البارت الثامن: "انفجار القيود"
كنت واقفة قدام سِدار، ورا ظهري الجن واقفين مثل جيش ظلال.
الكل ينتظرني أوافق، أفتح البوابة، أكون الطاعة اللي يبونها.
بس قلبي… كان يقول لا.
رفعت يدي، والوشم اللي ما كنت أفهمه طول عمري بدأ يلمع.
نور أبيض، نظيف، حارق، طلع من كفي، وصرخات بدت تتعالى.
"القيود تنكسر..."
سمعتها من داخلي، كأن روحي تنادي.
الجن تراجعوا، وبعضهم اختفى في الضباب.
سِدار حاول يلمسني، بس يده احترقت قبل توصلني.
قال لي بصوت مهزوز:
"أنتِ لعنة علينا..."
ابتسمت، وقلت:
"لا… أنا خلاص."
الهواء حولي تغيّر، كأن العالم بدأ يتهز.
السماء تشققت، وظهرت بوابة من نور ودم… باب العودة.
لكن قبل ما أدخله، سمعت صوت المارد من بعيد:
"ارجعي… بس تذكّري، الهروب ما يمحي لعنتك."
ورجلي خطت أول خطوة للنجاة… أو بداية خراب من نوع ثاني.
---