يوم من الايام جنت بالمدرسه واني اجتماعيه جدا وماعندي خلاف مع اي شخص
بس جان اكو كم بنيه حاقدات عليه على شنو مااعرف بس بوكته اني كلت لوحده من الحاقدات عليه عادي تكومين من الرحله مالتي لان انتي من ذاك اليوم كاعده يمي ف اليم خلي صديقتي تكعد يمي ويومه جان عندي امتحان ف اني من خلصت الامتحان طلعت من الصف وجان اكو صف فارغ ف كلنه اني وصديقاتي نكعد بي ونسولف ونضحك ف كعدنه وجنه نقرأ في منزلي أنثى السنجاب ف احنه كاعدين وجان تدخل علينه مدرسه آمـٰ الطالبه الي كلت اله عادي. تكومين من الرحله
وجانت هاي البنيه متعاركه ويه وحده من صديقاتي المهم من دخلت علينه المدرسه وتصيح عليه وليش تكولين لبنتي (كسولي) وتكولين اله (انتي مو من مستوايه) اني بوكته انصدمت صدمه عمري لان اصلا اليوم كله بس كلت لبنته عادي تكومين من الرحله ف اني ضليت اكول اله اني مكايله هيج واني اليوم بس على هيج حاجيته وهيه اكيددد مراح تصدك ف كالت راح اجيب شهود هنه سمعنج انو انتي هيج تكولين ف جابت الحاقدات عليه كلهن وهنه وحده تضمضم للثانيه ف اجن وكالن اي صحيح هيج كالت اني كلت الهن ليش تجذبن وفوق هذا كله المدرسه تكول اليه بعد اذا حجيتي على بنتي احط النعال بحلكج وتغلط عليه واني ساكته وتكلي اني ساكته الج من بدايه الدوام حرفيا من كالت هيج كلت اله بس من رخصتج اني شنو مسويه لبنتج نست من اجت عندي ونطيته ملابسي ونست بيوم السفره من البنات كالن كلهن ليش تجي اذا مجايبه شي واني كلت الهن عادي وغيره وغيره وصديقتي هم كالت اله ترا اليوم كله جانت ويانه وكلشي مكالت ( قصده عليه ) ف المدرسه كالت لصديقتي سكتي لا اكطع النعال على راسج .وطلعن المدرسه والطالبات الي وياه يضحكن اي اي يضحكنن.
بأثناء السالفه المدرسه كله ملتمه علينه حرفياً .
المهم اني وراه رأساً رحت للمديره طبعا المديره تحبني لانو اني جنت من المتميزات .
ف رحت للمديره وكلت اله كلشي صار ف هيه كالت اليه معليج بيهن وكالت اني احاسبهن . ف من رحت للبيت المديره صاحت الطالبات والمدرسه وحاسبتهن من حاسبتهن المدرسه دخلت للاداره مال المدرسات وكدام المدرسات كلهن تغلط عليه ف المديره سمعته وكالت اله ماكو غير بنتج الجلبه والجذابه المهم وصايره عركه بين المدرسه والمديره.
ف رحت للبيت وسولفت لماما كلشي صار من بدايه الدوام لنهايته ماما كالت اني باجر اروح للمدرسه وماما كلش ضاجت وتدري بيه اني مااسوي هيج شي
بيومه اني بس ابجي وماما تهدي بيه ف ماما من شافتني هيج بس ابجي كالت خلي اتصل بيه هسه انطيني رقمه ف اني انطيت لماما رقمه .
ف ماما اتصلت بيه .
ف كالت اله هنه صديقات ف المدرسه عباله انو امي تريد تعتذر بس ماما كالت اله اني مامربيه بناتي هيج اني مربيه 4 بنات ولا مره اجتي وحده متعاركه بالمدرسه وبنتي من جانت بصف الاول ليومج هذا معلمته تسولف اليه كلشي وماتضم عليه شي.
ف المدرسه كالت اله اني جاي احجي ويه بنتج عدل وهيه تصيح عليه وتضرب على الرحله 😳.
وتكول المديره تكول اليه منو سمح الج تكولين للطالبات احط النعال بحلكجن تكول كلت اله اني لابسه حذاء مو نعال .
المهم ماما من كملت اتصال كالت اليه معليج بيهن .
ف صار اليوم الثاني واني رحت للدوام وكانه اي يوم عادي .
ف بنص الدرس دخلت علينه المعاونه تكول المديره تريد الطالبات ( الطالبات الي مشاركات بالعركه ) حرفيا بوقته احس گلبي طار من الفرححح .
ورجعن الطالبات من الاداره مال مديره بعد تقريباً ساعه دموعهن تارسه خدهن حرفياااا بوقتهه طار گلبي من الفرحح شلون لازمه ضحكتي مااعرف.
وبعدين اجت المساعده تكول اليه يله اجه دورج ( قصده اني ) ف طلعت واني مبتسمه
دخلت الاداره والمديره ومعاونات 2 كاعدات
ف اني شلون احس خفت ف المديره ضلت تسولف ويايه وتكول انتي حاليا الاولى على المدرسه كله ومعليج بأحد اذا اي شخص يحجي عليج رأسا تعالي للاداره وكولي النه وباستني والمعاونات همين وجان التصرف مالتهن كلشش حلو والتعامل يجنن وحرفيا دخلت للصف ابتسامتي شاگه حلگي .
تخيلو انو هنه طلعن من الصف يضحكن واني ابجي وبعدين صار العكس .😂
————————————————————
وبس بس حبيت اكول مهما كان الصديق قريب عليكم لاتنطونه اسراركم واسرار اهلكم ولا تثقون بي وضلو واثقين بنفسكم ولا تضحكون وي اي شخص.
————————————————————
وبس بايي.🩷🫶🏻