حور اخذت الحصان الخاص بيها و اسمه ليل وهو حصان اسود وكانت بتتمشي بيه في المرج
ومرة واحدة قعدت تحت شجرة وكلمت ليل وبتقول
حور: ماما وبابا وحشوني اوي يا ليل نفسي بس اشوفهم مرة واحدة انا مليش حد غيرك يا ليل انت ودادة زينب واهلي اللي كنت مفكراهم ان هم هيعتنوا بي بعد موت ماما وبابا بس رموني في القصر بتاع جدو ده اللي اي حد يخاف يقرب منه نفسي اروح عندهم يا ليل . بعدها قامت مشيت وراحت علي القصر .
في قصر عائلة السيوفي :
المحامي(المجهول) : قالت كده
الجد: ايه بتقول ايه
المحامي : قالت ان هي عايزة تمسك شركة باباها بنفسها ومش عايزه واصي عليها
الجد : طيب اقفل وانا هتصرف
اصليهان : اي في اي
عثمان: مفيش حاجة مشكلة بسيطة وانا هحلها . وقام ومشي
( البنت اللي كان بيتكلم عليها المحامي هي حور ، حور باباها كان فاتح شركة ادوات طبية وبعد ما مات كان كاتب في الوصية ان الشركة باسم حور والواصي الجد وهنعرف السبب بعدين )
في قصر حور :
حور: بقولك يا دادة انا كنت عايزة انزل اتمشي في القرية
زينب: بس يا بنتي لو جدك عرف هتبقي مشكلة
حور: متقلقيش يا دادة مش هيعرف
وبعدها سمعوا خبط علي باب القصر فتحت الدادة زينب وكان الجد
حور: اهلا اهلا ب عثمان بيه خير في حاجة ولا ايه
الجد : هو انا مش ممكن اجي إلآ ويبقي في حاجة
حور : طبعا هو انت بتيجي إلآ ويبقي في مصلحة انت من ساعة ما موت بابا وماما وحضرتك مبتعتبرنيش حفيدتك و لا ايه بس علي العموم اهلا بحضرتك وانا عارفة حضرتك هنا ليه
الجد عثمان: اللي قاله المحامي صح
حور : اه صح انا خلاص كبرت وانا هتحمل مسؤلية الشركة
الجد : وهتعرفي بقي انتي اصلا مبتعرفيش تديري حاجة ، غير انك بتدرسي في البيت ومن القصر للمرج ومن المرج للقصر هتعرفي تديري شركة كبيرة
حور : والله دي حاجة متخصش حضرتك ، وبما انك الواصي فانا بقول لحضرتك كفاية اوي لحد كدة ، يوم جيت وقولت لحضرتك ان في حد هو اللي دبر الحادثة بتاعة بابا و قطع الفرامر و توسلت ليك انك تدور علي اللي عمل كدة حضرتك فكرتني مجنونة وبعمل كدة علشان الصدمة اللي كنت طالعة منها بس اللي حضرتك معرفتش تعملوا زمان انا اللي هعملوا دلوقتي و ان كنت مفكرني حور البنت الطيبة اللطيفة بتاعة زمان فحضرتك تنسي البنت دي لان حور اللي واقفة قدامك دي تبقي واحدة تانية خالص وياريت حضرتك تخلص الورق وكدة علشان الحق ادير الشركة لوحدي ومش عايزة اي تدخل من حد اتخلي عني زمان
الجد: ماشي يا حور هخلص الورق بس اتمني متجيش تعيط بعدين وتقولي انقذ الشركة من الافلاس يا جدو . وبعدها مشي
حور : دادة زينب ايلي ايمتا هتوصل
زينب : هتوصل علي الساعة 4 بعد العصر يا بنتي
حور: ماشي يادادة انا هنزل اتمشي في القرية لحد ما توصل
( ايلي دي كانت مساعدة حور وهي صغيرة كان باباها انقذها من ابوها لان هو كان بيعذبها وبعدها صاحبت حور وحور كانت بتعاملها زي اختها بس بعد ما حور اتنفت من القصر الجد مرضيش يخليها تروح معاها ، عايزة اقولكم ان ايلي بعد ما مشيت كانت علي تواصل مع حور من غير ما الجد ما يعرف و اتدربت علي ان تكون حارس شخصي لحور بعد الواصي ميبقش موجود في الوقت اللي حور كانت بتتدرب علي فنون الدفاع علي النفس ، ف ايلي دي هتكون اكتر مساند ليها ، علي فكرة حور من بعد موت والديها هي خلت قلبها زي الحجر متعرفش يعني ايه مشاعر علشان تعرف سر السلسة اللي ابوها قالها تحتفظ بيها وتعرف مين اللي قتل ابوها وامها ولما بتساعد حد بتساعده علشان وصيت امها مش اكتر لان واضح ان السلسلة دي فيها حاجة خطيرة )
في قصر عائلة الشافعي :
الكل كان علي استعداد لوصول الحفيد الاكبر زين ، وفعلا خلال ثواني كانت السيارة الخاصة بيه تعبر بوابة القصر والصراحة الكل كان فرحان ما عدا مرات عمه الاول (مرفت) كانت متضايقه هي وابنها (شامل ) (دارين بتكون اخت شامل)
الجد (فريد) : اهلا اهلا بحفيدي الغالي
زين : اهلا بحضرتك يا جدي وقبل ايد جده وراسه
الجدة(نازلي): حبيب تيته نورت القصر يا حبيبي
زين: القصر منور بصحابه يا تيته
وبعدها حضن ابوه واخوه و اختوا وهاله اللي بيعتبرها امه وحازم ويامن والكل الصراحة كان فرحان بعودة الحفيد الاكبر زين
اما مرفت وابنها مكنوش حبين وجوده اما دارين كانت فرحانة علشان حبيب القلب وبعدها زين عرفهم علي نديم وحبوا نديم بسبب شخصيته المرحة
الجدة : يلا يابني اكيد جعان بسبب الطريق وبالفعل الكل اتجمع علي السفر
هالة : كل يا زين اكيد هناك في القاهرة مكنتش مهتم باكلك كل حياتك كانت شغل
مرفت : وانتي بتقولي كدة ليه اكيد كان بياكل علشان يشتغل
هالة لسه هترد عليها لكن زين رد وقال
زين : اللي تشوفيه يا مرات عمي ( وكان اقصده بالكلام ده ان جملتك تافه ومتستحقش ان حد يرد عليها ) ف مرفت اتغاظة
وتابعوا الاكل في صمت . وبعد قليل كانوا يجلسون في حديقة القصر لشرب الشاي ويحلوا بعد الاكل و الاطفال بيلعبوا حوليهم اللي هم اولاد تالين بنت هالة ، جوزها مسافر وقاعدة عند جدها (وسيم وجوري) و اولاد ساندي بنت العمة شمس (زهرة ومجد)
.................................................
وفي وسط القرية نجد فتاة ترتدي بنطلون وفوقية تيشرت عليه بالطو وترتدي كاب علي شعرها ويسير بجانبها كلب واسمه جولي
ودي تبقي حور والكلب اللي قامت بتربيته منذ الصغر عندما وجدته في الغابة وحيدا (جولي) وكانت متجهه ناحية محل الكتب و لكن تفاجأ بصوت طفل صغير يصرخ .
.......................................
وفي مكان اخر ( محل ملابس تسويق مكياج و...الخ) :
تالين و تاليا ( اخت زين ) ومعاهم اولاد تالين وسيم و جوري
تالين : اي رايك في الفستان ده يا تاليا
تاليا : هيبقي جميل جدا عليكي ادخلي جربي
وفي وسط اجواء الشراء وغيره اذ بشخص ينادي علي وسيم وبالفعل الولد بعد عن امه واخته وراح يشوف الشخص عايز ايه
الشخص : ممكن يا بني تساعدني في حمل الشنط دي
وسيم : حاضر . وبالفعل الولد مشي معاه بنية طيبة بس الرجل كان صاحب نية سيئة
تالين بتدور علي ابنها ملقتهوش فضلوا يدوروا عليه وفي الاخر ملقوش وسيم وتالين كانت منهاره من العياط وتاليا اتصلت بجدها وقالها تعالي علي القصر فورا واحنا هنتصرف وبالفعل روحوا يشوفوا الجد هيرجع الحفيد ازاي .
( وسيم 8 اعوام )
عند حور:
سمعت صريخ طفل بتشوف في ايه لقيت ان الرجل بيحاول يدخل الطفل بالاجبار العربية بس هي مهتمتش وكانت هتمشي
الولد صرخ بصوت عالي : ساعدوني
وهنا وصية ام حور رنت في اذنيها ( الام : اسمعي يا حور لو في حد محتاج مساعده قومي بمساعدته )
وبعد ما حور افتكرت وصية مامتها كانت العربية مشيت بس لحسن الحظ ان حور كانت معاها مركبتها المركببه دي عاملة زي لوح تزلج شبه كده (بس بتحلق في الهواء زي الطيارة الوراقية ) تحلق بفعل طاقة داخلها تجعلها ترتفع ( حور بتحب تخترع ادوات خاصة بيها )
وفعلا فضلت تتعقب العربية دي لحد ما وصلت لمكان مهجور موجود في بيوت كتيرة والعربية اختفت من امامها ومعرفتش راحت فين بس هي عرفت ان الطفل موجود في بيت منهم وبدأت تدور علي الولد .
في قصر عائلة الشافعي:
تالين كانت منهارة من العياط وتاليا بتهدي فيها وامها هالة زعلانه علي حفيدها وسيم ومرفت فرحانة في اللي بيحصل علشان هي بتكره هالة واي حاجة تحصل سواء فيها او حد من ولادها بتكون فرحانة ، وباقي العائلة واقفه زعلانين ومش عارفين يعملوا ايه و زين بيعمل اتصلات يمكن يوصل للي خطف وسيم وبيساعده نديم ولكن نفُاجأ بإتصال من الخاطف علي هاتف فريد الشافعي (الجد ) والحوار كالتالي :
الخاطف : اكيد عايز حفيدك يرجع صح ولا انا غلطان
الجد: انت مين وعايز ايه و وسيم كويس
الخاطف : ايه يا باشا دي كلها اسئلة علي العموم حفيدك كويس ومحصلوش حاجة لحد دلوقتي بس ممكن يحصلوا لو منفذتش اللي انا عايزو
الجد : واي هو اللي انت عايزو واياك تلمس وسيم
الخاطف : المسه او لا دي ترجع ليك سواء عملت اللي هقول عليه ولا لا
الجد: عايز ايه
الخاطف: عايزك كدة اولا تعمل تنازل عن كل شركات الحديد الخاصة بيك وهتديني الاوراق في الوقت اللي هسلملك حفيدك فيه ، ثانيا هيكون معاك وانت جاي 20 مليون وتجي لوحدك محدش معاك
الجد: ايه اللي انت بتقولوا ده
الخاطف : ده اللي عندي عايز حفيدك يبقي تعمل اللي انا قولت عليه مش هتعمل هبعتلك جثته انت اللي هتختار هسيبك تفكر لمدة 24 ساعة ولو اللي قولته متنفذش اعتبر حفيدك مات سلام يا يا فريد بيه واغلق الخط
الجد الو الو.... الجد قعد علي الكرسي مش عارف يعمل ايه ( تري هينقذ حفيده ولا يتخلي عن املاكه ) زين جري عليه وقال
زين : مين ده يا جدو وعايز ايه الجد مش بيرد
زين : ياجدو واخيرا الجد استفاق من حالة الشرود اللي دخل فيه وقال
الجد: الخاطف عايز تنازل عن كل الاملاك و 20 مليون جنية
الكل : ايه وكانوا واقفين في حالة ذهول ،وتالين كانت بتمون من العياط علي ابنها الوحيد اما مرفت وابنها علي الرغم انهم كانوا فرحانين باللي بيحصل قدامهم إلا انهم تضايقوا لان الجد ممكن يقرر يتنازل عن الاملاك من اجل الحفيد ( اه طبعا علشان مش هيبقي في حاجة من الثروة ليهم ومرفت عايزه ابنها هو اللي يمسك الشركات مكان زين ) الجد وزين كانوا بيفكروا في حل علشان يطلعوا من المشكلة دي ( نسيبهم يفكروا براحتهم ونروح لمكان تاني)
ايوه فعلا عند حور :
حور فضلت تمشي بحذر في المكان المهجور لحد ماشافت اثار رجلين موجودة في حارة صغيرة فتتبعت الاثار لحد ما وصلت لمصنع مهجور خلف البيوت المهجورة وفعلا قربت من المصنع وحاولت تسمع اي حاجة وبالفعل سمعت الولد بيعيط وبيقول
الولد : روحني يا عمو انا عايز ماما
الرجل : اسكت يا ولد ولا اجاي اضربك بس الولد استمر في البكاء
حور حاولت تدخل علشان تنقذ الولد وبالفعل شافت باب خلف المصنع مفتوح فدخلت واول ما الولد شافها كان هيقول ساعدني بس هي شاورت ليه يسكت وبالفعل سكت وهي ضربت الرجل من الخلف سقط فاقد الوعي وفكت الولد وكانت لسه هتطلع دخل حارسين ومن ثم بلغوا الاخرين وحور فضلت تضرب في ده وده بس كان صعب ان تحمي الولد مع العدد الكبير من الحراس وكان الولد هيقع علي قطعة حديد مدبب فجأة نلاقي لون عنيها اتحول من رمادي الي لون ثلجي (بتلمع ) وايديها اليمين وجدناها تخرج ثلجا ً تصنع به جداراً ثلجياً خلف الولد و اخذت الولد وكانت بتعمل جدار من الثلج خلفها تحمي به ظهرها حتي لا يصلوا إليها وبالفعل اخذت الطفل وركبت مركبتها الطائرة وعرفت تهرب ، والولد ده كله في حاله من الذهول التام وازاي في بنت تخرج من يديها جليد .
حور : انت كويس
الولد : ها
حور: ها ايه بقول انت كويس
الولد : اه اه انا كويس بس
حور : انا عارفة ان اول مره تشوف بنت كده بس اللي حصل ده مش حقيقي دي آداة بتخرج منها الجليد ( حور مكنتش عايزة الولد يعرف ان ايديها بتخرج جليد علشان ميقولش لحد ويبقي الامر سرا )
الولد : بجد هي فعلا آداة
حور : اه وهو كذلك
حور: مين اللي كان عايز يئذيك انت تعرفهم
الولد : لا ، انا معرفش مين اللي كان خاطفني بس انا عايز اروح البيت عايز اروح عند ماما اكيد خايفه عليا
حور : طيب اسمك ايه وبيتك فين
الولد: اسمي وسيم وجدو يبقي فريد الشافعي والمكان اللي عايش فيه موجود بجانب مزرعة الشافعي للخيول ( ايوه يا رفاق هو، الولد يبقي وسيم ابن تالين، حور الاول مكنتش عايزة تنقذه علشان كانت شافت وسيم وهو خارج بإرادته مع الراجل فعلشان كده هي مهتمتش بس لما قال ساعدوني ساعدته لما افتكرت وصية مامتها )
حور : انت من عائلة الشافعي
وسيم : اه
حور : طيب يلا علشان اوصلك لبيتك
وسيم : انتي اسمك ايه
حور : تقدر تناديني بصاحبة الجليد
وسيم : يعني هو اسمك كده
حور : لا بس انا بحب الاسم ده
وسيم : طيب هناديكي بيه
حور : ماشي وسيم جري قدام حور وقال : ممكن نبقي صحاب يا فتاة الجليد (حور ودي اول مرة حد يقولها كدة ممكن نبقي صحاب لان هي متعرفش ناس غربين عنها سوي ايلي وزينب ) بس بعدها ابتسمت وقالت : ماشي وكملوا الطريق باتجاة قصر الشافعي.
في قصر الشافعي :
وفي وسط الاجواء المضطربه قرر الجد التنازل عن الاملاك علشان وسيم والباقي وافق علي القرار ده ما عدا مرفت وشامل مكنوش عارفين يعملو ايه ولسه الجد بيقول لزين يجهز الاوراق علشان التنازل واذا الجميع يُفاجأ ب وسيم وهو داخل من بوابة القصر وحارس البوابة خلف وسيم وبينادي علي الجد وبيقول
الحارس : فريد بيه فريد بيه وسيم بيه هنا
الكل خرج وهم متفاجئين ان هو قدامهم و الكل في عقله سؤال واحد بس ازاي فلت من الخاطفين بس تالين مهتمتش وجريت علي ابنها وحضنتُ وفضلت تعيط كان اللي يهمها ان ابنها قدمها وبعد ما شفوا وفرحوا انه موجود بينهم سأله الجد وقال
الجد: وسيم انت ازاي عرفت تهرب منهم
وسيم: في واحد شافني وهم بيخطفوني وانقذني منهم ( طبعا مرديش يقول انها بنت)
زين : متعرفش هو مين
وسيم :لا يا خالو معرفش
تاليا : طيب مقالش اسمه ايه علشان نشكره
وسيم : لا مقالش هو انقذني وبعدين سال عن اسمي وبيتي ووصلني ومشي
فلاش باك :
حور : بما اننا اصدقاء ممكن اللي حصل النهاردة يبقي سر
وسيم : ليه هو انتي مش عاوزة عائلتي تشكرك علي انك انقذتيني
حور : مش كده بس انا مش بحب اساعد حد و اخر يعرف بكدة فعلشان كده هيبقي سر بيننا اوكي ؟
وسيم : اوكي (و بعدها هي استنت لحد ما يوصل لباب القصر بس قبل ما يدخل رجع تاني وقالها )
وسيم : شكرا جدا
حور ابتسمت وقالت : العفو ( وبعدها وسيم دخل القصر )
{العودة الي الحاضر }
الجدة: طيب خلاص ان كان في نصيب ان نلتقي بيه هنشكره علي اللي عمله تالين خدي ابنك واكليه علشان هيبقي جعان بعد اللي حصل
تالين : حاضر يا تيته واخذت وسيم ومشيت وبعدها كل واحد قام يشوف الاشغال اللي وراه
في قصر عائلة السيوفي :
الكل كان مستني غيث يوصل وبالفعل مفيش ثواني و العربية دخلت من بوابة القصر ونزل منها شاب وسيم ذو ملامح حادة
بس ملامحه لانت لما شاف عائلته اللي بيحبها
الجد : اهلا بحبيب جدو
غيث: اهلا بحضرتك ياجدو وباس راسه
وبعدها سلم علي اخواته وامه وابوه والجدة وبعدها تجمعوا علي السفره
واذا بالجد يقول
الجد : انا قررت ان غيث يمسك كل شركات العائلة
الكل اتفاجأ بالقرار وخصوصاً سناء
وكان قرار الجد الثاني
الجد : انا دلوقتي مبقتش الواصي علي شركات حور ودلوقتي هي اصبحت مسؤله عنها
الكل بصوا للجد بتفاجؤ وسناء وابنها هينفجروا من الغيظ وبنتها كانت فرحانه علشان لما تتجوز غيث هيبقي هو الوريث الوحيد بس الفرحه ما كملتش، ليه ؟ ( اصل شركة الادوات الطبية اكبر شركة في الشرق الاوسط وكمان والد حور كان ليه اسهم في شركات الجد وكده حور هتبقي ليها الحق في كل حاجة وهي بتغير من حور جدا ) فكانت هتموت حرفيا من الغيظ اللي تملك منها والحقد اللي جوها
غيث : ازاي ياجدو دي حور لسه صغيرة هتقدر تتحمل مسؤلية الشركات
سناء والحقد بياكل فيها : ايوة ازاي دي لسه متعرفش حاجة دي بنتي ميس احسن منها في ادارة اي شغل بيجيلها
ميس : ايوه يا جدو ماما عندها حق
روح : وانتوا ازاي تحكموا عليها وانتوا مشفتوش حور من سنين، متعرفوش ان حور اتغيرت وبقت قوية مش زي الاول البنت الطيبة اللي اي حد يجي عليه
الجد : وانتي عرفتي منين يا روح
روح ارتبكت وقالت : يعني .. اصل بعد ما شافت امها وابوها بيموتوا اكيد يعني اتغيرت ( عايزة اقولكم ان الجد كان مانع اي حد من العائلة يكلم حور لان في اعتقاده ان قوة حور تدل علي الشؤوم وعدم الخير ، فكانت بتقابل حور من غير ما حد يعرف بس اخوها توأمها (رين) كان عارف لان هو كان بيساعدها و كذلك الام )
الجد : اممممم ... علي العموم انا اخذت القرار ومفيش راجعه عنه وقام من علي السفرة
وبعدها الكل كان بيبص للتاني بسبب القرار دة وكل واحد قعد يفكر مع نفسه
في قصر حور اللي يشوفه يقول قصر رعب :
بعد ما حور رجعت القصر اخذت شاور وقعدت تقرا كتاب عن الكون و الفضاء وبعد وقت مش طويل
نجد سيارة تدخل من البوابة وفي بنت نازله ولابسه بدلة حارس شخصي وبيدها شنطه بيها اوراق و خبطة علي باب القصر
وفتحت الدادة و ابتسمت اول ما شفتاها وبعدين دخلت خبطة علي باب مكتب حور و حور سمحت بالدخول وكانت مين ( ايوه هي ايلي)
حور ابتسمت وقامت خدتها في حضنها وقالت
حور : اخيرا جيتي
ايلي : اسفه لو اتاخرت عليكي يا فندم
حور : هو انا مش قولتلك متقوليش فندم قوليلي حور
ايلي : ماشي
حور : يا ايه
ايلي : يا حور
حور : ابتسمت وقالت ماشي ندخل في الجد بقي عملت اللي قولتلك عليه
ايلي : اه عملته والورق معايا وعطت الورق لحور
حور فتحت الشنطه وطلعت الورق وابتسمت ابتسامه غامضة
ايلي : ناويه علي ايه يا حور
حور : ناويه اعرفهم من هي حور
ايلي ابتسمت بتوتر وعارفة ان الايام الجاية مش هتبقي سهلة ابدا بس قالت في نفسها : انا دايما معاكي يا حور ومش هسيبك لوحدك ابدا وهعرف معاكي مين اللي قتل السيد ليث ( والد حور ) والهانم رهف ( والدة حور ) اللي كانوا بيعاملوني كأني بنتهم وانتي زيهم يا حور بتعاملني كأني اختك ومحسستنيش بيوم اني ابويا باعني بس اتمني ترجعي حور البنت المرحه اللي مبتحبش تشوف حد زعلان اتمني ترجعي حور اللطيفة وكل ده يخلص. و وقفة تتابع حور وهي بتقلب في الورق وشكلها مش ناويه علي خير
(يا تري ايه اللي حور ناويه تعملو................)