= دخلت الشركة و كلي طاقة إيجابيه و حماس عشان هقدم ع الوظيفه اللي بحلم بيها ديزاين جرافيك وقفت قدام موظفة الأستقبال، صباح الخير
- صباح النور أقدر أساعد حضرتك بأيه
= أنا جاية أقدم ع وظيفة .......
- اه حضرتك الأستاذة إيمان
= أيوه أنا، أبتسامتي بقت من الودن للودن
- لحظة، رفعت السماعة وبتتكلم، الأستاذة إيمان هنا يا فندم
= بصتلها بترقُب لقيتها بتبعد سمعت الفون و ف صوت حد بيزعق طالع منها دقيقه ولقيتها ردت
- حاضر يا فندم خمس دقايق و هدخلها لحضرتك، قفلت، أتفضلي حضرتك أقعدي هنا و شويه وهدخلك
= أبتسمتلها وقولتلها، تمام و لسه هروح اقعد.......
- أنسه إيمان
= لفيت وقولتلها، أفندم نعم
- قربت راسها مني وأتكلمت بهمس، أنتي متأكدة أنك عاوزه تشتغلي معانا هنا
= أستغربت وكلمتها بنفس الهمس، أيوه بس ليه سألتيني السؤال ده
- بصت حواليها وبعدين رجعت كلمتني تاني بهمس، أصل المدير بتاعنا صعب أووووووي ع طول متعصب وبيزعق ع الفاضي و المليان وبتكلم مع الموظفين بطريقة وحشة اوي وبيكسفهم قدام بعض عادي
= يا ساتر يارب ده مريض نفسي ده ولا آيه
- و أكترررر هتشوفي بنفسك بس بحذرك فكري كويس قبل ما تدخليلهُ
= قلقتيني خلاص هقعد دقيقتين أفكر و أرد عليكي، قعدت وبفكر طب هشتغل أزاي معاه ده هيطلع عُقدهُ كلها عليا و إذا كان هو مجنون ف أنا عقلي هربان مني و مش هنعَمر مع بعض لاااا أنا أنفد بجلدي أحسن و أشوف شركة تانيه بناقص الشركة المنيلة دي لسه هقوم أمشي لقيت البنت جيالي
- المدير مستنيكي جوا أتفضلي
= بس أنااا......
- معلش يا أنسه لازم تدخلي دلوقتي قبل ما يطلع يزعقلي
= فجأه لقيت نفسي قدام مكتبه و البنت خبطت وفتحت الباب و قالتلي أتفضلي ومشيت، أنا مش عارفه أفكر و أتوترت لقيت صوت جاي من جوا وبيتكلم بعصبية
_ هتفضلي واقفة كتير عندك يا تدخلي يا تطلعي من الشركة خالص أنا مش فاضي لدلع البنات ده
= أنا أتصدمت من طريقة الكلام أنا أول مرة حد يكلمني بالأسلوب ده دخلت لقيته قاعدي ع الكرسي و مديني ضهرهُ روحت رزعه الباب ورايا
_ قام بعصبية و لف ولسة هيزعق أول ما شافني تنح
= أتكلمت بثبات أنفعالي وهدوء أعصاب، معلش الهوا قفل الباب
_ أتكلم بهدوء عكس العصبيه اللي كان فيها من دقيقة، ولا يهمك أتفضلي .. أنسة إيمان صح
= مشيت وقعدت ع الكرسي اللي قدام المكتب، اممم إيمان
_ أهلاً بحضرتك بعتذر ع الطريقة اللي أتكلمت بيها كنت بحسب حد من الأغبية اللي شغالين معايا
= أتكلمت بأنفعال بسيط، ما هو لو حصل نصيب أنا هكون منهم و مش هسمح بالمعاملة دي معايا
_ طبعاً حقك وأنا مقدرش أعاملك زيهم
= أصلا ولا هما ينفع تعاملهم كده هما بني أدمين مش عبيد
_ طبعاً معاكي حق بس إن شاء الله لما تبقي معانا هتعرفي بنفسك أنا بعاملهم كده ليه و هتعذريني
= أنا أسفه مش هقدر أكون معاكوا عن أذنك، ولسه بقوم عشان أخرج
_ قام وقف قدامي بسرعة، أستني بس يا أنسة إيمان رايحة فين
= همشي مش هقدر أكمل ف الجو ده
_ بس أنا عاوزك معايا
= أفندم !!
_ أقصد يعني محتاج خبرتك و مهاراتك معايا ف الشركة
= بس أنا مش هعرف أشتغل وحضرتك بتتعامل كده
_ حاضر هعملك اللي أنتي عاوزاه بس خليكي
= تمام نقدر نتكلم ف الشغل
_ طبعاً أتفضلي أقعدي تحبي تشربي آيه
= شكراً مش عاوزة
_ لا والله ما هنتكلم غير لما تطلبي حاجه تشربيها
= تمام عاوزة ميه بس
_ رفع السماعة أيوه يا زفت
= انا بصتله وبرقت
_ بصلي و أتنحنح و أتكلم و هو بيجز ع سنانه، أيوه يا أستاذ سامي عاوز أتنين عصير مانجا فريش و زجاجة ميه معدنية سقعة ومش عاوز تأخير فااااهم يا أستاذ سامي، وحط السماعة
= نقدر نتكلم ف الشغل دلوقتي
_ طبعااااً حالاً أعرفك بنفسي الأول أنا يوسف صاحب الشركة وعندنا فروع تانيه ف كذا دولة أجنبية .. ممكن السي في بتاعك
= أدتهولهُ، الباب خبط و دخل واحد بالعصير
* أتفضل يا مستر، وحط الكوبايات قدامنا وبعدين قالهُ، أنت كويس يا مستر يوسف
_ يوسف باين عليه العصبيه بس بيحاول يداريها، مش فاهم يا سامي
* يعني كلمتني وقولتلي يا أستاذ سامي وطلبت مني بهدوء وكده وأنا مش متعود من حضرتك ع كده هو أنت كويس حاسس بتعب طيب أطلب الدكتور
= أنا جاتلي هيسترية ضحك، مش معقول أنت مستغرب إنه بيتكلم معاك بهدوء وإحترام مع إن ده المفروض يكون الأسلوب المتبادل بينكوا
_ يوسف متنحلي و ساكت
* لا يا أستاذة أنا أتعودت ع زعيق و عصبية مستر يوسف بصراحة الهدوء و الأحترام ده مش طبعه وغريب عليه
= أنا عماله أضحك من الصدمة
_ أتنحنح وأتكلم بغيظ طفيف، أنت بتغلط فيا يا سامي
* لا يا مستر والله مقدرش انا بس مش متعود ع الطريقة الجديدة دي
_ بيجز ع سنانه، طيب يا سامي أتعود بقي ع الأسلوب ده عشان أنت بني أدم مش عبد عندي أتفضل ومخصوم منك يوم
* حاضر يا مستر عن إذنك، خرج
_ هااااا آيه رأيك حلو كده عجبتك
= أتكلمت بلامبالاه، أنا مالي يعجبني ليه المهم يكونوا هما مرتاحين ف التعامل معاك، المهم خلينا ف الشغل
_ أحمم أيوه، فتح السي في، ما شاء الله خسارة والله بنت عندها المهارات دي كلها ومجتهدة ومشتغلتش قبل كده
= النصيب بقي نعمل ايه
_ ده أنا اللي حظي حلو عشان ربنا بعتك ليا قصدي للشركة وإن شاء الله نعمل شغل كويس طيب يا إيمان هتروحي دلوقتي و بإذن الله تيجي بكرا بدري و أعرفك ع كل حاجه هتعمليها وتشوفي لو ف حاجه ف مكتبك محتاجة تتغير
= تمام شكراً ليك، سلام، خرجت من المكتب
_ حط إيده ع وشه وأتكلم، ااااااااااااخخخخ مالك يا يوسف أول ما شوفتها قلبت قطة ليه وسمعت كلامها ولا لما ضحكت عينك بقت تطلع قلوب ف آيه أرجع لعقلك ما الشركة مليانة بنات و أي مكان بتروحهُ البنات بتتلف حواليك و أنت تمثال ولا بترمش أشمعنا دي اللي شقلبت حالك وخلتك تطب كده .......
تاني يوم الصبح ...
= وصلت الشركة و دخلت
- البنت بتاعت الأستقبال وقفت قدامي، أنسة إيمان صباح الخير مبروك عليكي الشغل معانا
= أبتسمتلها، صباح النور الله يبارك فيكي مبسوطة أني هبقي معاكوا
- أحنا أكتر بس عندي سؤال هو حضرتك عملتي ايه لمستر يوسف خلتيه يتغير معانا 180 درجة للأحسن
= ولا حاجه نصحته بس و كويس أنه عمل بنصحتي
- البنت بفرحة، شكراً ليكي أنتي جريئة أوي بجد عموماً أتفضلي هو مستنيكي ف المكتب
= تمام يا قمر أنا معرفتش أسمك آيه
- تيا
= تمام يا تيا، سيبتها و وقفت قدام مكتبه خدت نفس عميق و ظبطت شعري و هدومي خبطت ودخلت
_ قابلني بإبتسامة، صباح الجمال يا إيمي
= ياربي ع إبتسامته العسل زيه دي أحم مالك يا إيمان أنشفي كده، صباح النور .. أفندم
_ لا متستغربيش بتعامل كأننا أصدقاء مش مدير وموظفته أتعودي ع كده يعني
= غيرت الموضوع، عاوزة أعرف فين مكتبي بقي و هبدأ شغل أمتي
_ طيب أرتاحي نمضي العقد الأول وبعدين هتعرفي كل حاجه
= قعدت وطلعلي العقد و مضيته
_ الف مبروك يا إيمي نورتي شركتنا وربنا يوفقك
= كنت فرحانة أوي، الله يبارك فيك
_ تعالي بقي شوفي مكتبك
= مشينا وهو عمال يتكلم معايا ويضحك وكل اللي ف الشركة مندهشين ومستغربين هو أزاي بين يوم و ليله بقي كده .. بس أنا لاحظت أنه بيبقي ع طبيعته و راحته وهو معايا أنما باقي الموظفين بيتعامل معاهم برسمية مش أكتر .. دخلنا المكتب بتاعي
_ أتفضلي يا جميلة مكتبك كُرسيكي لاب توبك و ف كمان شاشة عشان وقت البريك تفصلي من الشغل ف حمام خاص بيكي تكييف و كورنر للمشروبات أهو كاتل وكل المشروبات اللي تحبيها و دي نوته فيها كل أرقام أقسام الشركة والمكاتب وكل حاجه تحتاجيها ورقم مكتبي أولهم طبعاً لو ف حاجه كلميني ومتتعبيش نفسك هجيلك ف ثانية ولو حد ضايقك تعرفيني ع طول وأنا أمشيه فوراً الشركة
= والله ده كتير شكراً بجد لحضرتك
_ أولاً أنا يوسف من غير حضرتك ومستر يوسف قدام الموظفين ثانياً ده كده أقل حاجه أقدمهالك أنتي تستحقي أكتر من بإذن قدام شويه همسكك منصب يليق بيكي مش عاوز أعطلك أكتر من كده عشان متمليش هبعتلك إيميلات بالتصاميم اللي عاوزينها ولما تخلصيهم ابعتيهملي أو كلميني أجي أشوفهم زي ما تحبي و وقت ما تلاقي نفسك تعبتي أفصلي خالص و أقعدي أشربي أو كلي أو نامي شويه زي ما تحبي النهاردة فري ليكي يعني ف حاجه حبه تسأليني فيها قبل ما أخرج
= لا أبداً كده تمام وشكراً بجد يا يوسف
_ يا الله يوسف طالعه منك كأنها أغنيه
= أفندم بتكلمني
_ أحم لا أبداً بالتوفيق أسيبك تشتغلي، خرج
= قعدت بفرحة ع الكرسي وفضلت الف بيه زي الطفلة، أخيييررراااااً بقي عندي المكتب اللي بحلم بيه والوظيفة اللي بحبها، قومت عملت نسكافيه ورجعت قعدت لقيته بعت التصاميم كانوا أتنين بدأت أشتغل فيهم ...، بعد وقت خلصتهم رجعت سندت ضهري ع الكرسي بتعب وأتنهدت، ااااااه ياااني يا ضهري أخيراً خلصت أبعتهم ليوسف بقي يااااارب يعجبوه بعتهم ع الميل دقيقة و لقيت الباب بيخبط، أدخل
_ دخل وهو مندهش ومبسوط، اايييييه ياااابنتي الجمداااان ده لا بجد ما شاء الله عليكي أنتي ممتازة جدااااااً أنتي لازم تتبخري عشان متتحسديش من الموظفين اللي هنا لا بجد ايه ده ايه التصاميم الجامده التحفة دي
= بجد يا مستر يوسف قصدي يا يوسف عجبوك
_ عجبوني جداً يابنتي ده أنا هديكي مكافأة كمان، رفع السماعة أيوه يا محمد عاوز 500 ج مكافأة للأنسة إيمان بعيداُ عن المرتب أبعتهم حالاً، قفل وبصلي، سامحيني دي حاجه قليلة خالص بس وعد مني بعدين مع شغلك التحفة دي هيزيدوا كتييييير وهنعملك حفلات تكريم كمان وقريب أوي همسكك منصب كويس جداً
= والله يا يوسف كل ده كتير عليا جداً مش عارفه أقولك آيه و أشكرك أزاي أنا لسه معملتش حاجه لكل ده
_ خاااااااالص مفيش حاجه كتيرة عليكي والله أنتي شاوري بس واللي عاوزاه هيتنفذ فوراً أنتي شاطرة وتستاهلي كل خير يلا كده خلاص النهاردة شغل وبكرا هتيجي وتمشي ف الميعاد تمام يا قمري أحم قصدي يا إيمي
= أنا أتوترت، ماشي، لميت حاجتي بسرعة، شكراً ليك تاني سلام، طيرت من قدامه وكنت حاسه بيه بيضكك من ورايا ع توتري وكسوفي .. روحت البيت وأنا طايرة من الفرحة ....،
بعد فترة من شغلي مع يوسف بقينا أصدقاء أوي وأكتشفت أنه طيب جداً و حنين جداً و إن أسلوبه ده كان بسبب أن كل اللي حواليه بتوع مصالحهم بس وبتوع فلوس لكن مش بيحبوا الشغل ومخلصين ليه وشكلي كده بدأت أحبه الموظفة التي وقعت ف حب مديرها ههههه غريبة أنتي يا إيمان المدير مش هيبص لحتة موظفة بس تعامله معايا بيحسسني انه بيبادلني نفس الشعور اااااخخخ يلا لازم أنام دلوقتي عشان عندي يوم مهم بكرا
تاني يوم الصبح ...
= نزلت لقيته مستنيني بالعربية كالعادة
_ صباح الورد يا وردتي
= صباح الروقان
_ والله يا إيمي أول ما بشوفك بروق
= وبعدين بقي ف كلامك اللي بيحرجني ده وبيخليني أتوتر
_ ضحك، عسل وأنت متوتر، وقف وطلبلنا فطار، النهاردة عاملك مفجأه بس لما نروح الشغل
= الله بجد طب قولي نبذه طيب
_ وتبقي مفجأه أزاي طيب
= رخم
_ الله يخليكي والله يلا يا قمر أنزلي
= نزلت و دخلنا الشركة كانت الدنيا ضلمه مفيش نور خالص ف الشركة
_ آيه ده هو النور قاطع ولا ايه
= أنا خايفة، فجأه لقيت حاجات بتفرقع وتسقيف والنور نور أنا من خضتي حضنت يوسف جامد وخبيت وشي ف بعفوية
_ نزل براسه جنب ودني، أهدي الموظفين بيحتفلوا بيكي متقلقيش
= أنا أستوعبت الوضع اللي أحنا ف وبعدت عنه بسرعة و البنات أصدقائي بيسلموا عليا ويباركولي وأنا مش فاهمه حاجه بصتله بإستغراب
_ شاورلهم بإيده عشان يهدوا، وبصلي وهو فرحان أنتي بقيتي مدير فرع أولاً و ثانياً مدربة للموظفين الجدد مبروك يا إيمي أنتي تستاهلي كل خير
= أنا بقيت بدمع من الفرحة ومش مصدقة نفسي وكلهم عمالين يغنوا ويلفوا حواليا وهو واقف بعيد مربع إيده وفرحان وضحكته العسل منوره وشه .. جابوا تورته وقطعتها وكل واحد بقي يأكلني حته بصتله وشاورتله بإيدي عشان يجي شاورلي لا .. خلصوا أحتفال بيا و روحتله، مجتش ليه تحتفل بيا معاهم وتأكلني تورته شكل بقيت بتغير مني عشان بقيت أنافسك ع فكرة أنا مقولتلكش أني عاوزه أمسك المنصب ده أنا كنت فرحانه بوظيفتي لأنها كانت حلمي بس لو المنصب الجديد هيخلينا نخسر صداقتنا يبقي بلاش منه
_ بصلي وأبتسم، خلصتي
= قولتله بزعل طفولي، أيوه و ربعت إيدي وبصيت بعيد عنه
_ مديرك لما يكلمك تبصيله مش معني أنك بقيتي مدير فرع يبقي كبرتي عليا
= بصتله و أنا مندهشة
_ تعالي يلا نمشي عشان أحتفل بيكي بطريقتي
= نعم !!
_ مسكني من إيدي و ممشيني وراه وخد شنطتي وخرجنا من الشركة وفتحلي العربية، أتفضلي يا جميلة
= ركبت وأنا مندهشة
_ مليش ف الأحتفالات اللي مليانه دي أنا بحب الهدوء ف هاخد حضرتك ف مكان هادي وأحتفل بيكي
= أنا قلقت، يعني آيه مكان هادي وتحتفل بيا
_ دماغك راحت لبعيد رايحين كافي عادي و ف ناس بس اقصد نبقي أنا وأنتي بس من غير الموظفين ودوشتهم
= بجد، وأبتسامتي أترسمت ع وشي
_ أعمل أيييييي حاجه عشان أشوف الفرحة والأبتسامة دي ربنا يديمها عليكي يارب
= لقيت نفسي بدمع غصب عني
_ ليه بس كده ده أنا لسة بقول أعمل أي حاجه عشان أشوف أبتسامتك
= أنا من وقت ما جيت الشركة وأنت بتعمل كتيييييييررر عشاني وأكتر من اللي أستحقه وأنا مش عارفة أردلك ده أزاي حقيقي
_ طيب ممكن تهدي و نأجل كل الكلام ده لما نوصل وعشان خاطري متعيطيش تاني عياطك ده بيقتلني بحس نفسي مقصر معاكي والله
بعد ربع ساعة ف الكافي ...
= دخلنا كان حاجزلنا ترابيزه متزينة بالبلالين وزينة، الله يا يوسف جميلة أوووووي بجد
_ الحمدلله أنها عجبتك
= قعدنا الويتر حط أطباق قدامنا أنا طبقي ف مولتن كيك وكاتبين أسمي بالشكولاته وهو طبقه ف تشيز كيك
_ أنا عارف أنك بتدوبي ف الشكولاته فطلبت المولتن كيك وقولتلهم غرقوه شكولاته ع قد ما تقدروا مبروك يا إيمي وربنا يوفقك ف اللي جاي وأنا ربنا يقدرني و أفرحك دايماً وأحققلك اللي بتتمنيه و أبقي ف ضهرك ع طول
= عيوني دمعوا تاني، أنا مش عارفه أرد جمايلك دي أزاي بجد ريحني و أطلب أي حاجه أقدر أعملهالك عشان خاطري
_ لا يا إيمي أنا مش عاوز مقابل منك ومش بعمل كده عشان أخد مقابل بقالك كام شهر معايا و عرفتيني كويس أني مش بتاع ماديات ولما بعمل حاجه مش بستني مقابل ليها أنا بعمل كده عشانك عشان أنتي تستحقي ده مش بعمل حاجه كتيرة عليكي لو شايفها كتيرة مش هعملها كفاية عليا اشوف ضحكتك وفرحتك والله العظيم وأشوفك ناجحة ف شغلك يابنتي أنتي طيبه وجميلة وتستحقي كل خير والله أنتي مش عارفه عملتي فيا آيه من أول ما دخلتيلي المكتب وشوفتك
= مسحت دموعي و أبتسمت، عملت آيه
_ ضحك، وقعت ع جدور رقبتي
= ضحكت، أزاي
_ خلتيني أتهبلت مبقتش ع بعضي كده عيني بقت تطلع قلوب قلبت قطه مره واحده بقيت مسحور وبسمع كلامك وبنفذ اللي أنتي عاوزاه بس، يابنتي أنا مكانش ف حد بيعرف يتكلم معايا زي ما عملتي كده أنا كنت عنيف و صارم جداً أول ما شوفتك بقي ضعفت مبقتش قادر أزعق ولا أتنرفز ولا أتعصب لا عاوز أفضل باصص ف عينك و أقول نعم وحاضر وماشي و ياااااا الله لما ضحكتي أول مرة مقولكيش من جوايا كنت عامل أزاي قلبي كان بيرقص ع نغمات ضحكتك والله آيه يابنتي أنتي مش بشر زينا أنتي ملاك ماشي ع الأرض صحيتي الأنسان اللي جوايا ونيمتي الحيوان الشرس والله و غيرتيني للأحسن
= أنا بضحك وبعيط ف نفس الوقت
_ طيب أفهم آيه كده فرحانة ولا زعلانه
= أنت ع طول مفرحني أقرب الناس ليا مش بيعملوا اللي أنت بتعمله ده، بتعمل معايا كده ليه ريحني و قولي
_ عشان السبب اللي بتفكري ف
= أنا أتوترت بس حاولت أداري توتري، سبب آيه ده
_ بحبك يا إيمان من بعد ما شوفتك سرقتي قلبي وأنا أقصد المعني الحرفي للكلمة سرقتيه فعلاً وأنا سبتهولك وراضي ومبسوط، مبقتش شايف غيرك حرفياً من قبلك كنت أعمي ولما جيتي شوفتك أنتي وبس كل تفكيري ف إيمان و ازاي أفضل جنبها وأدعمها وأبسطها وبس مبقتش عاوز حاجه تانية من الدنيا غيرك المقابل الوحيد اللي عاوزه منك أنك تكملي معايا حياتي بس .. لحظة قبل ما تجاوبي فكري كويس و سواء كان قرارك بالرفض أو القبول أنا ف الحالتين معاكي ومش هسيبك وكل حاجه بينا هتفضل زي ما هي و.......، معلش فون مهم هرد بسرعة و أرجعلك، خرج
= أنا كنت لسه بعيط من الفرحة مش مصدقة اللي سمعته ده طلع بيحبني زي ما بحبه ده حقيقي مش معقول أزاي ااااااااخخخخخ قلبي أرتااااح وعاوزه أكمل معاه اللي باقي من حياتي .. رجع و قعد
_ بعتذر أني رديت ع الفون وقطعت كلامنا بس كان ف مشكلة ف فرع لندن و حليتها خلاص .. ها زهقتي نقوم نتمشي ولا أروحك
= لا مبزهقش منك
_ الله يخليكي كلهم برضوا بيقولولي كده قعدتك مايتزهقش منها يا واد يا يوسف
= ضحكت، فعلاً عندهم حق
_ أيوه يا شيخه أضحكي كده خلي الورد يفتح
= طيب يا واد يا يوسف مش عاوز تعرف رأيي ف الموضوع اللي كنت بتتكلم ف قبل الفون
_ أسمي بيطلع منك بنغمة غريبة كده بتخلي جسمي يقشعر وقلبي يرقص والله وببقي عاوز أقوم أخد كل الناس بالأحضان
= ضحكت جامد، كل ده عشان قولت يا يوسف بس
_ ااااااخخ من يوسف متعرفيش يوسف دي بتعمل آيه جوايا
= أمال لو قولت خطيبي يوسف أووو جوزي يوسف، بعد ما كان ساند ضهره ع الكرسي أتنفض كده وقرب
_ أنتي قولتي آييييييييه خطيبي يوسف وجوزي يوسف، قام بسرعة وقعد ع ركبته قدامي ومسك إيدي الأتنين وبقي يبوسهم، يا حياة يوسف، يا عمر يوسف، يا روح يوسف، يا عيون يوسف
= أنا أتكسفت جدااااً و وشي أحمر وعماله أبص ع الناس اللي بتتفرج علينا و أبصله وبحاول أشد إيدي منه، يوسف سيب إيدي الناس بتتفرج علينا
_ يولعوا الناس المهم أنتي موافقة من قلبك بجد
= أتكلمت بإحراج، أيوه والله موافقة
_ بحبكك أوووووووووي يا إيمان
= وأنا بحبكك جداً يا يوسِفي .
قُدر ل قلبي أن يقع بك .
تمت
بقلمي/ إيمان أحمد
ممكن تدعموني وتقولولي رأيكوا 🌸🦋