حاول تعيش
فعلا محدش هيشيل عنك , فعلا محدش بيطمر فيه , الحياة بيك من غيرك هتمشي , إنت الوحيد اللي خسران , لازم تفكر في نفسك شويه , الحياة فيها حاجات كتير متدارية , متديش أمان للبشر , الناس قلوبها بتتغير أقرب الناس ليك , هيسبوك علشان مصلحتهم , لو فكرت فيهم هتعيش حياتك متحير ،حاول متبقاش رومانسي على طول , اعرف إن الحياة مخبيه غول , يوم ما هتقع كل الناس هتتفرج عليك , ساعتها الأمر هيكون ليهم مش ليك , إنت هتكون مرمي مستني كلمه من اعز الناس , هتحس إن حياتك غلط , وإنك بعت نفسك لبشر ميستاهلش , وجريك وتعبك راح بلاش , صدقني الدنيا من غير الحريه متسواش , الحريه نعمه واللي يفرط فيها , يعيش الحياه كلها أعمى , أوعى تقيد نفسك طول ماربنا كرمك وبيرزقك , وبلاش تفرط في حريتك علشان خاطر حد مهما كان الحد ده هو مين , لان الحياه بتعشها مره واحده مش مرتين , حاول تفرح علشان تفرح اللي حواليك
سلام سلام سلام .
حكاية مش تمام
الحكاية مش تمام
حكاية ناس معدش بينهم حلال وحرام
ناس عايشه وخلاص
واللي فيهم ضميره صاحي
رحلوه في ميكروباص
ناس تشوفهم في الشوارع كل واحد لضميره بايع
الحق عندهم أصبح ورق
غير كده الكل ضايع
الواسطه في كل حاجة متاحه
ولو مفيش يبقا لازم شوية بجاحه
أما الناس الطيبين لازم يعيشوا حزنانين
ولو يوم اتكلموا يقولو عليهم طماعين
فلوس بتجري يمين وشمال
كل الناس علي ده الحال
وكل عيله بقي ليها موال
واللي معاه مال الكل له مال
كلمته بقت مسموعه
حتي لو كانت ممنوعه
فعلا صدق اللي قال
شر البليه بفلوسه
الكل له شيال
سلام سلام سلام .
إنذار
إنذار
أخلاقُ البشريةِ أصبحت في إنحدار
مالي أري الكل يتخذ من الباطنِ جدار
يقفُ ورائه كأنه سِتار
إنني أري
أننا في أخر المشوار
ياصديقي ليس لنا في الدنيا اختيار
إنها مسرحية متعددة الأدوار
أما نحن فقد خرجنا من الحوار
حياتنا أصبحت تتلخص بين عشاءٍ وغداءٍ وفطار
وتعليم لضمانِ مستقبل الصغار
أما العقولُ فأصبحت كعقل ساقه حمار
لم تعد هناك وقفات للتعقُل إننا حقاً في إنهيار
سائت الأخلاقُ وكثر الهرج
وتعالت أصوات الفجار
الغشُ أصبح عادةً في الكلامِ والأسعار
وشهادة الحق ليس لها اعتبار
إن العقل غائب بلا أعذار
طغت الفتونه والبلطجه
علي كلمة الحكماء والكبار
تفتت العائلاتُ فلم يعد لرباطهم إستمرار
أتري ياصديقي أن هذه فعلاً نهاية المشوار
أم أن الشيطان في الأرض دائم الإنتصار
أيها البشري الفاني كفاك هروب وفرار
تتحايل علي لقمة العيشِ بليلٍ ونهار
ألا تعلم أن من عاش لبطنهِ ذاق المرار
ياصديقي لماذا لا تفيق لنُغير معاً المسار
تعالي لِنُطبق تعاليم الإلهِ ونفوزَ بالجنه
ونبتعد عن لهيب النار
فننسحبُ بلطفٍ من بين هؤلاء الأشرار
إننا نحنُ الضعفاء دائمون في الانتظار
لقد أصبحنا في هذا العالم كما المحار
نهربُ من الرمِال نراها كالأحجار
فننخرط بين البحار
دائماً ما نقفُ غافلين وقلوبنا في إنشطار
إننا تمادينا في إسدال الستار
فلم يعُد لنا يصديقي قرار
نحن بنو آدم نزلنا إلي الأرضِ فأصبحت دمار
أتُري هل صدقت الملائكةُ في قولها
أم أن الشيطان سريعُ في الإنتشار
هل الحل هو في خروج الروح
لأننا أصبحنا كالقابضين علي جمرٍ من النار
لقد كثرت بيننا الأعذار
وأصبح الكل يحيا في مرار
اللهم إجعلنا من الأخيار
سلام سلام سلام
تذكرة لأخى
سهران لوحدي
بشاور على الذكريات
لمحت فجأه اخويا اللي مات
حسيته كان هيتسرق من الذكريات
لكني افتكرت منه كتير من الكلمات
ماهي الحكاية إن الإنسان شوية ساعات
الايام بتجري ويجي الموت بلا مقدمات
خلي بالك هتتنسي زي المحطات
خليلك ذكرى تروي بيها الشاشات
ياريت نحافظ على السلالات
نعلم عيالنا يعني إيه ديانات
ونسألهم عن الصلوات
يمكن يفتكرونا عندالسجودبالدعوات
الله يرحم اخويا كان بيحفظني التحيات
اخويا كان طيب ويستاهل الرحمات
لما بنينا المقابر بسرعة ليها فات
بصراحه خدت ثلاث رجال علاًّمات
واثنين من أطيب الستات
رحم الله كل من مات
سلام سلام سلام