أمي
أمي
تسع شهور حملتني
عامين بحالهم رضعتني
ضعيف صغير حضنتني
وعلى الصدق ربتني
***
أمي
كبرت حبة علمتني
ولطاعة ربي دفعتني
ولحب الخير وجهتني
بنطق الحق نصحتني
أمي
هي حياتي وغيرها ماليش
بعد حنانها عليا مفيش
لما المحها بس بعيش
أمي وبعدها كله ميلزمنيش
***
أمي
ضهري وسندي ودرع متين
واحلف ليكو بألف يمين
مهما تعدي بي سنين
من غير أمي أنا مسكين
***
أمي
شالت الهم أيام وسنين
ضحت وعاشت من الصابرين
يجازيها خير رب العالمين
***
مظلوم
في واحدة بس بحبها
بتمنى أفضل جنبها
أعيش حياتي في ضلها
وأموت كمان على صدرها
القلب دايب فيها دوب
يطمع يكون ليا محبوب
ونبضها ليا مكتوب
وأنا غصب عني مغلوب
بتقسى عليا في ردها
فكراني حابب قبلها
ممكن أعشق بعدها
غلطانة نفسي أقولها
بحبها بحبها بحبها
حلمت بيها، قابلتها
بقى دمي هو دمها
ونفسي يخرج منها
وهبت روحي أنا لها
يا رب أقدر أبوح لها
روح يا هوايا أوصلها
حاول تنول ودها
بقيت أصلي وأصوم
و ادعي لها طول اليوم
ما اشفها مرة في هموم
ظلماني قابل أكون مظلوم
***
العشرة هانت
العشرة هانت على الصحاب
وسط الهموم الكل داب
من غير عتاب رضيوا الأحباب
إن الفراق يكون جواب
عاشوا سوا الحياة
عاشوا سوا المرة
كان يوم يعدي بالمرة
اللي اتقبلوا فيه مرة
علشان كلام قالوه لئام
إزاي وليه كان ده الكلام
جوه القلوب صانع الخصام
جواب مفيش وسكوت تمام
قام اللسان حادف كلام
يقطع معاه ود وسلام
كأن العشرة دي أوهام
كأن العشرة دي أوهام
يارب اكرمنا ووفق
إن في حياتي أتوفق
و أكون للصلح موفق
و للخير دايمًا متشوق
***