الحديد ناشف بصحيح لكن الحمل عليك تقيل
أبويا عمره ما توجع رغم الشيلة ما يميل
وقت القسوة عيونه غير كلامه.
أشوفها تطيب لي حياتي ضهرى في الدنيا حاسبها.
متقولش الراجل ده ساعاتى عينه حسابها
بيمشيها بالخطوة خطوته بالمللي يزعلنى يقولى نكتة
آها على حروفك وابتسامتك
جيت تطيب و تبرد وهتزرع لي حياة
آها ماليش غيرك
حضن وجاه ولقى واتجاه
طريق ببتديه
تسند ايديا لحد ما يتحدد
أزمة تكسرني حديدك يسند
آها أنا قاسي بعض الحين
والبعض عندي للكثرة
بس والله لو عشت عمرين
زرعتك ما هعرف أردهالك ولو جزء ثمرة
إن يسألوني حكيم لمين
أقول عيون أبويا منوراني
نقاشاتي مكسباني
منا أصلى شاعر
ألعب بالكلمة وآدابها
عجينة فايدي أشكالها
لهلوب متخلصش مني
منا عشريني خبرات أربعين
واحد من الخبرة إضرب في اتنين
أبويا زمان قالي اتعلم تاخد عمرى
اتعلمت
امشي معايا تاخد صبري
صبرت
إتقل على الشغلانة تنجح
نجحت
أبويا مش كلمتين ولا نصايح
شافني حزين قالي كله رايح
مريت وشفت اللي أنت عايشه
أضحك وأقول وأنت هتعرف منين
أرتب كلامه بالمللي
أخطي الخطوة تعديني سنين
أب و أخ وصديق عمر صاحب
لكنى شاب والطيش غالب
أها بقسى ساعات
يمكن عمرى كله
لكن في قلبي كلمتين حابب
أتنازل عن تفكيري وانشدهم
كلك صح بالاختلاف مع الظروف
لكن بستفة حروفك والله تتاقل بالألماظ
بنشدلك وأنشد عشانك من قلب عاز
يطفى كل أنوار العالم
قمرك ضية مطفاش
واتغزل في ملامحك يا جميل
وأحب فيك ببلاش
مش كنت أما أتودد لك تقولي اخلص
عايز ايه يا مصلحجي
وأما أقضي مصلحتى اتشعبط
في باب الأوضة أسمع آها يا حلنجي
عم الناس سيد الكل طيب الخاطر
عتابك كلامك سيرتك جمالك قادر
تخليني أمشي وسط العالم مرفوع الرأس
سيرتك تيجى أطمن أنا اتعملي ألف حساب
واثق في كلامهم عنك أبو الكرم
عمره ما يقفل باب
إيجاز الكلام في معانيها مبتخلصش
وإن داب القلب داب
هيكدب يقول خلص
مخلصش
كل الكسور تترمم دواها ضلك
بحبك