_ طيب قوليلي ده عيبهُ ايه
= بياكل بصوت وانا الحركه دي بتنرفزني اوي
_ و ده
= صوابعه طويله مش هتبقي حلوه و احنا بنتصور بالدبل انا بص إيدي صغنونه ازاي وهو صوابعه طويله زي التمساح
_ طيب و ده يا أخرة صبري
= اممممم ده دمه تقيل اوي بيبوظلي كل الافيهات اللي بقولها ويفضل يقولي يعني ايه مش فاهم
_ تاج ع فكره انتي بتدلعي انا حضرت معاكي كل القعدات بتاعت العرسان و مفيش أي حاجه من اللي انتي قولتيها دي
= أسم الله عليك ما أنت نبيه أهو أمال بتسألني ليه
_ عشان مستنيكي تقوليلي سبب مقنع لرفضك ليهم
= ما أنت عارف إني مش عاوزه اتجوز حد معرفوش يا زين
_ و فين اللي تعرفيه يا تاج
= لوح بعيد عنك الأحساس أنعدم من عنده
_ ايوه هيجي يتقدملك أمتي يعني
= أنت ناوي تكمل نص دينك أمتي
_ مش دلوقتي لسه شويه
= بيقولي لسه شويه
_ لسه شويه !! يبقي بيتسلي بيكي يا تاج بيقضي شوية وقت لطيف معاكي مش أكتر
= حطيت إيدي ع قلبي بتمثيل، أيوه أنا كان قلبي حاسس أنك بتلعب بيا
_ ما تبطلي هزار بقي يا تاج انا بتكلم جد
= زين أحنا بقالنا قد أيه بيست ؟
_ من وقت ما كنا ف الجامعه يعني تقريبا 5 سنين
= حلو اوي مش آن الأوان علاقتنا تترقي وتبقي خطيبي
_ قومي يا تاج أروحك عشان أنا عارف مش هخلص من سخافتك وهزارك ده .....
بالليل ...
= قاعده ع السرير خايفه وبعيط ومسكت الفون كذا مره عشان أتصل بزين بس مش بقدر .. زين بيرن خدت نفس عميق عشان أعرف أتكلم معاه عادي وميعرفش إني بعيط .. فتحت الخط وسكتت
_ ها سبب العياط ايه
= نعم !
_ قاعده بتعيطي وعاوزه تكلميني بس متردده ف كلمتك أنا وبسألك بتعيطي ليه
= بصيت للفون وبعدين بصيت حواليا رجعت حطيت الفون ع ودني، أنت بتراقبني يا زين
_ تاج يا ماما أحنا بقالنا قد ايه مع بعض وحضرتك قعدتي القاعده دي كام مره قبل كده و انا كلمتك كام مره يابنتي أنا خلاص حفظت وفهمت كل تفصيله فيكي، أتنهد، يلا يا تاج عندي شغل الصبح أحكي سامعك
= هو فعلا كل مره ببقي متضايقه او بعيط بلاقيه بيكلمني او بيجيلي يخرجني نتكلم بعيد عن البيت معرفش بيعرف أزاي أنا حزينه .. و ده اللي خلاني أحبه بقالي أربع سنين هو بيفهمني وبيحس بيا من غير ما أتكلم ....
_ تااااج سكتي ليه يا ماما
= هاااه لا أبداً معاك أهو
_ طيب أتكلمي يا تاج مالك
= أن... أناا خايفه، وبدأت أعيط تاني
_ أهدي يا تاج و فهميني براحه خايفه من أيه ؟
= طيب أفهمك أزاي إني خايفه تبعد عني .. مش عارفه يا زين بس خايفه
_ أتنهد، طيب يا تاج متقلقيش أنا معاكي وهنعدي أي حاجه مع بعض
= بجد
_ هل أنا طول المده دي أحتاجتيني وأنا خذلتك ف مره
= لا
_ طيب خلاص يبقي زي كل مره أنا معاكي و ف ضهرك دايماً
= شكراً
_ العفو يا ستي كفايه عياط بقي قرفتيني
= ضحكت، الله يسامحك
_ هيسامحني يابنتي طول ما أنتي ف حياتي هيسامحني من اللي بتعمليه فيا
= أنت بارد ع فكره
_ أيوه كده أرجعي تاج اللي أعرفها العياط و الأحساس ده مش لايق عليكي
= روح أتخمد يا زين
_ ضحك، ما أنا كنت هتخمد .. بس قولت أعمل خير و أضحك البومه اللي معايا بدل ما تنام معيطه وتقرفني تاني يوم بستوريهاتها الحزينه .. بس خيراً تعمل شراً تلقي .. أتفضلي يا هانم قومي أغسلي وشك ونامي ع طول .. تصبح ع خير يا عسل
= ضحكت، حاضر .. وأنت من أهل الخير، هتجوزك يعني هتجوزك يا زين مش هسيبك وراك وراك
بعد أسبوع ...
_ أنتي مش صعبانين عليكي باباكي و مامتك يا تاج
= صعبانين عليا طبعاً
_ أمال مش عاوزه تفرحيهم ليه و تتجوزي
= أنت مش صعبانين عليك بابا و ماما
_ جدااااااً والله
= أمال مش عاوز تفرحهم و تتجوزني ليه
_ يا تااااج أرحميني وكلميني جد مره
* زين أنت هتفضل منفضلنا كده و ع طول مع الأستاذه تاج
_ خضتني يا أخي الناس تقعد براحه تقول السلام عليكم مش تدخل داخله مباحث المخدرات دي
* متغيرش الموضوع .. هو ده اللي هقابلك ف الكافي بعد الشغل .. و أفضل مستنيك متجيش و ف الأخر الاقيك قاعد مع الهانم هنا
_ أيوه فيها أيه يعني هو أنت مراتي وقفشتني قاعد مع واحده تانيه
* فيها أنك نسيت صحابك خالص وبقيت مطنشهم ومقضي كل وقتك مع دي
= أيه دي اللي قولتها هو أنا كرسي قاعد أنا ليا أسم ع فكره و فيها أيه يعني لما يبقي معايا
* أنا بكلمه هو ع فكره وبعدين هو أنتي بقيتي مراته و أحنا منعرفش .. كل ما نكلمه مش فاضي والله أنا قاعد مع تاج معلش أصلي خارج مع تاج ف ايييييييييه بقي هو أنتي مش صاحبتهُ زي ما أحنا صحابهُ
_ أنا لو مش عارف أنك بتهزر كنت كسرت الترابيزه دي ع دماغك بسبب طريقتك دي و صوتك العالي
* يا عم أقعد بقي خنقتنا ومش عارفين نتلم عليك، خد كوباية العصير من قدامي وشربها
= العصير بتاعي يا طفس
* يلا يا زين أطلب الغدا عشان أنا هفتان جداً
_ زين ضربه ف كتفه، قوم يلا من هنا
* بصلي بغيظ و ضيق عنيه، ماشي يا صاحبي أفتكر أنك بتبيعنا عشان واحده ست
_ عمل نفسه هيقوم، لا أنت عاوز تتربي بقي
* طلع يجري من الكافي
= ضحكت، دمه خفيف أوي
_ والله فرحانه وأنتي بتخسريني صحابي كده
= بصتله من فوق لتحت، هو أنا ضربتك ع إيدك وقولتلك أخرج و أقعد معايا و سيب صحابك
_ لا بمزاجي وبرضايا ما هو محدش برضو يسيب القمر ده ويقعد مع خفافيش الليل دول
= طيب يعني مجبتش حاجه من عندي
_ كله يهون عشان خاطرك يا عسل .. تعالي نتمشي زهقت من القاعده
= يلا ، بنتمشي ع الكورنيش
_ هو العيل اللي مرتبطه بيه ده مش ناوي يجي يتقدملك بقي
= بصتله بزعل، لو سمحت أتكلم عنه بأحترام
_ مسكني من إيدي وقفني وهو مندهش، أيييييه ده لحظه تااااج أنتي عيونك مدمعه .. أنتي زعلتي بجد مني .. أنتي بتحبيه أوي كده !! أنا قولت عيل عشان ده لو راجل فعلاً مش هيسيبك كده من غير ما يبقي ف أرتباط رسمي .. هاتي رقمه يا تاج أنا لازم أتكلم معاه .. وبعدين أحكيلي عرفتيه أزاي
= أتكلمت من غير ما أبصله وماشيه، هتعرف كل حاجه ف الوقت المناسب
_ خلاص فكي التكشيره دي طيب أنا أسف مش هغلط ف تاني .. أستني تعالي نتصور، طلع الفون و فتح الكاميرا وخبطني بكتفه ف كتفي عشان ابص وأضحك، بصي للكاميرا يلا و أضحكي
= بصيت للكاميرا وابتسمت ابتسامه صفرا
_ تاج
= بصتله ، ضحكته جميله و عيونه جميله وملامحه جميله كله ع بعضه حلو اوي، سمعت صوت الكاميرا و هي بتصور
_ ايه رأيك كده أحلي من الضحكه بتاعتك الصفرا دي
= بصيت ع الصوره، اممم حلوه، هو ازاي مش شايف الحب اللي بينط من عيوني
_ تعالي يلا يا تاج هانم أوصلك وبعدين أعدي ع صحابي أراضيهم بكلمتين كده وبعدين أروح أنااااااام ....
بعد خمس أيام ...
_ تاااااج .. تاااااجي
= شيلت الهاند فري من ودني وبصيت ف الشارع لقيته، أيه ده خرجت من الشغل بدري يعني
_ أنزلي عاوز أتكلم معاكي
= حاضر، نزلت ركبت العربيه ومشينا و وقفنا قدام محل عصير نزلنا هو دخل المحل وانا وقفت قدام العربيه
_ خرج بأتنين عصير مانجا، تفضلي يا قمر
= شكراً يا سيدي كنت عاوزني ف أيه بقي
_ اممممم .. بما إنك مش عاوزه تفرحينا ف قررت أفرحك أنا
= يا فرج الله أخيرااااااً هتفرح قلبي أنا موافقه
_ طب أعرفي الأول أنا هعمل ايه
= عارفه .. أستني يابت حايز يقعد ع ركبه زي الافلام ويطلب تتجوزيه .. أحمم طيب هتفرحني أزاي
_ أنا قررت أخطب
= يااااااااه حاسه هيغمي عليا من الفرحه والله اخيراً بقي هيخطبني، وانا موافقه يا زيني
_ طيب مش تعرفي هي مين الأول
= بصيت ف الأرض بأحراج ، متكسفنيش بقي
_ يا تاج بقي خليني أكمل .. فاكره مي صاحبتنا
= أستغربت، مي القصيرة ام غمزتين دي
_ أيوووووون هي دي
= و دي مالها بموضوعنا
_ ما دي اللي انا هخطبها .. شوفتها النهارده ف الشركه كانت جايه تقدم ع شغل و دخلتلي وأتكلمنا وحسيت إني مشدود ليها كده وعجبتني .......
= أنا بدأت الرؤيه تتشوش قدامي وحاسه دماغي كأنها فاضيه وسامعه زين بيتكلم بس مش فاهماه وصوته كأنه بعيييييييد وغمضت عيني ومحستش بحاجه بعد كده .....
_ تاااااااااج
ف المستشفي ...
= فتحت عيني بتعب لقيت ماما و بابا و أخواتي و زين حواليا وبصنلي بقلق و ف محاليل متعلقه، ف أيه
_ أغمي عليكي وأنتي واقفه معايا
× الممرضه دخلت، لو سمحتوا مسموح بشخص واحد يقعد معاها بس و الباقي يروح
_ روحوا أنتوا يا عمي و أنا هقعد معاها و أول ما الدكتور يكتبلها خروج هجيبها و أجي
= أنا عاوزه ماما بس معايا
+ طيب خلاص أنا هقعد معاها و أنتوا روحوا يا جماعه ....
تاني يوم الضهر ...
= رجعت أنا و ماما البيت زين كان قاعد مع بابا ف الصالون ماما قعدتني ع الكرسي
+ هروح أحضرلكوا الفطار بسرعه، بابا قام معاها
_ زين جه قعد جنبي، حمدلله ع سلامة الهانم اللي وقعت قلبي معاها أمبارح
= بصتله وانا مرهقه، الله يسلمك معلش تعبتك معايا أول و أخر مره هتعبك معايا خلاص
_ بطلي دلع بقي و خفي بسرعه كده عشان تحضري خطوبتي
= حسيت كأن حاجه بتعصر قلبي أبتسمت ع خفيف و هزيت راسي
_ أنااااا قرأت فاتحه قبل ما تيجي، طلع علبه قطيفه من جيبه وفتحها قدامي، أيه رأيك ده خاتم الشبكة
= حاسه نفسي بيضيق ونطقت مبروك بالعافيه
_ طيب مقولتيش رأيك ف الخاتم
= أنا رأيي هيفيد ب أيه يعني دي شبكتها هي أنا مالي
_ رأيك هيفيد طبعاً ما دي شبكتك أنتي
= رجعت راسي ع الكرسي و غمضت عيني بتعب، طيب حلو جدا الخاتم ...، أستوعبت أنه قال شبكتك أنتي، رجعت فتحت عيني ع الأخر وبصتله أنت قولت أييييه
_ أبتسم أبتسامه عريضه كده و هزلي راسه بمعني أيوه
= يعني اللي فهمته صح
_ أيوه والله صح
= النشاط دب فيا فجأه و قمت أصرخ و أنا مبسوطه، يااااا مااااااماااااااا تعااااالي بنتك أخيرااااااااً هتبقي عروسه يااااااا بااااااابااااااااا، دوخت وكنت هقع ......
_ مسكني من ضهري وسندني، شوفتي أهو جنانك ده هيوديكي ف داهيه، قعدني ع الكرسي وجابلي كوباية ميه وبيشربني واحده واحده و الإيد التانيه حططها تحت بوقي
= أتكلمت بهدوء و انا ماسكه دماغي و مغمضه عيني، طيب ليه قولتلي هتخطب مي
_ كنت برخم عليكي بس مش أكتر وبعد كده كنت هقولك ع الحقيقه بس مكنتش أعرف إن هزاري هيتعبك كده أنا أسف سامحيني، باس راسي
= هزار بوابين ما أنا مش مضيعه معاك من عمري 5 سنين عشان ف الأخر تقولي هخطب مي .. وبعدين ضميرك صحي أمتي و خلاك تاخد الخطوة ده أنا صوتي أتنبح وانا بترجاك تخطبني كل شويه وأنت مستهبل ومفكر إني بهزر
_ فضل يضحك، أهدي طيب خليني أعرف أرد
= رد ردت الميه ف زورك
_ ضحك جامد، يااااابنتي أنتي مش حمل قلم مني أتهدي بقي
= أخلص متنرفزنيش أنا تعبانه و فيا اللي مكفيني
_ عارف يا تاجي مشاعرك ناحيتي من زمان وانا كمان عندي نفس المشاعر ليكي .. بس أنا كنت خايف خايف أخسر صداقتنا .. كنت عمال أفكر طيب لو خدت الخطوة دي ومتوفقناش منا كده هخسر كل حاجه .. هخسر الحبيبه و الصديقة ف كنت متردد و خايف أخد الخطوة دي .. بس قولت اخدها بقي عشان أخلص من زنك و اللي يحصل يحصل
= يا أخي أسفوخس عليك نشفت دمي معاك وبهدلتني .. يعني كنت عارف إن أنت اللوح اللي أقصده وسايبني كده والله حرام عليك اللي عملته فيا ده
_ ضحك، أيوه يا أم لسانين كنت عارف إني اللوح و كل مره كنتي بتقعدي تعيطي بالليل كنت عارف إنك بتبقي خايفه أبعد عنك .. عارفك و حافظك كويس يا تاجي وبحس بيكي وجعك .. خوفك .. قلقك .. فرحك .. حبك .. كل حاجه ، حط إيده ع خدي بحنيه، بحبك يا تاجي
= ضربتهُ ف كتفهُ ، بحبك يا زيني .
أنت لقلبي حباً ولروحي حياة ولعيوني أكتفاء ...
تمت
بقلمي/ إيمان أحمد