كنت صغيرة من يومى و انا بحب العزلة بحب أكون لوحدى كنت بروح دايما مكان هادى جدا مفهوش حد كان قليل اوى تلاقى حد فى المكان ده كان فى حوالى 3 بيوت بس و كل بيت بعيد عن التانى و كان فى بيت شدنى بطريقة غريبة معرفش ليه مع أنه بيت عادى خالص مفهوش حاجة تلفت الانتباه بس كنت بحس ان البيت ده مش بيت عادى و حسيت أنه غريب و ان فيه حاجة غريبة احساس كده غريب مش عارفة اوصفه المهم فى يوم حلمت بالبيت ده حلم غريب اوى
الحلم هو ان كان فى ممر ضيق و فى نهاية الممر ده باب حديد و بعد الباب ده فى باب نصه حديد و النص التانى قزاز القزاز ده كان عليه دم كتير اوى خفت صحيت من النوم مرعوبة و الغريب ان ده البيت إللى أنا كنت بحس ان فيه حاجة غريبة معقولة يكون ربنا خلانى احلم بالحلم ده لسبب معين قولت أنا لازم اروح البيت ده اشوف فى ايه و افهم ليه حلمت الحلم ده
روحت البيت مكنش فيه حد و البوابة مقفولة استخبيت ورا شجرة الشجرة دى كانت قدام البيت بشوية و كانت كبيرة المهم فضلت مستنية لحد ما صاحب البيت يجى او صاحبة البيت معرفش إذا بنت او ولد لقيت راجل فى الثلاثينات تقريبا دخل البيت بس شكله كان متعصب ساب البوابة مفتوحة فدخلت بعد ما هو دخل بشوية علشان مش يحس بيا لقيت جنينة جميلة اوى فضلت ماشية فيها لقيت ممر ضيق حسيت أنه إللى كان فى الحلم بدأت أخاف كملت مشى لحد ما وصلت لنهاية الممر فعلا لقيت بوابة حديد بس مكنتش مقفولة فتحت الباب و دخلت المكان كان فاضى خالص بس جنب الباب الحديد إللى أنا دخلت منه كان فى باب نصه حديد و النص التاني قزاز وقفت على صوابع رجليا علشان اشوف إللى جوا لقيت الراجل بيغتصب بنت تقريبا فى اول العشرينات كان بيغتصبها بطريقة وحشة اووى و فى ست عمالة تصوت بس بصوت مكتوم علشان كان كاتم نفسها بشريط لزق و بعدها راح لست كبيرة شكلها ام البنت إللى هو اغتصبها اغتصب الست دى كمان بطريقة أوحش بكتير كان بيستخدم آلات للتعذيب حسيت بروحها و هى بتطلع و بعدين طعنها كتير اووى و فى كل مكان فى جسمها هو مكنش بيطعنها لا ده بيقطعها قطع جسمها كله و الدم عمال يملى المكان اكتر انتبهت للولد الصغير ده كان ساكت حسيت أنه فى عالم تاني
هى حسيت أنه مش فى وعيه لحد ما الراجل انتقل لأخته و ذبحها الدم جه على الولد ده علشان كانت البنت دى كانت قدامه لقيت الولد صرخ زى ما يكون الدم فوقه أنا كنت واقفة فى مكانى مصدومة و مكنتش عارفة اعمل ايه حسيت انى اتشليت لحد ما الولد ده صرخ حسيت ان صرخته فوقتنى قولت أنا لازم أهرب قبل ما الراجل ده يشوفنى جيت أتحرك وقعت بس الحمد لله الوقعة معملتش صوت جريت مكنتش عارفة اجرى بسبب رجليا بس هربت من المكان ده و هو مخدش باله منى روحت البيت و نمت علطول بعد كام يوم كنت بلعب مع اصحابى فى الشارع لقيت الولد الي كان مخطوف هو أنا متأكدة لقيته بيلعب لوحده و حسيت أنه عادى مش خايف ولا اى حاجة هما مش الي راجل قتلهم دول مامته و أخته بردو ولا ايه طب هو مش زعلان عليهم و ازاى الراجل مش قتله و فين قرايبه قولت أنا لازم افهم كل حاجة روحت سألته ينفع العب معاك ابتسملى و قالى اكيد طبعا ينفع بدأت العب معاه و بجد هو شخص جميل اوى فضلت كام يوم انزل الشارع و العب معاه بقينا أصحاب اووى
فى يوم فضلت فى الشارع ل 2 بليل علشان اشوفه من اليوم ده و هو اختفى كنت عايزة اروح لبيت الراجل اشوفه هناك ولا لأ بس كنت خايفة بس خوفى على أمير اتغلب على خوفى من الراجل و فعلا روحت لبيت الراجل و لقيت البوابة مقفولة لفيت حوالين البيت اشوف فى بوابة خلفية البيت او حاجة لقيت فى شكاير معرفش شكاير ايه بس مش ده المهم حطيتهم على بعض و وقفت عليهم علشان اعرف أدخل البيت نطيت من على السور و دخلت البيت لقيت الجنينة و كنت فى اخرها مشيت شوية صغيرة لقيت الممر و مشيت فى الممر ده لحد ما لقيت الباب الحديد بس كان مقفول و معرفتش أدخل مش عارفة اعمل ايه هو جوا ولا لأ ممكن يكون الراجل ده قتله ولا حد من قرايبه خده روحت لصاحب العمارة إللى هو كان ساكن فيها و سألته على أمير حسيته اتوتر شوية قالى هو انتقل.......