سلسلة روايات ساخرة
كوميديا لاند
أكاديمية أبليس الفصيح
رامي فخري علي
سطوع لخدمات النشر
جميع الحقوق محفوظة ويحظر طبع أو تصوير أو تخزين أيّ جزء من الكتاب بأيّة وسيلة من وسائل تخزين المعلومات إلا بأذن كتابي صريح من الناشر
الإهـــــــداء
إلىّ أُمي العزيزة
إلىّ أبي الغالي
إلىّ أولادي رقية وعبد الرحمن
دُمتم في حياتي نورٌ وضياء
رامي فخري
مقدمة الكاتب
بسم الله الرحمن الرحيم
أعتبرها مقدمة و أقلب الصفحة
رامي فخري
كوميديلاند
فى أرض بعيده أحاطها سور عاليّ بمدينة كبيره يرفرف فوقه علم بلون أصفر، يتوسطه دائرة كبيره بداخلها ابتسامة واسعه
وعلى بوابتها العملاقه كُتب بحروف نيون بألوان مختلفه (كوميديلاند)
اصطفوا الناس حولها ينتظرون الدخو، أرضٍ مسؤله عن كل عمل كوميدى ساخر يخرج للنور فيلم كان أو روايه أو حتى نكات عابره، ومن داخل المدينه ارتفع مكبر الصوت قائلا بلهجه مضحكه
-الأستاذ علام الششتاوى يتوجه لقسم تصاريح الروايات الساخره، الأستاذ شوقى الدهشورى تم رفض تصريح النكته لتقل دمها، الأستاذ على أوبح مطلوب على وجه السرعه فى قسم شرطة الإفيهات.
استمع الجميع لنداء مكبر الصوت وهم يتجولون داخل المدينه
وفى منتصف المدينه أرتفع مبنى عالى يكسوه لونًا أحمر وعلى قمته كتب (قسم التصاريح)
إتجه أحد الماره إليَّ داخل المبنى، صعد سلمه حتى وصل إليَّ الدور الرابع،وقف أمام باب غرفه كتب عليه (روايات ساخره)، قرع بابه، فخرج صوت من الداخل ليسمح له بالدخول، فتح الباب بروية، دلف بهدوء قائلًا
- مساء الخير أستاذ سعيد
ألتفت إليه رجل يجلس خلف مكتب ويرتدى بذله حمراء مزقرشه بورد أصفر و كتب على لوحة صغيره أمامه "استاذ سعيد فرحان بهجه" مدير قسم تصاريح الرواية، ابتسم الأستاذ سعيد قائلًا
- هلا أستاذ بدوى
ابتسم بدوى قائلًا
- أخبار تصريح الروايه إيه ياريس
أجابه سعيد
-لا الروايه مرفوضه.. ايه ياعم بدوى.. روايه 280صفحه فيها 82 إفيه بس! ليه ياعم هو إحنا بنكتب دراما.. وبعدين فكرتها مكرره.. مصاص دماء عبيط اتكتبت كتير ياعم بدوى.. والإفيهات كمان مش قد كده
أجابه بدوى
-ليه بس يا أستاذ سعيد
فتح سعيد ملف أمامه وهو يقول
-اهو ياعم.. فى صفحة 88البطل بيألش على مصاص الدماء بيقولو إيه السنان دى إنت مش بتغسل سنانك ليه..طب بزمتك ده إفيه؟! ده انتهى من التسعينات، وكمان صفحة132 مصاص الدماء بيمص بنت صغيره كان لازم يكون فى إفيه هنا لإنه فشل يمصها. ليه مفيش
أستمع بدوى لكلمات سعيد وهو يدون تلك الملاحظات حين سمع صوت ضحكات عاليه من حجره مجاوره فالتفت إلىَّ سعيد الذى ابتسم قائلا
- دى لجنة النكت معاها ملف مونولوجست جديد بتفحصه بس واد ابن نكته وشكله هاياخد تصريح درجه أولى، استشعر بدوي الحرج فأخرج ملف وقدمه لسعيد قائلًا
- خلاص يا عم سيبك من الروايه دى خااالص أنا جايبلك روايه جديده هاتقتلك ضحك
أخذ سعيد الملف من يده، ثم واخذ يتصفح،بينما بدوى يسأله باهتمام
- إلا قولى صحيح إيه موضوع المحاكمه بتاع النهارده
قال سعيد بصوت منخفض
-شرطة الضحك قبضة على جماعه إرهابيه فى المدينه بتروج لأفكار جاده وبعضهم كان اتقبض عليه مكشر
قال بدوى
-يانهار ابيض
قال سعيد
- اه والله.. ده فى واحد منهم كان بيصرخ ويقول كفايه هيافه بقى الجد لازم ينتصر
قال بدوى
- ودول هايحصل معاهم ايه
اجابه سعيد
- محاكمه علانيه كمان ساعه ويمكن توصل لأعدام بالزغزغه.. القصه كبيره
قال بدوى
- احنا لازم نحضر المحاكمه دى
اجابه سعيد وهو يضع الملف فى درج مكتبه وينهض واقفا
- احنا هانقوم نروح كلنا دلوقتى عشان نلحق مكان ولما نرجع نشوف الملف بتاعك
***
يتبع...