ايلي : حور هي السلسلة اللي معاكي فيها ايه
حور : مش عارفة يا ايلي بس بابا قالي افتح السلسلة لما يبقي عندي 24 سنه يعني فاضل شهر هتم 24 و هفتحها
ايلي : اوك ربنا يستر ....... بقولك
حور : نعم
ايلي: المكان هنا حلو اي رايك اروح اجيب اللاب و الاوراق من القصر و نشتغل هنا
حور : ماشي بس متأخريش
ايلي : ماشي خدي بالك من نفسك
حور : اوك . ايلي مشيت وحور بدات تتمشي مع ليل لحد ما شافت شابين جايين عليها
عند زين و نديم :
نديم : يا انسه
البنت بصت تشوف مين وهي مستغربه لان محدش بيطلع الجبل من زمان ( نعم يا سادة ، البنت تبقي حور )
حور بصت عليهم وهم الاثنين وقفوا مذهولين من جمال حور( من اول شعرها الطويل لحد اخر ظهرها اللي لونه قريب من لون الثلج وعنيها اللي لونها رمادي ولون بشرتها اللي بيضاء جدا )
حور : نعم
نديم : ها ..... هو انتي حقيقية
حور : نعم بتقول ايه
زين فاق من اللي كان فيه وخبط نديم وقال
زين : مش بيقول حاجة احنا بس كنا مش عارفين ننزل من علي الجبل ف هو بيسألك طريق النزول فين صح يا نديم
نديم : اه.....اه .... اااا.... صح
حور قالت ماشي لسه هتشاور علي طريق النزول جاءت ايلي وقالت
ايلي : حور انتي روحتي فين انا مش كنت سيباكي هناك ايه اللي جابك هنا ، انتي كويسه
حر : اهدي يا بنتي انا كويسه مفيش حاجة
ايلي: مين دول ، انتي تعرفيهم
حور: لأ ... بس هم كانوا عايزين يعرفوا طريق النزول من علي الجبل ، الطريق اللي هتنزلوا منه اللي هناك ده . وشاورت حورعلي الطريق اللي علي اليمين وقالت
حور : امشوا في الطريق ده في خط مستقيم لحد ما تشوفوا اضواء البلدة
نديم وزين قالوا ماشي وكانوا لسه ماشين بس ايلي قالت
ايلي : هما هيعرفوا يوصلوا لحد البلدة
نديم و زين : حضرتك قصدك ايه
ايلي بصت لحور وحور بصتلها وقالت
حور : اكيد هيوصلوا هما مش صغيرين
نديم : انتوا بتتكلموا عن ايه
حور ببرود وعدم اهتمام : اصل في ذئاب بتبقي موجودة بالليل وعصابات بتبقي واخده الغابة مقر ليهم ولما حد بيقرب من المقر بتاعهم اهل البلدة بتتشاهد علي روحه ، بس
نديم : يا برودك يا شيخه وبتقولي كده عادي
زين : خلاص يا نديم ، ممكن يا انسه تقوليلي نعمل ايه ، هو انتوا من البلدة
ايلي : لا ، احنا مش قاعدين فيها
نديم : انتوا جايين هنا زيارة
ايلي : لا ، بردو
نديم : متقوليش ان انتوا عايشين هنا
ايلي : اه احنا عايشين هنا ، والبيت مش بعيد عن هنا
نديم : ازاي انتوا قاعدين هنا وبتقولوا ففي ذئاب وعصابات
ايلي : اصل قاطعتها حور قائله
حور : مش كفاية كلام كده ايلي سكتت ونديم بص باستغراب بس زين قال
زين : طيب ممكن تقولوا علي طريقة ننزل بيها من علي الجبل من غير ما نواجه الذئاب او العصابات
ايلي : حور
حور : حاجة متخصنيش ، مليش دعوة احنا قولنالهم علي الطريق والباقي ميخصناش
ايلي : بس يا حور .........
حور : خلاص يا ايلي انا قولت اللي عندي يلا علشان اتاخرنا. وكانت ماشية بس وقفت لما نديم قال
نديم : هو انتي متاكدة انك انسانه طبيعية حور بصتله بنظرة غامضة وهو كمل
نديم : يعني انتي عايشة في الجبل مش في البلدة ، وكمان باردة في كلامك وكأن الواحد مش ممكن يموت في المكان ده
حور : حضرتك عايز تقول ايه
نديم : اصل مش طبيعي حد يعيش في مكان زي ده
حور : و لما حضرتك عارف ان المكان ده خطر طلعتو ليه نديم معرفش يرد بس زين اتكلم وقال
زين : ممكن تقولي الطريق فين وانا هديكي اللي انتي عايزاه
حور : زي ايه
زين : هديكي اي مبلغ انتي عايزاه
حور : مش كل حاجة بالفلوس ، بس ممكن اقولك علي حاجة تعملها وانا هوصلك لحد البلده
زين : اي ... قولي
حور : انت بتؤمن بإن في قوة غريبة ممكن تعمل اي حاجة يعني مثلا ميكونش في جليد وفجأة تلاقي واحد مطلعو من ايديه ، لو قدرت تشيل القوة الغريبة دي انا هوصلك لحد البلدة
زين استغرب من اللي بتقولو حور وقال : هي دي مزحة ولا ايه
حور : لا ... وهو انا همزح معاك ليه هو انا اعرفك
نديم : شكلك يا انسة بتتفرجي علي افلام كتير ، يا خسارة الجمال ده كله
حور : هو انتي شايفني جميله
نديم : طبعا ، دا انا مشفتش واحدة زيك قبل كده ، حور قربت وبصت في عيون نديم وفجأة عينيها اتحولت لي لون احمر ونديم خاف من اللي شافه في عيونها لان هو شاف ( بنت جميلة جدا واقفه في مكان من الغابة و في ناس حوليها كتير ومصوبين مسدسات عليها وكانت ماتت بطريقة وحشه واللي يشوفها ميقدرش يتحرك من الخوف) ( البنت دي هنعرفها بعدين لان ليها مكان خاص عند حور و بتسعي حور علشان تعرف مين اللي موتها بالطريقة دي لان حور كانت مع البنت دي وهي صغيره هنعرفها بعدين لانها حكاية)
( عايزة اقولكم ان لون العين الاحمر مُتوارث في عائلة حور قوة بتيجي للشخص اللي بيبقي عنده قوة الجليد و من خلالها تقدر تخلي الشخص اللي قدامك يشوف اللي انت عايز تخليه يشوفه زي ما حور عملت في نديم )
نديم رجع ورا بعد اللي شافه وبلع ريقه بالعافية من الخوف والمشهد اللي شافه
حور : متحكُمش علي حد عن طريق المظهر ، انا بنت اه ، بس ممكن اقتلك ويبقي عادي بالنسبالي
زين استغرب رد فعل نديم و اي اللي حور عملته خليته بالشكل ده واتكلم وقال
زين : هو انتي عملتي فيه ايه
حور : اسأله
زين : نديم انت كويس
ايلي : متقلقش هو كويس بس ..... كانت هتكمل كلامها بس في عربية سوداء اللون وقفة قدامهم ونزلت منها امراة في غاية الجمال
و حور اول ما شافتها استغربت و قالت
حور: هو انتي جيتي ايمتا ؟
المراة :.......
في قصر عائلة السيوفي :
الكل كان متجمع والجد اتكلم وقال
الجد: جهزوا القصر والحديقة علشان الحفلة
اصليهان ( الجدة ) : حفلة ايه
عثمان ( الجد) : هنعمل حفلة علشان نصلح اللي حصل في الاجتماع اخر مرة
سناء : لو حضرتك متنزلتش عن انك تكون الواصي وخليت حور تمسك الشركة مكنش ده كله حصل
ميس : اه يا جدو ، مش عارفه حور ليه تمسك شركة هي احسن مني في ايه
روح : انتي ليه بتقولي كده الشركة دي كانت ملك باباها ، يعني طبيعي تبقي هي اللي تمسكها
ميس : انتي ليه دايما تدافعي عنها ، لي انتي مش في صفي ، انتي عارفة ان عندها قوة تقدر تموت اي حد بيها هي عبارة عن وحش مخيف ، كمان القوة دي بدل علي ...........
غيث قاطعها بصوت عالي وقال : ميس اخرسي اللي بتتكلمي عنها دي تبقي بنت عمك ولا نسيتي
ميس : انا معنديش بنت عم بتجيب الخراب و الشر في المكان اللي بتدخل فيه
غيث : ميس انتي لو مسكتيش دلوقتي انا ..........
الجد بصوت عالي : في ايه انتي وهو ، ايه مفيش احترام للي قاعدين ولا ايه
غيث : انا اسف يا جدي
الجد: انا مش قولت ان اسم حور ميتقلش في البيت ده
روح : بس يا جدي ............
الجد: روح انا قولت ايه
روح : اسفه
الجد : اعملوا حسابكوا ان عائلة الشافعي اللي داخلة معانا في المشروع الجديد هتبقي موجوده
اصليهان : متقلقش انا هشرف علي كل حاجة
الجد : اه حور جايه هي كمان
الكل : ايه سناء : ازاي هي مكنتش بتيجي في اي حفلة اتعملت قبل كده ، ليه تيجي في الحفلة دي
روح : بجد يا جدو ، احلي خبر اخيرا هشوفها
لميس : اخيرا هشوفها دا انا مشوفتهاش من سنين وحشتني جدا
اصليهان بدموع : بجد حفيدتي جايه وحشتني جدا و وحشتني ابتسامتها انا لازم اعمل كل الاكل اللي هي بتحبو
رين : واخيرا يا جدي هتخليها تدخل القصر بعد سنين ، احلي قرار اخذتُ يا جدو
ميس : ليه يا جدي تخليها تيجي ولا علشان عائلة الشافعي و تخلي الناس يعرفوا ان عندك حفيدة مخليها عايشة في الجبل
غيث : اخرسي يا ميس ، بدل ما تفرحي انك هتشوفي بنت عمك بعد سنين ده اللي بتقوليه
ميس: انا .......
الجد : بس كفاية اوي كده ، هي هتيجي علشان اللي حصل في الاجتماع اخر مرة و انتوا متفرحوش كتير لان هتبقي اخر مرة زيارة ليها في القصر . وقام مشي
روح : مش مهم ، المهم ان هي هتيجي يا سلام اخيرا هشوفها
رين : معاكي حق ، اي رايك نروح نجبلها هديه بما ان احنا مش هنشوفها غير المرة دي
ميس : ليه ان شاء الله كانت مين هي
روح : اسكتي انتي يا ميس و روحي شوفي هتلبسي ايه في الحفلة .
كلهم قاموا وراحو يجهزوا للحفلة .
في غرفة ميس :
ميس : ماما انتي لازم تعملي حاجة قُدومها للحفلة مش خير اكيد لازم تعمل حاجة
سناء: اهدي بس انتي وانا عارفه انا هعمل ايه
ميس : هتعملي ايه يعني يا ماما
سناء: لازم اطلعها من القصر ده بفضيحة
ميس : الله عليكي يا ماما هتعملي ايه
سناء : هقولك
ونسيبهم يخططوا مع بعض ونروح مكان تاني .
عند حور :
حور : هو انتي جيتي ايمتا ؟
المراة : ايه يا حور انتي مش فرحانه علشان جيت ولا ايه ولا لازم استأذن قبل ما اجي هنا
حور : لا ازاي يا عمتو ، حضرتك تيجي في اي وقت ، بس حضرتك جيتي ايمتا من فرنسا ( ايوه يا جماعة دي عمة حور الصغيرة و اسمها زهرة وبتحب حور جدا وكانت مسافرة ونزلت )
زهرة : امبارح ، بس مين دول ...... وبعدها قطعت كلامها قالت
زهرة : معقول زين
حور : حضرتك تعرفيهم يا عمتو
زهرة : اه انا اعرف زين بس مين ....
زين : حمد الله علي سلامتك يا زهرة هانم ، ده يبقي نديم صحبي
نديم : اتشرفت بحضرتك
زهرة : وانا كمان ، بس انتوا بتعملوا ايه هنا
ايلي : هم مكنوش عارفين ينزلوا من علي الجبل فسألوا
نديم : وياريت ما سألنا حضرتك متأكده اني البنت دي طبيعية
زين : بس يا نديم ، علي العموم احنا هنمشي فرصة سعيدة زهرة هانم
زهرة : استني تمشي فين مينفعش تنزل الجبل في الوقت ده وكمان معاك حصان انا هخلي العم محسن (سواق العربية الخاصة بيها ) يوصلكوا
زين : و حضرتك هتنزلي ازاي ، والاحصنة
زهرة : الاحصنة هنخدها مع حصان حور وهتبقي موجودة في القصر بتاعها وانت بكره تبقي تيجي تاخدها
حور : نعم حضرتك بتقولي ايه ، هو انا اعرفه عشان اخذ حصانه
زهرة : اولا انا اعرفه فعادي ولا عندك اعتراض
حور بابتسامة غيظ من عمتها : لا طبعا، هنفذ كل اللي حضرتك بتقوليه يا زهرة هانم
زهرة بثقة : ايوة كده ، لو سمحت يا عم محسن وصلهم
العم محسن : حاضر يا هانم
زين : وحضرتك
زهرة : لا، انا هقعد مع بنت اخويا هنا
زين : ماشي وشكرا جدا
زهرة : العفو علي ايه انت زي ابني ، اشوفك في الحفلة يا زين
زين : اكيد طبعا ، عن اذن حضرتك
زهرة : اذنك معاك . زين ونديم ركبوا العربية و مشيوا ، وحور و زهرة و ايلي اخذوا الاحصنة ومشيوا علي قصر حور
في قصر حور :
حور : غريبة ليه ما روحتيش علي قصر جدي الاول
زهرة : قلت هاجي اخدك ونروح مع بعض
حور : بجد ؟ يعني مش علشان حاجة تانية
زهرة : فاهمني انتي يا حور ، فعلا انا جيت علشان اعرف اللي عملتيه في اخر اجتماع ، ليه روحتي الاجتماع انتي عارفة جدك عمل الحفلة دي وطلب انك تيجي علشان اللي حصل ؟
حور : اه عارفه
زهرة : امال ايه هتروحي
حور : اه هروح
زهرة : انتي عارفه ان سناء مش هتسكت و لازم هتعمل حاجة ، علشان تطلعك قدام الناس انك وحشه
حور : اه عارفة ، وياريت فعلا تعمل كده
زهرة : انتي بترمي نفسك في النار بذهابك للحفلة دي
حور : متقلقيش يا عمتو كل حاجة انا مخططلها و مستعده للي هتعملو سناء هي وبنتها
زهرة : ربنا يستر ........... يعني مسألتنيش
حور : مسألتش علي ايه
زهرة : ان انا اعرف زين وكده
حور : و ده هيهمني في ايه ، انا كنت هعرف معلومات عنه هو مين و ليه كان في الجبل وكده بس حضرتك طلعتي تعرفيه وكنتي بتتعاملي معاه و كأن شخص تعرفيه من سنين ، ليه اشغل بالي بيه
زهرة : فعلا انا بعاملة زي ابني و خصوصا بعد اللي امه عملته فيه هو واخواته
حور: وحضرتك تعرفيه منين وهو مفيش صله بين العائلتين
زهره : اصل عمته كانت صديقتي
حور: اهااا ... طيب
زهرة : المهم اجهزي علشان الحفلة
حور : ماشي
زهرة : بس خدي بالك من نفسك و خلي بالك من سناء
حور : متخافيش انا معايا ربنا ، و ايلي كمان هتبقي معايا ، ان شاء الله خير
زهرة : ان شاء الله ، يلا اجهزي
حور : اوك
و بعد قليل حور جهزت و زهرة و الاثنين طلعوا ركبوا العربية و وراهم عربيات الحرس متجهين الي قصر السيوفي
(يا تري اي اللي هيحصل في الحفلة.........و ايه خطة سناء..........)