مزهقش لسه القلم ولا قَل صبر الوحدة
من كُتر أحزانك
لكن لإمتى هتفضل
بتعزِّي أحلامك وتموِّت حاجات جواك؟
كل اللِّي قَرَّبت له كان حُضنه هو أذاك
اهرب!
مأنا هربان بس الهروب طَوِّل
محتاج أعيش، وابدأ من الأول
محتاج أفُوق!
بركان عياط حوِّل جِبيني لصخر
وارجع لوحدي
اكتب واشتكي بقهر
والمح سريري حزين
والشفقة جوا عينيه
وارجع أقف في مرايتي كل يومين
واسألني
طب كل ده كان ليه؟
وفــاء صــبــري | الأمــيــرة الــصــامــتــة.
لم أعتاد الترحيب كثيرًا؛ لذلك لم أُرحِب بكَ ديسمبر، لكنني سأُجيد توديعك؛ لأن ذلك ما اعتدته دومًا، لم يبقى لي أحد، جميعهم يبتعدون عني دون أية أسباب، ولم يتركوا لي سوى سؤالًا يحتل فِكري دائمًا «هل أنا سيئ لهذا الحد بالفعل؛ أم هم من اتهموني بالسوء حتى يحِل لهم البُعد؟» حتى الآن لم أجِد جواب يجعلني اطمئن، فديسمبر دائمًا يكن لي شهر الخذلان، الحُزن، المُعاناة، والسأم، يكُن قلبي مُجمَّدًا من حُزني، لم يُترك لي به سوى آثار البُعد والذكريات المُهلكة، لم أكُن مثل الذين يحتسون قهوتهم مع من يحبون، أو مِن الذين كان لهم ديسمبر بداية لِقاء لطيف، فهو دائمًا يكُن لي بِداية كل ألم ومُعاناة جديدة.
وفــاء صــبــري' | الأمــيــرة الــصــامــتــة.
أنا قلبي كان غالب
قلبي كان غالب صبح مغلوب
الأمر أمر ﷲ والرب رب قلوب
واللي اتقسم مكتوب
واللي اترسم سكة
حرفين وسهم وقلب عالدكه
لسه العيال لسه
بيشبوا ويشيبوا
وأنا قلبي على عيبه
لو تقبليه يستقيم
جوايا جرح قديم
مايبانش غير في الضم
والحضن والتثبيت
ميبانش في اللمة
ميبانش غير لما
أسكن في حضنك بيت وانا لسه طفل عبيط
شابط في قشاية
حدوتة يلزم لها بداية ونهاية
أولها ايه وآخرها لو انتهت ايه
فيه حتة مني فيكِ مربوطة
فيه حتة منك عايشة جوايا
قلبك شجر مزروع في بلكونتي
نشوة سنيني وطعم أفيوتني
وﷲ ممكن أكون لكن إذا كنتِ
وإن كنتِ ممكن كل شيء يحلى
الكنز ياللأسف مطلعش في الرحلة
الكنز أنتِ، دنيا، ودين
وحياة، وعمار، وخضار، طرح بساتين
احلى ما في البنت أنها وردة
يظهر جمالها وعودها في الفساتين
أنا قلبي كان غالب وليه يغلب
راضي الهزيمة عن اقتناع تام
وما دمتي راضية في كل حاجه تمام
وحياتنا لو زي اللي في الأفلام
مطلوب حبيب في السكة مش عادي
محتاج لإيدك تشبك فيا
محتاج ونس سليوة أدندنها
أهرب معاكِ للحياة ومنها
الدنيا حطت شقها في إيدي
وأنا قلبي شقق من قديم الأزل
مين فينا كان عايز يكمل مين
أنا قلبي كان غالب وكان يا مكان
أنا قلبي كان غالب حزين جدًا
أول ما قلبي اتغلب صبحت سعيد.
وفــاء صــبــري' | الأمــيــرة الــصــامــتــة.