماتسأل هُما مين ..
سايقاك ظنونهم بالسنين
مع كل قتله كات بترفعك الفلوس.
شايف بعيد الفقر مجزرة النفوس
شايف بقلبك عاركه دايرة بطلها واقف عـَ الحدود
شايل في عينُه سلاحُه وفي قلبه الوطن
شايف بعينهم فيك بطل
تقتل تبان تقتل تبان
فـَ بيفتحوا لَك في البيبان
وتكون أمير شايف بعينك كل شيء
لكن قُليبُه بات ضرير
إزاي سلاحك طالقوا حي في وش أخوك
وإزاى تعمر خزنتك من طلق ناس قاتلين أبوك ..
بكره هيجي وهيبيعوك
لسّاك غشيم !
لابس في عقلك توب حريم
ومصمم إن الوقت فات
حِلمك مقتلوش غير سُكات
لسّه الوطن مادِد إيديه
حلم الشهادة إياه بلاه
أُحفر له بير وإدفن عليه
حلم الشهادة العبادة
بيناولوا رب الكون لناس
لايق عليها محبتُه
فـَ إدعى إن توبتك تتقبل
وإدعى بطريق تنسخ خيوط
توصل مّا بين الحلم
ومّا بين جنتُه ..
تقرأ بصوت أب البنات والبيت
وبحبي ليه ولشوقي وغيابُه
وبخُوف عينيه علينا وعتابُه ..