الفصل الرابع
صاحب الظل الطويل
كالعادة تأتي آيه لبيت الجدة وتذهب مباشرةً لغرفة محمود ، لتتطفل على غرفته وتقلب في حاجياته وخاصةً كتبة
،فهي ومحمود وأحمد نمت بينهم صداقة قوية فهم يتقابلون يومياً للعب في بيت الجدة ،فمحمود وأحمد أصبحا في الصف الأول الثانوي وآيه في الثاني الإعدادي ، ولكن صداقة محمود وآيه كانت أقرب لتشابه الإهتمامات من حب الرسم والقراءة،
دخل في مرة محمود غرفته فوجد آيه كعادتها تعبث في كتبه ووجد في يدها رواية "صاحب الظل الطويل" وهي تضحك وتتأمل الغلاف …
محمود : تاني مافيش فايده فيكي مش منبه عليكي تبطلي تفتشي في حاجاتي ، يلا مش خلاص كده اطلعي كده إلعبي برة خليني أرتاح شويه.
آيه:صورة الكتاب ده تضحك أوي ممكن تديهولي.
محمود:مش حتفهمي منه حاجه إنتي عايزه قصص أطفال يلا قلتلك كفايه كده عايز أرتاح معايا مذاكره مش فاضيلك .
آيه: ماشي سلام وعلى فكره أنا مش طفلة وبعرف أقرأ كتب زيك وافهمها.
محمود:طيب ياأم لسان طويل واسنان كلها ملخبطة.
آيه: يلا ذاكر علشان تبقى دكتور وتصلحلي اسناني .
وتخرج من الغرفة وتغلق الباب وراءها ويسمع خطواتها تبتعد وينام على سريره ، ويضع رأسه على الوسادة ويضحك ويغمض عينيه وينام.