الـدكـتـور: اتـعـرف بيـكـي.
الـفـرخـه: زي مـا انـت شـايـف كـده.
الـدكـتـور: اللـي هـو؟..
الـفـرخـه: أنـا فـرخـه!.
الـدكـتـور: اسـمـك فـرخـه!؟.
الـفـرخـه: وبيـدلـعـونـي يـقـولـولـي يـا فـيفـي!.
الـدكـتـور: اقـدر اعـرف ايـه مـشـكـلـتـك يـا انـسـه فـيفـي؟.
الـفـرخـه: مـدام لـو سـمـحـت!.
الـدكـتـور: رغـم أنـه مـش بـايـن عـلـيـكـي خـالـص.
الـفـرخـه: لا واللـه ده انـا حـتـى عـلى وش بـيـاض!
الـدكـتـور: نـعـم؟!.
الـفـرخـه: اَبيـِض يـعـنـي.
الـدكـتـور: ايـوه تـمـام، ايـه مُـشـكـلـتـك؟.
الـفـرخـه: الـمـجـتـمـع يـا دكـتـور.
الـدكـتـور: مـالـه؟.
الـفـرخـه: مـا انـت مـش عـارف يـا دكـتـور طـبـعـاً مـن الـمـهـلـبـيـه اللـي انـت فـيـهـا، وكـل جـلـسـه مـن دول بـ شـيء وشـويـات، فـ طـبـيـعـي مـتـبـقـاش حـاسـس بـ الـكـارثـه اللـي احـنـا عـايـشـيـنـهـا!.
الـدكـتـور: .....
الـفـرخـه: زمـان كـانـت الـفـرخـه بـ عـشـريـن جـنـيـه؛ وكـانـت تـكـفـي عـيـلـه بـ حـالـهـا، ده غـيـر أن الأم كـانـت تـرمـي الـجـنـاحـات والـزور والـرجـلـيـن، وكـانـت تـشـبـع!.
الـدكـتـور: مـاشـي!، بـارضـوا فـيـن الـمـشـكـلـه؟.
الـفـرخـه: بيـضـغـطـونـا يـا دكـتـور!، بـقـولـك زمـان الـفـرخـه كـانـت بـ عـشـريـن جـنـيـه!، وكـانـت بـتـبـقـى مـلـيـانـه، تـخـيـل انـا دلـوقـتـي هـتـبـاع بـ ٢٠٠ج، وحـضـرتـك افـتـركـتـنـي انـسـه! شـوفـت بـقـى؟.
الـدكـتـور: مـكـانـش بـايـن عـلـيـكـي خـالـص والـلـه.
الـفـرخـه: مـيـرسـي يـا دكـتـور ده مـن زوقـك واللـه.
الـدكـتـور: كـمـلـي.
الـفـرخـه: بـيـحـقـنـونـا هـوى عـشـان نـتـخـن زي حـقـن الـچـيـم اللـي بـتـطـلـع عـضـلات دي!.
الـدكـتـور: اهـا.
الـفـرخـه: ولـمـا تـشـتـريـنـا سـت الـبـيـت وتـحـطـنـا فـي الـمـيـاه عـشـان نـتـسـلـق نـقـوم نِـفـسّـي!.
الـدكـتـور: ايـه الـقـرف ده!!؟.
الـفـرخـه: أنـا أقـصـد بـنـطـلـع الـهـوى اللـي اتـحـقـنـا بـيـه يـعـنـي!، انـت فـكـرك راح لـ بـعـيـد لـيـه كـده!؟.
الـدكـتـور: سـوري مـعـلـش!، كملي.
الـفـرخـه: الـبـيـضـه مـن كـام شـهـر كـانـت بـ اربـعـه جـنـيـه ونـص، فـجـأه غـلـيـت دلـوقـتـي بـقـت بـ سـتـه جـنـيـه ونـص.
الـدكـتـور: لـيـه إن شـاء اللـه؟!، لـمـا نـسـلـقـهـا هـتـفـقـس فـرخـه ولا ايـه!!؟.
الـفـرخـه: اديـك انـت قـولـت، وبـعـد امـا نـتـدبـح؛ يـقـوم الـفـرارجـي يـنـتـف ريـشـنـا، ويـسـيـبـنـي بـ اللـحـم بـس، وانـا بـتـكـسـف!.
الـدكـتـور: انـتـي مـحـسـسـانـي انـه مـن الـمـحـرمـات وحـرام تـتـكـشـفـي عـلـى فرارجيه يـعـنـي ده انـتـي فـرخـه!.
الـفـرخـه: حـتـى لـو مـش مـن الـمـحـرمـات، فـ عـيـب وبـيـبـقـى احـسـاس صـعـب، تـخـيـل حـد يـمـسـكـك ويـنـتـف ريـشـك!.
الـدكـتـور: أنـا مـعـنـديـش ريـش.
الـفـرخـه: تـخـيـل حـد يـمـسـكـك ويـنـتـف شـعـرك!.
الـدكـتـور: ايـه قـلـة الأدب دي!!؟.
الـفـرخـه: انـت دمـاغـك بـتـروح لأمـاكـن!.
الـدكـتـور: انـتـوا لـمـا بـتـتـنـتـفـوا مـبـتـبـقـوش حـاسـيـن عـشـان بـتـبـقـوا مـوتـوا!.
الـفـرخـه: مـاشـي بـس بـارضـوا احـسـاس وحـش، تـخـيـل وانـت روح وبـتـتـفـرج عـلـى حـد وهـو بـيـعـذبـك وبـيـنـتـفـك!.
الـدكـتـور: أنـا مـش فـاهـم ايـه نـوع الـعـذاب لـمـا حـد يـنـتـفـنـي بـصـراحـه!! .. بـس مـاشـي كـمـلـي!.
الـفـرخـه: رمـوا الـجـنـاحـات والـزور والـرجـول، وعـمـلـوا مـنـنـا؛ بـانـيـه، وشـاورمـا، وفـاهـيـتـا ووراك مـقـلـيـه .. انـت تـرضـى يـتـعـمـل مـن وراكـك وراك مـقـلـيـه!؟.
الـدكـتـور: انـتـي لـو شـوفـتـي وراكـي هـتـرمـيـهـا مـع الـزور والـجـنـاحـات، مـا عـلـيـنـا عـشـان الـمـوضـوع ده بـيـضـايـقـنـي جـامـد!، كـمـلـي.
الـفـرخـه: انـت عـارف دي الـمـره الـكـام اللـي ابـيـض فـيـهـا؟.
الـدكـتـور: كـام؟.
الـفـرخـه: الـتـالـتـه!.
الـدكـتـور: ايـه!!؟.
الـفـرخـه: وكـل امـا ابـيـض يـسـتـنـونـي ارقـد عـ الـبـيـض فـتـره، وبـعـديـن يـقـومـوا شـايـلـيـن مـن تـحـتـي الـبـيـض ويـاخـدوه يـبـيـعـوه ويـدخـلـونـي الـقـفـص، أنـا عـايـزه اقـولـك يـا دكـتـور أنـا مـعـايـا فـرخـتـيـن فـي نـفـس الـقـفـص؛ سـمـعـت مـنـهـم حـكـايـات تـقـولـش دخـلـت سـجـن الـنـسـا؟.
الـدكـتـور: بـتـاع نـيـلـلـي كـريـم وكـامـلـه ابـو ذكـري؟ شـوفـتـه حـلـو.
الـفـرخـه: لأ مـش بـتـاع نـيـلـلـي كـريـم وكـامـلـه ابـو ذكـري، بـتـاع سـامـيـه بـودر و سـونـيـا إيـئـيـح!.
الـدكـتـور: انـتـي عـرفـتـي الـكـلام ده مـنـيـن؟!، انـتـي عـرفـتـي أصـلاً الـفـرخـه لـمـا بـتـدبـح بـيـبـقـى احـسـاسـهـا ايـه وهـي بـتـتـنـتـف ازاي!!؟، انـا حـاسـس انـك اتـدبـحـتـي قـبـل كـده!!؟.
الـفـرخـه: مـا أنـا اتـدبـحـت قـبـل كـده فـعـلاً مـرتـيـن!!؟.
الـدكـتـور: واللـه!؟، وكـنـتـي بـتـتـدبـحـي امـتـى بـقـى!!؟.
الـفـرخـه: بـعـد مـا بـبـيـض، ودي الـمـره الـتالـتـه.
الـنـهـايـه..
تــابـــعـــوا قــنــاة الــواتــســاب عــشـان تــعــرفــوا كــل جــديــد فــي عــالــم الــروايــات والــكــومــيـك
بــاي بــاي مــع الــســلامــه مــع الــســلامــه مــع الــســلامــه ســلام ســلام ســلام 👋🏻👋🏻👋🏻
https://whatsapp.com/channel/0029VapQy8fHwXbKxkbn4D0V