عيد جوازنا بكره ومش عارفه أعمله ايه عشان اعبره عن كم المشاعر اللى مش مفهومه جوايا . قلت بينى وبين نفسي امشي اليوم زى ما يحصل بقي من غير ترتيب ولا خطه مسبقه لان دى اصلا احلى حاجه فى حياتنا ألا وهى العشوائيه 😂 كلمته في الفون وقلتله حضر نفسك عملالك مفاجأه بكره ان شاء الله.. هنسافر ياسطا ...بس كل التفاصيل مبهمه متسألش عنها ...امشي معايا وانت مغمض 🤗 قالى طب اجيب ايه لزوم السفر . قولتله متجيبش حاجه سيبها ع الله 🫣 ساعتها بما انى مكنتش مرتبه لاى حاجه فمكنتش عارفه فعلا هيجيب ايه ...مانا مش عارفه اصلا هنسافر فين ..وحالتى مبهدله ع الاخر 🙈 حضرتك الشنطه مفيهاش غير فوط وبشاكير وهدوم للبنات . بس كده ويالا يا بت اقفلى الشنطه وهيله بيله بقي رايحه فين... ولا اعرف اقسم بالله 😍 مسكت الفون وقلت الموضوع سهل وبسيط هبعت ع الجروبات واحجز بقي اى حاجه في اى حته . المهم لقيت الاسعار في الليله تبدأ بخموستماشر ألف ولازم حجز مسبق ب4 سنين وشروط خزعبليه وانا اصلا معييش فلوس ..دانا هافاجأه انه هو اللى هيدفع اصلا 🫣. فكرت في اسكندريه ..قلت دى ساعتين نكون هناك وأول ما هنروح بقي هنلاقي البحر هنط فيه ونبلبط ...نطلع نستحمى ونروح 💃💃 سهله وبسيطه بقولكم . المهم جه ونمنا متأخر ولقيته صاحيلى الساعه 5 يقولى مش يالا نقوم بقي عشان نلحق اليوم من أوله 🤔 قلتله هو انا اتكدر من اولها ولا ايه انا ملحقتش أنام وبعدين ده عيد جوازنا. وادلع من اول اليوم براحتى ..هو في حد جاى معانا ...خلاص براحتنا بقي 🤩 وخخخخخخخ ونمت . صحينا الساعه 11 ونزلنا اللهم اجعله الخير ع الضهر كده 🙉 انا كنت فاكره مش هناخد معانا حد غير بناتى . لأ .....اتصدمت ان الشمس مأنسانا طول الرحله مانا لو عندى مخ بربع جنيه كنت نزلت بدرى جريت منها قبل ما الشمس تصحى 🥺 وقولتله حلاوه اليوم النهارده هتكون إشاره لينا حياتنا دى كويسه واحنا سعداء وهنكمل في الجريمه دى ولا حياتنا مع بعض صعبه والافضل بقي كل واحد يروح لحاله ونقسم ال3 بنات بينا ....انت بنت ونص ....وانا بنت ونص 🤗حق الله اليوم بدأ بشمس حارقه وده ان دل ع شئ ده على ايه. على الحياه الملهلبه بينا 😍 طلعنا ع الصحراوى وواحده صاحبتى ربنا يباركلها قالتلى عليكى وع المعموره ...انا بقي ولا اعرف هى فين ولا نروح ازاى 🤗 وبالرغم اننا بنسافر بالعربيه كتير اسكندريه عادى جدا وحافظين الطريق .. إلا ان يوم عيد جوازنا خلانا نفقد الذاكره . والطرق الجديده كمان عملت معانا الصح وإذ بينا نمر ع الأراضي الزراعيه زراع زراع 😂 غيط غيط 🤗شفنا كل فواكه العالم من بتاع طويل شبه الشمام كده .. لحاجات مش عارفه دى أصلها ايه اصلا ...وصولا بنا للمشبك بقي 🤗 ان احنا نلاقي كلمه اسكندريه مفيش اختفت . طب باقي مش عارفه كام كيلو ع الاسكندريه مفيش مفيش احنا تقريبا مسافرين ع ليبيا 😍 وانا ابصله واقوله هى دى حياتى معاك متاهه اقسم بالله مش عارفه رايح بيا فين ...ولا اخرتى معاك ايه . نفسي ارجع لحياتى الطبيعيه 😡 وبقيت عمله زى الندابه الكهربا اللى اشتغلت بقي 🤩 لحد ما لقينا خير اللهم اجعله خير بشر طبيعيه زينا كده سألناهم ع الطريق ..... قالو ووو. يااااااااه .....دانا مشيت غلط .....ارجع تانى بضهرك واطلع الطالعه دى بوشك وشاورو بصباعهم كده على المجهول . مفيش حاجه بيشاورو عليها ... تقريبا بيشاورو ع ما وراء الشمس ..معرفش وهوب نرجع بضهرنا في مطلع دائري وكنا هنخبط في ايه بقي . في عربيه شرطه 💃💃 الظباط بصو علينا لقوه غلبان ومراته هبله جنبه عملو نفسهم مش شايفين وكستنا السوده 🙈 أنا الصراحه كان نفسي يقبضو علينا ..على الاقل هيكونو عارفين طريق القسم 🤗 رجعنا وطلعنا الطالعه التانيه اللى هى الاختيار التانى بقي 🥺 نقوم ايه ...نلاقي نفسنا عند ذات نفس المنطقه بنفس الراجل اللى شاور ع ما وراء الشمس 😂 وأنا ابصله واقوله هى دى حياتى معاك ...بنلف في دايره . ملهاش اول من اخر . اللى بنصحى فيه بنام فيه 😂 بقولكم ايه نداااااابه بالكهرباااااا المهم دخلنا اسكندريه ....وملقناش بحر . تقريبا دخلناها من قفاها 😂 عماله اسأله فين البحر ...هما شالوه وحطو كبارى يادى حظك المنيل ....يادى اليوم اللى شبه يوم فرحى ده فعلا النهارده مش عيد جواز .....لااااااااا .....دى السنويه بتاعتنا 😭 والاقي ناس رايحه المدرسه وحبه رايحين الشغل وحاجه اخر بهدله 🙉 لحد ما لقينا واحد بعربيه ملاكى معاه عيلته بيسألنا نروح ازاى المعموره 😂 اللى هو ساب العالم وماسك في التايهين بقي 🤩 احنا بقي ع مصدقنا نلاقي حد تايه زينا قلناله تعالى ورانا ندور مع بعض ع البحر اللى اختفى ده 🫣 فين كورتيشك يا اسكندريه ...فين عمارك ياختى 🙉 المهم فضلنا كده لحد العصر ....والراجل يقولنا هنتأخر ع البحر فاضلنا قد ايه 🫣 وأنا اقول لجوزى داحنا هنروح نلاقي البحر خلص ورشو مايه وقفلوه خلاص 🙉 ندب السنين ما شاء الله عليا وهو يقولى شورتك المهببه ... وعيد جواز اايه شبه يوم الفرح بالظبط هو بعينه وغباوته وشكله العكر 🥺 هيه هيه لقينا اهلا بكم في المعموره ... قابلنا راجل كده وقال الدخول ب100 بس هو انتو هتلحقو 🤔 حد يجى دلوقتي 🤔 وصعبانين عليه اووى 😔 واحنا اصلا مش فاهمين هو في ايه . هو البحر هيخلص 🤔 دخلنا ومشينا يجى نص ساعه كمان عقبال ما نلاقي البحر والحمد لله وصلنا شاطئ . الدخول ب100 ج يافندم بس هو انتو هتلحقو 🤔 حد يجى دلوقتي 🤔 وانا بقي بدأت اقلق يمكن عندهم سلعوه وهتطلع علينا بليل 🥺 قولت مبدهاش والله لأسأله في ايه ياحج ....هو احنا مش هنلحق ايه . قال الساعه دلوقتي 5 والشواطئ هنا اخرها 6 وانا وجوزى بقينا كده 😭😭🥺🥺🥺 اللى هو ازبهالال لا اندهاش لا صدمه خماسيه لا ضربه شمس مش هنلحق حتى نبلها مايه 🙉 أول ما دخلنا بشنطه السفر 👇انا 👇 بقولكم ايه قدامنا ساعه وخلاص اللى فات من عمرنا كتير لازم نستغل الساعه دى بالطول والعرض والله لنتبسط غصب عن اى حد . انتى بابت انتى وهى اقلعو وانتو واقفين مفيش وقت لدخول حمامات ...الوقت مش في صالحنا 🤸🤸 وانت انا هعملك ساتر بالبشكير زى مانت واقف غير هدومك 😂. مفيش وقت للكسوف والخسوف اللى فيك ده 😂 وانا مش هنزل اصلا لان المايه تلج ...الشمس فالحه تمشي دلوقتي بعد ما شمستنا بما فيه الكفايه . انا هقعد هنا أكل السندوتيش الجبنه اللى معانا وكيس الشبسي 😭اهو اى حاجه من ريحه المصايف . خلصت كلامى ولقيت جوزى بص لعيالى وخد حاجتهم وراحو الحمام ومسمعوش كلامى ما شاء الله 😂 قررت بقي في الساعه دى اعمل كل طقوس المصيف اشتريت زلابيه .....وعوامه لبنتى عشان خاطر نص ساعه كان نفسي الاقي البياعين رايحين جايين .بس اصلا الناس كانت بتلم حاجتها وماشيه . الا انا قاعده وقدامى شنطه السفر فتحاها ولا اللى بتهرب مخدرات 😂 وقضينا نص ساعه مبلولين بس ...ده لو هندخل ناخد دش في بيتنا هنقعد اكتر 😂 وانا عشان استغل الوقت ..قلتلهم انزلو البحر وانا هجبلكم الاكل واكلكم وانتو بتتبلو 😂😂. فاتت النص ساعه واحنا ميتين من الضحك ع اللى احنا فيه. ودى فعلا حياتنا الحقيقيه . 23 ونص ساعه في يومنا عباره عن ألم ووجع ومعاناه وضغط ونص ساعه فرح .. لكن العالم كله كان شايف انى قضيت يوم من احلى ايام حياتى بإسكندريه بنحتفل باعظم عيد جواز 🤗 وإحنا راجعين نفس المخاطر واكتر كمان لان عربيتنا بقت تعمل صوت غريب كأنها هتفجر .وكنا مرعوبين ..خصوصا اننا راجعين بليل.... بس مفيش حد هيحس بكل الصراع اللى في حياتك هما بس هيبصو ع راجل ومراته معاهم عربيه و3 بنات سافرو اسكندريه وتلاقيهم بيعيشو اسعد ايام حياتهم 😔
عيد جوازنا بكره ومش عارفه أعمله ايه عشان اعبره عن كم المشاعر اللى مش مفهومه جوايا .
قلت بينى وبين نفسي امشي اليوم زى ما يحصل بقي من غير ترتيب ولا خطه مسبقه لان دى اصلا احلى حاجه فى حياتنا ألا وهى العشوائيه 😂
كلمته في الفون وقلتله حضر نفسك عملالك مفاجأه بكره ان شاء الله.. هنسافر ياسطا ...بس كل التفاصيل مبهمه متسألش عنها ...امشي معايا وانت مغمض 🤗
قالى طب اجيب ايه لزوم السفر .
قولتله متجيبش حاجه سيبها ع الله 🫣
ساعتها بما انى مكنتش مرتبه لاى حاجه فمكنتش عارفه فعلا هيجيب ايه ...مانا مش عارفه اصلا هنسافر فين ..وحالتى مبهدله ع الاخر 🙈
حضرتك الشنطه مفيهاش غير فوط وبشاكير وهدوم للبنات .
بس كده ويالا يا بت اقفلى الشنطه وهيله بيله بقي رايحه فين...
ولا اعرف اقسم بالله 😍
مسكت الفون وقلت الموضوع سهل وبسيط هبعت ع الجروبات واحجز بقي اى حاجه في اى حته .
المهم لقيت الاسعار في الليله تبدأ بخموستماشر ألف ولازم حجز مسبق ب4 سنين وشروط خزعبليه وانا اصلا معييش فلوس ..دانا هافاجأه انه هو اللى هيدفع اصلا 🫣.
فكرت في اسكندريه ..قلت دى ساعتين نكون هناك وأول ما هنروح بقي هنلاقي البحر هنط فيه ونبلبط ...نطلع نستحمى ونروح 💃💃 سهله وبسيطه بقولكم .
المهم جه ونمنا متأخر ولقيته صاحيلى الساعه 5 يقولى مش يالا نقوم بقي عشان نلحق اليوم من أوله 🤔
قلتله هو انا اتكدر من اولها ولا ايه انا ملحقتش أنام وبعدين ده عيد جوازنا. وادلع من اول اليوم براحتى ..هو في حد جاى معانا ...خلاص براحتنا بقي 🤩 وخخخخخخخ ونمت .
صحينا الساعه 11 ونزلنا اللهم اجعله الخير ع الضهر كده 🙉
انا كنت فاكره مش هناخد معانا حد غير بناتى .
لأ .....اتصدمت
ان الشمس مأنسانا طول الرحله
مانا لو عندى مخ بربع جنيه كنت نزلت بدرى جريت منها قبل ما الشمس تصحى 🥺
وقولتله حلاوه اليوم النهارده هتكون إشاره لينا حياتنا دى كويسه واحنا سعداء وهنكمل في الجريمه دى ولا حياتنا مع بعض صعبه والافضل بقي كل واحد يروح لحاله ونقسم ال3 بنات بينا ....انت بنت ونص ....وانا بنت ونص 🤗حق الله
اليوم بدأ بشمس حارقه وده ان دل ع شئ ده على ايه.
على الحياه الملهلبه بينا 😍
طلعنا ع الصحراوى وواحده صاحبتى ربنا يباركلها قالتلى عليكى وع المعموره ...انا بقي ولا اعرف هى فين ولا نروح ازاى 🤗
وبالرغم اننا بنسافر بالعربيه كتير اسكندريه عادى جدا وحافظين الطريق ..
إلا ان يوم عيد جوازنا خلانا نفقد الذاكره .
والطرق الجديده كمان عملت معانا الصح وإذ بينا نمر ع الأراضي الزراعيه زراع زراع 😂 غيط غيط 🤗شفنا كل فواكه العالم من بتاع طويل شبه الشمام كده .. لحاجات مش عارفه دى أصلها ايه اصلا ...وصولا بنا للمشبك بقي 🤗
ان احنا نلاقي كلمه اسكندريه مفيش اختفت .
طب باقي مش عارفه كام كيلو ع الاسكندريه
مفيش
احنا تقريبا مسافرين ع ليبيا 😍
وانا ابصله واقوله هى دى حياتى معاك
متاهه اقسم بالله
مش عارفه رايح بيا فين ...ولا اخرتى معاك ايه .
نفسي ارجع لحياتى الطبيعيه 😡
وبقيت عمله زى الندابه الكهربا اللى اشتغلت بقي 🤩
لحد ما لقينا خير اللهم اجعله خير بشر طبيعيه زينا كده سألناهم ع الطريق .....
قالو ووو. يااااااااه .....دانا مشيت غلط .....ارجع تانى بضهرك واطلع الطالعه دى بوشك وشاورو بصباعهم كده على المجهول .
مفيش حاجه بيشاورو عليها ... تقريبا بيشاورو ع ما وراء الشمس ..معرفش
وهوب نرجع بضهرنا في مطلع دائري وكنا هنخبط في ايه بقي .
في عربيه شرطه 💃💃
الظباط بصو علينا لقوه غلبان ومراته هبله جنبه عملو نفسهم مش شايفين وكستنا السوده 🙈
أنا الصراحه كان نفسي يقبضو علينا ..على الاقل هيكونو عارفين طريق القسم 🤗
رجعنا وطلعنا الطالعه التانيه اللى هى الاختيار التانى بقي 🥺 نقوم ايه ...نلاقي نفسنا عند ذات نفس المنطقه بنفس الراجل اللى شاور ع ما وراء الشمس 😂
وأنا ابصله واقوله
هى دى حياتى معاك ...بنلف في دايره . ملهاش اول من اخر . اللى بنصحى فيه بنام فيه 😂
بقولكم ايه نداااااابه بالكهرباااااا
المهم دخلنا اسكندريه ....وملقناش بحر .
تقريبا دخلناها من قفاها 😂
عماله اسأله فين البحر ...هما شالوه وحطو كبارى
يادى حظك المنيل ....يادى اليوم اللى شبه يوم فرحى ده
فعلا النهارده مش عيد جواز .....لااااااااا .....دى السنويه بتاعتنا 😭
والاقي ناس رايحه المدرسه وحبه رايحين الشغل وحاجه اخر بهدله 🙉
لحد ما لقينا واحد بعربيه ملاكى معاه عيلته بيسألنا نروح ازاى المعموره 😂
اللى هو ساب العالم وماسك في التايهين بقي 🤩
احنا بقي ع مصدقنا نلاقي حد تايه زينا قلناله تعالى ورانا ندور مع بعض ع البحر اللى اختفى ده 🫣
فين كورتيشك يا اسكندريه ...فين عمارك ياختى 🙉
المهم فضلنا كده لحد العصر ....والراجل يقولنا هنتأخر ع البحر فاضلنا قد ايه 🫣
وأنا اقول لجوزى داحنا هنروح نلاقي البحر خلص ورشو مايه وقفلوه خلاص 🙉 ندب السنين ما شاء الله عليا
وهو يقولى شورتك المهببه ...
وعيد جواز اايه شبه يوم الفرح بالظبط
هو بعينه وغباوته وشكله العكر 🥺
هيه هيه لقينا اهلا بكم في المعموره ...
قابلنا راجل كده وقال الدخول ب100 بس هو انتو هتلحقو 🤔
حد يجى دلوقتي 🤔 وصعبانين عليه اووى 😔
واحنا اصلا مش فاهمين هو في ايه .
هو البحر هيخلص 🤔
دخلنا ومشينا يجى نص ساعه كمان عقبال ما نلاقي البحر والحمد لله وصلنا شاطئ .
الدخول ب100 ج يافندم
بس هو انتو هتلحقو 🤔
حد يجى دلوقتي 🤔
وانا بقي بدأت اقلق يمكن عندهم سلعوه وهتطلع علينا بليل 🥺
قولت مبدهاش والله لأسأله
في ايه ياحج ....هو احنا مش هنلحق ايه .
قال الساعه دلوقتي 5 والشواطئ هنا اخرها 6
وانا وجوزى بقينا كده 😭😭🥺🥺🥺
اللى هو ازبهالال لا اندهاش لا صدمه خماسيه لا ضربه شمس مش هنلحق حتى نبلها مايه 🙉
أول ما دخلنا بشنطه السفر 👇انا 👇
بقولكم ايه قدامنا ساعه وخلاص اللى فات من عمرنا كتير لازم نستغل الساعه دى بالطول والعرض والله لنتبسط غصب عن اى حد .
انتى بابت انتى وهى اقلعو وانتو واقفين مفيش وقت لدخول حمامات ...الوقت مش في صالحنا 🤸🤸
وانت انا هعملك ساتر بالبشكير زى مانت واقف غير هدومك 😂.
مفيش وقت للكسوف والخسوف اللى فيك ده 😂
وانا مش هنزل اصلا لان المايه تلج ...الشمس فالحه تمشي دلوقتي بعد ما شمستنا بما فيه الكفايه .
انا هقعد هنا أكل السندوتيش الجبنه اللى معانا وكيس الشبسي 😭اهو اى حاجه من ريحه المصايف .
خلصت كلامى ولقيت جوزى بص لعيالى وخد حاجتهم وراحو الحمام ومسمعوش كلامى ما شاء الله 😂
قررت بقي في الساعه دى اعمل كل طقوس المصيف
اشتريت زلابيه .....وعوامه لبنتى عشان خاطر نص ساعه
كان نفسي الاقي البياعين رايحين جايين .بس اصلا الناس كانت بتلم حاجتها وماشيه .
الا انا قاعده وقدامى شنطه السفر فتحاها ولا اللى بتهرب مخدرات 😂
وقضينا نص ساعه مبلولين بس ...ده لو هندخل ناخد دش في بيتنا هنقعد اكتر 😂
وانا عشان استغل الوقت ..قلتلهم انزلو البحر وانا هجبلكم الاكل واكلكم وانتو بتتبلو 😂😂.
فاتت النص ساعه واحنا ميتين من الضحك ع اللى احنا فيه.
ودى فعلا حياتنا الحقيقيه .
23 ونص ساعه في يومنا عباره عن ألم ووجع ومعاناه وضغط ونص ساعه فرح ..
لكن العالم كله كان شايف انى قضيت يوم من احلى ايام حياتى بإسكندريه بنحتفل باعظم عيد جواز 🤗
وإحنا راجعين نفس المخاطر واكتر كمان لان عربيتنا بقت تعمل صوت غريب كأنها هتفجر .وكنا مرعوبين ..خصوصا اننا راجعين بليل....
بس مفيش حد هيحس بكل الصراع اللى في حياتك
هما بس هيبصو ع
راجل ومراته معاهم عربيه و3 بنات سافرو اسكندريه وتلاقيهم بيعيشو اسعد ايام حياتهم 😔