الحظ واقف عن باب هوصل ولكن !
عجزت ليه يا حلم
قبل الأوان بأوان
كان أملي فيك لكن
صعبه عليا الأيام
************
سيب التدابير كلها لله
اترمى في البير
ربك نجاة وجعله أمير
رموه في النار
فكانت برد ليه وسلام
شوفت اللي مد رقبته ليه
ربك فداه
************
يا ما كنت ليهم في الشدائد سند
وكنت بير أسرار شايل الكلام جواك
وهى دارت األيام ملقتش أيد تسندك
ولما الهموم حسرتك ملقتش حد معاك
****************
قلبك يا حزين
من امته الوحدة بتشفي عليل
بطل تفكير
من امته الليل كان شال احزان
ذكرة وايام
من يوم للتاني بتتمنى
أنا بكرا هكون
لكن تتمنى في آخر الليل
وبتصحى كأن الليل مجهول
مالك يا زمان .. تنساني أوام
ده أنا الأيام اللي جريتها من غير تنبيه
ازاي تتنمر ع الشيبة والضهر المحني وعجازا
وأنت اللي واعدني العمر طويل
ده أنت اللي مخطي في أيام
وأنت اللي سرقت العمر ساعات
إزاي اديك من عمري سنين
رهن طموحي واحلامي
ضاعت أحلام
ولقيت العمر يعدي أوام
ما بين يمكن وبين لكن
ومين باقي ومين ساكن
ومين أبيض ومين داكن
مبين طبعًا وبين حاضر
ولسه الواد عايش يحلم
ولسه العمر بيماطل
************
هربان علي فين
ما كفاية شريط العمر يكر
وشريط احلامك بقي ممسوح
وتسجل في أحلام تانية لشخص جديد
احلامك غيرك حققها
بعد التسريب
وسنين العمر تمر عليك
والوقت الضايع من وقتي
دي الحاجه اللي زمان بتفرح
مبقتش تفرح دلوقتي
************
العجيب
والغريب
واألجن
إن يبقى الغريب أحن
************
عن الصحبة اللي مش بدوم
عن العشرة اللي كانت وياك
وبتختفي في مسافة يوم
عن أصحابي اللي كانوا احباب
بنتحول نكون أغراب
وتتنازل عن صاحب منهم كل يوم
بص وشوف عن امبارح
عن اصحابي اللي كانوا ضهري
وضهري الليلة بقي مكشوف
************
القسوة اللي في قلبك ليهم
تكفيهم ندم عليك وحسره
مش كل صاحب تخسره
تعتبره ليك كسرة
لولا قلبك الطيب
هو اللي باقي عليهم
وأنت اللي عامل ليهم
من حنيتك انهار
لو كنت ليهم سند
كانوا هما ليك كسرة
وقلبك العشمان
أهو مات من الحسرة
************
اللي عاش طول عمره يدي
بيبيعوا في وبيشتروا
************
عن الغايب
عن اصحابي اللي كانوا مني
وفجأة الكل بيتبخر
طرف غايب
عن مواقف اصحاب وعشرة عمرى
ووقت الشدة سيبينك
وأفكار فى دماغك مبتتشلش
شيفينك بطلع فى الروح
وبكل برود لما يشوفك
فينك مش باين مبتسألش
****************
تجار في كسر الخواطر
وقلوب بجحودها متحجرة
حريفة كذب وخيانة
وضميرهم سلعة متخدرة
************
كل الطرق أيوب
ومنين أجيب صبري
كل الوعود بتدوب
وصابر علي صبري
يارب يا معبود
زود كمان صبري
************
بطل تفكر في اللي يوم مش ليك
وبالش تحاسب نفسك مرة على الماضي
لو كان في خير كنت افتكرته ولو بلحظة تسر
الحلو دائما أحلى بعد المر
************
وصاحبت البن يسهرني
اعاتب نفسى طول الليل
الغلطة دي ليه
طب فين الحل؟
************
يا مالك النفس والملكوت
أنا نفسي بس أعرف
إزاي صبر أيوب ؟
************
كل الخيارات شجرة آدم
إزاي عايزني اقطف تفاح !
************
مطمرش فيهم ملحنا وعيشنا
ولا صانة العشرة وقدروه
أنا كل قلبي ما يصفى ليكم
بتيجي بردو تعكروه
************
طفي الحريق بحريق
وضحك في وقت الضيق
لو حتى ضحكة بغش
كل اللي حكى همه
مسمعش غير معلش
************
يا شايل من الهموم اميال
وباين منه الوشوش هادي
بتخبية الحزن وفيه الضحكة
ودايما تقوله عادي
شايل جواك وساكت
لا بتشكي ولا تفضفض مره
كل ده جواك وقادر
دايما تضحك من بره
عرفت الناس وعمايلهم
ومصالحهم تبينهم
خسرت الجاي والرايح
باقيلك مين بتشكلهم
************