تعريف بأبطال القصص
أحمد هو شاب ثلاثيني يعمل كمحاسب بإحدي شركات القاع الخاص متزوج من وفاء جارته عن قصة حب كلاسيكية .
لديهم ثلاثة أطفال سارة وسلمي وكريم
حياتهم اليومية هي صورة من يوميات أغلب الطبقة الكادحة المتوسطة في كل البلدان العربية
أترككم لتعيشوا معهم لحظات السعادة المستمرة التي لاتنقطع من حياتهم .
سارة : ماما عاوزه أفهم دي
وفاء : ثواني أخلص مع أختك وأجيلك
سلمي : طب البلوفر البني فين
وفاء : في الغسيل ريحته مقرفه طلعي حاجه تاني من الدولاب
أحمد : وفاء فين الشراب الأسود عشان بكره
وفاء : في الغسيل لسه ما طبقتوش
أحمد : طب عاوز تجهزي هدوم الصبح عشان عندي إجتماع
وفاء : حاضر أما أخلص مع الزفته
سارة : ماتقوليش عليا زفته
وفاء : حاضر أنا اللي زفته وستين نيلة ركزي في أم المسئلة
وفاء : إنت يا حيوان إنزل من علي الترابيزة
كريم : مس هزل ... ماما عاوز أعمل بي بي
وفاء : يا زفته ياللي جوه دخلي أخوكي الحمام
كريم : ماما نو قولي همام أسمه تويلت
وفاء : حاضر ربيني يا مفعوص إنت وإخواتك
سارة : خلصي معها بقي عشان عاوزه أذاكر دراسات
وفاء : طب ما تذاكري وأنا مالي
سارة : ما إنتي هتسمعيلي
وفاء : في تالته إعدادي وعاوزاني جنبك يا شحطه
سارة : طب براحتك ما أنا كده مش هذاكر
كريم : مامي تعالي سطفيني بسويعه
وفاء : يا أحمد شطف الواد هيبرد في الحمام
أحمد من المطبخ : بعمل شاي خلي حد من البنات يشطفه
وفاء : قومي يا حيوانه إنتي مش سامعه اخوكي بينده
سارة : بينده عليكي إنتي مش عليا
وفاء : طب هقوم أكسر عضمك... يا أحماااااااد قول للحيوانه تقوم تشطف أخوها
وفاء : إ ييييييييه الصوت ده يا أحمد إنت كسرت حاجه في المطبخ
أحمد : ده الطبق الصيني اللي كنتي حطاه علي طرف الحوض مش تخلوا بالكم
وفاء : إنت يا زفت ماتمشيش حافي
كريم : أنا عاوز سويت و مس همسي حافي
وفاء : هتتعور من الصيني اللي في الأرض غور من هنا علي ما ألمه
كريم : عاوز سويت الأول
وفاء : يا زفته يا كبيرة أطلبي الصيديلة هاتي دوا الكحه لأخوكي
سارة: مش حافظة إسمه
وفاء : يا أحمااااااد كلم إنت الصيديلة
أحمد : لا أنا متخانق مع الواد اللي بيرد خلصي وكلميه إنتي
وفاء : يا زفته ياصغيره خلصتي المسائل
سارة : لا ياماما أنا شايفاها ماسكة الموبيل
سلمي : بس يا فتانه والله اقول لماما إنك اللي خلصتي الفول السوداني
سارة : مانتي واكله نصه معايا يا حلوة
وفاء : حرااااااااام عليكم بقي كل واحد يترزع في مذاكرته
كريم : عاوز سويت ياماما
وفاء : غور منا هنا يا زفت
أحمد : وفاء هنتعشي ؟ ايه ماتقومي تحمريلنا شوية طعمية .
إيه يا وفاء اللي اللي في إيدك ده
مش قصدي والله بلاش السكينه
طب أنا آسف
طب أنا غلطان
طب سيبيني أعييييش
وفااااااااااااء
قصص مرعبة قصيرة
يتعجبوا من صديقتهم التي تعتني بمجموعة أزهار بحديقتها ولا تتركها للبستاني أبدا تقول لهم لأنها تحمل رائحة هشام (زوجها المختفي من عدة أشهر )
وهي كذلك بالفعل فقد زرعتها فوق جثته