وبعد ان قضى ابطالنا يوم ممتع وتبادل من هنا وصالح وتبادل كل من حنين وعدي النظرات وااا طرقات على الباب
ايهاب: ازيك يا مرمر عامله ايه
ميرا: بخير الحمدلله انت عامل ايه
ايهاب: الا قوليلى مين الجماعه اللى كانوا عندكوا دول
ميرا: دول صحاب حنين
ايهاب: والشاب ده برضو
ميرا: اه ليه كل الاسئله ديه وبعدين واقف هنا ليه متيجى اشرب حاجه
ايهاب وعينيه تبحث عنها: تمام
ولحظات وقد خرجت حنين من غرفتها وفجأه
حنين: بسم الله الرحمن الرحيم انت بتعمل ايه هنا
ايهاب: بطمن عليكى يا نونه سمعت انك تعبتى امبارح
حنين بقرف: متشكرين و بعد اذن حضرتك متسألش عليا تانى
ايهاب: لا يماما هسأل براحتى انا بحبك وهتجوزك ورفض تانى هندمك على عمرك واخليكى كده تترجينى وساعتها هرميكى زي الكلبه
حنين: مش انا اللى اترمى زي الكلبه وبكره الايام توريك جود باى يا ايهاب
وذهبت لتنام وتركته
ايهاب فى نفسه: والله لاندمك على كلامك ده
وغادر المنزل
♕♕♕♕♕♕♕♕♕♕♕♕♕♕♕♕♕♕♕♕♕♕
فى الصباح كانت حنين قد قامت صلت فرضها وقرات وردها واردت ملابسها اردت شميز ازرق وبنطال جينز
وحقيبتها البيضاء وخرجت

صالح: حنين فطرتى
حنين وهى تقوم بارتداء حذائها: لا مليش نفس والله
صالح بضيق: قومى يا بت اطفحى
حنين: صدقنى مش عايزة آكل
الام: خدي الساندوتش ده وخلاص
حنين: طيب يا ماما عشان خاطرك
على: يلا عشان وصلك انزلى استنينى فى العربيه
صالح بسرعه: هوديها انا
على: ايوه ايوه الحب ولع فى الدره
صالح: اسكت يلا
ميرا: ايه ده يا ابيه انت حبيت حد
صالح: اه ان شاء الله هتقدملها قريب
ميرا: يا ترى مين
صالح: هناا
ميرا: مين البت البيئه ام لسان ديه
صالح: لا انا مسمحلكيش روحى شوفى مذاكرتك يلا
الاب: متكلمهاش كده
صالح بعصبيه: اشمعنا ديه اللى مش بتستحمل عليها كلمه يلا يا حنين عشان ميحصلش حاجه انهارده
♕♕♕♕♕♕♕♕♕♕♕♕♕♕♕♕♕♕♕♕♕♕
فى الكليه
ميرا: بس صالح مدلوق عليكى اوى يا هنا
هنا: طبعاً يا قلبى ده انا هنا وبعدين انا كمان بحبه اووى
ليان: ربنا يهنيكوا يارب فى موضوع عايزه اتكلم فيه بس لما حنين تيجي عشان اقوله مره واحده
وصلت حنين وصالح
صالح: ازيك يا هنونه
هنا بخجل: الحمدلله وانت
صالح: الحمدلله طب انا هستأذن انا محتاجين حاجه
حنين: اه متجيش تاخدنى انهارده هنروح سوا انا والبنات
صالح: تمام
وبعد ان ذهب صالح
ليان: هنروح سوا انتى بتهزرى
حنين: طبعاً لا انا عايزه ادور على شغل بعد الكليه
ليان خلاص تعالى اشتغلى عند ابيه عدي
حنين: وانا هشتغل عنده ايه يا اذكى اخواتك ده انا طب وهو بيزنس وظابط ومش بيشتغل فى الشرطه زى مبتقولى
ليان: عارفه بس انا هتوسطلك
حنين: ربنا يستر امال هنا فين
هنا وهي تكلم صالح يعيدا عنهم
هنا: انت مشيت مقعدتش يعنى وانت قولتلى انك هتقعد
صالح: مش عارف لما بشوفك بتكهرب
هنا بضحك: ايوه عشان انا مولد
صالح: لا
هنا: امال ايه
صالح: انتى نورى اللى بينورنى عشان كده لما بشوفك بتكهرب
هنا بخجل: سلا سلام
صالح: بحبك يا هنايا واغلق الهاتف
حنين وليان من خلفها ايوه عالست الرومانسيه
هنا: بسم الله الرحمن الرحيم انتو بتطلعوا منين
ليان تعالوا عايزه اقولكوا حاجه
حنين: اشجينا يا ستى
ليان: امم عايزه ابيه عدي يرجع البيت ماما نفسها تشوفه بتكلمه فون بس
هنا: طب والعمل
ليان: رحمه اختى جايه كمان شهر من تركيا وهو اكيد هييجى بس الخلافات بينه وبين بابا واحمد وابيه اياد خايفه ميجييش
حنين: ادينى لحظه استوعب اخواتك دول جم امتى اول مره اسمع عنهم
ليان: عندك حق انا مش بحب اتكلم عنهم كتير
هنا: اشمعنا ابو عضلات بس اللى بتكيلنا عليه
(اياد الجارحى عنده 27سنه اصغر من عدي بسنتين مهندس شاطر كده وشغال مع باباه فى الشركه غير انه دكتور فى الكليه اللى فيها صالح وعلى عيناه رماديه وشعره بنى كثيف وبشرته قمحيه قاسي جدا وعمره مرحم حد)
(احمد الجارحى عنده24سنه بينه وبين ليان سنه فميش بينهم احترام اصلا بيحبها بس محدش يقدر يحبها قد عدي شغال مع اياد فى الشركه وهو تقريبا ماسك اكتر المشاغل فى الشركه لديه عيون بنيه شعر بنى بشرته قمحيه و مرح برضو وبارد جدا غير انا قلبه بسكوته زي مبيقولو)
(رحمه الجارحى عندها 28سنه طيبه جدا درست الطب فى تركيا لانها حبت تدرس بره وفى البلد اللى بتحبها عيونا رمادى وبشرتها بيضاء شعرها بنى بتحب ليان جدا لدرجه انها بتعتبىها بنتها اكتر من اختها)
وبس كده خلصنا شخصيات عيله الجارحى
♕♕♕♕♕♕♕♕♕♕♕♕♕♕♕♕♕♕♕♕♕♕
فى الشركه عند عدي
كمال: انا زهقت يعم الشغل كتير انا ليا يومين مروحتش
عدي: هانت هنخلص واخدك معايا نجيب ليان واغديك ابسط ياسيدي غذا ببلاش
كمال: طالما فيها اكل هعمل اللى انت عايزه
عدي بضحك: اهم حاجه تملى بطنك معفن
كمال بنفس الهزار: انت اصلا متفهمش حاجه انت عمرك جربت قصه الحب بين البطاطس والكاتشب مثلا البيتزا وبطنى مثلا
عدي: طب اتنيل خلص قبل ممشي واسيبك
كمال: يلا بينا هخلص اهوه قوام
♕♕♕♕♕♕♕♕♕♕♕♕♕♕♕♕♕♕♕♕♕♕
فى الكليه بعد ان قصت سبب الخلاف بين عدي واخوتها
ليان: بس كده وهو ده كل اللى حصل
حنين وقد رق قلبها له: يا حرام ده عانى كتير اووى
هنا: رغم انى مش بعرف اتأثر بس اللى تظلم جامد عدي عدي اكتر واحد بباكى جه عليه
ليان: طب وارجعه البت ازاى ده
حنين بتفكير: انتى مش هتشغلينى عنده
ليان: اه
حنين: يبقى ان شاءلله محلوله
ليان يارب يا حنونه يا رب
♕♕♕♕♕♕♕♕♕♕♕♕♕♕♕♕♕♕♕♕♕♕
وبعد قليل وصل عدي ومعه كمال بالسياره وقد ركبت من ستسلب قلب كمال وكيانه
ليان: ازيك يا ابيه ازيك يا كمال
كمال بهيام: الحمدلله ازيك انتى كبرتى امتى كده انا اخر مره شوفتك كنتى بضفاير بس احلويتي والله
عدي بغيره: هي مين دي اللى احلوت يا روح امك
كمال بفزع: الضفاير كانت حلوه الضفاير
عدي: طب اظبط عشان ليلتك متبقاش سوده حاضر
ليان: ابيه كنت عايزه اقولك حاجه
عدي: قولى
ليان: حنين كانت عايز تشتغل قولتلها تشتغل عندك ينفع
عدي ببرود ومن داخله يتراقص يشعر بانه يريد ان يحتضن اخته على جميلها: مفيش مشاكل تنور بس هتيجى امتى يعنى
ليان: مش عارفه هسأله وارد عليك
عدي: لا تجيبيها بكره الشركه
تمام
وعم السكون اركان السياره
♕♕♕♕♕♕♕♕♕♕♕♕♕♕♕♕♕♕♕♕♕♕
فى السياره عند صالح
كان فى طريقه للمنزل وهائم فى بحر افكاره فى اخته التى تعانى قسوه لا تعلم سببها
وفى محبوبته التى يريد ان يمتلكها ولكن يريد ان يطمئن على اخته وفجأه.......
يا ترى ايه اللى حصل لصالح؟ ويا ترى ايهاب هيعمل ايه؟ وايه سر العداوه بين عدي واهله؟ وايه قصه ليان وكمال؟
كل ده هنعرفه الاجزاء الجايه
مع السلامه