إهداء
إلى أبي وأمي ...
إلى زوجتي ...
إلى أبنائي ...
إليك أنت عزيزي القارئ ...
أهدي إليكم جميعاً هذا العمل ...
جدول المحتويات
درس جديد علي سفرة الطعام
درس جديد مشهد ظهور عمي الجني المسلم لعلي
درس جديد أبتسامة غريبة
درس جديد صباح جديد
درس جديد الصلاة
درس جديد صديقه ياسر
درس جديد علي بمفرده في البيت
درس جديد الشافي هو الله
درس جديد المسلم يحبه الله
درس جديد الأمل والسرور
درس جديد التعامل مع غير المسلم
درس جديد آداب دخول الخلاء
درس جديد زيارة مفاجئة
درس جديد آداب النوم في الأسلام
أنتظرونا والجزء الثاني
المقدمة
يقول الله تعالي:
"وما خلقت الجن والإنس إلا ليعبدون " ...صدق الله العظيم
كتير شفنا صور سيئة ومعلومات غلط عن عالم الجان تعمدوا أظهار كل ده في أكتر من فلم أو مسلسل ونسينا أن فيه نوع من الجان مسلم مابيحبش الشر وبيحب الخير وعشان كده قلنا نعمل قصة بسيطة لذيذة بين صبي صغير وبين عمي الجني المسلم الطيب اللي هيعلم "علي" بطل قصتنا كل يوم درس جديد عن الاسلام الصحيح وهنتعرف كمان عن مدي حب المخلوق المسلم ده لربنا وأذاي هو عارف أكتر من ناس كتير في الدين الاسلامي... يلا نبدء ونشوف أحداث القصة المثيرة والممتعه واللي كمان فيها مواقف كتير مضحكة بين بطلنا وبين عمي الجني تعالوا نشوف أيه اللي جوا مستنينا !!!
تدور أحداث القصة في قالب تعليمي بسيط يحمل شيء من الضحك والتسلية بين عمي الجني المسلم وعلى بطل قصتنا وكل يوم يعلمه درس جديد...
حاولنا تقديم قصتنا وكأنها مسلسل كرتون وستلاحظ ذلك عند القراءة بذكر المشهد الاول او الثاني بتحريك الكاميرا هنا او هناك وذلك بغرض عرض القصة بأسلوب جميل ومشوق يصل الي قارئنا
درس جديد
علي سفرة الطعام
أم ( أم على) تضع الطعام على السفره والأب في آخر صلاته تسلم الأم على زوجها
الأب : من ساعة ما ربنا هدانى وأنا أخدت على نفسى عهد إنى أحاول على قد ما أقدر أرضىيه وما أزعلوش منى أبداً العمر بيعدى ومحدش ضامن عمره.
الأم: ربنا يبارك فى عمرك يا أبو على لحد ما تشوف علي راجل كبير وتفرح بيه
محمد الأب:ربنا يبارك فى عمرى وأشوفه انسان كويس بيهدي الناس للخير
الأم : أخدتنا فى الكلام روح هات على ياكل معانا الأب:هو فين على يعنى انا مش سامع ليه اي صوت فى البيت .
الأم : بيلعب مع أصحابه بره أروح أنادى عليه
الأم : على ! تعالى كلم أبوك يا على
على : حاضر يا أمى أنا جاى . ( يدخل على البيت وهو يرتدي ملابس الكوره ناظراً الى الطعام يجلس على السفره مباشرة
الأب : على طول كده مفيش غسيل إيدين الأول ولا ايه؟
على : حاضر عينى يا ولدي
الأب : لا إيديك يا علوه ويلا كوام ( يذهب على ويغسل يده ويأتى يجلس بجوار والده)
الأب : يالا علشان بعد ما ناكل هنذاكر مع بعض ونراجع اللى انت أخدته فى المدرسه ( مشهد للأب فى غرفة علي وهو يذاكر له وعلى يجيب معه
الأب : كل أساتذتك بيقولوا أنك متفوق وشاطر وأنا عايزك تكون كده على طول
" يسمعوا صوتاً عالياً بالخارج فيخرج الأب من البيت ويظل على فى مكانه . يخرج الأب فيجد ولد يكلم أباه بصوت عالى
الولد : أنا حر أعمل اللى أنا عايزه ومفيش حد ليه دعوه بيه .
الأب-أبو على : تعالى معايا يا بنى سيبهولى انت يا عاصم ( أبو الولد)
عاصم ( أبو الولد) أهو معاك مش عارف إمته حاله هيتعدل ويفهم
الأب-أبو على ( يا بنى دا أبوك عارف يعنى ايه أبوك يعنى هو أكتر واحد يخاف عليك وهو الوحيد فى الدنيا كلها اللى عايزك أحسن منه
تكملة للمشهد وعاصم ينظر الى أبنه .ووالد علي "محمد" ينصح فيه ويأتى ابنه يعتذر له عما حدث
الإبن : خلاص يا أبويا أنا .أنا اسف مكنتش عارف ولا فاهم حاجات كتير وعمى محمد فهمهالى ( يحضن أباه وينظر إليهم محمد ويتركهم وينصرف ويدخل على على الغرفة قائلاً
الأب : يالا يا عم على نكمل مذاكره ( فيجده نائماً وهو فى وضع الجلوس يعدل من نومته ويدعو له تمر عدة مشاهد الأب يلعب مع على وأخرى يمشى معه وأخرى وهو ناءم بجواره وذات يوم(مشهد لعلى وهو يدخل البيت بلبس المدرسه فيجد باب بيته مفتوحاً قليلاً ويجد أمه تبكى بشده وعندما تراه تتلقاه بضمه قويه فيفهم على ويبكى هو الآخر قائلاً ( أبوى أبوى أبوى يا أمى)( اليوم التالى والام تحاول ايقاذه من النوم )
الأم: على على قوم علشان تفطر وتروح المدرسه يا على
على : مش هقوم ولا هروح
الأم : لا يا على مش هو ده اللى كان عايزه والدك
على:طيب خلاص هروح. (مشهد لعلى وهو خارج من غرفته يرتدي ملابس المدرسه حاملاً شنطته على كتفه يسير نحو الباب ليخرج من البيت وأمه جالسه فى إنتظاره على سفرة الطعام تنادى عليه وهو لا يجيب
( يسير على وأمامه أصحابه يحاول مضايقتهم فيضرب واحد ويبتعد والآخر ويبتعد ويضحك عليهم وهو ندمان على ذلك ومشاهد اخري وهو يحاول السخريه من رجل كبير. وهو بيضايق أمه ومايسمعش كلامها وهوماذال ندمان . وكل يوم يذهب الى مكان ما على شاطئ بحر القريه يتذكر أباه وما كان يفعله معه مما يجعله سعيد .وفى ذلك الحين كان هناك (جنى)يراقبه من بعيد ويؤثر فيه ما يفعله علي بنفسه من بكاء على والده فقرر الظهور له
درس جديد
مشهد للجنى
وهو يظهر لعلى
عمى الجنى:هون عليك يا بنى الدنيا دى متستهلش كده (يظهر على على الدهشه
على: انت مين يا عم انت مش من اهل البلد انت مش من قريتنا أنا عمرى ما شفتك قبل كده
عمى الجنى: أنا!انا قدرك يا على
على: قدرى؟ يعنى ايه قدرى
عمى الجنى:هفهمك هفهمك يعنى ايه قدرك هفهمك حاجات كتيره خالص بس المهم انك تصدقنى وتثق فى وفى كل اللى هقولهولك أنا ....... عمك الجنى
على ايه جنى لا .لا أنا مش مصدق انت كداب !!!!!!!!!!!
عمى الجنى:كداب الله يسامحك
على:"الله" انتم تعرفوا الله انتم كلكم وحشين
عمى الجنى: مين اللى قاللك كده يا على
على: كل اللى بنسمعوا من التليفزيون ومن الناس الكبيره لما تيجى تخوفنا ، بتخوفنا بيكم
عمى الجنى : لا ياعلى مش كلنا . نسيت اعرفك أنا عمك الجنى مسلم ذى ذيك بصلى وبصوم
على:هو دا معقول فى جنى يعمل كده يصلى وكمان يصوم
عمى الجنى: أنا عاذرك يا على علشان محدش علمك كده انا بقى يا على هعلمك كل حاجه. بس كل حاجه حلوه عن الإسلام وعن النبى (صلى الله عليه وسلم) وعن القرءان . ان شاء الله هخليك أحسن واحد فى الدنيا دى كلها
على: طيب لما انت جنى ذى ما بتقول ليه . ليه بتعمل كده معايا هو فى جنى بيساعد بنى أدم على طاعة ربنا دا انتم مخلوقين علشان تخلونا نعصى ربنا
عمى الجنى: يا على يابنى مش كل الجن مخلوقين لكده والدليل على كده اللى ذكره ربنا فى القرءان الكريم (سورة الجن)
بسم الله الرحمن الرحيم " قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآناً عَجَباً (1) يَهْدِي إِلَى الرُّشْدِ فَآمَنَّا بِهِ وَلَن نُّشْرِكَ بِرَبِّنَا أَحَداً "
على: يعنى ايه . أنا مش فاهم حاجه
عمى الجنى: يعنى فيه جنى مسلم ومطيع لربنا وأنا هاقولك أنا بعمل معاك كده ليه أنا يا على كان ليه ابن جميل خالص كان بيحب ربنا قوى كان عايز يعلم الناس الخير ويوضحلهم الإسلام لكن . قدر ربنا مات! وزعلت عليه لكن ربنا ألهمنى الصبر لأن إحنا مسلمين مؤمنين بقدر ربنا وشوفتك وشوفت اللى انت فيه ففكرت أساعدك
على: وكان اسمه ايه يا عمى يا جنى
عمى الجنى: (بصوت حزين ) كان اسمه على
على: علشان كده قررت تساعدنى
عمى الجنى: انت والدك مات وانا ابنى مات .ليه كل واحد ميكملش اللى ناقص عند التانى ؟
على: يعنى ايه يا عمى الجنى
عمى الجنى:يعنى تعتبرنى زى والدك وأنا هاعلمك كل العلم اللى أنا عارفه عن الإسلام
على : هو انت تعرف فى الدين وفى الإسلام
عمى الجنى: يعنى .على قدى المهم نبدأ بسرعه علشان نلحق نتعلم أكتر وأكتر
على:معقول الإبن يبقى من بنى ادم والأب من الجن معقول التلميذ من بنى البشر والمعلم من بنى الغيب
عمى الجنى: كل الكلام ده مش مهم دلوقتى المهم ان احنا نبدا علشان زى ما انت شايف انى كبير وخايف أحسن...
(يقطع على كلامه قائلاً)
على:لا يا عمى يا جنى متكملش انا حبيتك خالص ومش كل حاجه حلوه أتعلق بيها تروح منى
عمى الجنى: على متخفش بس عايزين نتفق اتفاق
على:وايه هو الإتفاق يا عمى يا جنى
عمى الجنى: انك متعرفش حد انى ظهرتلك
على:أمال أنا هتعلم منك ازاى
عمى الجنى: هاظهر ليك انت بس ووحده وحده هنتعلم كل حاجه حلوه عن الإسلام
على: وازاى هتظهرلى .ازاى هشوفك
عمى الجنى: هقولك حالاً يا على كل ما تعوز تتعلم حاجه تصلى على النبى (صلى الله عليه وسلم)
على:يعنى هاقول ايه
عمى الجنى: تقول يا على .اللهم صلى على سيدنا محمد(صلى الله عليه وسلم)وانت هتلاقينى ظهرتلك على طول ودلوقتى روح لوالدتك أحسن تقلق عليك
(يذهب على وهو يودع عمي الجنى مع لقاءه بالخير)
على:مع السلامه يا عمى ياجنى أشوف وشك بخير
درس جديد
أبتسامة غريبة
مشهد لعلى وهو يدخل البيت فيجد أمه فى انتظاره قائلتا
الأم: ايه اللى أخرك كده يا على انت مش عارف انى بقلق عليك انت مش عارف انى ماليش حد غيرك فى الدنيا دى يابنى
على:معلش يا أمى حقك علي (تنظر اليه أمه وهى تتعجب من رد ابنها المتغير بأسلوب حسن)
الأم:طيب معلش يابنى أدخل نام دلوقتي وتصبح على خير (مشهد لعلى وهو على فراشه يفكر فيما حدث له )ينام ويتعقبه مشهد الصباح يقوم من نومه قائلاً
على: يسعد صباحك يا أمى
الأم: يسعد صباحك يا ولدى (فى مشهد غرابة من ذلك
مشهد لفطوره وذهابه الى المدرسه ومشهد وهو يخرج منها فيأتى الى مكان اللقاء مع عمى الجنى يلتفت هنا وهناك للتأكد من أ لا يراه أحد فيقول
على:يا عمى يا جنى يا عمى يا جنى صلى على سيدنا محمد صلى على سيدنا محمد
فيظهر له عمى الجنى قائلاً :اللهم صلى على سيدنا محمد. السلام عليكم يا على ورحمة الله وبركاته
على : هو أحنا هنتعلم ايه النهارده يا عمى يا جنى
عمى الجنى: هنتعلم !!!.طيب هنتعلم النهارده ان لما حد يسلم علينا نرد عليه السلام بالذات لو سلم علينا سلام الأسلام ويقولك السلام عليكم نرد عليه ونقوله السلام عليكم ورحمة الله وبركاته. نقوله ايه بقا يا على
على: نقوله السلام عليكم ورحمة الله وبركاته
عمى الجنى: شاطر يا على
على : طيب هو احنا بنقول كده ليه
عمى الجنى: قبل ما أقولك أنت جبت قلم وكشكول تكتب اللى انت هتتعلمه
على : واحنا هنكتب ده ليه
عم الجنى : ولا يهمك أنا جبتلك قلم وكشكول تكتب فيهم خد أكتب يا على ان السلام هو تحية أهل الجنة فى الجنة يقول الله عز وجل فى القرآن الكريم " قوله تعالى وتحيتهم فيها سلام
" قال اللّه تعالى: { وإذا حييتم بتحية فحيوا بأحسن منها أو ردوها
ويزكى الله المؤمنين " فى قوله تعالى وَإِذَا خَاطَبَهُمُ الْجَاهِلُونَ قَالُوا سَلاماً
على : طيب هوه ليه احنا بنسلم على بعض ليه ياعم يا جنى
عم الجنى : خلينا نتفق ياعلى ان أى كلام هقولهولك لازم يبقى من كتاب ومن سنة
على : يعنى ايه كتاب وسنة
عم الجنى : يعنى قال الله قال الرسول صلى الله عليه وسلم
على : وغير كده يبقى الكلام كدب قصدى ملهوش فايدة
عم الجنى : لا ياعلى فيه اجتهاد علماء لكن لازم يكون الاجتهاد ده مع الكتاب والسنة .
أنا عارف ان الكلام ده كبير عليك بس اللى اعرفه عنك انك ولد ذكى وكل اساتذتك بيشكروا فيك
نرجع لموضوعنا .
ولسؤالنا
والجواب عليه
أحنا بنسلم على بعض علشان نحب بعض اكتر والدليل قال رسول الله (صلى الله عليه وسلم)" ألا أدلكم على شئ إذا فعلتموه تحاببتم قالوا بلا يارسول الله قال أفشوا السلام بينكم . صدق رسول الله (صلى الله عليه وسلم ) يعنى كل ما نسلم على بعض بنحب بعض أكتر وأكتر
علي: طيب يا عمي الجني احنا نسلم علي كل الناس
عمي الجني: ليه يا علي بتقول كده
علي: اصل انا لي واحد صاحبي مش مسلم
عمي الجني: ايوه يا علي تسلم عليه وكمان تعامله معامله كويسه و عايز أقولك حاجة مهمة أوعى ياعلى تزعله لان ربنا والرسول أمرنا ان احنا نعاملهم كويس خالص وان نحسن فى جيرتهم لازم تعامله كويس جدا ياعلى
علي: بس ممكن اتكلم عليه بعد مايمشى وميبقاش معانا
عم الجنى : ولا ديه يا على ولا تتكلم عليه قدامه ولا من وراه حتى ولو الكلام ده فعلاً فيه
على : مش هو مش من دينى يبقى مش حرام عليا
عم الجنى : غلط غلط يا على ولا ربنا ولا رسولنا الكريم قالنا كده بالعكس ده وصانا عليهم وقال( صلى الله عليه وسلم) "من آذى ذميا فأنا حجيجه يوم القيامة" يعنى لو زعلته يا على النبى (صلى الله عليه وسلم) هيزعل منك خالص يوم القيامة
على : يااااه اسلامنا جميل لدرجة انه يحافظ على أحاسيس ومشاعر غيرنا
عم الجنى : طبعاً يا على وكل ماتعرفه أكتر هتحبه أكتر وتعرف أنه دين لكل الناس
على : يا عم يا جنى كل يوم هتعلمنى حاجة جديدة كده فى
عم الجنى : ان شاء الله يا على كل يوم فيه درس جديد
على : طيب يا عم يا جنى السلام عليكم ورحمة الله وبركاته
عم الجنى : وعليكم السلام ورحمة الله وبركاته يا على
(مشهد لعلى وهو مروح بيسلم على الناس ويصل الى البيت فيجد أمه فيلقى عليها السلام ويخبرها انه متعب يريد النوم)
درس جديد
صباح جديد
مشهد لعلى وهو يحاول الاستيقاظ من النوم ,النهار طالع ,والديك بيكاكى وهو نازل من على السرير وأمه بتنادى عليه)
الأم: على على قوم يا حبيبى علشان تفطر معايا بقالك كتير ما فطرتش معايا ولا قومت بدرى
على:حاضر يا أمى حاضر وأنا برضه مشتاق خالص على فطارك الحلو يا ست الكل
الأم:آخ يا أنا هاقدر عليك أنت
(مشهد لعلى وهو يذهب الى السفره قبل غسل يده ووجه .
الأم: مش هتغسل وشك ولا ايه
على: أمى بعدين يا أمى بعد ما أكل بعدين
الأم:لسه ما أنش الأوان انك تصحى من نومك تتوضى وتصلى وبعد كده تعمل اللى انت عايز تعمله
على: ايه يا أمى هو علشان يوم هافطر معاكى هتعملى فيه كده مش واكل أنا ماشى
الأم: رايح فين خد واسمع الكلام
على: رايح ! رايح ألعب مع أصحابى
(مشهد لعلى وهو خارج من بيته ويذهب الى شاطئ القريه حيث يلتقي بعمى الجني فيصل الى هناك ويتذكر أباه لكن سرعان ما يتذكر ما حدث له بظهور عمى الجنى فيلتفت هنا وهناك ثم يقول يا عمى يا جنى يا عمى يا جنى صلى على سيدنا محمد صلى على سيدنا محمد
(فيظهر عمى الجنى معرض وجهه عنه ناحية البحر قائلاً)
عمى الجنى:اللهم صلى على سيدنا محمد(صلى الله عليه وسلم) السلام عليكم يا على
على:إذيك يا عم يا جنى مالك زعلان ليه انت زعلان ذى ما أنا زعلان على أبويا أنت كمان زعلان على ابنك
عمى الجنى: لا يا على أنا زعلان عليك أنتا
على:ايه ! هو أنا برضه هموت خلاص مفيش فايده أنا مش هعيش تانى
عمى الجنى : هتموت ايه يا على محدش يعرف هيموت امته ولا فين
على:حتى انتم يا عمى يا جنى
عمى الجنى:أيوه حتى احنا لأن ده من علم الغيب وعلم الغيب لله بس لربنا بس يا على
على:أمال انت زعلان ليه
عمى الجنى:أنا زعلان منك لأنك زعلت والدتك ورفضت أنك تسمع كلامها وأنا فاكر واحد قالي فى يوم كلمه حلوه خالص
على : هى ايه دى يا عمى يا جنى الكلمه الحلوه خالص
عمى الجنى:قاللى فى حق أمى (أمك أمك يا بنى لأن لو أنت النار وهى الجنه مش عايزاك تبعد عنها
على:ياااه للدرجه دى قد كده الأم دى عظيمه
عمى الجنى:القلم والكشكول فين النهارده هنتعلم طاعة الوالدين يعنى أمك وأبوك كمان
على:القلم والكشكول أنا سبتهم هنا قبل ما أروح الدور اللى فات أهم يا عمى الجنى
(مشهد لعلى وهو يبحث عن القلم والكشكول الى أن وجدهم)
عمى الجنى:اكتب يا على (بسم الله الرحمن الرحيم)
على:مش أحنا هناخد طاعة الوالدين أمال ليه هنكتب بسم الله الرحمن الرحيم ما نخش فى الموضوع على طول
عمى الجنى:لا يا على أى حاجه تعملها كبيره ولا صغيره تبدأ ببسم الله علشان ربنا يسهلنا ويخلينا نعملها كويس خالص وده درس تانى أبقى أعلمهولك فى يوم تانى خلينا الوقت فى طاعة والدتك اللى انت مغلبها ومطلع عينها كمان
على:طيب يا عمى الجنى أكتب ايه
عمى الجنى :قبل ما تكتب أى حاجه احنا اتفقنا على ايه المره اللى فاتت
على:اتفقنا ! اه اتفقنا ان لازم يكون الكلام اللى انت هتقوله من كتاب ومن سنه يعنى قال الله قال الرسول (صلى الله عليه وسلم)
عمى الجنى:بس كده يا على
على: أيوه .لالا كمان فى اجتهاد العلماء بس بشرط يكون الكلام ده مش ضد الكتاب ولا ضد السنه
عمى الجنى:شاطر يا على شاطر.اكتب بقا قال الله فى حق الأم بسم الله الرحمن الرحيم (وَوَصَّيْنَا الْإِنْسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرًا ۚ حَتَّىٰ إِذَا بَلَغَ أَشُدَّه ُوَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْلِي فِي ذُرِّيَّتِي ۖ إِنِّي تُبْتُ إِلَيْكَ وَإِنِّي مِنَ الْمُسْلِمِينَ ﴿١٥﴾)
على:صدق الله العظيم
عمى الجنى:وربنا فى الآيه الكريمه بيوصى الإنسان على والديه يعنى أبوه وامه مش العكس أنه وصاه على ولديه يعنى أولاده
على :ليه يا عمى يا جنى
عم الجنى:لأن يا على من رحمه ربنا وفطرت ربنا اللى فطرنا عليها أن أحنا بنحن على أولادنا دايماً ويمكن ننسى أبونا وامنا ويمكن برده نغلبهم ونضايقهم ذى واحد صاحبنا كده
على:خلاص يا عمى يا جنى مش عامل كده تاني.
عمى الجنى:طيب كمل يا على اكتب قال رسول الله (صلى الله عليه وسلم) فى حق الوالدين .على انا ملاحظ انك مبتصليش على النبى لما يتذكر اسمه
على:لا بصلى عليه طبعاً بس فى سري
عمي الجني: ياعلي عطر فمك بالصلاه عليه
على:عندك حق ياعمي الجني ما اجمل سيدنا النبي. طيب هو النبى (صلى الله عليه وسلم) قال ايه فى حق أمى
عمى الجنى :هو مقلش فى حق أمك بس ياعلى دا برده قال فى حق أمى أنا كمان
على:يااااه قال فى حق أمك برده!
عمى الجنى: أصدق ايه متهزرش وركز علشان تتعلم قال رسول الله(صلى الله عليه وسلم)عندما جاءه رجل يسأله عن من أحق الناس بصحبتى يا رسول الله فقال أمك قال ثم من قال أمك قال ثم من قال أمك قال ثم من قال أبوك
على :ياااااه للدرجه دى
عمى الجنى:وربنا جعل طاعته فى طاعة الوالدين ومعصيته فى معصية الوالدين وان ربنا هيعاقب اللى يعصى والديه انه يرزقه بولد يعصيه هو كمان
على: يعنى لما أكبر ويبقى عندى أولاد هيعملوا معاى اللى باعمله مع أمى
عمى الجنى:أيوه طبعاً بس لو اتعلمت وتبعت كلام والدتك ومزعلتهاش كده تانى ربنا هايسامحك ان شاء الله
على:وابنى يعاملنى كويس يا عمى يا جنى
عمى الجنى:ان شاء الله يا على ورسولنا الكريم ليه أكتر من حديث فى الموضوع المهم ده
على:قولى وأنا أكتب زى ايه يا عم يا جنى
عمى الجنى:قال رسول الله (صلى الله عليه وسلم) "الجنه تحت أقدام الأمهات"وفى حديث آخر قال " خاب وخسر من أدرك أبواه ولم يدخلاه الجنه" يعنى ممكن ندخل الجنه اللى احنا بنسعى ليها من خلال أمنا وأبونا وهما بيحبولنا كده فهمت يا عمى الإنسى
على:فهمت يا عمى الجنى
عمى الجنى:روح بقى دلوقتى يا على لوالدتك وبكره ان شاء الله هنتعلم درس جديد وهو.........
على : وهو كيف نعمل فتى كويسه صح
عمى الجنى:آه أنا نسيت انك مفطرتش روح يا على افطر وصالح والدتك ويا رب تكون مركز معايا فى اللى أنا قولتهولك ومتكنش بتفكر فى الفته . بكره يا على هنتعلم الصلاه. الصلاه يا على اللى مرضتش تصليها قبل ما تفطر
درس جديد
الصلاة
مشهد لعلى وهو فى مكان لقائه بعمى الجنى واضعاً يده فوق عيناه
على:اما بص كده أحسن يكون حد هنا ولا هنا واتأكد ان محدش شايفنى . الحمد لله محدش شايفنى , يا عمى يا جنى يا عمى يا جنى صلى على سيدنا محمد اللهم صلى على سيدنا محمد
(فلم يظهر فيكرر فلم يظهر)
على:ايه ده هو مظهرش ليه مش أنا قلت كلمة السر هى كانت مره وعدت ولا ايه
(يرجع على وينظر الى البحر سارحاً فى عدم ظهور عمى الجنى ويكاد أن يبكى إذ بعمى الجنى يظهر وهو يقول:ـ
عمى الجنى:السلام عليكم يا على
على:ليه مظهرتش انا قلت كلمة السر كذا مره
عمى الجنى:تانى أنا قلتلك ايه
على:حاضر يا عمى الجنى وعليكم السلام ورحمة الله وبركاته مظهرتش ليه
عمى الجنى:لأنى مكنش ينفع أسيب اللى كنت معاه غير لما أخلص
على:ومين اللى كنت معاه وبتحبه قوى كده ومش عايز تزعله هو فى حد أغلى منى عندك ولا ايه
عمى الجنى:فيه وغالى عندى قوى وبحبه خالص
على:أمال ايه الكلام اللى انتا كنت بتقوله ليه _ انت ذى ابنى_ _بحبك أكتر واحد فى الدنيا دى كلها_
عمى الجنى:خلاص-خلاص أنا هاقولك مين هو هو ربنا ربنا يا على
على:وانت كنت مع ربنا بتكلمة كده عادى!
عمى الجنى:أيوه يا على وهو فيه ايه
على:أصل احنا منقدرش نوصل زيكوا كده
عمى الجنى :لا تقدر بس انت متعرفش لسه ازاى يا على
على:إذاى ! أه اذاى يا عمى الجنى قول قول
عمى الجنى:طيب طيب يا على انت تقدر تكون مع ربنا وتكلمه بالصلاه الصلاه يا على اللى انا وعدتك أعلمهالك المره اللى فاتت وهى برده اللى انت سبتها ورحت فطرت من غير ما تعملها
على:يآآآآه هى الصلاه حلوه كده للدرجه أنها تخلينى ابقى مع ربنا وأكلمه وأبقى قريب منه وأنا بسيبها وبفطر وبسيبها وبلعب وبسيبها وبنام
عمى الجنى:أيوه يا على هى الصلاه حلوه كده وتخليك قريب من ربنا وتخليك ولد صالح ومؤدب
على:علمهالى يا عم يا جنى .والنبي والنبي
عمى الجنى:ماشى يا على هاعلمهلك بس لي رجاء لما تقول حاجه تقول بالله عليك باب النبي هو نفسه قالنا كده. قال رسول لله (صلى الله عليه وسلم ):( من حلف بغير الله فقد كذب )وفى رواية أخرى فقد كفر وكفارته أن يقول لا إله إلا الله
على:لا إله الا الله أمال أقول ايه يا عمى يا جنى
عمى الجنى : قول بالله عليك بالله عليك يا على اتفقنا يا على
على:اتفقنا يا عمى يا جنى بالله عليك علمنى اذاى أصلى
عمى الجنى : قبل ما أعلمك أنا عايز أشكرك لأنك فعلاً ولد ذكى وشاطر والدرس اللى بتتعلمه بتعمله على طول من إلقاء السلام وطاعة أمك والنهارده الصلاه بس يا رب تبقى زى اللى فات، تعملها برضه على طول
على: يا عمى يا جنى أنا بحبك قوى قوى وفعلاً حاسس انك ذى والدى تمام فى حنيته ونصحه لى بالخير
عمى الجنى: وأنا كمان يا على وبس بقى علشان أنا قربت أعيط
على: لا يا عمى الجنى بالله عليك أوعى تعيط دموعك تنزل نار تحرقنا كلنا
عمى الجنى:بتهزر حضرتك القلم والكشكول فين
على: جاهز يا برنس
عمى الجنى:برنس انت بتتعلم حاجات كويسه في الدين واللي يعلمك تقوله يا برنس
على: أنا بحبك وبحب أهزر معاك ولازم أقول جاهز يا شيخنا يا جنى
عمى الجنى:حلوه يا شيخنا يا جنى ده (بصوت متمتم) نكمل الدرس أكتب يا على الوضوء
على: أصدق الصلاه يا عمي يا جنى
عمى الجنى:أنا عارف بس لازم نتوضى قبل ما نصلى كده ولا ايه
عل: صح صح يا عمي الجنى
عمى الجنى: صح صح ليه يا على
على:صح علشان ... علشان لازم
عمى الجنى: لازم ليه يا على أنا مش قلت كتاب وسنه
على: صح أصل أنا بشوف كل اللى عايز يصلى يتوضى قبلها
عمى الجنى: وانت مسألتش ليه على كده
على: طيب ليه أحنا بنتوضى الأول
عمى الجنى:علشان لازم
على:ايه ! ........ لازم
عمى الجنى:قصدى أكتب لأن ربنا أمرنا بكده وده واضح فى قوله تعالى(يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَىالْكَعْبَيْنِ ۚ وَإِنْ كُنْتُمْ جُنُبًا فَاطَّهَّرُوا ۚ وَإِنْ كُنْتُمْ مَرْضَىٰ أَوْ عَلَىٰ سَفَرٍ أَوْ جَاءَ أَحَدٌ مِنْكُمْ مِنَ الْغَائِطِ أَوْ لَامَسْتُمُ النِّسَاءَ فَلَم ْتَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ مِنْهُ ۚ مَا يُرِيدُ اللَّهُ لِيَجْعَلَ عَلَيْكُمْ مِنْ حَرَجٍ وَلَٰكِنْ يُرِيدُلِيُطَهِّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ ﴿٦﴾
وكمان رسولنا الكريم (صلى الله عليه وسلم) يقول "لا يقبل الله صلاة من أحدث حتى يتوضأ" الحديث عند مسلم
على:ياااااه وانت يا عمي يا جنى بتقول قرءان وحافظ للإمام مسلم كمان
عمى الجنى:وايه الغريب فى كده أنا مش مسلم