وفاء : يلا خلصي و إلبسي الزفت الازرق
سلمي : مش لايق علي البنطلون
وفاء : مفيش غيره
سلمي : عاوزه ألبس الجاكت الأخضر
وفاء : يابنتي إنتي حمارة جاكت أخضر علي بنطلون لبني
سلمي : أصله بيتخني
وفاء : مانتي تخينه أصلا مش محتاجه حاجه ...أيوه إلوي بوزك
أحمد : خلصتوا يا وفاء
وفاء : لسه أصبر شوية.. يا سارة هاتي جاكت أخوكي
سارة : هو فين أخويا
وفاء : بقول الجاكت يامسطولة سيبي الزفت وبصيلي
كريم : مامي لايحين فين
وفاء : خارجين عند طنط مني
كريم : مس عاوز ألوح مس عندهم سويتس
وفاء : دخل رجلك ياحبيبي في البنطلون وهجيبلك سويتس لما نرجع
أحمد : خلصتوا يا وفاء
وفاء : لسه يا أحمد بنلبس
سلمي : ماما إيه رأيك طيب في البوليرو الطوبي
وفاء : ياحبيبتي البسي اللي قولتلك عليه عشان ما هزقكيش ... جيبتي الجاكت ياسارة ؟
سارة :هقوم أهو
وفاء : قومي قامت قيامتك والله ماهتشوفي الموبيل ده تاني
سلمي : ماما فاكرة درس بكره
وفاء : يا أحمااااااااااد ماتنساش فلوس درس بكره
أحمد : خلصتوا لبس طيب
وفاء : ياخرابييييييي لسه لسه
سلمي : أنا مش هخرج معاكم
وفاء : ليه ياسلمي
سلمي : عشان الهدوم كلها متخناني
وفاء : ياحبيبتي مش الهدوم ده الشيبسي والمولتو والعصير والكيكه والقرف والزفت اللي مش بتبطليه هما اللي متخنينك إتنيلي إلبسي الجاكت وإخلصي
كريم : مامي
وفاء : نعم ياروح مامي إنت لبست وبقت زي القمر أهو
كريم : عاوز أعمل بي بي
وفاء : يالهوييييييي يابني مش سائلاك قبل ما تتنيل تلبس البي بي جه دلوقتي
وفاء : أحمد لبست
أحمد : لا مستني تخلصوا
وفاء : طب قوم دخل كريم الحمام
كريم : إسمه تويلت يامامي مس همام
أحمد : ياوفاء معلش أنا بعمل حاجه مهمه دخليه إنتي
سلمي : ياماما الجاكت ده مقطوع تحت الباط
وفاء : من إمتي ياحيوانه وماقولتيش ليه
سلمي : أنا مالي بقي مش عارفه هو كل حاجه شتيمه
وفاء : قومي فزي إقلعيه وشوفي واحد تاني وإنتي ياعروسة دخلي أخوكي التويلت علي ما البس اتأخرنا
سارة : ماما موبيلك فصل شحن
وفاء : حطيه علي الزفت هكلم الست إزاي وإحنا رايحينلها دخلتي أخوكي الحمام
سارة : مش راضي يقلع
وفاء : إسمع كلام اختك ياكوكي عشان بلبس
سارة : مامااااااا
وفاء : نعااااااام
سارة : كريم بل هدومه كلها وأنا بشطفه
احمد : إيه ياوفاء
أنا مالي بتخنقيني ليه
أنا مالي
رقبتي ياوفااااااء
أنا آسف طيب
ياوفاااااااااء
قصص مرعبة قصيرة
أقسم لها أنه لم يري صديقتها منذ سنوات فأخذته أمام منزلها فالتقط هاتفه إشارة الواي فاي