طموحي هو تحقيق العدل والعدالة..
أنا أحلام، بحب اسمي جدا لأنه بيوصف جموحي اللي ملهوش حدود، رغم صغر سني لكني حققت احلام كتيرة و وصلت في شغلي لمستوى ناس اكبر مني بكتير مش بيقدر يحققها
المحاماة…
مهنة الفارس الشجاع اللي دورة يدافع عن المظلوم ويظهر برائته ويرجع الحق لأصحابه..
عايشة مع والدي وبحبه جدا و ملهوش غيري ولا ليا غيره بعد وفاة ماما..
حياتي كانت ماشية زي الساعة مفيهاش وقت للعواطف ولا لعب و هزار لازم أحقق حلمي الكبير اني ابقى اكبر وأشهر محامية في البلد..
صحيت من نومي بدري كالعادة صليت و غيرت هدومي وحضرت لبابا فطاره ودخلت له اوضته أصبح عليه قبل ما أنزل
- صباح الخير يا سي بابا
- صباح الخير يا حلومتي
- قلب حلومتك، اخدت علاجك ولا لسه
- لسه والله كنت لسه هاخده
- ايوه منا عارفه..
- اتفضل يا استاذ خد الحباية اهيه، و أدي كمان المياة
- ربنا يخليكي ليا يابنتي، وميحرمنيش منك ابدا..
- ولا منك يا اجمل بابا..
- بس ايه الحلاوة دي كلها؟! وراك راندفو ولا أيه
- ايوه راندفو في المحكمة..
- ياما نفسي افرح بيكي و اشيل عيالك
- يا بابا جواز ايه بس، ماتفرح لي وانا اعظم محامية، او وانا بتكرم على حاجة كبيرة
- هو الفرح جواز و بس؟
- وماله تبقى اعظم محامية، و أشيل برضة عيالك
- لا بقلك ايه يا سي " فوزي" أنا متأخرة ومعنديش وقت أترافع قدامك عن أحلام المرأة، هطلب التأجيل لحين سماع الشهود، فطارك على السفرة افطر كويس.
- وانتي خدي بالك من نفسك
نزلت على مكتبي، مش بعيد عن بيتنا عشر دقايق بالعربية ، دخلت مكتبي وصبحت على يسر، هي بنت لسه متخرجة من حقوق ومجتهدة جدا، بتفكرني بنفسي اول ماتخرجت
- حمدالله علي السلامة يا استاذه أحلام..
- الله يسلمك يا يُسر.. وميت مره قولتلك مفيش استاذة.. "يسر" انتي اختي مش صحبتي يا بت
- ده شرف كبير ليا، وأنا والله بحبك كأنك اختي تمام
- خلاص يبقى نخلى الرسميات قدام العملاء وبس، ها عندنا إيه النهارده؟!
- بصى في" 3 قضايا بجهز لك اوراقهم ، و ميعاد جلسة احمد الخولي النهارده..
- ربنا يقدرني على قضيتك ياأحمد
- فعلا القضية صعبة جدا
- عيب عليكي ان شاء الله هجيب له البرائة
- طيب نقول حكم مخفف
- لا براءة لأنه فعلا مقتلش
- ربنا يقوكي، بس يا أحلام في سؤال (ليه دايما بتاخدي القضايا الصعبة اللي بيرفضها أغلب المكاتب لانها خسرانه، وكمان بيبقي في قضايا بتخلصيها من غير مقابل مادي وانتي محامية كبيرة وليكي اسمك)
- بصي انا مش باخد غير القضية اللي صاحبها مظلوم وبريء مهما كانت صعبة ربك بيعني عليها، و بيبقي في قواضي بدون مقابل مادي للناس الغلابه يا يسر.. اللي كنت ف يوم من الأيام منهم، ولما اشوف أي حد محتاج مساعدة وانا اقدر بساعده من غير تفكير.. يلا بقى علشان يا دوب نلحق نوصل.. هاتي الأوراق بتاغة القضية .
بعد وصولنا للمحكمة دخلنا القاعة المزحومة، احمد كان واقف في القفص خايف وبيبصلي علشان اطمنه وبعد دقايق دخل القاضي و المستشارين و بدأت الجلسة بسماع الشهود ومرافعة النيابة، وجه وقت مرافعتي
- سيدي الرئيس حضرات الساده المستشارين: طبعا زي ما حضراتكم عارفين إن المتهم الوحيد قدامنا هو(احمد الخولي) حسب الكلام اللي تفضل وكيل النيابة وقاله، واللي طالب بتطبق اقصى العقوبة علي المتهم بتهمة السرقة والقتل. لكن هل اللي قاله وكيل النيابة هو الحقيقة كامله!! ولا لسه في ملابسات لم تكشف في القضية وقبل ما حد يفهمني غلط اسمحولي اعيد صياغة السؤال تاني هل التحريات التي قامت بها المباحث اثبتت وبالدليل القاطع إن احمد الخولي هو مرتكب الجريمة؟
- النيابة ترى إن وجود بصمات المتهم علي أداة الجريمة يعد دليلا كافيا..
- جايز لكن (احمد الخولي) حسب نص التحقيقات اكد واكتر من مره انه مكنش موجود في منطقة الرحاب اللي تمت فيها الجريمة، وانه كان موجود في مدينة نصر قدام محل لعب اطفال معروف.. كان بيحاول يشتري لعبه لبنته، مش برضو الكلام ده متسجل فنص التحقيقات!
- إن إدعاء المتهم لا ينفي وجود بصماته على اداة الجريمة، ده بالإضافة انه لم يستطع أثبات مكان وجوده وقت وقوع الجريمة ..ولا يوجد دليل يؤكد صحة وجوده في مدينة نصر حسب ما يدعي
- ويا ترى حضرتك تأكدت من المعلومة دي!؟
- يا سيادة الريس المتهم عجز عن انه يثبت صحة اقواله في الجزئية دي، ومحل اللعب اللي بيدعي انه راح وقف عنده، النيابة قامت باستعداء عاملين فيه وسؤالهم ومواجهتهم بالمتهم، ولم يتعرف أيا منهم عليه.
- وهو العادي إن اللي شغالين ف المحل يقدروا يفتكروا شكل كل زبون بيدخل عندهم المحل كل يوم والساعة كام ؟! ثم إن موكلي اكد وكذا مره انه مدخلش جوا المحل ده اصلا لأنه تفاجئ بالأسعار اللي على اللعب في البترينة
- يبقي خلاص يا استاذه نصدق المتهم ونكذب صحة الأدلة اللي موجوده تحت ايدينا!!
- لا طبعا بس الفرق بيني وبينك اني اعتبرت احمد بريئ لحد ما تثبت إدانته، بالنسبالك القضية كانت سهلة، المتهم عنده سوابق فالسرقة، و أداة جريمة عليها بصامته.. قضيه مضمونه مش محتاجه وجع دماغ.. لكن بالنسبالي انا الموضوع كان مختلف عشان كده انا عملت اللي حضرتك والمباحث كنتوا تعملوه. حاولت أتأكد من صحة اقوال موكلي عشان اقدر اثبت براءته ووصلت للدليل...
- واي هو بقى الدليل؟!
- حسب شهادة الشهود و الطب الشرعي ان وقت وقوع الجريمة كان الساعة التاسعة والمسافة بين مكان وقوع الجريمة ومدينة نصر بتاخد أكتر من ساعة بالعربية وفي الليلة دي كان فس تكدس مرورى كلنا سمعنا عنه بسبب الحادثة الكبيرة اللي كانت عليه.. يعني علشان يوصل حد من مدينة نصر قدامه ولا تلت ساعات ، محل الالعاب اللي موكلي وقف قدامه، في وشه بنك وطبعا حاطت كاميرات مراقبة قدام البوابة بتاعته بتصور المدخل وكمان بتصور مدخل لمحل بتاع اللعب ولما خاطبت البنك قدرت اخد منهم تسجيل لكاميرات المراقبة ليلة وقوع الجريمة، وتقدر سيادتك تشوف بنفسك الفيدو ده على تلفوني وتقدر تتأكد من الوقت والتاريخ الموجودين علي التسجيل، إلي بيؤكد وجود موكلي(ف مدينة نصر) وقت وقوع الجريمة وفعلا كان واقف قدام البترينة ذى مقال، وده فحد ذاته يكفي لبراءة موكلي، وإسقاط كل التهم الموجه اليه.. وتقدر حضرتك تفرغ كاميرات مراقبة البنك وتتاكد بنفسك من صحة الفيديو
- وتفسري بإيه بصماته على أداة الجريمة؟؟
- لا كده يبقي بنضيع وقت المحكمة، لان عدم وجود موكلي في مسرح الجريمة دليل كافي علي براءته.. بس ماشي الأداة اللي حضرتك بتتكلم عنها، هي مفتاح صواميل براغي ، بتستخدم في المركز الفني محل وقوع الجريمة، لتصليح العربيات.. وعادي يكون عليها بصمته بحكم انه شغال ميكانيكي في المكان ذي ما عليها بصمات ناس تانية غير أحمد، وسهل اوي اي حد يسرقها من الورشة ويستخدمها في في القتل ،كل المطلوب إنكم تلاقوا حد يعرف (احمد) والقتيل، ولو تعبتوا نفسكم شويه هتلاقو إن (محمود) زميل (محسن) بيتردد كتير على بيت القتيل وبيشربوا مخدر الحشيش مع بعض باستمرار ، وفي شهود بيأكدوا الكلام ده، وانه كان عليه اقساط سددها بعد ارتكاب الجريمة بيوم، ودي حاجات المفروض انكم انتو اللي تعملوها.. بس الواضح انكم مشغولين ف حاجات تانية
- خلاص كده؟ ولا حضرتك تحبي تضيف حاجة تانية....!!
- حكمت المحكمة، بتفريغ كاميرات البنك والتأكد من وجود المتهم من عدمه وقت وقوع الجريمة
أحمد:
- شكرا يا بنتي شكرا اوي والله كتر الف خيرك، مش عارفه من غيرك كنا هنعمل ايه، انا وبنتي ملناش غيره والله كتر الف خيرك..
-لا شكر علي واجب يا حجه ده شغلي، وابنك برئ، انا معملتش حاجه ربنا يخليه ليكي و لبنته القمر دي، بعد اذنك.
-كنتي خايفه ميطلعش براءة يا احلام!؟
-مكنتش خايفه علي قد ما كنت هحس بالذنب لو خد
حكم، مكنتش هحب إن بنته يحصل لها اللي حصلي.