شوارع عقلي
أنا لما بمر في كل شوارع عقلي
بألقي كتير حواديت، أفكار
يظهر مني الوش الهادي
لكن، قلبي كمين أسرار !
أحلام كتير اتبددت
وسط الهموم
عمال بيرسم فرحته
وسط الغيوم
طفل ضاعت لعبته
ويومه يوم
أنا خايفة لحظة دمعته
ألقي القيامة تقوم !
في لحظة
في لحظة واحدة بينهدم
شكل الحقيقة
ضعيفة، مش قادرة انتصر
ضعيفة، لكن مش بريئة
الظلم فارد سطوته
والحق عايز روح جريئة!
صوتي اتنبح
من كتر حلمي ما اندبح
هدموا الكنايس والأذان
مين اللي ينصف حلمنا
مرة من غدر الزمان
الإنسانية حاجة ع الورق
الإنسانية حاجة ع الورق
مالهاش وجود
أنا قلبي في الموجة غرق
هل ياتري ممكن، ربما
غرقان في بحر المهزلة
يقدر يعود؟
معاني الكون
معاني الكون كلها
متجسمة
متبسمة لاسمك
يابخت كل اللي كان
حروف قصته
فيها حروف اسمك