= تاني سنه أحتفل بعيد ميلادي لوحدي من غير أهل و صحاب وقرايب وحبيب، لبست فستاني الجميل ونزلت بالليل أجيب كل اللي نفسي ف عشان أحتفل بعيد ميلادي ال 24 عديت ع مطعم بيتزا جبتلي أتنين بيتزا سمول وبعدها عديت ع محل حلويات جبتلي مولتن كيك وعديت ع السوبر ماركت جبت شمعايه وبلونه وخليت عمو ينفخلي البالونه وخدت كل ده وقعدت ع البحر مع نفسي كالعاده الساعه 11:58 بصيت للسما لقيت نجمه منورة اوي أفتكرت زمان وأنا صغننه لما كنت بشوف نجمه منورة جامد ماما كانت بتقولي أتمني أمنية وهتتحقق كنت بسمع الكلام وأتمني وكانت الأمنية فعلاً بتتحقق و المره دي كمان هعمل كده، غمضت عيني وقولت أتمني أحتفل بعيد ميلادي ده مع شخص ويكمل معايا باقي عمري، فتحت عيني وأتنهدت ومسحت دمعه قبل ما تهرب من عيني وبعدين أبتسمت وفتحت علبة البيتزا وحطيت الشمعه ف النص و ولعتها وبدأت أغني لنفسي، هابي بيرث داي داليدا .. هابي بيرث داي داليدا هااااابييي بيرث داااااي داليدااااا، وغمضت عيني وأتمنيت ماكونش وحيده تاني بعد النهارده وفتحت عيني عشان أطفي الشمعه لقيت شخص بيطفيها معايا
* كل سنه وأنتي طيبه يا داليدا
= رديت بإستغراب، وأنت طيب
* أتفضلي دي هدية بسيطه بس متفتحيهاش دلوقتي أفتحيها بعد ما نخلص أحتفال
= لسه بنفس الإستغراب، تمام شكراً
* أعرفك بنفسي عشان علامة الأستفهام اللي ع وشك دي تروح معاكي أسر
= أهلاً بيك بس أنت تعرفني منين ؟
* اه أنا جارك ف العماره اللي قصادك بالظبط أنا أعرفك كويس بس أنتي متعرفنيش طبعاً عشان ف حالك دايماً ومالكيش علاقة بالعالم اللي حواليكي
= ضحكت، أيوه فعلاً
* تسمحيلي أحتفل معاكي بعيد ميلادك
= اه طبعاً أتفضل
* تسلميلي ممكن أشاركك ف البيتزا قبل ما تبرد، وضحك
= ضحكت، اه جداً أتفضل، أدتله علبة البيتزا التانيه
* أسف ع تطفلي ده لو متضايقه أنا ممكن أمشي عادي
= لا لا خالص مش متضايقه
* ولو متضايقه مش مهم أنا كده كده رخم وهفضل قاعد
= ضحكت، لا عادي والله براحتك خالص
* طيب كويس أعرفك بنفسي أكتر وأحنا بناكل، أنا أسر دكتور بَشري العيادة بتاعتي وراكي أهي عندي 30 سنه أعزب من أسرة متوسطه قاعد هنا لوحدي بحكم شغلي و حالياً بدور ع عروسة عشان أستقر بقي
= ضحكت ع طريقته عشان بيتكلم بطريقه كوميديه
* ايه ده هو أنا بحكيلك قصة حياه اسماعيل ياسين عشان تضحكي
= لا بس بتتكلم بطريقه كوميديه ف ضحكت غصب عني أسفه
* لا لا عاتشي أضحكي براحتك كل الناس بتموت فيا بسبب خفة دمي دي
= ضحكت تاني، فعلاً أنت دمك خفيف اوي، أعرفك أنا بنفسي ......
* داليدا كملتي ال 24 سنه حالاً عزباء عايشه لوحدك بتحبي الهدوء والليل والبحر والعزله وتقري كتب وأنتي بتسمعي حماقي وبتشربي الهوت شوكليت
= بصتله بإندهاش، ده أنت بتراقبني بقي
* مش بقولك مالكيش علاقة بالعالم اللي حواليكي ده أنا عايش ف حياتك أكتر منك، تعالي بقي ناكل المولتن كيك الحلو ده أنا النهارده مدي لنفس اليوم فري للأكل عشان خاطرك
= ضحكت، لا كده كتشيييرر والله كتر خيرك
* شوفتي بضحي أزاي يلا عدي الجمايل
= واحده
* أنتي بتعدي بجد ماشي ياستي بما أنك خلتيني أشاركك ف الأكل اللي أنتي جايباه تسمحيلي أعزمك ع أيس كريم
= اممممم ماشي
* بتحبيه بطعم ايه يا فندم
= الأوريو
* اوووو وأنا كمان دقيقتين و الأيس كريم يبقي عندك يا فندم
= ضحكت وهو راح يجيب من عمو اللي واقف بعربيه هناك ده
* أتفضلي الأيس كريم بتاع حضرتك يا فندم
= بربشت كذا مره، ميرسي
* يا خراشي ع العسل
= بس مقولتليش عرفت عني كل المعلومات دي أزاي
* سهله براقبك
= ليه و أشمعنا السنه دي جيت تحتفل معايا بعيد ميلادي
* مستعجله أنتي اوي ع فكره طيب كل ده هتعرفيه بس بعد ما نخلص أحتفال بعيد ميلادك، قام فتح باب عربيته وشغل أغنية يا زهرة يا بتاعت العسيلي و رجع لعندي، يلا قومي
= ليه
* هنرقص أكيد، مسك إيدي و قومني وفضلنا نرقص كذا أغنية وبعدين تعبنا وقعدنا تاني ع الرمله
= ااااااااخخخخ ياااااني مش قادرة
* وهو عمال يضحك
= بصتله وقولتله التانيه
* أنتي لسه بتعدي يابنتي كنت بهزر معاكي قومي يلا نتصور
= لا لا مش قادرة خلاص نتصور وأحنا قاعدين
* قومي بقي بلاش دلع وكسل وراح مقومني وفضل يصورني لوحدي وبعدين أتصورنا أحنا الأتنين صور هبله وعملنا فيديوهات هبله برضوا
= بطلت ضحك وباخد نفسي، اااااه ايه الهبل اللي عملناه ده
* أحلي هبل والله هتبقي ذكريات جميله
= شكراً يا أسر بجد ع اللي عملته معايا
* مفيش بينا شُكر يا داليدا
= أول مره محسش أني وحيده
* ومش هتبقي وحيده تاني بعد النهارده قومي نتمشي بالعربيه شويه
= ماشي يلا، ركبنا العربيه وشغلي أغاني حماقي وكنا بنتكلم وبيضحكني جامد
* ها يا داليدا تعبتي نروح ولا
= بصراحه لا مش عاوزه أروح دلوقتي بس لو أنت تعبت خلاص نروح عادي
* والله حتي لو تعبان مستحيل أسيب القمر ده سهران لوحده
= أتكسفت وبصيت من الشباك ع الطريق
* ضحك، ايوه يا مكسوف أنت ايه رأيك نلعب
= بصتله وقولت بحماس، ايوه يلا
* بتعرفي تلعبي دومينو
= طبعاً ده أنا حريفه فيها
* طيب يلا يا ست الحريفه وريني شطارتك، طلع الدومينو وفرد ترابيزا صغيره بين الكرسيين بتوعنا
= ايه ده الحاجات دي طلعت منين
* كل اللي بتتمنيه هتلاقيه عندي هنا ف العربيه
= طيب عاوزه أشرب ميه سقعه
* التلاجه ع يمينك تحت هتلاقي فيها ميه وعصاير وشكولاتات وكيكات وبسكوتات كلي وأشربي براحتك
= واااااو ما شاء الله ده مخزن مش تلاجه
* ضحك، قولتلك كل اللي بتتمنيه هتلاقيه ف العربيه يلا بقي نلعب يا قمر
= يلا وبدأنا نلعب .....، هيييييييييييييه أنا كسبتتتت ويييييييييي
* طلعتي حريفه فعلاً بس ع فكره أنا اللي خسرت نفسي عشان أنتي تكسبي وتفرحي
= أنا بتريقه، نينينينينينينييي لا يا عسل أنت مكنتش عارف تلعب أصلاً وأنا كسبت بمجهودي
* ما خلاص بقي يا ست أنتي بلاش رخامه
= ضحكت، أنت زعلان عشان أتغلبت
* بس متقوليش أتغلبت طيب تلعبي كوتشينا
= ماشي نلعب الشايب واللي يخسر التاني يحكم عليه
* موافق وأستعدي عشان هتنفذي أي حكم هقوله
= ضحكت، لما نشوف ......، لولولولولولولولولولولولولوليييي داليدا كسبت يا بشر
* يا نهار أبيض ده أنا نسيت مريض عندي ف العيادة زمانه باظ
= لا يا عسل مش هتهرب هتنفذ الحكم اللي هقولك عليه
* والنبي أرحميني أنتي معندكيش أخوات بلاستك
= تؤ تؤ متخافش ده حكم سهل خااااالص
* طب أعرفه الأول وبعدين أقرر أنفذ ولا
= لا أنت هتنفذه أجباري
* طيب قولي وأمري لله
= غني
* اممممم ماشي، التُقل خد أجازة .. ومكانه جه الدلال
وأنا قدام اللذاذة .. دي عندي ألفين سؤال
هو أزاي ع سهوة .. وامتي وايه النظام
كل لما تعدي الحلوة .. أتلغبط ليه أنا ف الكلام
براحه شويه شويه شويه علينا يا شيخه ..، ها ايه رأيك
= صوتك حلو اوي بجد
* لا أنا قنبلة مواهب ماشيه ع الأرض
= ضحكت، واضح واضح، ببص ف الساعه لقيتها 6 الصبح، ياااااااااه معقوله محسناش بالوقت كل ده
* الوقت بيعدي بسرعه مع الناس اللي بنحبها
= أحم طيب يلا نروح بقي
* أبتسم، ماشي، دور العربيه ومشي، يلا أفتحي الهدية بتاعتك
= جبت البوكس اللي أدهوني و فتحته أتفجأت بالحاجه اللي ف طلعت روايات كنت بدور عليها ومش لقياها وطلعت نوت بوك وشكولاتات و هيد فون النوع اللي كنت بدور عليه و كاميرا والدبدوب اللي خدوده حمرا ده عيني دمعت، الله يا أسر أنت جبت الحاجات اللي بحبها ومحتجاها
* مبتسم، أفتحي الكاميرا وشوفي الصور
= فتحت الكاميرا وبتفرج ع الصور وأتصدمت دي صوري وبكل تفاصيلي وأنا واقفه وأنا قاعده وأنا بضحك وأنا بعيط وأنا زعلانه وأنا فرحانه وأنا متعصبه وأنا سرحانه وأنا بقرأ الكتب وأنا بسمع أغاني دموعي زادت أكتر وأنا مش مصدقه، ايه كل ده وليه كل ده وأزاي عرفت أني بحب كل الحاجات اللي جبتها دي
* أتكلم بهدوء، بقالي سنتين بحفظ كل تفاصيلك
= قولتله وأنا بعيط، ليه طيب
* وقف العربيه و لف بصلي ومسح دموعي بحنيه، كفاية كده دلوقتي وأطلعي أرتاحي ولما تصحي نكمل و ف مفجأت تانيه
= نزلنا من العربيه وأنا وقفت وبصاله وجوايا مليون سؤال
* مسكني من إيدي ودخلني العماره، تصبحي ع خير يا داليدا ولما تصحي هكلمك
= حاولت أبتسم وقولتله، وأنت من أهل الخير وطلعت ع الشقه ع طول ودخلت أوضتي و أترميت ع السرير ومقدرتش أفكر ف حاجه ودخلت ف نوم عميق ......، حاسه بزن ع السرير بفتح نص عين لقيت الفون بيرن، ايه ده أنا ف حد عارفني وبيكلمني، فكرت نفسي ف حلم ...، الوو
* مساء الخير يا داليدا ناموسيتك كحلي يا هانم
= بصيت للرقم وأنا مفتحه نص عين ورجعت رديت تاني، مين معايا
* حلاوتك أنتي فقدتي الذاكره أنا أسر يا داليدا
= أسر مين
* يا نهار أزرق أنتي فقدتي الذاكره بجد ولا ايه ااااااه ده أنتي لسه نايمه، أتكلم بصوت عالي، دااااااالييداااااااا فووووووقييي
= أنا من الخضه رميت الفون ع الأرض وأتعدلت بسرعه ع السرير، ايه ف ايه أنا مين أنا فين، أستوعبت الدنيا ولقتني ف بيتي ع سريري، أنا ف البيت أمال ايه الزعيق ده وكأن ف حد نده عليا بصوت عالي اااااااخخخ ياني جسمي مكسر من أمبارح، بصيت ع البلكونه لقيت الدنيا شمس، شكلي صحيت بدري ولا ايه فين الفون أشوف الساعه كام، قلبت السرير ع الفون ومش لقيته ببص ع الأرض لقيته واقع ع وشه، ايه ده أنت هنا وسايبني بشقلب ف السرير، مسكته ولقيت ف مكالمه مفتوحه ف حطيته ع وداني، الوو
* يا الله هنعيد من الاول تاني ايوه يا داليدا
= بكلم نفسي، مين ده اللي عارفني .. ايوه مين معايا
* ااااااااه هرقع بالصوت ف نص العيادة و المرضي يقولوا الدكتور أتجنن يرضيكي
= بقول لنفسي مرضي و دكتور أنا عارفه الصوت ده، رجعت بالذاكره لورا أفتكرت نفسي وأنا بحتفل بعيد ميلادي مع أسر، ااااااههه أسررر ده أنا نسيته خالص رديت بسرعه، أسر
* ألف حمد وشكر ليك يارب أخيراااااً الذاكره رجعت لو كانت العيادة فاضيه كنت قومت رقصت والله ايه يا ماما كل ده نوم و ساعه عشان تفتكريني
= أسفه والله مش متعوده أن حد يكلمني وغير كده أنا باخد وقت عقبال ما أصحصح من النوم وأستوعب أنا مين وفين وبعمل ايه هي الساعه كام صح
* اه منا خدت بالي عشان كده كلمتك بصوت عالي عشان تفوقي وأتعودي بقي أن ف حد هيقرفك ويزهقك كل يوم الساعه 4 العصر يا هانم
= هو أنت اللي زعقت أنا فكرتني بحلم والله يالهوي 4 العصر أنا نمت كل ده
* شوفتي بقي ولو مكنتش كلمتك كان ممكن تفضلي نايمه لحد بكرا
= ضحكت، ما أنت اللي فرهدتني أمبارح بالجنان اللي عملناه
* أنت لسه شوفت جنان يا قمر ركزي معايا بقي ف واحد هيجيلك بأوردر خديه منه و ألبسي اللي جواه وأستنيني وأنا هخلص شغل بسرعه وأجيلك ونمشي
= ألبس ايه وهنمشي نروح فين
* دايماً مستعجله كده هتعرفي كل حاجه ف وقتها
= ياربي ع التشويق بتاعك ماشي يا أسر
* ماشي يا قمر أسيبك بقي تاكلي و تروقي نفسك كده وأنا أخلص شغل سلام يا قمر
= سلام، قفلت وأنا مبسوطه أول مره أحس أني مش لوحدي ويا عالم ده هيدوم ولا فتره وهرجع تاني لوحدتي هيييييييحح، قومت خدت شاور و عملتلي فطار أو غدا وخلصت وقاعده ف البلكونه مشغله حماقي وبقرأ ف كتاب وبشرب هوت شوكلين ساعه ولقيت جرس الباب بيرن روحت فتحت لقيت واحد
_ حضرتك الأنسه داليدا
= ايوه أنا
_ الأوردر ده بأسم حضرتك
= اه شكراً، خدته منه وقفلت الباب ودخلت أوضتي، يا ترا جايبلي ايه يا أستاذ أسر فتحت الصندوق لقيته فستان لونه لافندر وشكله شيك و رقيق اووووي، ضحكت وحضنته، ذوقك حلو يا أستاذ أسر، لقيت الفون بيرن أسر طبعاً فتحت، الوو
* الفستان وصل يا قمر
= ايوه جميل اوي شكراً جداً يا أسر
* قولت مفيش شُكر بينا يلا أجهزي كده وأنا نص ساعه وهكون عندك
= مش هتقولي برضوا ليه كل ده وهنروح فين
* الصبر حلو يا داليدا هااا
= ماشي يا أسر مااااشي أقفل يلا عشان الحق البس
* ضحك، ماشي يا داليدا هانم سلام
= قومت مسكت الفستان وبلف بيه قدام المرايه، احم نبطل هبل بقي، لبست الفستان شكله حلووو اوووووي عليا كملت وحطيت ميك اب خفيف وهادي وقعدت أتصور لقيت أسر بيتصل، الوو
* ها يا قمر جهزت
= ايون
* طيب يلا أنزلي مستنيكي تحت
= حاضر، قفلت وبصيت ع نفس ف المرايه أخر مره وأديت لنفسي بوسه وخرجت من الشقه ونزلت لقيته واقف وساند بضهره ع العربيه و إيده ف جيبه شكله موديل اوي وهو لابس البدله ونضارة الشمس و واقف كده، مكانش واخد باله مني وبعدين لما شافني ضحك وصفر
* يا خبر أبيض ع العسل ملكة الفراشات يا ناس
= ضحكت بكسوف، شكراً
* لف فتحلي العربيه، أتفضلي يا داليدا هانم
= ركبت، ميرسي
* ركب ومشينا بالعربيه
= يعني أنت لابس بدله وجايبلي فستان هو أحنا رايحين فرح
* اه حاجه زي كده
= فرح مين بقي
* مستعجله هانم لما نوصل هتعرفي
= ياربي عليك بقي ما أنا مش بحب أبقي قاعده كده ومش فاهمه حاجه
* خلاص أحنا قربنا نوصل أهو وهتفهمي كل حاجه والله
= ماشي يا أسر، وقفنا قدام ڤيلا شكلها جميل اوي
* نزل وفتحلي الباب، أتفضلي يا داليدا هانم
= نزلت، أحنا فين
* ف ڤيلا واحد صاحبي
= ااااااه يعني ده فرح صاحبك
* لا
= أنا مش فاهمه حاجه
* هاتي بس إيدك الحلوه دي وأنكچيني
= عملت كده ودخلنا جنينة الڤيلا كانت متزوقه حلو اوي بلالين وحركات حلوه والناس قاعدين ع ترابيزات وأغاني شغاله أول ما دخلنا لقيت ناس جايين ناحيتنا خمنت أنهم أهله عشان فيهم شبه من بعض
* أعرفك بقي دي ماما
= أبتسمت ولسه بمد إيدي وأسلم عليها لقيتها راحت وخداني ف حضناها وفضلت تبوس فيا
- ما شاء الله جميله اوي يا أسر .. ألف مبروك يا داليدا يا حبيبتي أنتي دخلتي قلبي من أول ما شوفتك .. عرفت تختار يا أسر
= أنا واقفه مش فاهمه حاجه قولت لأسر بصوت واطي أنا مش فاهمه حاجه عرفت تختار ايه وبتباركلي ليه
* ضحك وقالي، أصبري بس دقايق وهتعرفي كل حاجه .. دول أخواتي ملك و رحيم وسليم
= سلمت عليهم وبرضوا لقيتهم بيباركولي
- يلا يا حبايبي روحوا أقعدوا وأنا هجبلكوا الشبكه
* أسر مسك إيدي وروحنا قعدنا ع كرسي العريس والعروسه
= أنا أنفعلت شويه، أسر أنا عاوزه أفهم دلوقتي ايه اللي بيحصل ده وأهلك بيباركولي ليه وكأني أنا اللي هتخطب
* أهدي يا داليدا وهقولك أهو ايه اللي بيحصل
= ياريت
* أنا قاعد هنا بقالي 3 سنين لما جيتي سكنتي ولقيتك لوحدك ف سألت البواب حكالي قصتك كلها وقالي ف الأخر هي بتحب تبقي ف حالها ومش عاوزه تتعامل مع حد ف متحاولش تكلمها اوي تضايقها يا أستاذ أسر
قولتله لا طبعاً لو عاوز أكلمها كنت سألتها هي ع طول وخلاص من وقتها بقيت مركز معاكي و فكل تفاصيلك وكل يوم كنت بنجذبلك أكتر لما بشوفك بحس بسلام نفسي وهدوء ودفا جميل اوي وكان نفسي اوووووي أقربلك وأتعرف عليكي
كنت بتضايق اوي لما بلاقيكي قاعده ف البلكونه بالليل وبتعيطي ببقي عاوز أطييير وأجيلك وأمسحلك دموعك وما أخلكيش تعيطي تاني كنت عاوز أجمع معلومات أكتر عنك ف كلمت البواب تاني وعرفت منه مكان سكنك القديم و روحت سألت عليكي هناك وعرفت كل حاجه من الجيران
خدت قرار أني أتجوزك وأعوضك عن أي حاجه وحشه حصلتلك
= أتكلمت وأنا بعيط، شفقه يعني عشان صعبت عليك شكراً خالص يا أستاذ أسر أنا كويسه ومش محتاجه شفقه من حد
* شفقه ايه أقسم بالله أبداً أنا مرتاحلك وعاوز أكمل معاكي حياتي
= ميرسي ع المجامله اللطيفه عن أذنك، ولسه هقوم أمشي مسكني من إيدي
* أستني يا داليدا والله العظيم ده لا شفقه ولا مجامله أنا فعلاً عاوزك معايا والله برتاح جداً وببقي مطمن طول ما أنا شايفك وحاسس بوجودك عاوزك معايا ع طول
= عيطت أكتر، ليه بتعمل معايا كده أنا كنت فرحانه اوي وأنت معايا أمبارح أول مره أحس بالونس بعد وفاة بابا وماما أول مره أحس بالأمان و الفرحه بس مكنتش حبه يبقي كل ده بدافع الشفقه
* يابنتي أقسم بالله ما شفقه كل ده بسبب مشاعري ناحيتك أنا عاوز وحابب أكون معاكي أرجوكي أفهميني وحسي بيا
= شويه وهتزهق مني وتسيبني وتمشي
* أبداً يا داليدا عاوز والله عاوز أكمل حياتي معاكي
لو هزهق كنت زهقت من مراقبتي ليكي ليل نهار وأنتي متعرفنيش ولا تعرفي أني موجود أصلاً صدقيني والله محتاجك معايا اوي
= بصتله وأنا بحاول أتأكد إذا كان صادق ولا، بجد عاوز تتجوزني
* ياريت والله أنول الشرف ده
= مسحت دموعي بضهر إيدي، موافقه
* بص للسما بفرحه، يااااا الله الحمدلله أنك حققتلي أمنيتي، مسك إيدي وباسها، بحبك يا داليدا هانم
= أتكسفت جامد ومعرفتش أرد، لقيت مامته وأخته جايين علينا بالشبكه وبيزغرطوا وأشتغلت أغنية يا دبلة الخطوبة والناس كلها قامت وقفت وبيصوروا ويزغرطوا وصحاب أسر بيصفروا، أنا مش مصدقه اللي بيحصل بس فرحانه اوي شكراً يارب أنك حققتلي أمنية عيد ميلادي
* خد الدبله من مامته ومسك إيدي ولبسهالي وخد الخاتم ولبسهولي خد السلسله ولبسهالي
= خدت الدبله من أخته ولبستهاله والزغاريط شغاله حوالينا وأنا بضحك وعيوني مدمعه ومبسوطه
* بصلي بحب وفرحه وباس إيدي و راسي وقالي، بحبك يا داليدا هانم .
تَمَلكتَ اَلفُؤَادَ بدُونَ عِلِمي
فَمَا أزْهَى الفُؤَادَ وَأنتَ فيه
تمت
بقلمي/ إيمان أحمد