بعد صدور كتابي الأول "فيش وتشبيه" عام 2011، وكتابي التاني "ركاب عربة المترو" عام 2012، وفشل نشر الكتاب التالت، قررت إنه مفيش كتاب تاني هاكتبه وكفاية قوي المقالات اللي في الصحف واللقاءات التليفزيونية والندوات والحواديت اللي بنعرف بيها التاريخ.
هووووب حصلت المعجزة، فاااا بالصلاة على النبي كده وعلشان نبقى على نور من أولها، كل الحواديت الموجودة في الكتاب حواديت حقيقية... أيوة حقيقية، الاختلاف الوحيد إن الأستاذ «حزلقوم» اللي جوايا حط التاتش بتاعه.
بالتالي... كان سهل جدا أعمل الكتاب باللغة العربية زي الكتب اللي قبل كده، لكن فكرت وقلت لنفسي "ماتيجي نقدم التاريخ الحقيقي بشكل مختلف جايز نتعلم حاجة".