في طريق العنوسه 👰
مسائكم عسل 🍯
بقلمي .....ايات احمد
A....q
الضاهر شجرتج ممكتوبلها تفرغ راح احمد الگصبه(الضعيف) واجاچ احمد الدبه (السمين)....
وجرت الخبزه من ايدي وكابلتني وكعدت
ـ الضاهر النعس عاميج ومتعرفين شتخربطين من صباحيات الله خير ...
ـ لج بابا دنيا صارت ضهر شتحجين انتي وين ضل صبح ساعه عشره...بس مااكول غير الله يساعدج ياعمه صفيه على هالجنه
ـ اليسمج يگول انتي گاعده من السته
ـ شوف العدل يارب كلمت الحق سبقت عاد اني اليوم كاعده من السته..
ـ ها والله شعجب
ـ ماسمعتي جدج وگريح هرجونا بصوتهم من الصبح ولايگولون بشر نايم صوتهم وصل لسابع جار ..
ـ بلي بلي شون ماسمعت بس عادي رديت نمت
ـ هو اني هم حاولت انام بس خلص بعد طارت نومه عيني ونوبه جت براسي ريحت البيض ماتحملت وگمت وعفت فراشي العزيز ..والحمدالله الله كومني وعرفتلج ذيج السواللف امواح لوئطه ع گولت المصررين
اليوم امج وبيبيتج ماخذهن الواهس ياكلن ويسوولفن واني اصنت
طلعت عمتج صفيه رايدتج لابنها احمد وحامده بيج هواي علىى انج خوش بنيه وحنه خوش ناس وللها واهيس يمنه وطبعا هي قبل هيج اكثر من مره حاجيه هالكلام لماما بس شنو ابنها ميقبل ميريد يزوج الا يتعين ..
ومثل متعرفين هو خريج معهد فني وخرين هالقسم حاليا اكثر من الزبل (حشاهمم معليا بملك اني 😅.)..فمستحيل يلاگي تعين هاي شوفت عينج صارله عشر سنين متخرج گاعد ...
ـ ايمت حاجيتلهن عمه صفيه
ـ البارحه بليل لمن رجعو من بيت ام احمد فايتات من يم بابهم ولاگياتها گاعده بلباب فگاعدت هنا هم يمها شويه ..فگايلتلهن كاونت احمد البارحه كتلو لايمت تبقى هيج ح يصير عمرك 33وبعدك ممزوج واخواته المزوجات هم جانن يمهم وهم حاجيات عليه فغاسلاته خوش غسله..وهم حامداتله بيج وكتيلتله هل نمشلك عليها خوش بنيه وتشيل امي ..
هو رادلهن اني لوردت اول باب ادگه بيت ابو ملاك رغم سمعتنا واخلاقنا ينحلف بيها بس ماادگو واني حافي الا اتعين لان خاف مينطوني واني هيجي حافي يداده ميدري احنه حالين مسحولين ونقبل المشلتحين والحافين بس حلال
الحاصل مااطولج لحجايه فمحاولات وياه ومنشايفاته عنده واهس يمنه گايللاتلوو احنه خوش ناس ونشتري رجال هو هم محافي عنده محل واليجي منه يمشي حاله بس هو ضال قافل وكايل اذا اخذها اتورط اهلها شبعانين وانوبه منا تباوع لنسوان اخواني وتباوعلجن كلجين رياجيلجن موضفين وممقصرين عليجن بشي وتبقى تقارن نفسها بيجن على انه اشترن ودن جابن وطلعن ووووو...واني مالي خلك هسوالف فخلني هيج ابردلي راس ولاتكولن ماتكول وهي غير ..فلو هي ماحجت وتحملت فأني ماتحمل اشوف روحي مقصر عاد هنا ساكتات منو
وضالات ياكلن بروحهن يخافن للاتروحين من بين ايديهن ..ههههههه خطيه هسه ابالهن المشايه طوابير ع الباب مايدرون بححححح... بس شنو يگلج اموغير حاده سنونها علي وگايله ماجوز منه الا ازوجه خاصه اخو كلها كم شهر ويعزل بيته كمل وباقيله بس اثاث ..وتدرين بعمه صفيه مره جبيره ومريضه ومتگدر تطبخ وتنضف ودير بيت لذالك ح ينجبر وبتالي يزوج يعني يحلووو يگميلللل كلها كم شهر وحسبي حسابج ح اطيرين ونخلص منج ...اباوعلها صافنه وبالها مو يمي ...هيووو لج وين صافنه شو ساكته اشوفج معلقتي
ـ برئيج لو اجو اهلي ينطوني؟
ـ ينطون والا من صبح ...ها شبيج ملاك تدرين بيهم شون ناس اوادم والكل يتمنى يناسبهم وهلي كولش يحبوهم ودايما نسمع شون يحمدوهم وخاصه بأحمد خريج وخلوق وشاغول واكيد ح يدللج روحي وشوفي جناينهم شكثز مدللات وعمه صفيه فقيره وحبابه وباجر لو اخذتي تدللين ماكو بس انتي وهو وامه وين اكو هيجي قسمه..والاهم من هذه ح اصيرين بضهر بيتنا يعني بينا فرع واحد ف اشون مترديهم ينطون
ـ بس اذا اجو اني مااوافق..حجتها وگامت شالت المواعين ...ضليت بمكاني اباوعليها متفاجئه حجيت
ـ تتشاقين!
ـ لا ليش مااقبل رغم اعرف بي معجب بيا
ـ شنو شنووكمت سريع وگفت يمها شمعرفج؟
ـ من زمان كل مااروح للخياطه واافوت من يم بابهم يبقى يباوعلي وحت اخر فرره لمن گمت اروح لسوگ ويصادف نفوت من محله يوگف ماما ويبقى يسلم شونكم ةلونكم ويلطش كولش ويستغلها فرصه وميشيل عينه مني حتى ماما نتبهت
ـ شوف الخاينه ولاتگلي ها ها وغمزتلها وبعدبن تعالي لاتلوفين لحجايه ليش متوافقين شتردين بعد حتى ط الوليد طلع يبصبصلج
ردت اسكت ومااجاوبها بس ادري بيها بعد مااجوز مني لحد متعرف ...طبعا اني وملك من واحنه صغار علاقتنا مانبنت على انه احنه خوات وبس لا صديقات هم ..اعتبرها صذيقتي المقربه وهي هم رغم عدها كومه صديقااا بحكم هي اجتماعيه وكذا فعدها هواي صديقات بس تعبرني اني اقرب صديقاتها ...ارتاح كولش بلحجي وياها رغم فرق العمر البينا بس من اگعد وياها احس بروحي گاهده ويه شخص اكبر مني بسبع سنين مو اني الاكبر منها ..رغم اليشوفها هيج تگمز وتضحك ليل نهار يگول انسانه سطحيه بس اليگعد وياها راح يعرف شگد واعيه وفاهمه وعقلها كبير ...
فأحجيلها كولشي من دون تردد احسها مرايتي تفهمني لو حت محجيت
ـ شوفي هو اني مكتلج يباوع عليا واحسه معجب بيا حتى لاادخل بسين وجيم وانجبر اگول كلام هذه حرام يعني ياربي والله موتعياب ع خلقتك بس استغفرالله شكله ابد محلووو سمين وقصير وهم عنده صلعه ...
ـ باعي اني لو ابقى احجلج منا لباجر واگلج الشكلل ممهم فمراح تتغير نضرتج اتجاهه لان نفسيتج ممتقبلته..بس راح اگلج اني لو بمكانج راح افكر بعقلي واقبل وبدون اي تردد ...هيج انسان نادر ابوجود بعده ممزوج ويفكر براحت ومتطلبات الح يزوجها لعد لو عاشرها وصارت ام بيته شون ؟
اكيد حيدللها ويخليها فوگ راسه
بلمخص لو جانت خوش بنيه فأذه اخذتي مو بس هوو حضه من السما لاانتي المحضوضه هم....
ـ هاي انتي هيج تحجين لان مجاي عليج لو عليج جاي جان كلامج اختلف
ـ ارجع واگلج هي سالفه نفسيات..بس اني وحده من الناس اخر شي افكر بي برجال االرايده ازوجه هو الشكل ...شفايتلي ازوج واحد سبوزتي وحلوو وهو لامقدرني ولامحترمني ....واخذلي واحد يكون احلى مني والكل حاسدني عليه واكوم احير شحط ةشخلي تااماحس بنقص واني طالعه وياه .ليش مااخذلي واحد لوحت اني بأوصخ حالاتي احلى منو وابقى اتفسگ عليه
ـ لاعيني هههههه هسه المودبل الجكمات كلهن ياخذن حلووين لا وفوگ الفوگ يموتون عليهن
ـ يي والله عاد بهاي صدگتي وهيان عمج وعد الحليووه وماخذلج اسماء استغفرالله تخزي وفوگها يعبدها عباده لو مااخذ ملكه جمال موهيج
ـ وي عاد انتي ولااجوزين منهم خطيه بشنو طالبتهم الله يزيد حبهم اكثر وكثر شوفيهن شگد حلوو متفاهمين لانهم نفس العمر ..اني كولش احب اخذ واحد بعمري او حتى اكبر نني بسنتين حتى يصير توافق فكري مو احمد الاكبر مني بعشر سنين
ـ ليش منو الگلج حتى المزوجين يكونون متفاهمين لازم عمرهم واحد ..اني عن نفسي اشوف الزواج الناجح لازم بكون الرجال او المره اكبر بكم سنه ولو احنه مجتمع فاشل وهمجي وميقبل المره تكون اكبر من الرجال ..فيعني برئيي الزواج ينجح لمن الرجال يكبر مرته فد خمسه ست سنوات بهيج يكون سابقها بمرحله عمريه عقليه والهي المرحله العاشها قبلها فيتنازللها ويتغاضى عن بعض المواقف بحكم بعدها صغيره ومتفهم ...وهي بلمقابل تتنارله عن مواقف معينه وتكول يمكن اني بعد كم سنه تتغير نضرتي تجاه الموضوع الفلاني واصير افكر مثله ....
ولو هي متنقاس بلعقل .....مرات المره او الرجال تشوفيهم كل واحد بگد البعير بس عقله بگد الكشايا ...
ـ هههه ذكرتيني ببيبي لمن تگول الرياجيل كلهم عقلهم بگعب رجليهم ويتقشمرون بسرعه وهي جدوو يوميه مكاونها وصوتهم واصل لأخر الشارع ...
ـ هاج ذكرنا القط قام ونط
گرح.....اي ملات العمى ها بعدهن مواعينجن مرجوده ومطابخات ...تريدن تفضحني بمنعول الصفحه هسه يجي وميلاگي غدا حاضر الا يشرنا شر ...
ـ ماجده.....ادري ياامي منشوكت رحنا للسوك وهلگد فترينا گلت هسه الاگي غداهن حاضر ..اجي والاگي كلشي ع حطت ايدي
ـ ملك....شنسوي خذتنا السوالف
ـ گريح....اوف منج عاد انتي ام السوالف سوالفج متخلص ليل نهار تهرطين مدري منين اطلعين السوالف ....
ـ ملك ...اباوعلها شربت مي وخلت شويه بلگلاص غسلت بي وجهه ابد متبطل هالعاده ..حجيت
ـ فدوه للمستحر اني
ـ دهاج هاج خلي الگلاص ع السنگ وروحن جيبن المسواگ بقى بلباب ابوجن ذبنا وراح
ـ ملاك ...عفت ملك وماما يعزلن بلغراض واني بسرعه طبگت مرگت باميه واجيب واخلي معجون حتى تستوي سريع مبقى شي كلها نص ساعه ويجون
ملك ...عااااا هاشنوو
الكل ...اسم الله شبيج
ملك ...رفعت من العلاگه كيس طحين شنو هذه
ماجده...وووجع فززتينا شبيج مشوفين طحين هذه
ملك ...اعرف طحبن يعين شنسووي بي
ماجده ...يعني العيد باقيله 5ايام شنسووي بي غير كليجه
مللك ....يبووو جان جبنا كعك وفضيناها
گرح....لج هم والج عين تحجين صارلج عيدين ممسويه ويانا وتتحججين سادس وعندي دراسه ونگول خطيه مانخليها تمد ايدها ...بس هسه شعدج مو هاي اخيتج شو متكول جيبو كعك
ملك ...اهوو گريح سويتيها قصه ليش اني گايله ماسوي بس يعني اگول بلا هالتكاليف والتعب جنا فضيناها بكعك
گرح...هو احنه هم نجيب گعك وياه...بس تذرين بعمامج وجدج الا كليجه فنسووي شويه وهم ندز ع عمتج صفيه تساعدنا
البارحه لمن درت بينا نسوي كليجه گالت دزن عليا ضحكه وسالفه مانحسن الا الوكت ماشي ....
-لا اذا عمه صفيه تجي نسووي ...خطوه جيده اهنيجن خوش ادگن ناعم ....
گريح...باجر نسويها نشالله هم اسماء معطله وبلبيت ...
ماجده ....يي خطيه هسه يگلج اسماء راح تلوفها وتحوفها ...هسه تلگيها حجه بوائل وضل كل شويه رايحه وراده وراه ومنقبض منها لاحق ولاباطل
گرح....على طاري وائل وينه شو ماشفته من رجعنا
ملاك...
....اباوع لملك وجهه صفر وماحسينا الا بعمو وعد فات علينا يغلط ويعد
الحكايه بقيه ......