نجد شاب في الثلاثينات يجلس في منزله ويعمل على اللاب توب الخاص به ويمسك في يده كوب من الشاي ويشرب من الكوب وتدخل عليه طفله عمرها 6 سنوات وتجلس بجانبه وتبكي
الطفله
بابا
الاب
ايوة يا ياسمين يا حبيبتي مالك بتعيطي ليه
ياسمين
جدو مات
الاب
جدو مين اللي مات يا حبيبتي
ياسمين
جدو أحمد مات دلوقتي
الاب
وعرفتي منين
ياسمين
ماما قالتلي
الاب
ماما – بس ......
جرس الهاتف يرن ورجل يتحدث اليه
الاب
الو
رجل
أستاذ حسام معايا
حسام
ايوة انا
الرجل
انا جار الحاج أحمد جد بنتك – البقاء لله يا أستاذ حسام حماك توفى دلوقتي وعايزينك تيجي تشوف الاجراءات معانا
حسام
لا اله الا الله – حاضر انا جاي دلوقتي
حسام ينظر لابنته ياسمين في ذهول ويسأل ياسمين
حسام
مين اللي قالك يا حبيبتي ان جدو مات
ياسمين
ما انا قولتلك يا بابا ماما اللي قالتلي وهي مستنياني دلوقتي علشان نكمل لعب انا وهي
حسام ( يحدث نفسه ) ويعود بالذاكرة
ماما ازاي – دي مامتها ميته من قبل حتى ما تتولد – انتوا أكيد مستغربين كلامي بس هي الحكاية غريبه شويه أعرفكم الاول بنفسي
انا اسمي حسام إسماعيل بشتغل محاسب وفي يوم من الايام اتأخرت في شغلي وكان الجو وحش أوي
-----------------------------------------------------------
في أحد ليالي الشتاء البارده نجد الشوارع خاليه بسبب هطول الامطار الغزيرة والهواء الشديد والجميع في منازلهم يتناولون مشروبات ساخنه نجد شخص ينزل من ميكروباص ويمشي تحت المطر سريعا وهو يرتجف من البرد ونسمع صوت هاتفه يرن وهولا يجيب عليه ونجده يدخل الى احد العمائر ويصعد السلم ويخرج مفتاح ويفتح باب شقته لنجد زوجته ندى الحامل في الشهر السابع في انتظارة
ندى
ايه يا حسام اتأخرت كده – ومبتردش على تليفونك ليه – قلقتني عليك
حسام
أعمل ايه بس على ما خلصت شغل والمطره مخليه الطريق صعب
ندى
طب ادخل بسرعه غير هدومك احسن تبرد
حسام
ايه خايفة عليا
ندى
طبعا خايفه عليك – هو انا ليا غيرك وبنتك تعبتني اوي النهارده
حسام
خلاص هانت انتي في السابع اهو كلها شهرين وتولدي وترتاحي – بقولك ايه ماتيجي تساعديني
ندى
بلاش دلع – ادخل غير على ما احضر الاكل – مش هتبقى انت وبنتك
يدخل حسام لتغيير ملابسه وتذهب ندى لتحضر طعام العشاء ويجلسون لتناول طعام العشاء وبعدها يجلسون سويا
ندى
مالك ياحسام – انت تعبان
حسام
مش عارف – حسيت بتعب فجأة – واضح اني خدت برد
ندى
طب مفيش علاج تاخده
حسام
علاج ايه – دلوقتي هبقى كويس
نجد حسام يزداد تعبه ويرتعش من البرد وندى لا تعرف ماذا تفعل
ندى
لا انت كده مش طبيعي – لازم تاخد علاج
حسام
وهو فين العلاج ده بس – الصبح هبقى اعدي على الصيدليه ولا اروح اكشف
ندى
وانت هتفضل كده للصبح انا هنزل اجبلك علاج من الصيدليه
حسام
استني بس هتنزلي ازاي في الجو ده وانتي حامل كده
ندى
ما هو انا مش هقعد اتفرج عليك وانت تعبان كده – متقلقش دول خطوتين وهاجي على طول
تلبس ندى عباية وطرحة وتأخذ شال على كتفها ليحميها من البرد وتخرج لاحضار الدواء لزوجها وحسام يجلس في انتظارها وفجاة يسمع صوت سيارة مسرعه في الشارع ويسمع صوت الفرامل وصوت ارتطام شيء فيجري حسام على البلكونه فيجد ندى ملقاه على الارض والسيارة تذهب مسرعه وحسام يقف للحظه في ذهول وينزل يجري فيجد زوجته ندى غارقة في دمائها وفي يدها الادوية التي أحضرتها له فيمسك بها بقوة ويحتضنها ويتجمع بعض الناس حوله
حسام ( يبكي بقوة )
ندى ردي عليا – ندى انا السبب – انا آسف – ندى – ندى
----------------------------------------
نجد حسام يقف في المستشفى بعد نقل ندى اليها والطبيب يخبره بانها توفت وان الجنين في بطنها ايضا توفى وانه تم عمل بلاغ ليتم التحقيق في الحادث وسوف تظل الجثة في المشرحة لحين الانتهاء من التحقيق ويتم التصريح بالدفن ويقف حسام في المستشفى وهو يبكي ولا يعرف ماذا يفعل وكيف سيخبر والدها الذي لا يملك غيرها ويلوم نفسه انه سمح لها بالنزول لاحضار دواء له لو كان يعرف ذلك لم يكن ليرسلها ولكنه يتمالك نفسه قليلا ليمسك هاتفه ويتصل على والد ندى ليخبره بما حدث
حسام
الو – ايوة يا عمي
والد ندى
ايوة يا حسام يا ابني – عاملين ايه في الجو ده
حسام
عمي انا آسف – بس ندى تعيش انت
والد ندى
انت بتقول ايه يا ابني – ندى بنتي ايه
حسام يبكي بقوة
والد ندى
يا ابني رد عليا وفهمني - هي تعبانه يعني ولا انت بتهزر
حسام
ندى ماتت يا عمي – البقاء لله
ينهار والد ندى من الصدمه ويغلق الهاتف مع حسام
---------------------------------------------------------
في المشرحة
يمسك عامل المشرحة بجثة ندى ويضعها على احد الطاولات لتجهيزها للتشريح مبكرا وينظر لها ويتحسر عليها ويتكلم معها كأنها حيه أمامه
العامل
ربنا يرحمك يا بنتي انتي واللي في بطنك – انتي لسه صغيرة بس متعظميش على اللي خلقك ربنا يرحمك – بعد اذنك بقى هروح والصبح هجيلك وارجعلك افضل معاكي على ما الدكتور ييجي ويبدأ في التشريح – سلام مؤقت يا بنتي
----------------------------------------------------------------
والد ندى
لا اله الا الله – عوضي عليك يا رب – عليك العوض ومنك العوض – الله يرحمك يا بنتي – متغليش على اللي خلقك
حسام
انا مش مصدق اللي حصل – ياريتني ما كنت سبتها تنزل – لو حتى كنت انا اللي مت
والد ندى
قدر ومكتوب يا حسام يا ابني – والقدر مفيش منه مهرب – منملكش دلوقتي غير اننا ندعيلها
-----------------------------------------------------
في المشرحة
يعود العامل في اليوم التالي ويدخل الى المشرحة ويقوم بتحضير بعض الادوات التي يستخدمها الطبيب في التشريح وعند دخوله على جثة ندى يلقي السلام
العامل
السلام عليكم يا بنتي – ايه اتأخرت عليكي – معلش حقك عليا
ويلتفت ليكمل باقي تجهيز الادوات فيسمع صوت من خلفة فيفزع
العامل
بسم الله الرحمن الرحيم
يلتفت ببط ليجد الجثة في مكانها ولكن بطنها البارزة بسبب الحمل غير موجوده ويسمع صوت مرة أخرى فيتحرك ببطأ ويرفع الغطاء عنها وينظر بذهول والمفاجاة على وجهه ولا يعرف ماذا يفعل فيذهب سريعا لينادي الطبيب
العامل
يادكتور يسري – يا دكتور يسري الحقني
دكتور يسري
في ايه ياعم سعيد – مالك
عم سعيد
الجثة اللي جت في الحادثة امبارح يا دكتور
دكتور يسري
ايه مالها يا عم سعيد
عم سعيد
كانت حامل و...
دكتور يسري
ايوة عارف يا عم سعيد ايه الجديد
عم سعيد
الجديد انها ولدت
دكتور يسري
ولدت – ولدت ازاي – انت متأكد يا عم سعيد
سعيد
ايوة تعالى معايا بسرعه – لا اله الا الله
يدخل الدكتور يسري وعم سعيد الى المشرحة فيجدوا المولوده بين قدمي أمها
-----------------------------------------------------------
العوده الى حسام
أكيد فهمتوا دلوقتي قصدي لما قولت انها اتولدت بعد ما مامتها ماتت – قومت من مكاني علشان اروح ادفن جثة حمايا وانا خارج عديت على ياسمين في اوضتها علشان أخدها واوديها عند جارتنا تقعد معاها وانا على باب الاوضة وقبل ما اتكلم