يارب انا تعبت من ايه بظبط مش عارف مش قادر أحط إيدي علي اللي تاعبنى بظبط بس انا مش قادر أكتر من كده
يمكن مش قادر اتحمل ضغط زياده يمكن مش قادر اهتم
اكتر من كده بس لما بقعد مع نفسي وافكر انا ايه مشاكلي بلاقى نفسى تلقائى بقول الحمدلله انا مشاكلي بسيطة.
امال ليه حاسس انى مسؤول عن مشاكل الناس وشايل الهم ؟؟
انت مش لوحدك احنا كتير زيك
عندنا حته كده جوانا لما نكون في خروجه حلوه او في حاجه مفرحانا وسمعنا ان في مشكله عند حد وبالذات لو قريب
مننا او عيلتنا بنحس بالذنب ونأنب ضميرنا
ازاي احنا بنتفسح او بنضحك او بنهزر وحد نعرفه مضايق
بس عايزه اوضحلك نقطه..
#معاناة_الناس_مش_ذنبك مادام انت مش السبب فيها ،مادام انت قدمت العون وحاولت تساعد بتأنب نفسك ليه؟
الحياه فيها مايكفي من الضيق والحزن بلاش تجلد نفسك علي حاجه ملكش ذنب فيها
طيب ده احساس بيجيلي غصب عنى!
لا هو مش غصب عنك انت حساس زياده لدرجه جلد الذات والحياه مش هتبقى ماشيه معاك ورد علي طول دايما هتلاقى حوارات ومطبات وهتلاقى ناس مؤذية هتأذيك وهتأذى اقرب
الناس ليك من غير مبرر للاذى ده.
بس من وجهه نظرك ايه الحل لمشاكل اللي حواليك؟؟
هل تفضل تضغط علي نفسك وتأنب ضميرك انك موفرتش
ليهم الحماية الكامله وتجلد ذاتك لحد ماتفقد طاقتك
وماتقدرش تهتم بيهم في ضيقتهم ولا تهون عليهم
ولاتقوى نفسك وتفرحها بكل اللي بتحبه ويفرحك عشان تقدر تلاقى حل عملى للمشاكل دى ولو ملاقيتش يبقي علي الاقل عندك طاقة فرح وراحه نفسية تنقلهالهم وتهون عليهم
وتسندهم .
#معاناة_الناس_مش_ذنبك كل واحد عنده مشاكله اللي
تكفيه متحملش نفسك فوق طاقتها ساعتها هتنهار انت وهما وهتبقى حمل زياده عليهم مش سند وعون.
#ندى_أشرف