في الطريق الى العنوسه 👰
مسائكم ورد 🌹
بقلمي ...ايات احمد
A...q
وجان تصدمني بجوابها سحبتني عليه وباستني وحجت
ـ گريب انشالله اشوفج عروس وازفج بيدي .
ضليت مثل الثوله بس ارمش بعيوني ماعرف شردلها عاد ماما حجت
ـ بوجودج ..امين
بس دخلنا البيت ملك گامت تگمز وتركص وتهلهل
ـ هيييي واخيررا راح اطگ اصبع واگول هذه لعبنا ولاتگول استهتار وهذه لعبنا
ـ هشش لج صوطج هسه اليسمعج يگول معرسين
ـ هو هم حنعرس مسمعتيها تگول عن قريب بعني قريبا وترمشلي بعيونها
ـ يمعوده حجي وبلاش بس وكت الصدگ عدهم كومه گرايب وكلهم عدهم بنات ح تروح تخطب منهم فلا تتأملين
ـ اوع اوع شگد طاقه سلبيه اعوذو بلله حروح اغسل المواعين احسلي
ـ عوفيهن يمعودع هسه تجي الخاتون وهي تتورط ببهن
ـ لا خل تولي اني بيا طاقه ورايده افرغها
ـ بكيفج ..عفتها ومشيت تمددت ع جربايتي وبديت اگلب بلمبايل ..شويه وصارت حركه يمكن رجعو ردت اطلع اشوف وجان تدخل مللك
ـ اخ يمااا ضهررري ...شعجب كاعده گلت هسه الگيج نايمه
ـ يي هو كولش نعسانه بس كلت اگلب شويه اشوف شكو ماكو ..صدوك شكو شبيهم صوتهم گايم
طفت الضوه واجت تمدت بجربايتها ..يمعوده هذه جدج المشوه ايمن اجه وهو واكع للكليجه دگ ..ولان بس بيبي وبابا گلوله موزيلك هسه تأذيك لان بعدها حاره...وبده هو يحجي ويدردم على انه مستحسفين علي وعينكم ع لگمتي واللخ يشلكم ولايريحكم ويسسممكم مثل مسممتوني ونتي تعرفين بعد من هالكلام الحلووو
ـ وهما صوجهم شعليهم بي قابل هو صغير وميعرف موزيله
ـ ع كولتج دخلووه ياكل بلكت الله يصير بي سهال وينگرص شويه ....
وصدگ گعدنه الصبح لكيناه بلبيت ..استغربنا يوميه نگعد بتسعه ونص نلاگي رايح هو وبابا من ثمانيه للوكاله والمحل صايرات بصف بعض جدوو يگعد بلوكاله وبابا بلمحل
ـ عجاج.... تفركين بعيونج دنيا ضهر
اباوع للساعه بتسعه ونص ..مشيت ومرديتله رحت لمطبخ لگيت ماما وسألتها شعنده هنا وليش مرايح
ـ غير البارحه بليل اخطر وصار موزين ..والله اني گلت هسه حيتوكل كضاها يستفرغ وسهال ...شكد حجينا عليه البارحه وتالي انزرگ بليل الا ابوج وعمج للمستشفى ومشكليله هناك مغذي ومجابو للصبح عاد بس ابوج راح ...راد يروح ويه ابوج بس مقبل ياخذه كله ارتاح اليوم البارحه ليل كله منمت .
ـ هتي شوكت شو محسينا
ـ يي مو جنتن تعبانات وهم احنه گضيناها بلحوش گاعدين يم التواليت بصف جدج
ـ ملك ...حيييييييييييل
اباوعلها تفرك بعيونها والبجامه وحده نص وثانيه نازله
ـ هاي شبيج فززتيني عابتلج ..وبعدين شنوو حيل حرام عليج
ـ لا حرام ع الحرام
ـ ليروح يسمعج
ـ لا فات لغرفته
ـ هههه مببن هم اكلتيها ورزلج
ـ شلون لعد...غير ريوگ صباحي ...ع طاري الريوگ شو ماشوف شي لااكل لا مواعين وبرطمت
ـ جدجن ذبحني ..المواعن ذبنت وخواتينج مگعدن..وبقى يگرگر يم راسي عاد شلتهن وغسلتهن وگلت من تگعدن سون ريوگ واكلن
ـ ملاك ...اني عن نفسي مااريد
ـ مللك ..وحتى تني نگطعت نفسي .....يلله لعد خل نطلع البين ونعزله
ـ لايوم تركن الموضوع لباجر خل جدجن يروح وغسلن تعرفنه بعد هسه عاد يلبكجن يضل رايح جاي وميقبل قطره مي تبقى بلگاع ...ويكسر ضهرجن بلمسح كل شويه وكايل تعالن مسحن هزاويه ...تراه بغير شي يدورله شغله من صبح شون مراح للوكاله ميحب يگعد هسه تبدن تغسلن وتجيه من الله ..ح يبقى واكف فوگ راسجن وجيبن وودن ويدوخجن
والله احنه هم سمعنه كلام ماما وتركنه الموضوع لباجر .واحين شي سويناه بيومها جدوو دوخنه صخر كل شويه جيبوو وودو لو الگلاص بصفه تعالن جيبنه الي وخلنه بيدي بس عايز نغسل ط...استغفراللخ 😤
وهاي غير الرزايل كل شويه مرزل احد بلبيت طلعت روحته للوكاله نعمه فضيله محاسين بيها احنه
لثاني يوم شويه گعدنه من وكت لان ورانا تعزيل فتت للمطبخ لگيت بيببي وماما ديتريگن
ـ صباح الخير
گرح ...هلا ببنياتي هلا يوجوه الخير
دنگت مللك باست راسها وخلت ايدها ع رجلها وحجت
ـ هالضاهر ليوم مزاجج وردي اكيد جدوو رايح
ـ ولى ولى من عساه لارد انشالله ..بس شوو اليوم منوكت شعدجن
ـ والله بيبي نريد ننضف البيت للعيد تدرين باجر عرفه وصايمين منگدر فگلنا اليوم نعزله ونغسله مره وحده
ـ يي عفيه ببنياتي الله يگويجن يلنادرات
ـ مللك ....شنسوي سبع صنايع والبخت ضايع
ـ ليش ييمه هيج تگولين موزين التشائم بعد العمر جدامجن طويل نشاللله ليش بعدجن شفتن وهيج تكولين وانشالله بختجن حلووو
ـ انشالله گريح انشالله وباوعتلي ...هاكملتي..هزيت براسي اي واني اشرب اخر الستكانه
ـ لعد گومي جكي بجامتج الزرگه مالت العماله وخل نبدي بين ماروح اگعد ذولاك الطنابر واخليهم يتحولون ينامون بلاستقبال ...
ـ هاج اخذيني وياج ومديتلها ايدي ...جان تسحبني للنص وتهدني وگعدت وهي نهزمت تضحك
ـ لج والله اليوم انعل والديج ردت اگوم الحگها وجان ضهري يلمع .....اخ ضهري ..اجني ماما وبيبي يكومن وصيحن سمالله شبيج
ـ مابيه شي بس لان گمت سريع ضهري وجعني
گرح....كله منوره هشيطانه ذيج ..
مللك ..دهاج سمعي خبلتتهم من اخبال يي والله...رحتلها لگيتها مثل لمخبله ادگ بلباب بثنين اديها وصيح
ـ گعدو ولكم حيه حيه
اباوع لخواني خطيه فزوو مخترعين يتراكضون ويصيحون وينها واحد يطخ بثاني
ـ هيووو ع كيفج مو خبلتيهم هو هيج اليگعد احد من الووم
ـ لعد شون ترديني اگعدهم ...يلا گعدو حتى اغسل البيت وخطيه هما شون حبابين راسا حيسمعون الكلام ويگعدون مو تدرين بيهم شون يشلعون الگلب
ـ خالد ....والله مدام لحجي هيج طلع الا ارجع انام وخل اشوف شون حتكعديني ...ورد مدد ع الجربايه
ـ شو والله تگوم وغصبا ماعلى جدك وتقربت منو وهذه گام وتلازم وياها
هو خالد اصغر منها يطلع عمره 16بس مشالله ضخم وطويل اباوعلها مداتعرف شون تخلص روحها منه ..صارت بس تريد تفلت روحها وياه وهذه ماينطيها مجال تالي عضته من ايده وهو لزمها من شعرها ويجر بي ..اريد افازعهم ماينگدرون عاد صحن لماما عليهم
رزلتهم وتفاككو بس خالد عند وگال مااگوم رادت تحجي ملك زگحت بيها
ـ هشششش سكتي انتي الثانيه ..شجاكم متگلولي خما جهال ...وانت خلودي تره عيب عليك اختك اكبر منك وتمد ايدك عليها
ـ ماشفتيها هي البدت بلبدايه
ـ هسه موكت سوالف فدوه اخذ اخوانك ورح للاستقبال وخلينا نضف حتى نكمل قبل ليجي جدوو ويشوفنا بعدنا ممكملين وتعرفه يگوم يعزف النا اسطوانات لحلوه ..
سحب ملحفه وطلع
ـ هاي لخاطرج ملاكي ..فدوه لحبيبي وسحبت وجه بسته
ـ والله من الله يسمط جدك وجد ملاك
ـ تره جدي وجده واحد
ـ ليش ماعرف شكلولج غبيه بس الاسراف في قذفه مستحب ..ودفعتني ومشت من الغرفه وهي تلم بشعرها
صارت بوجها بيبي ويه مطلعت من الباب حجت
احي ونتي فرحانه گريح وصغرت عيونها ..تره سوالفكم اعرفه عاي الدقه القديمه مال اتفرحون لو لولد ضرب بنيه عود رجال وكذا
ـ يي والله من تحنت ايديه لخالد كون عهالسان ...هسه شكلتلج اني
ـ ميحتاج تحجين اعرفج من عيونج بس كتلج دقه قديمه معليج حرج ....وهسه اخذي وائل وروحي گعدي بلمطبخ وخل ماما تقفل الباب من داخل هسه تره بس يشوف الصونده يعند الا يبقى ويانا ويبقي يرشرش
ـ لا شيگعده هسه يشلع گلبي ..خل اخذه ورح اكعد يم صفيه ومارددرو لگريب الضهر
ـ اووف بك اخرب عليك من اتخطط وذبتلها بوسه بلهوه ومشيت
ملاك
اسمع حجي مللك ويه بيبي گمت اهز بأيدي ودخلت للغرفه جكيت تراكسوت العماله ع گولت مللك وطلعت ...لكيت ملك لامه الزوالي كلهن ودتننتضرني تريد نصعد الزوالي كلها بسطح
ـ يمعوده يمعوده شيصعدلنياهن يكسرن الضهر وهم مصار هواي من شمسناهم ...
ـ وولج غبيه لصيرين ..خلي الرايح وراد يشوف زوالينا بسطح تايگول بناتهم شكد نادرات ونضيفات يوميه ينضفن وينعجبون بندارتنا ويجون يخطبوج
دنگت المهن وياها .. يمكن صدگ ...اتفقنا اني اصعد بسطح وهي تشيلهن الي وتوصللهن لنهايه ادرج واني انوب اشيلهم وبقينا ع هاي الحاله متنا وهلكنا تعب كوومه زوالي و
بقت مللك تشل بزواليا وتنفت وعرگ ينگط من خشمها وكل ماتصعد زوليا تشمرها علي وتحجي
ـ اخ يمااا حبلي الشوكي نگطع ولكن لا بأس سوف افعلها من اجلكي يااختاه وطزا في عمودي الفقري فكل هذه الالم سوف ينجلي في اللحضه التي اراكي فيها بفستانك الابيض
لحد ماجت وگالت هاي اخر زوليا ..فرحت گلت هاي هيه كملنا شو دوره هاي شافتني شاره الزواليا بواجهيت البيت عاطت
ـ عاااا لج عزا بعينج ليش هنا شارتهم
ـ لعد ين بلله!
ـ وشتستفادين هنا شارتهم ...عفيه شارع فگر لابي ولد لابي صخام شو كلها مزعطه ...تدرين شتمنى
كون عدنا جوارين وعدهم بلبيت ولد عزاببه ..يابه جان شون عندي خطط الا بيومين ازوجج جان يوميه اخليهن يشوفوج
يوم اشيلج سله الزباله وخليج طلعين اذبيها
وبوم ادزلهم فد اكله من اكلج الطيب
ويوم الزمج سله الملابس واخليج اطلعين اشريها بلبلكونه حتى لو مغاسلين اشيلج ملابس نضيفه وطلعج اتشريهن
ـ ملاك ....هههههه لج فضيني ورانا شغل شتريدين هسه ...ابتسملي وباوعت تحوليهن بضهر البيت...بقيت ابوع بوجهه هيج 😒انتي بطرانه بابا ومشيت ...لزمتني من ايدي وحجتـ
ـ ملك...غبيه ليش تصيرين ..من يشوفنا لو يهتم بشرتهن بواجهه البيت ..بس لو شريناهم بضهر الييت يصيرون مقابيل بيت عمه صفيه تااشوفؤ.....
ـ ميختاح تشوف بيبيتج راحتلها وهسه اكيد تلاكيها جاي تكللها
ـ سوده بوجهي ملاك گعدت من الصبح ولزمتلج الييت تنضيف قبل العيد
ـ خر بغيرتج تكول بيبي الدتحجي هههههه
ـ عود متقنعيني ....مااحولهن وعفتها ةمشيت
ـ والله ولاخلي تعبي يروح بلاش صارلي ساعه انگل بتالي اشريهن هنا ..لا والف لا ..ومشيت گامت تحاول تجربيهن وتحولهن ..وصلت لنهايه الدرج
ورجعت ...گلبي كولش انكسر عليها هي كولش تعبت هي الصعدتهن ع اددرج كلهن اني بس شريت ..فرجعت ساعدتها حولناهن بضهر البيت ...كملناهم ونزلنا للبيت لزمنا كله غسل من فوگ لجوه ماهدا غرفت عمو وعد ماتقربنالها ..نوب بس تغدينا رجعنا طلعنا كل التحفيات والصور لمعناهم وخليناهن بشمس بلگراج
للاربعه العصر ذكملنا كامل مبثى بس انزل الزوالي
والبطاطين البسطح ...ردنا نرتاج شويه ونرد ننزلهم بس بعدين گلنا هسه بس نگعد نتعاجز خل نصعد ننزلهم ونفرش ونرتاح مره وحده ف بعدنا هستونه صعذنا الدرج وجان نسمع العيشه اللتفتنا وجان نشوف
للحكايه بقيه ....
لتنسون
صوتو
علقو
وفضلا وليس امرأً متابعه للحساب ورداتي
تصبحون ع ماتتمنون ❤️
احلام سعيده 😴