في صباح يوم جديد حور قامت من فراشها اتوضت وخلصت فرضها ولبست ملابسها وكانت فعلا سيدة اعمال
وراحت شركة والدها وايلي خلفها والكل كان مستغرب مين دي وبتعمل اي هنا وبمجرد ما دخلت المكتب حور لسكرتيرة المكتب
حور : بلغي كل الموظفين ان في اجتماع بعد 5 دقائق
السكرتيرة : حاضر يا فندم وطلعت
حور : ايلي عايزاكي تعرفي كل حاجة عن مدير الحسابات وشغله ماشي ازاي وملفات الصفقات عايزاها وشيت بأسماء الشركات اللي الشركة اشتغلت معاها من ساعة ما الشركة اتفتحت ومش بس اساميهم انا عايزة ارقامهم وايميلاتهم وتكاليف شغلهم والشركة كسبت منهم كام
ايلي : حور هو انتي حاسه ان في حد من الشركة ليه يد في حادثة العربية
حور : اه انا متأكدة وإلا ليه بابا عطاني السلسلة اقبل ما احنا نطلع من البيت اكيد كان عارفة ان الحادثة دي ممكن تحصل
ايلي : تمام يا حور هعمل اللي انتي بتقولي عليه
وقبل ما ايلي تطلع من المكتب كان دخل راجل في ال 50 من عمره
خالد ( صديق والد حور ) : ازيك يا حور عاملة ايه يا بنتي
حور : انا كويسة يا اونكل حضرتك عامل ايه
خالد: كويس الحمد الله مبروك عليكي منصبك
حور: شكرا يا اونكل ولسه خالد ها يتكلم عن الشركة وكده دخلت السكرتيرة وقالت الكل جاهز للاجتماع يا فندم
حور : قالت ماشي وبعدها استأذنت من خالد ومشيت هي و ايلي
في مكان تاني ( شركات السيوفي جروب ) :
الجد كان عامل اجتماع حاملي الاسهم علشان يقول ان غيث ها يمسك الشركات الكل دخل وقعد في مكانه وقبل ما الجد ما يتكلم
اذ نُفاجأ ب اخر شخص كان يتوقعه الجد ؟
نرجع لشركة حور :
قبل ما حور تدخل الاجتماع :
حور : ايلي انا عايزاكي تراقبي ردود افعالهم وانا بتكلم وازاي هما هيبقلوا بيا ولا لازم نواجه صعوبات علشان يعرفوا من هي حور ؟
ايلي : حاضر
ودخلت حور وخلفها ايلي .
الكل كان قاعد في الاجتماع وحور اتكلمت وقالت
حور : اولا اعرفكوا بنفسي انا حور ليث السيوفي ، بابا دكتور ليث اللي انشأ الشركة دي وجدي دلوقتي مبقاش الواصي يعني الكلمة هنا في الاول وفي الاخر ليا واه لو كنتوا فاكرين ان انا زي جدي تيبقوا غلطانين انا عكس جدي تماما يعني لبس الانسات اللي بيجوا بيه الشركة يتغير احنا هنا مش في ملهي ليلي و في كل قسم ممنوع الرجل يكلم بنت و هيبقي بينهم حدود و في وقت الغذاء الانسات هتنزل الاول وبعدها بنصف الساعة الرجال واللي مضايقُ الكلام ممكن يستقيل لان اللي مش هينفذ اللي بقوله هيطرد حتي لو هطرد الشركة كلها ، في ناس كتير عايزة شغل يعني انا اللي مش خسرانه حاجة ، واه انا مش بحب اعيد كلامي مرتين .
الكل كان بيبصولها بذهول وازاي في بنت بالقوة دي بس حور قالت بعدها
حور : ايلي جبيلي كل الملفات من مدير قسم الحسابات
بس في واحدة قامت وقالت: مينفعش حضرتك تاخدي اي ملف من دون اذن عثمان بيه
حور : حضرتك اسمك ايه
البنت : دينا
حور : انتي اتوظفتي في الشركة دي بقالك اد ايه
ياسر ( مدير الماليه ) : هي اشتغلت هنا في ....... حور قطعت كلامه ب
حور: انا سمحت لحضرتك تتكلم انا بكلم الانسه ولا ايه سكت ومقدرش يتكلم بسبب نظرة حور المرعبة
حور : ها يا انسه اشتغلتي هنا ايمتا
دينا : من 6 شهور
حور : ما شاء الله وبقيتي مديرة الحسابات ، علي العموم انا هعدي اللي انتي عملتيه لان انتي متعرفينيش ، انا مش بحب حد يناقشني في اي قرار انا باخده ، وهكرر واقول تاني عثمان بيه ملوش اي دخل هنا يعني اللي انا بقول عليه يتنفذ ماشي ولا اعيد تاني ولايه
الكل : حاضر يا فندم
حور : الاجتماع انتهي كل واحد علي شغله والقرارات اللي اتاخدت هنا تتنفذ بالحرف اتفضلوا
الكل قام مشي ومستغربين حور وقوة كلمها وثقتها بنفسها بعدها حور بصت ل ايلي وقالت
حور: ها راقبتي ردود افعالهم
ايلي : اه وفي علاقة بين مدير الحسابات و الماليه
حور: انا قولت كده برده ، تمام يبقي خلي حد يراقبهم
ايلي : حاضر ........ بس انتي رايحه فين
حور : رايحه لإجتماع مهم
ايلي : قصدك .....
حور : اه هو
في مكان تاني :
الخاطف ( اللي خطف وسيم ) : انا اسف والله يا يا باشا انا مش عارف حصل ازاي
المجهول : ازاي يعني مش عارف يا حيوان
الخاطف : احنا كنا قاعدين بس في شخص دخل وانقذه والغريب ان كان بيخرج من ايديه جليد
المجهول: هو انت معتوه في حاجة اسمها شخص بيعمل جليد بايده
الخاطف : والله هو ده اللي حصل يا باشا
المجهول : طيب روح اتعالج في مستشفي للامراض العقلية ، اختفي من وشي يا حيوان
الخاطف مشي ، والمجهول بشر: فلت مني يا فريد بيه بس المره الجاية مش هيحصل ، بس مين اللي انقذ الولد ، والحيوان اللي مشغله معايا ده بيقول الحقيقة ولا، بس معقول في حد كده دا اكيد كان بيحلم .
في قصر الشافعي :
ماما ارجوكي خذيني معاكي
الام : ابعد انت مش ابني مش عايزة ابن يكون زيك
الابن : ارجوكي يا ماما ، بس الام بعدت الولد عنها وطلعت خارج القصر ، ( ايوه ده زين ) فاق زين علي حد بينادي عليه وده كان نديم
نديم : انت يا بني اي شارد في ايه
زين : ولا حاجة كنت عايز ايه
نديم : كنت عايزك تفرجني علي البلد عايز اطلع اتمشي انا من ساعة ما جيت وانا مطلعتش
زين : خالص يا بني هنطلع بقولك اي رايك نطلع بالاحصنة فوق الجبل
نديم : الله فكره حلوة
زين : طيب روح اجهز عقبال ما انا اجهز
نديم : اشطا ماشي .
في شركات السيوفي جروب :
بعد ما الكل اتجمع علشان بدا الاجتماع الباب خبط ودخل شخص آخر حاجة الجد ممكن يتوقعها وهي ( حور ) ايوه يا ساده هي حور دخلت وقعدت بكل ثقه وبتبص لجدها بتحدي وبتقول
حور : اي ياجدي هو مش المفروض ده اجتماع حاملي الاسهم هو انا مش منهم ولا ايه
الكل بص للجد يعني مين دي احنا اول مره نشوفها وازاي ليها اسهم في الشركه
حور: اهاااا هو عثمان بيه جدي مقلكوش ان ليه حفيدة تكون بنت ابنه الدكتور ليث ولا ايه
فالكل استغرب وبصوا لبعض وقام واحد من اللي قاعدين وقال : هي مش الاسرة كلها ماتت دكتور ليث ومراته وبنته
الجد معرفش يرد بس اللي رد كان غيث وقال
غيث: دي تبقي حور بنت عمي وبعد الحادثة سافرت بره علشان تدرس ، فالناس افتكرت انها ماتت مع اهلها مش كده يا حور
حور: اه فعلا يا بن عمي
غياث بصلها وقال: علي العموم يا حور تقدري تعقدي ، اصل حور يا جماعة ورثت اسهم والدها مش كده يا جدي
الجد : اه ... اه و كملوا الاجتماع بس كان في اسئلة في عقل البعض اللي هو ازاي بنت لسه صغيرة تبقي موجودة هنا ....... والخ
الاجتماع خلص بإن هم موافقين ان غيث يمسك شركة الامبراطورية ( اسم لمجموعة الشركات ) والكل قام مشي وتبقي في غرفة الاجتماع حور وغيث وايلي والجد
الجد : انتي ازاي تيجي من غير ما تقولي
حور : اظن حضرتك مش محتاجة الاذن علشان ادخل في اي مكان ، انا حرة
غيث : حور اتكلمي مع جدك كويس
حور : بما ان هو تبرأ مني زمان يبقي ملقوش الحق يتدخل في حياتي
وطلعت حور و وراها ايلي ، والجد قعد يفكر في اللي حصل
في مزرعة الخيول :
زين طلع حصان ليه ول نديم
نديم : الله شكلهم حلو اوي انتي مسمي الحصان بتاعك ايه يا زين
زين : اسمه برق
ولسه هيطلعوا برا باب المزرعة جاءت دارين وبتكلم زين وبتقوله
دارين : زين هو انت طلعت بره القصر من غير ما تقول ليه ( يعني جو لما انت بتختفي قلبي بينطفي )
زين : هو انا علشان اطلع بره لازم اخذ الاذن ولا ايه
دارين : لا يعني ... بس ..ااا..ااا....
زين : خلاص يا دارين ابعدي عن الطريق علشان نطلع
دارين : هو انتوا طالعين الجبل
زين : اه ليه في حاجة
دارين : هو انا ممكن اجي معاكوا
زين: تيجي معانا فين وبعدين انا طالع انا وصحبي تيجي ليه
دارين زعلت وقالت : انا اسفة ومشيت
نديم : حرام عليك يا زين مكنش لازم تزعلها
زين : يا بني انا عارف بتعمل كده ليه وانا قولتلها اني مش بحب حد وانا مش بتاع جواز ونيلة وهي بردُ مصممة
نديم : ليه يا خويا ، في احلي من انك تتجوز
زين: و انت متجوزتش ليه يا خويا ، نجلاء بنت عمتك اللي امك عايزة تجوزهالك
نديم : مين نجلاء ، اللي اهم حاجة عندها الاكل وبس يا خي بتجيب سيرتها ليه حرام عليك
زين : طيب يا خويا علي العموم انا معرفش يعني ايه حب ولا عايز اعرف
نديم : انت اصلا مش وش حب
زين : طيب يا خفيف هنطلع ولا نرجع احسن
نديم : لا نرجع ايه يلا
و الاثنين طلعوا الجبل وهم راكبين الاحصنة .
عند حور :
رجعت القصر ودخلت غيرت ملابسها وطلعت وجدت ايلي و زينب مستنينها علشان الغذاء ، وقعدوا كلهم يتغدوا
زينب : عملتي ايه في الشركة يا حور
حور : الحمد لله كله تمام
ايلي : حور انا حاسة انك عارفة مين اللي كان له يد في الحادثة
حور : اه حاجة زي كده بس اللي هيأكد لي الحفلة اللي جدي هيعملها
ايلي : حفلة ايه
حور : بعد اللي حصل النهاردة اكيد جدي هيعمل حفلة و هيبعتلي دعوة علشان يثبت ان العلاقة بينه و حفيدته كويسة مش زي الاجواء المضطربة اللي حصلت في الاجتماع وبكده اسهم الشركة ترتفع علشان مفيش خلافات
ايلي : اهاااا ...... بس ايه اللي هياكدلك في الحفلة
حور : بما ان مرات عمي بتكرهني فلما تشوف اني جيت لاول مرة في حفلة عملها جدي ، فيتهيئلها اني العلاقة بيني وجدي اتحسنت وده هيخليها هي وبنتها وابنها في خطر، يعني هتحاول تعمل اي حاجة علشان تبعدني و اتنازل عن الشركه لجدي وبكده بنتها او ابنها هو اللي هيمسك الشركة لو اتنازلت ولو فعلا عملت اي حركة هتبقي مكشوفه قدامي وهعرف اذا كانت ليها يد في الحادثة او لأ عرفتي
ايلي : اهاا ..
حور : انتي متفرجتيش علي المرج من ساعة ماجيتي يلا نطلع مع بعض و نتمشي مع ليل
ايلي: ماشي
حور : عايزة حاجة يا دادة
زينب : سلامتك يا حور . وبالفعل طلعوا .
عند زين و نديم :
زين : يلا نرجع انا زهقت و متنساش ورانا شغل
نديم : ماشي بس فعلا المكان هنا حلو جدا
زين : هو فعلا حلو لو عايز بعد كدة تيجي هنا يبقي تعال يلا
نديم : ماشي يلا
وهم في طريقهم للعودة نسيوا الطريق اللي كانوا جايين منه ( اصل في طريقين متشابهين )
زين : انت فاكر الطريق
نديم : لا مش فاكر بس تقريبا اللي علي الشمال
زين: لا يا بني هو اللي علي اليمين
نديم : انا متاكد من كده
زين : و دليل حضرتك فين
نديم : مفيش بس احساس
زين : احنا لو مشينا ورا احساسك احنا هنتوه اكتر
نديم : طيب هنعمل ايه
زين : مش عارف وبيتلفت في جميع الاتجاة عشان يشوف يمكن في طريق تاني واضح او اي حاجة بس شاف بنت قادمة من بعيد وماشي بجانبها حصان
زين : استني كده في بنت اهي تعالي نسألها يمكن تعرف
نديم : مش يمكن زينا برده مش عارفة الطريق
زين : مش هنخسر حاجة لو سألنا
نديم : معاك حق يلا وراحو يسألوا البنت
نديم : لو سمحت يا آنسه
البنت بصت تشوف مين واستغربت وجودهم
البنت : نعم
نديم : ممكن اسألك حضرتك سؤال
البنت : ..................
نديم : ايه ..........
( يا تري مين البنت دي ، و زين و نديم هيعرفوا ينزلوا من علي الجبل ولا هيبقي في صعوبات الاول )