و خلاص نروح لثاني متوسط جاني مرض الروماتيزم و لاتنسوا انو الحمى الملطية مع الحمى الروماتيزم صرت زي الجثه الميته اخذ الابرا من هينا يروح المفعول ترجع السخونه ٤٢ لدرجه ما صرت اتحرك و لا اكل و لا اشرب كله مغذي لكن بفضل الله الحمدلله اتعالجت بعد شهر الوالده كانت معايا متنومه مرافق جاني خوف لما الدكتور خبرني لانو لأول مرا اسمع فيها اركب لك القسطره و لا تقومي تمشي دورة المياة قلت له لا لا راح اقوم انا كنت احسب وقتها بيسون عملية جراحة بالقلب انا كنت غير ترا انا كنت وحده شقية و احب العب و اتسلق و الكل يحبني بالمدرسه المعلمات ماشاء الله تبارك الله اسوي اشياء حقت شباب لدرجه الوالد قال ليا انا اعتمد عليك أكثر الله يرحمه نيجي لمرضى الاخير الي غير حياتي كلها في ثالث ثانوي مرضت بالصرع على نهاية اسبوع استعداد الاختبار انا من جد من مصدقه انو الين دحين انو انا كذا حياتي انتهت بالاخير الأحلام الي كنت احلمها صار انو انا صرت المريضه بدل ما اصير الدكتوره وطبعا مازال معايا الى الان المرض و صار له حاليا 15 سنه صحيح اني أتحسنت لكن الأدوية تجيب اعراض جانبيه لي ..