- الكلوت
تعالو احكلو حكايتي اللى عارفينها كلكو بس عاملين نفسكم مش واخدين بالكم
نبدا منيييين ؟؟؟؟؟؟؟؟ بقول نبدا من البداية خالص من ساعة ما المكنة اللى اللهي تتشك فدبوسها زي ما شكشكتني منها لله وعملتني الكلوت اللى كلكم عارفينه
كان وشي مرسوم عليه كابتن امريكا كنت في غاية الانبساط وانا محطوط فكيس شيك وفي محل جميل مكتنش بسال انا هنا ليه وبعمل ايه حياة الاطفال الجميلة
فجاة وبدون مقدمات يجي سامح المحل ويقولو عايز دا وبيشاور عليا
قولت لنفسي ساعتها يااااه انا مهم قوي كدا انا الوحيد من كل اصحابي اللى اختارني كنت فخور جدا بنفسي وقولت اكيد دا هيبقى صديق يجنن ومن كتر فرحتي مودعتش حد .
روحت معاه على البيت وانا لحد اللحظة دي مش عارف هو هيعمل بيا ايه وايه هيكون دوري معاه لحد ملاقيته واخدني وداخل الحمام .
احية هو بيعمل ايه !!!!! وليه واخدني وهو بيستحمي !!!!! ثواني كدا هو الكلوت اللي مرسوم على وشه سبايدر مان كان بيعمل ايه جوة !!!!! وماله باين عليه التعب والارهاق كدا ليه ؟! ندهته راح رافع عينه وابتسم ابتسامة صفره وقالى يااااااااه اخيرا جيت وراح واقع معرفش مات واللا اغمي عليه .
قعد ياخد الدش بتاعة وانا كلي استغراب وترقب لحد ما لقيتة شدني من على الشماعة مطني جامد لحد ما طقطقلي عضم الاستك وببص لاقيته بيرفع رجله وعايز يحطها فيا وانا اقولو كلو اللا الشرف يا بيه انا كلوت اه بس راجل اوي
ببص لاقيته بيرفعني لفوق
وانا اقولو احا احا كلو اللا كدا
وساعتها بس اتكسرت عيني وعرفت هو جابني معاه ليه وهو عايز مني ايه بالظبط .
بعد فترة قصيرة اوطويلة من الصدمة والذهول
فوقت وبما اني مافيش بايدي حاجة اعملها قولت اعمل بمثل معرفش سمعته فين قبل كدا بيقول اذا لم تستطع ان تقاوم فاستمتع فقررت استمتع واعيش حياتي عادي مانا لاول ولا اخر كلوت يحصل فيه كدا.
لحد ما في لحظة لقيت شد جامد فى عضلات القماش الخلفي لضهري بعد ما سامح كان قاعد ومرة واحدة ميل نفسه لاقدام شوية وابتديت احس بارتفاع فى درجة الحرارة في نص الضهر بالظبط وفجاءة طلع صوت انفجارات وانبعاثات لقنابل اعتقد بانها كيماوية لولا اني كنت لسا شباب وعضلات قماش ضهري لسا بخير كانت هتفشخ ضهري كله ولكن سابتلي علامة مدورة من اثر حرق القنابل الكيماوية مختفتش من ضهري ابدا.
ومع الوقت ابتديت اتعود على القنابل ولسعاتها لحد ما ضهري نحس بس ظهرتلي مشكلة تانية خالص وهي اني مبقتش طايق ريحتي مابين ريحة القنابل اللى مش عايزة تخرج مني ومبين ريحة العرق اللي مضطر اني اشربه
اللي اعرفة ان الواحد ياكل من عرق جبينة انما انا يدوب بشرب وكمان مش من عرقي دا عرقه هو وياريت كان جبينه دي حجات اوسخ بكتير حسبي الله ونعم الوكيل.
وكنت مستني ان سامح افندي يخليني اخد شاور عشان انضف شوية انما ابدا قولت اجبله تسلخات يمكن ياخد باله لكن ولا الهوا.
وفي ليلة من الليالى الاقيه قال ايه جايب ابو فاس وبيدهن تسلخاته
هو انا ناقص روايح يا حبيبي هو في حد مسلطك عليا غير اصلا لابو فاس ولا ام كوريك هيعملك حاجة انت محتاج تقلعني عشان عفانتك هي اللى جايبلاك التسلخات
غير ايه ابو فاس اللى انت بتدهنه للتسلخات دا اسمة لواحدة مش يجيب تسلخات دا يجيب بواسير .
كنت فاكر ان دا اخر العذاب لكن طلع اني تقريبا كنت في نعيم .ودا لما اخيرا سامح باشا حب ينضف وبدال مكنت هاخد شاور خدو هو ورماني في مقلب زبالة كبير بسور عالى ولا سجن ابو غريب اللي عرفته ان اسمه سبت الغسيل واللي خلي حياتي تتغير 180 درجة .
اول مدخلت لاقيت المحترم كلوت راندا هانم بيبعد وبيقولهم ابعدو البتاع ده عني دا جربان وهيعدينا .طبعا الخياطة ضربت فنفوخي ومقدرتش استحمل رحت مديهمله
وقايله :- متلم نفسك يابو قماش شيفون يا كلوت سبعة ياللي المصنع بتاعك فتح بمتر قماش واتبقي نصه انت مش شامم الريحة اللي طالعة منكم دانا بالنسبالكم سوفاج اوريجنال .
كلوت راندا : فعلا سوفاج ومعفن وريحتك يقرف منها الدبان وايه اللى في ضهرك دا علم اليابان.
راح داخل كلوت احمد سامح خلاص يا جماعة هدو نفسكم شوية داحنا فالاخر كلنا كلوتات وولاد فتلة واحدة .
كلوت راندا : انتو هاتسووني انا بيكم يا شوية اوباش هاتساوو فيكتوريا سيكرت بالامبراطور.
كلوت احمد : يابني مش هتتعظ بقى وتبطل عنطظة فارغة مش شايف مستقبلك مركون اهو الناحية التانية يائس لوحده. بنشوفة مرة واحدة كل شهر وبيبقي طالع عينه ومبهدل واهو كان فيكتوريا سيكرت زيك. وكان متعنطظ اكتر منك دا كان بيتريق على الشاور جيل . وانت ياعم كابتن امريكا لم الدور انت لسا جديد هنا . غير كلنا هنا ملطوطين عندك انا اهو كل يوم الواد احمد يصحيني من احلي نومة على نافورة بتحرق اللى خلفوني بتجبلي انا تسلخات دانا جالى تهتك في عضلة خايطة الحجر انا قربت ادوب.
كلوت سامح : ياعم هو انت مش شايف بيقول ايه هو انا هلاقيها منه واللا من سامح المعفن انت مش عارف هو عمل فيا ايه !
كلوت احمد : لا ماحنا شامين غير انت مش اول واحد مافي قبلك كتير وكلهم فالاول كانو زيك .
كلوت سامح : ايه دا هو كان في قبلي كتيييير !
كلوت احمد : ياما يا خويا اخرهم عم سبايدر
كلوت سامح : اه صحيح انا فعلا شوفته اول يوم جيت فيه هنا هو راح فين ؟
كلوت احمد : ابدا ياسيدى عقبال امالتك طلع معاش وخدوه على غرفة تكريم المعاشات اللى هناك دي .
كلوت سامح : وايه اللى بيحصل فيها .
كلوت احمد : محدش يعرف بس كل اللى بيروح هناك مبيجيش السجن تاني قصدي السبت يعني مافيش بهدلة يعني الجنه ونعيمها يابو الكباتن دا في اشاعة بتقول انهم بيحطونا في برواز كبير وبيكتبو تاريخ بداية ونهاية الخدمة وشهادة شكر وتقدير.
كلوت سامح : ياريت اليوم دا يجي بسرعة عشان خلاص مش طايق اللى اسمه سامح دا
كلوت راندا : ياريت عشان نخلص بقى
في نفس اللحظة دخلت راندا وشدت السبت ببطئ سببتلنا زلزال
كلوت احمد : يا ساتر يارب استرها علينا يارب
كلوت سامح بفزع : هو في ايه ؟
كلوت احمد : هوووف الحمد لله خدت الابيض بس
كلوت سامح : هم راحو فين ؟
كلوت راندا : خدتهم بعيد عنكم عشان تغسلهم وينضفو عشان لو خدتكم هتوسخهم يا معفنين
كلوت سامح : بقولك ايه انا مش هفضل ساكت كتير بس قولي يا انضف اخواتك انت هي ماخدتكش مع الجماعة النضاف ليه واللا لايكونش كلنا فى الهوا سوا ياجميل
كلوت راندا : لا يابو استك طويل انا مش معاهم عشان بس لوني احمر الدور والباقي علي اللي لونه ابيض وماراحش
كلوت سامح : تصدق صح انا فعلا بشبه عليك من ساعة ما شوفتك افتكرت دلوقتي انت شبه مين
كلوت راندا : لا عارف لون الورد البلدي
كلوت سامح : لا طيظ القرد يا روح امك
كلوت احمد : خلاص بقى يا جماعة مش هفضل كل شوية اسلك مابينكم
كلوت سامح : ماشي يا سيدي قولي بقى ايه موضوع الغسيل دا
كلوت احمد : شوية وهتكتشف لوحدك
بعد فترة قصيرة دخلت راندا سحبت السبت المرة دي واخدتنا كلنا على الغسالة وبالنسبالي كانت مدينة ملاهي مجرد ما دخلت فضلت تلف بينا فرهدت اللى خلفونا بس اهون عليا بمليون مرة من سامح
ومرت الايام على نفس النظام سامح يطلع عيني لحد ماروح السبت اتخانق انا وكلوت راندا وكلوت احمد يحجز بينا وهكذا الى ان حصل موقف اللهم لا شماتة
كلوت راندا بقى اسمه كلوت راندا القديم وجالنا واحد جديد وسبحان مغير الاحوال يا اخي
كلوت راندا الجديد طلع على القديم كل اللى كان بيعملو فينا ومرة واحد لاقينا القديم مركون بعيد ومبقناش نشوفه الا كل شهر مرة زي اللي قبله بعد ما اللى قبله طلع معاش وراح غرفة التكريم
ومع الوقت خلاص كلوت احمد داب وابتدت يحصلو جروح عميقة واللى بتوحي بانه اكيد قرب يخرج من الخدمة
ومفيش وقت كتير اللا وكنا بنودعة وهو خارج فايد راندا ورايح غرفة التكريم
وبقيت انا القديم بقيت انا اللى استقبل الاعضاء الجداد بالسبت وعرفهم الغسيل وغرفة التكريم بقيت انا كلوت احمد بس بان عليا السن وبقيت انا كمان قربت اطلع معاش
ومكدبش عليكم انا كنت هموت واطلع معاش عشان اهرب من طيز امه اللى قرفاني دي .
لحد مافيوم صحيت على وجع جامد قوي حصلي بسبب ظهور جرح عميق في خياطة الحجر مبقتش عارف افرح اني خلاص هطلع معاش واللا اعيط من كتر الالم.
بس المفاجئة ان سامح مطلعنيش معاش وانا اقولو يا باشا انا في حجات كنت بداريهالك مبقتش عارف طب لابسني ليه طيب مانا وجودي زي عدمة .
فين وفين لما الجرح اتمدد من الاستك للاستك قرر انه يحطني فالسبت
وفي وسط التهاني والمباركات من الجميع جاءت اخيرا اللحظة المنتظرة لحظة التكريم جت راندا تتمختر عشان بس تكرمني وتشكرني لخدمتي الفترة دي كلها
ووالاقيها تنده لسامح وتقوله ايه يابني دا انت كنت لابسه ازاي دا
سامح : دا اندر زبالة وخامته معفة انا مش هجيب من المكان دا تاني دا مكملش معايا شهرين
انا سمعت الجملة دي واتصدمت بقى انا بعد كل اللى استحملته معاك دا وفي الاخر العيب فيا انا اللى معفن يا اله العفانة عند القدماء المصريين .
وبعدين لاقيتها بتقوله خلاص بقى انا هاخده على المطبخ
احية مطبخ ايه اللى هروحو انا عايز غرفة التكريم زي الكلوتات القداما
ولكن لاقيتها راحة فعلا لغرفة التكريم بس لما فتحت النور كانت صدمة عمري كنت كنت واقف مصدوم بكلم نفسي
فين البراويز ؟! فين شهادات التقدير ؟!
وراحت رمياني فى سبت جديد فيه بواقي الاجداد وراحت شداني مرة تانية عشان تنضف بيا البتوجاز واول مالمست بضهري عين من العيون واللى كانت شغالة ولعت وانا عمال اندهلها ضهري يا بنت الكالب ضهري بولع حرام عليكي فين وفين لما اخدت بالها راحد واخداني حطاني فى الحوض ومنزلة علية ماية
بس المرادي بعد كل التشوهات دي هي منشفتنيش لا حطتني فاخر سبت فحياتي
سبت الزبالة وانا دلوقتي بكتبلكو من جوا السبت معرفش الرسالة هتوصلكو واللا لا ولا اعرف خلصت قصتي واللا لسا في حد تاني ناوي يستغلني .