فيروز : شريف أنت رايح فين كل مرة بتهرب مبقاش ينفع تتجاهل كلامي؟ حاول تفهم إنك غلط, اعترف لو مرة إنك غلطان بلاش أنانية, قلبي وجعني منك كفاية بقا.
شريف: أنا مش بهرب منك يا فيروز, أنا بهرب من نكدك وشكك فيا بهرب من خناقك بهرب من أي حاجة بتفكرني إني حبيتك إني عملت المستحيل عشانك, أنت عمرك ما هتشوفي نفسك غلطانة.عارفة ليه؟ لأنك عمرك ما هتعرفي بغلطك مستحيل أنت أجبن من إنك تعرفي حقيقة نفسك.
فيروز: شريف حاول تفهمني بلاش حكمك الظالم ده شريف استنى أنت هتسبني ورايح فين؟ شريف رد عليا, شريف. انقبض قلبي عندما وجدته لا يبالي لصرخاتي رغم أنها لم تخرج مني كان يشعر بي رغم كل ما كان بيننا, ولكنه أصبح مهلكي فلم يشعر بشيء, وبعد ذلك وكان انقباض قلبي ليس كعادته لأنه تركني وغادر ولم يبالِ بما بي.تركني شريف وغادر, ولا أعلم أين ذهب ظللت طول الليل أنتظره ولكنه لم يأت حتى غلبني النعاس فنمت في مكاني.
****
أستاذ رؤوف : هالة يا هالة
هالة :نعم, يا أستاذ رؤوف.
أستاذ رؤوف: بلغي فيروز إن شغلها في المشروع مرفوض, وإني مش هوافق على لعب العيال ده, وإنها لازم تعتمد على مواصفات معينة في العينة بتاعة مشروع كمال بيه.
هالة : يوه منك يا فيروز مكبرة دماغك, واحنا نروح في داهية بسببك مشروع أستاذ كمال لازم يخلص بنفس المواصفات وأنت ولا في الدماغ آه وأنت قدامي يا فيروز دلوقتي بجد هنفجر فيك, لكن نجيبك منين دلوقتي تلاقيك مع حبيب القلب كابتن شريف بتاعك دماغي هتنفجر من التفكير أنا هتصل عليها أبلغها.
****
فيروز: استيقظت من نومي لأجد الساعة قاربت الثانية بعد منتصف الليل, ولم يعد شريف ازداد قلقي, ولكن عقلي ما زال يقول:
تغيرت يا شريف أو يمكن متغيرتش, وأنا اللي قبلت بكده زمان طيب أرجع أزعل ليه دلوقتي؟ ما هو كده كده عمره ما هيعترف بغلطه مهما حصل كبرياؤه ميسمحش بكده يلا عادي يعني هعمل ايه خليني أطلع أحسن وأتصل أطمن عليه بحثت عن هاتفي وعندما أعلنت اتصالي عليه ووجدت هاتفه مغلق كالعادة عندما يريد الهروب مني, ولكني ليس بيدي سوى الانتظار.
قلبي ارتجف فجأة عندما لمحت عيني صندوقي الغالي خارج مكانه المعتاد تمنيت أن يكون هو, ولكن الصدمة لي كانت فيما بعد.
فيروز: الصندوق ده صندوقي مش من حقك يا شريف تقتحم خصوصيتي مهما كان بس ازاي شريف وصل للصندوق أصلًا وعرف عنه منين؟! يمكن عشان كده متغير معايا لما عرف اللي فيه استر يارب بجد أنا دنيتي متلغبطة لوحدها مش ناقصة تتلغبط زيادة.اقتربت من صندوقي وعندما بحثت به وجدته كما هو لم يتحرك شيء من موضعه فهمت وقتها إن شريف مقربش منه ولا عرف هو فيه ايه, ويمكن شريف متضايق إني خبيت عليه موضوع الصندوق ده؟!
لازم أوصلك يا شريف لازم تناولت هاتفي ومفاتيح سيارتي وتركت الشقة, وغادرت دون أي تفكيروعندما صعدت إلى سيارتي تذكرت ما تركته في الأعلى نزلت مرة أخرى, وصعدت سلم الدرج, ولكني شعرت بدوار غريب لم أشعر به من قبل حاولت بكل جهدي تمالك نفسي, ولكني فقدت الوعي ولم أشعر بنفسي كليًا.
****
شريف : يا أدهم, أنا مبقتش فاهم حاجة فيروز اتغيرت مليون درجة حاسسها مش هي لا فاهمة هي عايزه ايه ولا حتى محتاجة ايه والحل أعمل ايه حاول تفهمني نفسي أفهم؟
أدهم : حاول تتكلم معاها يا شريف الحب اللي بينكم أكبر من كده أفهم كلامي كويس.
شريف: يا أدهم, أنا مبقتش فاهم حاجة فيروز اتغيرت مليون درجة حاسسها مش هي لا فاهمة هي عايزه ايه ولا حتى محتاجه ايه والحل أعمل ايه حاول تفهمني نفسي أفهم؟!
أدهم: حاول تتكلم معاها يا شريف الحب اللي بينكم أكبر من كده افهم كلامي كويس.
شريف: أفهم ايه واحدة رافضة تخلف مني عارف يعني ايه تخلف مني مش عايزاني أكون أب, وتقولي أتكلم معاها كل ما أتكلم تهرب مني.كله كوم وحوار شغلها كوم تاني, والزفت اللي اسمه هاني اللي معاها ده موته هيكون على ايديأدهم: شريف أنت أول مرة تتكلم في موضوع زي ده غريبة فيروز هترفض تخلف منك ليه؟!
شريف: خليني ساكت أحسن يا أدهم بدل ما أنفجر بجد
اتفضل يا سيدي مش مبطلة رن من ساعة ما خرجت وأنا لو رديت عليها هيحصل مشكلة كالعادة.
أدهم: رد أكيد في حاجة مهمة مادام رنت كتير كده
شريف: طيب لما نشوف أخرتهاألو يا فيروز
أستاذ خالد: السلام عليكم يا أستاذ شريف, حضرتك أنا أستاذ خالد جارك في الدور الخامس مدام فيروز تعبت وأغمي عليها واحنا في مستشفى النيل, هي لوحدها ومش عارفين نتواصل مع حد من أهلها.
شريف: فيروز فيها حاجه, انطق فيها حاجة؟
أستاذ خالد: الله أعلم يا أستاذ شريف, حضرتك ياريت تحضر في أقرب وقت.
أدهم: شريف في ايه يا بني مالك اتسمرت مكانك ليه؟
شريف : فيروز في المستشفي
أنا لازم أتحرك, أنا قاعد بعمل ايه !
أدهم: استنى أوصلك بعربيتي, مينفعيش تسوق وأنت كده
شريف: بسرعة على مستشفى النيل يلا يا أدهم
أدهم: أول مره أشوف الخوف في عيون صاحبي بالشكل ده مكنتش أعرف أنه بيحبها أوي كده!يمكن حبه ليها فاق حبي كمان أيوه للأسف أنا بحب فيروز من زمان, ويمكن كمان قبل ما تقابل شريف مستغربوش بس دي الحقيقةاللي خبتها عن صاحب عمري.
****