غنى وحب
يلا يا قلبي
يلا نغني
يلا نفرح
يلا نعيش
ده اليوم بيعدي
والعمر بيجري
والحزن بيجرح
ما بيرضيش
يلا نعيش النهارده
مين عارف إيه هيجرا
ونبص بردوا لبكره
ونزرعه أمل بالفرحه
طير في الدنيا ورفرف
خلي الفرح يهفهف
وقول لحبيبي يشاور
أجيله وقلبي طاير
وأحلفله بشوقي الحاير
حياتك حلوة عيش فيها
اجري واضحك وغنيها
انسى الجرح وخليه بعيد
تلقى الفرح في يومه عيد
بينور لك طريق جديد
افرح يلا واحلم
صدقني مش هتندم
حلوة الدنيا بالحب
حلوة الدنيا بالقرب
يلا يا قلبي
غني وحب!
أول لقا
وقلنا كتير
وأول لقا
كان الكلام بيطير
معرفتش أفسر
وكنت متأثر
ودقات قلبي كانت كتير
كان الكلام زي الأحلام
خدنا وتاه
أد ما قلنا ومش فاكرين
إيه قولناه
أد ما روحنا سافرت بعيد
بعيد وياه
ورجعنا لمكانا وياريتنا سكنا
هناك معاه
ساعات أفكر
ونفسي أعبر
عن حبي ليكي
ألاقي قلبي
خدني وتوهني
في سحر عينيكي
همومي بنساها
وبنسى أساها
بنطرة عين
والقَى كلامي
ألحان وأغاني
ودفا وحنين
يارب تفضل فرحتنا
وينور الحب بيتنا
ويطرح زهور ياسمين
ونودع الأحزان
وتسافر مع النسيان
دموع كل حزين.
فوق الظروف
خلينا فوق الظروف
ملينا كلمة خوف
نفسي أقولك بحبك
أنقشها سطور وحروف
خلينا نحلم وحلمنا يكبر
على أد حبي قلبي هيقدر
يتحدى طريقه
ويفرشه ورد معطر
حبك نوَّر طريقي
وفي سفري كان رفيقي
وإن طالت غربتي
قلبك راح يلاقيني.
معادلة صعبة
أتوه في هواك
وتصرخ جوايا
كلمة أنساك
مبقتش كفايه
هتحدى قلبي
لو يوم بكالي
وقالي خودني
أشوفك تاني
كلامي معاك
مالوش نتيجه
عواطفنا بقت
بعيدة... بعيدة
معادله صعبه
ورموزها غريبه
نتقابل بفرقه
ونفترق بتنهيده
هشوف طريق غير طريقك
وأتوه عن سكتك
وإن قابلني يوم طيفك
هتعلم منك أسوتك
حبك كان عمري
آيدلي شموع الهنا
بعدك صبح قلبي
بيبكي بعد الغنا
وأتوه في هواك
وتصرخ جوايا
كلمة أنساك
مبقتش كفايه.
الشك
الشك كان قاتلني
إنك حبيتي قبلي
وأما كنت أواجهك
تقولي محصلشي
ياما كان نفسي تصارحيني
لو كنتي صحيح حبتيني
إن قلبك حب غيري
كنت هسامح صدقيني
عمري ما كنت هعاتبك
عشان الماضي ده ملكك
لكن أنا سألتك
فاكرة كان إيه ردك
اوعي تقولي بريئه
عشان دي الحقيقه
وأنا كل دقيقه
بقولك كرهتك
اوعي تمثليني بيه
عشان أنا غيره
وإن كنتي حبتيه
هو أولى بطيره
بتشوفي فيا صورته
وتفتكريه وانتي معايا
ولسانك يغلط باسمه
وأداري كتير جوايا
يا ترى مين الضحيه
قلبي والا قلوب تانيه
والا قلوب لسه مستنيه
أكيد عارفة ومخبيه.