اسمي أيڤ اول سنه جامعيه اللي عندي إبن خاله كلش معقد وحريص اسمه مهيمن
مهيمن طالب جامعيه وهم سنه اولى بس هوه كلية طب واني علم نفس عندي 6 صديقات وكل صديقه بقسم ومهيمن عنده صديق اسمه محمد ويا بنفس القسم صديقاتي ساره اقرب وحده اللي ولميس وسمر اللي تحاول دائماً تخرب كلشي رنده
وحور ومَيس تبدأ قصتنا من...
أيڤ: الو هلا ساره شلونج
ساره:هلابيج فوفو
أيڤ:اكلج عمري وين نلتقي؟
ساره :تعالي يم الكافتيريا مال الجامعه منتضرينج انه والبنات
أيف : تمام
وصلنه للجامعه مالتي نزلت مهيمن نزل وياي
أيڤ:ها؟
مهيمن : شنو ها؟
أيڤ:شنو راح تجي وياي ؟
مهيمن: اي ليش ؟
أيڤ: مايحتاج تجي اني اعرف اروح وحدي
مهيمن :أمج كالت وصلها يم صديقاتها ونوب ارجع لجامعتك
أيڤ: اها اوك
وصلني يم صديقاتي سلمت عليهن وهوه واكف
أيڤ: مهيمن متروح شعندك واكف
مهيمن: راح اروح واذا احتاجيتي شي اتصلي عليه
حجيت بگلبي هوه واني منيلي رقمك ضليت صافنه
مهيمين: ها صفنتي شبيج؟
أيڤ: ماعندي رقمك حتى اتصل عليك
طلع تليفونه راد ينطيني رقمه كدام صديقاتي
أيڤ: اوكف
مهيمن :شبيج
أيڤ:اني اتصل على ماما وهيه تتصل عليك تجي عود
مهيمن : تمام براحتج
وأشر بأيدي باي وراح لجامعته
واني وصديقاتي رحنه لمحل جان يبيع كُلشي كتب وملازم وحلويات وجان كاعد بيه رجال چبير بالعمر يعني بحدود لـ70 او لـ60 اسمه عمو خالد
دخلنه اني والبنات
عمو خالد: هلا بنياتي هلا بويه
صفنه كلنه بوجه يسأل معقوله يعرفنه؟
أيڤ: هلا بيك عمو بس العفو منك تعرفنه
عمو خالد: لا والله بويه هاي اول مره اشوفچن ومبينات خوش بنيات
أيڤ: استغربنه من كلت هيج اول مدخلنه للمحل
عمو خالد: اعتذر منكم بويه خاف خوفتجن بس انه ماعندي بنيات واي بنيه تدخل للمحل هيج اتلكاها
ساره: لا عمو شسالفه كلنه بناتك مو صح بنات؟
اني والبنات أي عمو اعتبرني بنتك الصغيره اني اصغر وحده بيهن
عمو خالد : الله يحفظجن ويستر عليجن
اشترينه علج ومي وكم شغله لأن الكافتيريا غاليه شوي
رجعنه كل وحده راحت لقسمها واني وساره بنفس القسم دخلنه سويه كعدنه بنفس المكان يعني قريب عليه ودخلو شباب ثنين اتجهو علينه ضلو صافنين عليه واحد اسمه اياد والثاني سيف
أيڤ: العفو اكو شي بوجهي
ندهتني ساره يعني تريد تسكتني
اياد: لا بس كأني شايفج بمكان
أيڤ: واني مشايفتك
سيف: تعرفين وحده اسمها حور؟
أيڤ:حور شنو؟
سيف: حور علي كاضم
أيڤ: اي صديقتي
اياد: يعني أنتِ ايڤ
ساره فهمت الموضوع لزمت ايدي وكالت نترخص
طلعنه من القاعه
ساره:ولج هذا اياد اللي حور جانت تحبه بس ما أخذها
أيڤ:عزه حلفي
ساره: وربج
أيڤ: رحنه بيها
رجعنه للقاعه بنفس المكان وطلع ويانه بس سيف لأن اياد جان بكلية الضباط وهمه اخوان
اجى الدكتور سلم علينه وتعرفنه وخلصت المحاضره
ساره: تكسرت تكسر
أيڤ: اي بالعباس
ساره: راح اتصل على البنات حتى نلتقي بالحديقه
أيڤ: تمام
ساره: الو حور
حور: ها سارونه
ساره: وين انتِ
حور: خلصنه من مساع ومنتضرينج أنتِ وأيڤ
ساره: اوكفن بالحديقه جاين
رحنه للحديقه
ساره: لجج حوور شفنه اياد وسيف وسيف طلع ويانه بنفس القسم
حور : جذااابه
ساره: وداعتج
حور : وشنو صار ؟
ساره: هوه ما عرفني عرف بس أيڤ
حور: اي مو أيڤ جانت توصله اخبار عني
أيڤ: اي وانه اللي اكلتها والمشكله اخو معجب بيه خرب أنه صار ثنين اخلص من مهيمن يجيني سيف
حور: تهون تهون
أيڤ : بالمشمش
ضحكنه كلنه😂
حور : مع العلم تره حتى هذا ابو النسوان هم معجب بيج
أيڤ: منو قصدچ اياد؟
حور: أي
ساره : اي عفيه حتى اني لاحضت هوه نسونجي وراد يخرب بينجن
سمر : صارو ثلاثه
أيڤ: شقصدج؟
سمر : ماقصدي شي بس هذا اول يوم وهيج لعد شمنتضرنه باقي الايام
ردته اكوم اضربها ولزمتني ساره
أيڤ: اللي ما يلوح العنب يصيح حامض
سمر: شتقصدين
أيڤ: ما اقصد شي
ساره: كافي بنات
سكتنه
ونوب سلمنه ع بعض ورجعنه للبيت اتصلت على ماما حتى يجي مهيمن ياخذني لأن الشمس موتتني
أيڤ:ماما اتصلي على مهيمني يجي
ماما: تمام
اجى مهيمن اخذني
مهيمن: شنو اشغلج
أيڤ: راسي يأذيني لا تشغل شي
مهيمن :تمام
ضلينه ساكتين
مهيمن: شنو صار وياج اليوم
أيڤ: يا لكيتتت ونوب سكتت
تذكرت هذا اذا اسولفله يسويلي مشكله ومالها داعي ونوب سكتت
مهيمن : اي شنو لكيتي ؟
أيڤ: شبيك رجال چبير بالعمر خطيه هذا المحل ماله يم الجامعه مالتنه وطلع ما عنده بنات
كمت الزكها بس حتى نوصل بسلامه
وصلنه نزلت هوه بيتهم مقابيل بيتنه
تغديت وصعدت انه ماعندي لا خوات ولا اخوان فَـ البيت هدوء
صعدت نمت من 3 للـ5 كعدت
التكلمه بالبارت الثاني