اخذهن مهند وراح من يم عمو خالد
واني رحت ويه ساره للقاعه لأن راح يجي الدكتور رحنه للقاعه واني لازمه بس ملزمه وحده ومكيفه لأن كل بالي جان يم مهند ومجنت اعرف شنو اسمه وشكله جان يتردد براسي دخلنه للقاعه كعدنه على لستيج إني وساره
ساره: أيڤ وين باقي الكتب مالتج والبحث وين؟
أيڤ: عزه نسيتهن يم عمو خااالد
ساره: رحتي بيها
خلال هذا الوقت دخل الدكتور
وأني متوتره وميته خوف وبهذا الوقت مهند جان يدور على قاعتي والدكتور جان كلش عصبي صاح بأسمي
الدكتور : أيڤ علي
أيڤ: نعم دكتور
الدكتور: البحث وين؟
أيڤ: دكتور نسيته بالمحل
الدكتور: كولي مسويت مو نسيته
ودي اكوم اسطره ع وجهه
دخل مهند ندك باب القاعه
مهند: العفو أيڤ علي موجوده؟
الدكتور: نعم موجوده
أني جنت واكفه
مهند: هذا البحث مالها
نزلت حتى أخذ البحث وهمستله بصوت ناصي نقذت من يزيد ابتسملي وطلعت الغمازات قدمت البحث للدكتور وراح مهند
خلصنه وطلعنه
ساره: منو هذا ؟
أيڤ: اللي راح يخلصني من أبن خالتي
ساره: على الخير بس ديري بالج من سمر
أيڤ: يبوووو هم هاي
ضحكت ساره وصلنه يم البنات واتصلت ماما
أيڤ: الو ماما شلونج
ماما: هلا بنيتي شلونج
أيڤ: الحمدلله ماما
ماما: أيڤ بنيتي مهيمن ينتضرج يم الباب
أيڤ: لعد وخالو
ماما: خالج عنده شغل
أيڤ: تمام يلا باي
سديت الخط يلا بنات اترخص أني
ساره: ها وين
أيڤ: المسعد ينتضرني
سمر : اكلج عود أبن خالتج شنو يدرس
أيڤ: طب عيني
سمر : طب وما تردينه وكاتل نفسه عليج
أيڤ: أي إني مو كل واحد يعجبني ويموت عليه يشتم لتراب اللي امشي عليه أنتِ شوكت قسمتج كلتها بأستهزاء وضحكت خليت ومشيت
رحت لمهيمن
مهيمن : شلونج
أيڤ: ازهو بالنصر
مهيمن: شنو الشي اللي مخليج هيج فرحانه ؟
أيڤ: تعبانه وصلني للبيت اريد اتغدى وانام
مهيمن: بالخدمه
وصلني للبيت نزلت تغديت وكملت نمت كعدت بـ6 درست وخلصت صارت بـ11 ونص تعشيت گلبت بالتليفون صارت بـ1 وقت التليفون ونمت
كعدت الصبح لبست فستان لون بنفسجي فاتح وخليت مكياج كلش خفيف كلعاده نزلت وخالي وصلني للجامعه ونزلت يم عمو خالد
عمو خالد: صباح الخير بنيتي
أيڤ:هلا بهل صباح
عمو خالد: وصلنج غراضج" يقصد كتبي"
أيڤ: أي عمو وصلن شكراً
عمو خالد: لازم تشكرين مهند مو أنه
أيڤ:مهند؟ منو هذا ؟
عمو خالد: نفسه اللي وصلج الكتب
أيڤ: هااااا
عمو خالد: أي
اخذتلي كيكه أم الككو وحليب ككو كعدت كملت اريد اطلع جان اتلاگه ويه مهند
مهند:صباح الخير
أيڤ: هلا صباح النور
مهند : البارحه ضربتيني وطيحتي كل الاوراق ورحتي وفوك كل هذا سويتلج زين وصلتلج كتبج يحجي بوجه مبتسم
أيڤ: اعتذر والله بس جنت مستعجله بس منين عرفت اسمي
مهند: من عمي خالد
أيڤ: اها اهلا وسهلا بيك
مهند: بيج اكثر
ابتسمنه وما انتبهت انو مهيمن اجى لزمني مني ايدي قوي
أيڤ: مهيمن ايدي اذيتني
تقرب مهيمن على مهند وهمسله دير بالك تفكر بيها وجان يرجعني وراه بكل وقته وايدي طكت من القوه صرخت عليه مهيييمممن ترك ايدي وركضت گبل لساره مهند صرخ بصوتت
مهند: أيييڤ
ساره: شبيج ليش تبجين
ايڤ: بسرعه اخذيني للمستشفى
گبل شغلت السياره ورحنه للمستشفى اخذولي اشعه طلع بيها رضوض بسيطه ونطوني مرهم
رجعتني للبيت اجى مهيمن دك الباب
أيڤ: منو ؟
مهيمن: أنه
أيڤ: روح منا جاي بكل عين صلفه بعد كل اللي سويته صدك ما تستحي
مهيمن:راح اروح عفتلج شغله كدام الباب
راح فتحت الباب لكيت باقة ورد وياها كارت مكتوب بيها أنه اعتذر مجان قصدي ومن خوفي عليج سويت هيج
لبست حجابي وجنت بعدني مامبدله فستاني وهمه اهله جانو طالعين اخذت باقة الورد
وشمرتها عليه
أيڤ: إني مو طفله حتى تسوي وياي هيج
ورحت للبيت قفلت البيبان ورجعتت نمت
كعدت من النوم لكيت ساره مراسلتني
ساره : هلا عمري شلون صرتي؟
اكو شخص سأل عليج
من تكعدين راسليني
اتصلت عليها
أيڤ: هلا عمري
ساره: هلا بيج شلون صرتي
أيڤ: شوي احسن حطيت مرهم وخف الألم
ساره: الحمد الله صدك اكون واحد سأل عليج
أيڤ: منو عمو خالد
ساره: هوه عمو خالد واحد غيره
أيڤ: أي احجي منو
ساره: هذا الولد يلي جابلج كتبج للقاعه وابن خالتج كلي أيڤ ماتواصلت وياج كتله لا وحضرته
لأن يلطش😂
أيڤ: زين تسوين هذا مهند اللي سأل عليه شنو كلتيله؟
ساره: كلي شلون صارت أيڤ هذا اكو واحد جر ايدها وكلي دير بالك تفكر بيها مدري شلون كتله الحمدلله صارت احسن الدكتور نطاها مرهم وصلتها للبيت كلته هذا ابن خالتها كال اها شكراً وباجر داوم كتله نوو
أيڤ: هذا كله صار لعد باجر اداوم
ساره: استقري جوليت روميو يكدر ينتضر
ضحكت
أيڤ: يلا عمري اخذي راحتج
ساره: حبيبي ديري بالج على نفسج واذا تحتاجين شي اتصلي
أيڤ: تمام عمري باي
صار ثاني يوم غيرت ملابسي وخليت مكياج وخليت المرهم وتريكت لأن متأخره ما الحك اروح لعمو خالد طلعت اخذت تكسي لأن خالي بالدوام وماريد مهيمن ياخذني وصلت للجامعه نزلت لكيت مهند ركض بأتجاهي
مهند: صباح الخير
أيڤ: صباح النور
مهند: اعتذر كلش هواي مجان قصدي اسويلج مشاكل
أيڤ: عادي هذا الشي مو بسببك بس هوه شوي مضروب بعقله
ضحك وطلعت غمازته
مهند: اليوم متأخره
أيڤ: أي خالي بالدوام وكعدت متأخره
مهند: صح النوم لعد
أيڤ: صح بدنك
مهند: بالمناسبه أنه كلية عسكريه يعني تقريباً قريب على كليتج طلع ويه
تكمله بالبارت الرابع