البطولة الاسبوعية
قبل أن أبدئ في سرد القصة عليكم أن تشكروني فقد تعبت في فك شفرة مذكرات ظل التي كانت أعقد مما تخيلت ثم نقلتها كما هي و الأن سأعود لسرد ما حدث
أخذ ظل اليوم السادس و العشرون له في هذا الحبس راحة ليتمكن من استخدام عين البوم و ذلك ليري ما يخفيه جسده عنه
و في اليوم الجديد شرب الماء بدون اي تردد تلك المرة فهل أعتاد عليها أم ثقة غير مبرره ؟
في ذلك اليوم لم يري ظل شيء جديداً و كأن جسده لا يرغب بأن يعرف حقيقته ,ثم أتي اليوم الذي لا يري فيه و يعقبه اليوم الأخير في هذه الوحدة و لكن و قبل ذلك رأي ظل جسده و هو يضرب الحائط ثم يرجع و بعدها يركل و قد يبدو أنها حركات عشوائية يقوم بها بعض الناس و لكن قد تنشط في عقله ذكري
*************
علي قمة تل جميل في وقتً ما بين الربيع و الخريف حيث الأشجار خضراء و لكنها تسقط ,رياح جميلة و لكنها تحمل لمسه من البرودة ,و الشمس التي تريد الغروب و لكن مازال مبكراً عليها و علي العشب الأخضر الجميل سمع صوت أثنين
ظل و هو يبدو في الثانية عشر من عمرة ملقي علي العشب يسمع كلاماً
"فلتقف...فلتقف.." قالها شخص يبدو في ريعان شبابه
ظل: بس أنا مش قادر .... مفيش حد في سني بيعمل الحجات دي
؟؟؟؟؟: بس أنت مش اي حد أنت ظل (ابتسامة خفيفة)
ظل: متنادينيش بالاسم ده (و في سره) ممكن التدريب ده يفيدني في أني أقتل عمر و الي قدامي ده علشان محدش يعرف بالاسم ده (لا يمزح)
؟؟؟؟؟: ماشي يا عم البتناجنه أنت ...قوم بقا أنا مش هفضل معاك دايماً
رياح عليلة رطبه ظهرت متجهه الي الشمس
تنهد الشاب ثم اتجه الي ظل و جلس بجواره ناظراً الي الشمس حيث بدأت في الغروب محتضناً ظل حول يده
؟؟؟؟؟: (تنهد) بص يا ابني من ساعة ما أبونا ما مات و أنا واخد مسؤولية حمايتك أنت و أخوك بس القانون مش عايز كده فيوم قريب هضطر أمشي و أسبيك أنت و أخوك ....أنت عارف أن أحنا مش طبيعيين و العالم مش هيرحمك مهما تعمل و تحاول تخفي فمش هتعرف ,أحنا التلاته ملناش غير بعض و بما أنك الي بعدي فأنا لازم أدربك علشان تحمي نفسك و أخوك
ظل(و هو حزين): بس ليه ؟ ليه لازم تمشي ؟ أنا مقدرش اخد مكانك مقدرش أنا مش قوي أو كبير زيك
؟؟؟؟؟: معاك حق بس أنت نسيت حاجة أنت مش محتاج علشان تأخذ مكاني أنك تكون زي ....أنت أذكي مني بكثير و تقدر تفكر بسرعه أنا بس دلوقتي عايز جسدك ده يكون زي عقلك
مسح ظل دموعه و هو ينظر لوجه هذا الشاب و لكن كما العادة أشعة الشمس حجبت عينيه و مع صوت الرياح و الغربان عاد الي جسده
بالرغم من ان ظل لا يمكنه التحكم في جسده الا أنه بعدما تذكر تلك الذكري دمعه خفيفة من عينيه اليمني نزلت و معها عاد لعقل ظل السيطرة علي جسده كاسراً تأثير العقار ,يشعر بصداع شديد و يحاول إخفائه فقد سمع صوت خطوات ذلك الصوت يعرفه جيداً صوت قدوم زياد ليأخذه الي الزنزانة الأخرى ,من سجن الي سجن الي سجنً أخر
يحاول أن يخفي ألم رأسه ففُتحَ الباب و دخل زياد
" أتمني أنك تكون مستعد للي هيحصلك " قالها و بدون مقدمات
ظل(ممسكاً رأسه): لو قلتلك لا هتسبني ؟
زياد: لا تعالي
خرج ظل من الغرفة و هو مقيد ممسك من حارسين و أمامه زياد
زياد: أخيراً هتقابل ناس تقدر تتكلم معاهم ,مبسوط ؟
ظل: معرفش صراحة لو في ايدي كنت هقعد لوحدي
زياد: أنا كلمت الزعيم و حاولت أقنعه من أني أنقلك ,الوحدة مضره صح ؟
ظل: شكراً بس الأسبوع الي قضيته هنا كان حلو
نظر الاثنين الي بعضهما البعض فكل منهما يعلم أن الأخر يكذب الي أن وصلا الي باب
زياد: كده مهمتي خلصت أنت في هتفتح الباب و تدور علي زنزانة حد يرضي ينيمك فيها معاه ....سلام
فتح ظل الباب و لكنه لاحظ أن تصميمة يشبه تصميم باب الكهف الذي كان يعيش فيه عمر, ألقي نظرة خاطفة ليجد أن هذا السجن غير عادي و غير اي سجن قد تجده
السجن كامل قابع داخل المبني و لا يوجد اي مساحة لأشعة الشمس فيبدو من الطبيعي أن أغلب السجناء يتحركون بصعوبة مع عظام هشة و أثار التعذيب الجسدي و النفسي , لقد أستنتج ظل كل تلك الأشياء في نظرة خاطفه قبل أن يقاطعه شخص يرتدي زي أزرق كما يرتدي الحراس
؟؟؟: أسمع أنت هنا مجرد سجين لعين لا أبه أن الزعيم كان يبحث عنك بالاسم ,عليك أن تعلم أني أنا السجان الشخص المسؤول عن هذا المكان
و ان أحدثت مشاكل هنا يا رقم 217 فسوف أقتلك و أكل من لحمك النيء
ظل في سره: لحمي نيء ؟! تمثيله مبالغ فيه ,بيحاول يبان قوي و مسيطر أو ممكن يكون بيتوهم ده بما أن أغلب الي هنا ضعاف جسدياً
السجان: أنا لن أنحط بمستواي لأشرح القوانين لشخص مثلك فلتكتشفها بنفسك (دفع ظل دفعة قوية للأمام)
ظل: هي الحياة هنا كده متوقعتش حاجه أحسن
(صوت جرس يتكرر) ؟؟: لقد حان وقت البطولة اليومية
ظل: بطولة يومية ؟؟؟ هي ايه دي
خرج الجميع من الزنازين متجهين لأسفل حيث يوجد ما يشبه الحلبة
ظل: كده تقريباً فهمت ايه الي بيحصل
أثناء نزول المساجين كانوا يدفعون ظل الي أن وقع ,فيد من شخص مدتُ اليه فنهض ظل ملاحظاً هذا الشخص
شاب يبدو في نفس سنه قصيراً و لكن ليس كثيراً ,رائحته عفنه و كأنه لم يستحم منذ مده يبتسم ابتسامه خفيفة بوجه شبه طفولي
الشاب: هتشارك ؟
ظل: لا (في سره)أنا مش هشارك في حاجه مش عارفها
الشاب: يبقا أطلع معايا الدور التاني
صعد الاثنين للدور الثاني يشاهدون ماذا يحدث في الأسفل
ظل: هي ايه البطولة اليومية دي ؟؟؟
الشاب: من أسمها بطولة بتتعمل كل يوم
ظل: فهمت ..... طب و احنا ليه مش فيها محدش موجود هنا غيرنا
الشاب: المشاركة اختياريه أو ده الي متوهمين بيه فلو مشاركتش مش هتأخد أكل فمنطقي أن الواحد يشارك مرة كل 3 أيام علي الأقل
بدء القتال في الأسفل كلاً منهم يضرب في الأخر
ظل: طب و لو هما عايزين بس المشاركة فليه داخلين جامد كدا ؟
الشاب: علشان الجائزة ظل: ايه الجائزة ؟
الشاب: حبوب بس مش اي حبوب ....بما أن أحنا هنا من غير اي شعاع للشمس فأحنا محرومين من مواد مهمة زي فيتامين د ,الحبوب دي عبارة عن فيتامينات ممكن تخليك تنجو
ظل: واضح أنك كسبت قريب
الشاب: امبارح
ظل في سره: حاسس أن دي أنسب بيئة لو هتخلي الشخص عدائي أو يستسلم ,يا تري في كام واحد المكان ده هزمه ؟
الشاب: عارف أن المكان هنا هو أسوء حاجة بس أنت ليه رجعت ؟
ظل: معرفش ,معنديش أي فكره
الشاب: أنت فاكر اسمك ؟
ظل: لا و ممكن أتوقع أني مش الوحيد هنا !
الشاب: كل الي هنا ناسين أساميهم بس أنا فاكر أسمي أو بمعني اصح افتكرته ....معاك محمد أو ممكن تقولي رقم 328
ظل: أتشرفت بمعرفتك ممكن تناديني ظل أو رقم 217
(صوت مرتفع) لدينا فائز رقم 415 و هذا هو الفوز رقم 237 محطماً رقمه السابق
محمد: الناس الي هنا مكانوش كده يعني الي كسب ده مكانش أصلاً بيعرف حاجه عن القتال بس البيئة خلتهم كده
ظل في سره: تأثير البيئة هنا أكبر مما توقعت
ظل: خليني أتوقع المعارك دي بيتم تصوريها و بثها ما بين الحراس
محمد: شكلك ذكي ....بالمناسبة هل لقيت حد يشاركك زنزانته ؟
ظل: لا
محمد: خلاص تعالي زنزانتي لأنك مش هتلاقي حد يشاركك
ظل: ليه ؟
محمد: علشان الإشاعات الي ظهرت
ظل: اشاعات ؟ أنا لسه جاي لحقت تطلع امتي ؟
محمد: أشكر زياد
ظل: زياد ؟ ايه الي جاب سيرته دلوقتي
محمد: زياد أظهر اشاعات عن أنك أديت معلومات و بقيت خائن و بقي عندك مكانة و تعامل خاص
ظل: معلومات ؟ معاملة خاصة ؟ ده السجان كان لسه عايز يأكلني ...اسكت
محمد: أنا عارف أن دي اشاعات و أكبر دليل أنها جت قبل ما تظهر فأزاي أحنا هنعرف ,خد بالك كل الي في السجن دول الي بيستحمل و الي بيقاتل ده كلة علشان هما مش عايزين ينضموا للمنظمة دي ورؤيتهم للعالم الجديد فأنت بالنسبالهم دلوقتي جاسوس خائن كلب حثالــ....
ظل: خلاص وصلت المعلومة مش محتاج تكمل سب
محمد: أنا بشرحلك بس
ظل في سره: علشان كده زياد قال استعد...معتقدش اني هقدر أتواصل مع حد أو أن حد هيصدقني ,الحركة الي زياد عملها خلتني في السجن ده بقاتل علي أكلي و الكل ضدي ...يعني دلوقتي لو دخلت المعركة دي الكل هيستهدف الخائن...تباً
(صوت مرتفع): فليعد الجميع لزنزانته
محمد: يلا نرجع زنزانتنا
ظل: يلا (في سره) أنا جد عايز أمسك زياد وأكله نيء و مش بهزر هذا الـ....... هل أنا هقدر أعيش هنا في الظروف دي ؟
دخل ظل و محمد الي زنزاناتهم
بها سرير علوي و سفلي حمام مع ستارة و جدران فارغة
ظل(في سره): هعمل ايه أنا قدراتي دي محتاجة طاقة عالية ,للأسف المذكرات مش معايا كانت هتفدني في الوضع ده ,قدرات زي عقل الغراب ,قلب الغزال و عين البوم محتاجة طاقة عالية و دي مكانتش مشكلة قبل كده ,أنا لو بطلت أستخدمهم ممكن أوفر طاقة بس لحد امتي ,أنا محتاج أكل
محمد: لو بتفكر أنك تدخل البطولة اليوميه بكرة و بعده هو الوقت المناسب
ظل: ليه ؟
محمد: لان رقم 415 بيقاتل كل 3 أيام و عمره ما خسر
ظل: بس الكل هيستهدفني
محمد: ممكن في البداية بس مع الوقت هيكتشفوا أنك مش خائن و هتسهل علي نفسك لو ساعدتهم
ظل: ساعدتهم ؟
محمد: أنت هنا مش من مدة فمش محتاج الحبوب اوي , ممكن تديها لحد و ممكن صورتك تتحسن
عقل ظل: أنا ازاي مفكرتش في ده ؟ هل الأحداث دي كلها خلتني مش عارف أفكر ؟ ....أنا بخترع حجج أنا عارف أصلي ما تعاملتش مع حد بشكل طبيعي من وقت ما فقدت الذاكرة فأولهم كان علي وشك الموت و التاني كان مخليني علي وشك الموت
ظل: أنا خلاص خدت قراري
محمد: بالسرعة دي ؟
ظل: أنا هحضر البطولة اليومية كل يوم
محمد: أنت بتقول ايه ؟ أنت لو نجوت أول يوم هتكون معجزه أصلاً !
ظل: أنت الي قلت أن دي هي الطريقة الوحيدة
محمد: متقولنيش كلام أنا مقلتوش ...أنا مش فاضي علشان أحضر جنازتك
ظل: أنا مش فاكر بس الظاهر أنه كان عندي مدرب كويس
محمد: أحنا هنا 500 واحد تقريباً و لو ثلتهم أتجمع عليك فمش هتفرق قد ايه أنت قوي ....أصحي أحنا مش في كرتون أو قصة أنت الشخصية الرئيسية فيها
ظل: هششش أسكت سبني أفكر أنا مفروض أعمل ايه
محمد: براحتك أنا عملت الي عليا و حذرتك ,لو هتخاطر فخاطر لوحدك
ظل: . . . . .
محمد: أنت بتتجاهلني ؟
ظل: . . . . .
محمد: خلاص ماشي
ظل: . . . . .
و بينما كان محمد يراقب ظل الأخرس كان في عقل ظل ضوضاء كبيرة لا تهدأ تفكر في طريقة للنجاه من الغد فأول يوم سيكون أصعب يوم
محمد: بقولك تيجي نلعب لعبة
ظل: لعبة ؟؟
محمد: أيوه اسمها عالم القراصنة عبــــ
ظل(بأعلى صوته): لا و لا و لا و لو سمحت متقلش الاسم ده قدامي
محمد: ايه يا عم مالك دي لعبة ؟!
ظل: اللعبة دي بتفكرني بوقت وحش و شخص أوحش ..أنت جبتها منين؟
محمد: من البطولة الاسبوعية
ظل: البطولة الاسبوعية ؟!
محمد: كل أسبوع بطولة بقواعد مختلفة و جوائز سرية و لو مشاركتش هتأكل عادي علشان كده محدش بينضملها
ظل: الموضوع ده غامض ليه جوائز و قواعد سرية الا لو القاعدة بتحدد علي ظروف معينة ...هي أقرب بطولة أسبوعيه امتي ؟
محمد:(لحظة استيعاب).......بكره ؟! (قالها بهدوء)
ظل: أنت كنت عايزني أروح بكرة علي أنها بطولة يومية و بعدين أكتشف أنها أسبوعيه ؟؟! و بقواعد مختلفة ؟؟!
محمد: هو أنت روحت علشان تقول كدة ... نسيت يا عم عادي
ظل: طب الجائزة تستاهل المخاطرة ؟
محمد: ممكن في مرة حد خد مخزون حبوب و مرة حد خد لعبة و مرة أكل ,علي حسب حظك
ظل: معتقدش أن حظي حلو
محمد: أنت بتفكر تروح ؟
ظل: ايوة فأنا مش عايز أضيع وقت في السجن ده , لازم أثبت للمساجين أن دي مجرد شائعات فالسكوت وسيلة تأكيد , تيجي معايا ؟
محمد: لا ,أنت لو رحت هيتلموا عليك و احتمال أنا كمان
نام محمد و ظل في تلك الزنزانة ثم استيقظوا علي صوت انذار مزعج
ظل: أنا سامع صوت الانذار ده قريب بس مش فاكر
محمد: البطولة الاسبوعية بتبدء من أول اليوم , متأكد أنك هتروح ؟
ظل: مقدميش حل تاني
محمد: لا قدامك بس أنت مش شايفة أو مش عايز تشوفه ,أنت عايز لما تعمل اي حاجة تقنع نفسك أنك مجبر عليها علشان متندمش بعد كده
ظل: ممكن ,معرفش ..... انا مش عارف صراحة بمنظوري أنا مجبر أني أكون هنا و مجبر أني أدخل
محمد: أنت الي جيت هنا بكامل ارادتك و أنت كمان عايش بإرادتك ,أنا عندي حبل لو مش شايف نفسك حر أستخدمه , هتكون وقتها مت بإرادتك
ظل: ............ صوت الجرس ده مزعج , أنا هنزل سلام
ودع ظل محمد و هو يفكر فيما قاله ,هل فعلاً أنا هنا بإرادتي ؟ أنا ايوه جيت للمكان ده في الأول علشان مكنش في حاجة تانية , و لا أنا دلوقتي بقنع نفسي بده ؟ هل كان ممكن أعيش بره السجن ده حياة عادية ؟ معتقدش لأنهم زي ما حرقولي بيتي كانوا هيفضلوا وراية لحد النهاية
قطع حبل أفكاره صوت مرتفع يشرح القواعد باستخدام مكبر الصوت
؟؟؟: قواعد هذا الاسبوع هي : أولاً ستكون بنظام التصفيات حتي يفوز شخص
ظل: حلو انا كده مش هضطر أواجهم كلهن
؟؟؟: ثانياً ستكون معرك ثنائية اي 2ضد 2
ظل: ......ليه ؟ مين هيكون معايا ؟ محدش عايز يكون مع خائن !
نظر ظل حولة ليري عيون مشحونة بالكرة و الغضب و لكن بها جزء من السخرية كأنها تقول " أيها الوغد نحن نعافر و نموت في هذا المكان و أنت بكل بساطة قمت بخيانتنا ,الأن أنظر أنت وحيد هنا تستحق ذلك "
ظل: هو مين الي بيحط القوانين دي ..... (ضغط عل أسنانه بغضب) مفيش غيرة زياد هو المسؤول و الوحيد الي بيفكر يعمل الحركة دي
؟؟؟: أبحث عن شريك لك و الا لن تستطيع المشاركة
ظل: كنت عايز أخلص الموضوع بسرعة بس شكلي هتأخر
وجد ظل نفسة يدفع للأمام بسرعة حتي وصل الي منطقة التسجيل ,نظر خلفه ليري من الذي يدفعه ليتفاجأ برؤية محمد
ظل: مش أنت قلت مش جاي ؟
محمد: قلت أنك لو مت مش هلاقي حد ألعب معاه عالم القراصنة الي تعبت علشان أجبها
؟؟؟: أنتم الاثنين فريق ؟
محمد: ايوة
؟؟؟: حسناً لم أتوقع ذلك , أول مباره لكما ستكون بعد 15 دقيقة
ظل: تمام ,ماشي
نظر ظل الي اعداد المشاركين فرأي المئات و المئات منهم
ظل: محمد ..... مش أنت قلت أن مفيش كتير بينضموا ؟
محمد: واضح أنك نسيت أنك مستهدف , أبلع ريقك و أهدي
مضت 15 دقيقة من التوتر و جزء من الخوف حتي قال المنادي
رقم 217 و 328 تقدموا الي الحلبة
ظل: أنت عارف الي هنا و ازاي بيقاتلوا ؟
محمد: الصراحة العدد هنا كبير فمش عارف الكل
ظل: ضعنا
؟؟؟: و الأن سوف تواجهون رقم `11و 28 فليبدء القتال بعد 3
ظل: تعرف حاجة عن الي قدمنا ؟
؟؟؟: ..2
محمد: و لا اي حاجة
؟؟؟: ..1
ظل: نعتمد علي الحظ , مش أول مرة يعني
؟؟؟: هجوم
أخذ كلاً منهما وضعية دفاع ثم أندفع الاخران علي ظل فأمسك بالأول و قيدة علي الأرض في لمح البصر أما الأخر فمحمد تسلل من خلفة ضرب ساقة و أسقطه
؟؟؟: انتهت الجولة الأولي في 6 ثواني ؟ .... رقم 217, 328 تأهلوا
محمد: متفرحش كتير بالعدد ده أحنا هنلعب كمان 8 مرات
ظل: بس هما برده هيلعبوا
محمد: الموضوع هيطول علي مبارتنا التانية ,تعال نراقبهم
نظر ظل حولة ليجد نظرات الغضب و الكراهية تحولت الي مزيج غريب من قلق ,دهشة ,حيرة و خوف ,كان ظل يحاول قراءة أعينهم مرة أخري و لكن قاطعه محمد قائلاً: يلا نطلع الدور الي فوق بحيث نراقبهم بشكل أحسن
تتعاقب المباريات ولا تفارق عين ظل الحلبة يراقب و يحلل بهدوء المعطيات ,نظرة الاندهاش لم تفارق محمد فما يراه من هدوء و تركيز لم يكن طبيعي فقد مضت ثماني ساعات من المباريات المتواصلة و التي لم يحرك فيها ظل وجه
؟؟؟: لقد انتهت المرحلة الأولي بتأهل 150 فريقاً ثناياً ....و الأن سنبدأ الجولة الثانية
محمد: أنت كويس ؟ شكلك مرهق
ظل: جسدي متخدر
محمد: طبيعي أنت كأنك كنت ميت لتمن ساعات
ظل: أيوه ....أنا تعبان مش قادر
كاد ظل أن يسقط و لكنه أمسك بسرعة السور و أنقذ نفسه
محمد: أنت عملت ايه علشان تتعب كده ؟
ظل: الموضوع يستاهل
؟؟؟: أخر نداء للرقم 217 و 328 ان لم تتقدموا سيتم عقابكم
محمد: مفيش وقت يلا نروح بس بحالتك دي هنخسر
ظل: متخفش ... أنا عندي خطة
محمد: أتمني أنك تكون بتتكلم بجد
وصل محمد حاملاَ ظل علي كتفة الي الحلبة
؟؟؟: أنا لا أهتم بحالتكم و لا كيف وصلتم لها ,هناك مباره ستلعب و هناك فائز سينتصر و خاسر لينهزم , حظاً لكم
و قبل أن تبدأ المباراة انحني محمد الي ظل محدثاً اياه
بدأت المباراة و هجم الاخران علي ظل المرهق الملقي علي الأرض
و لكن محمد هاجم عليهم مستهدفاً قدم أحدهم و عنق الأخر مما سمح له بفرصة للنصر
ذهب محمد الي ظل متجاهلاً صوت الصرخات و الاندهاش
؟؟؟: لدينا فائز !! كيف أستطاع وحده الانتصار
محمد: أنت عرفت منين ؟
ظل: أنت فاكرني في الحالة دي من غير سبب ؟ أنا في الوقت ده قدرت أصنف كل الموجودين و عرفت أغلب نقاط قوتهم و ضعفهم
محمد: بس دول قرب 600 واحد !!
ظل: الناس الي كانوا قدامك متوسطين بس كان في منهم واحد متصاب في رجلة و التاني في رقبته علشان كده لما استفهدت النقط دي الي قلتلك عليها الخوف داخلهم و بقوا زي القطط
محمد: أنا بحب القطط ..... أستنا أنت بتوه في الكلام ازاي جمعت كل المعلومات دي
ظل: هو الغداء هيجي أمتي ؟ أنا لو مأكلتش هموت و مش بهزر
محمد: كمان3 ساعات تقريباً ... أنت عمال تتوه
و مع تعاقب المباريات حتي انتهت الجولة الثانية و تبقي 75 فريق و الأن حان وقت الغذاء
محمد: تعرف يا ظل اليوم ده مفروض يكون أكتر يوم المساجين بتحبه بسبب أنهم مش محتاجين يقاتلوا بعض علشان الأكل بس المرة دي مختلفة لأنك هنا المساجين كلها انضمت , حتي و أنت نايم في الأرض مكانوش عايزين يسيبوك
ظل: هتأكل طبقك ؟
محمد: لا هتفرج عليه
أخذ ظل الطبق و بدء في أكلة
محمد: أنت يا حرامي ده طبقي (ممسكاً بياقة ظل)
ظل: أنت الي قلت أنك مش هتأكل
محمد: كنت بتريق
ظل: أنا دلوقتي بأكلة مش رغبة مني أني أكلة لا خالص, أنا بديك درس في الحياة الراجل مفروض ينفذ كلمته و حتي لو بتتريق مفروض متعترضش لأنها كلمه طلعت من بقك متقدرش ترجع فالتزم بيها
محمد: كان ممكن تتطلبها بالذوق و كنت هديهالك عادي بما أنك مرهق كده
ظل: بجد ؟ طب ممكن الأكل .. شكراً
محمد: اليوم الي الكل بيأكل فيه أنا محروم منه بسببك
ظل: معلش ,أنت محتاجني في كل قوتي علشان الي جاي أصعب و بنسبة 60% هيظهر قانون جديد
؟؟؟: أنتهي الوقت , فلتعودوا الي الحلبة
؟؟؟: و الأن و قد تجمع الجميع أريد أن أعلم عن التغيرات التي ستحدث
نظر محمد الي ظل نظرة اندهاش
ظل: متستغربش المسؤول هنا هو زياد و حركة زي دي متوقعه منه
؟؟؟: نظراً لعدم التكافؤ في المباريات فسوف نضيف الأسلحة الي الجانب الذي نري فرصه قليلة في النجاة
ارتفعت أصوات الهمسات معترضة علي هذا القرار
؟؟؟: هذه البطولة اختياريه لمن يود الاستسلام له الحرية و بدون عقاب
محمد: واضح أن كل الأسلحة هتكون ضدنا ! ننسحب ؟
ظل(في سره): أحنا ايوة أقوية بس مش للدرجة دي ...أكيد مش هيتم استخدام أسلحة موت فوري زي المسدس و الا المتعة هتكون فيه ؟ احنا هنا مش في فيلم أكشن السلاح مهما كان ليه أفضلية كبيرة , بس مأعتقدش أنهم هيسمحوا بموتي
ظل: هنكمل
محمد: متأكد ؟
ارتفعت أيادي الكثير مما أدي الي تقليص عدد الفرق من 75 الي 64
ظل: رقم الفرق ده مميز فمش هيتبقي فرق بره تتركن , رقم مثالي ... مثالي اوي أنه يكون صدفه و لا ايه رايك يا محمد
محمد: فعلاً الرقم ده غريب لأته يكون صدفه بس أكيد دي مش أغرب صدفه شفتها أو هتشوفها في حياتك
؟؟؟: و الأن أن كان الكل مستعداً لنبدأ المباراة الأولي في الجولة الثالثة
محمد: أحنا الي بنبدء الأول , الي قدامنا دول شكلهم ضعاف
ظل: دول من الرتبة التانية
محمد : رتبة ؟ تانية ؟
ظل: مش أنا قلتلك أني صنفتهم
محمد: طب أنا في الرتبة الكام
ظل: الرابعة
محمد: مش حاسس أن في غلطة في التصنيف ؟ أنا هزمت ناس يامه
ظل: هما كانوا من الرتبة الخامسة و السادسة فهم الضعاف مش أنت القوي
؟؟؟: هجوم
محمد: أنت قلتلي أنهم أعلي مني برتبتين بس ليه محددتش مقدار الفرق ما بين الرتب , مكانش زماني واقع علي الأرض
ظل: التؤام دول كانوا صعبين خصوصاً التعاون الي مابينهم ,كويس أنك لسه عايش
محمد: كويس أن كان معاهم مطرقة كبيرة معرفوش يحركوها كويس
ظل: في حاجة غلط هنا
محمد: ممكن لأني مرمي علي الأرض و مش قادر أقوم
ظل(في سره): السلاح ده مكنش مفيد ليهم أبداً , الموضوع فيه حاجة
الجولة الثالثة انتهت و الأن تبقي ن تبقي 32 فريقاً و هم يعدون النخبة
محمد: الاصابة الي فاتت دي مش مخلياني أعرف أتحكم في جسدي كويس , أنا بفكر أنسحب
ظل(بهدوء): أياك أن تنسحب في هذه المرحلة لأن هذا يعني خسارتي
محمد: بس أنا مش هقدر أقاتل و هخسر بسهولة
ظل: أستحمل أنا قربت جداً
محمد(بصوت خافت): أنا ؟ ... قربت ؟
؟؟؟: و الأن حان وقت الجولة الرابعة ... النهاية اقتربت
محمد: أحنا الأول كالعادة , من بعدك
ظل: دول من نخبة الرتبة التانية
محمد: نخبة ؟
ظل: قريبين من الدرجة الأولي بس مش فيها
محمد: و أنت من الرتبة كام ؟
؟؟؟: هجوم
أنهي ظل المعركة تلك المرة لوحدة و قد بدأ هذاً صعباً عليه
محمد: أيه محتاج أكل كمان ؟
ظل: لا من ساعة الغداء و استعدت كل طاقتي (في سره) نفس الموضوع الأسلحة الي معاهم مكنتش مفيده علي عكس المباريات التانيه
محمد: متأكد ؟
ظل: مأقلتلك أيوه
الجولة الخامسة علي وشك البدء و عدد الفرق 16
محمد: قربنا من الهدف أوي
ظل: ........
محمد: .........
؟؟؟: هجوم
و كما المرة الماضية أستطاع هزيمتهما لوحده, أثنان من الرتبة الأولي
الجولة السادسة ستبدأ و عدد الفرق 8
ظل: أحنا المرة دي هنواجة رقم 415 الي حقق رقم قياسي في البطولات اليومية و هو أقوي حد من الرتبة الأولي
محمد: طب و التاني
ظل: من الرتبة السادسة و كان بيعتمد علي زميلة , 415 قدر يشق الطريق ده لوحدة فهو مش سهل, أنت تقدر تكسب التاني و سبلي القوي
؟؟؟: هجوم
هجم محمد علي الضعيف و فاز علية فوز ساحق ,أندفع كلاً من ظل و رقم 415 بسرعة حتي تصادما ثم بدأ بتبادل اللكمات السريعة , في هذه المعركة لا أحد يعلم من الذي سوف ينتصر , تراجع الاثنان , قرر 415 استخدام سلاحه الذي هو عبارة عن خنجر صغير , صرخ ثم اندفع الي ظل الا أن ظل أستطاع أن يأخذ منه الخنجر و قام بطعنه في أعضاء غير حيوية ثم انتصر بالكاد و هو الأن منهك في أشد الانهاك
ظل(و هو منهك لا يقوي علي الكلام): متبقي جوله ... مش كده ؟
محمد: لا متبقي لسه 3 ,أنت مش هتقدر ننسحب ؟؟
؟؟؟: لقد فاز 217و 328 الأن فلـــــنكمل
ظل: متبقي..... جولة..... مش..... كده ؟
محمد: أنت ضربت دماغك ؟ ده مش وقت هبل متبقي 3 !!
؟؟؟: و الأن سنبدأ الجولة السابعة .... يبدو أن هناك فرقتين قاموا بالانسحاب !! هل يخفون مقاتلة رجل منهك ؟ يا له من عار و الأن سننتقل للجولة الأخيرة !!!!
محمد(بذهول غريب): أنت عرفت منين
وقف ظل متجهاً الي الحلبة و هو يتمايل
يقول بعلو صوته و لكنه ما زال غير مسموع :
ايه رايك دلوقتي يا رقم 666 ؟ فاكر أنك لو تنكرت و لبست وش مش هعرفك ؟ كل حاجة كانت غريبة و مش منطقية ,صدفة ؟ لا مش صدفه أصوات رجلك عمري ما هنساها ,عمري ما هنسي الي عملتوا , مستحيل علي حد زيك أنه يفوت متعة زي دي مش صح يا زياد ؟
ضحك رقم 666 بأعلي صوت له و لكن لم يفهم أحد سبب الضحكة
666: كنت فاكر أن مهارة قراءة الشفاه مش مفيدة و بتضييع وقت بس دلوقتي عرفت أهميتها , عرفت من أمتي ؟
ظل(بصوت غير مسموع): لما قسمت الفرق 64 فريق , تأكدت أن في حاجة غلط و بدأت أدور لحد لما سمعت صوت خطوات مألوفة
زياد: ده أقل حاجة كنت متوقعها
ظل: أسمع يا محمد الي قدمنا ده من الرتبة صفر
محمد: رتبة صفر ؟ .... أنت بتتكلم حلو أهوه
ظل: هدفعك كل حاجة عملتها فيا
زياد: تظاهر بالضعف علشان أضطر اطرد فرق و تنتقل للعدو الرئيسي بسرعة ؟! أتفاجأت , متنساش أني مش لوحدي و هأخد سلاح
ظل: الي معاك من الفئة الخامسة محمد ممكن يهزمه
زياد: طب ليه الافتراضات ؟ يلا
رفع زياد يده فرمي له الحارس عصي و اندفع و بدء بالهجوم , تفاداها ظل بصعوبة و حاول شن هجوم مضاد بقدمة و لكن استطاع زياد التصدي لها ,رجع ظل الي وراء بينما يقاتل محمد الشخص الأخر و يقوم بإسقاطه ,يندفع ظل و زياد للهجوم و بالعصي كانت الأسبقية لزياد و لكن صد ظل هذا الهجوم و ركله في فخذه ,و بينما كان هذا يحدث أمسك محمد قدم خصمه ليكسرها و يحاصر زياد
ظل: كده اثنين ضد واحد , اللعبة لسه هتبدأ و هنتقم من المشاكل الي عملتهالي
زياد(ابتسامه): معاك حق اللعبة لسة هتبدأ (رفع يديه) أستسلم
ظل:........
محمد:........
زياد (بسخرية): أتنين ضد واحد مش هكسب .....
و خرج من السجن و الابتسامة لا تفارقه
محمد: أحنا... فزنا ؟
ظل: معرفش ؟ .... الظاهر كده
محمد: أنت.... تعرفة ؟
ظل: لا .... كنت فاكر ..... بس كده .....لا
؟؟؟: و الأن الي المعركة النهائية
(ظل ,محمد): معركة نهائية ؟؟؟!
؟؟؟(بسرور): أجل المعركة التي تجمع اثنين حاربوا بجوار بعضهما البعض , انها المباراة النهائية بين 217 و 328 علي الجائزة فكيف كنا سنوزعها علي اثنين من البداية ؟(بجديه) الفائز واحد فقط دائماً و أبداً
ظل: لا أنا أعترض
؟؟؟: دي هي المتعة ,لو مش عايز تقاتل انسحب و اخسر الجائزة
ظل: بس ... بس .....
؟؟؟: 3
بدء علي ظل التوتر
؟؟؟: 2
بدأ بالارتجاف
؟؟؟: هجوم
ظل: راحت فين الواحد ؟
نظر ظل و محمد الي بعضهما البعض يحاولون استيعاب ما يحدث هنا و الأن ,توقف الزمن بالنسبة اليهم مضت ثانية ... ثانيتان ...الوقت لا ينتظر
أغمض ظل عينية و رفع يده: أنا أستسلم
انصدم جميع المساجين مما حدث ليس لأن الخائن استسلم بل و ايضا بسبب عدم وجود فائز ,فقد استسلما في نفس الوقت
؟؟؟: كان هذا غريباً و غير متوقعاً , و الأن انتهت البطولة ليرجع كلاً منكم الي زنزانته
محمد: أنا متوقعتش أن ده كله يحصل
ظل(في سره): بصراحة كنت عايز أني أهاجم الجاسوس ده بس كده سمعتي كانت هتدمر أكتر من التدمر الي هي فيه أصلاً ,كان يوم طويل و غريب الصراحه
*****************
؟؟؟؟؟؟: اذن ما الأخبار ؟
زياد: بالفعل شكوكك كانت في محلها
؟؟؟؟؟؟: و ماذا عن الجاسوس
زياد: انه يبلي بلاءً حسناً فهو الأن في نفس الزنزانة معه و يراقب كل تحركاته عن كثب
؟؟؟؟؟؟: و ماذا عن المشروع ؟
زياد: قربين جداً لكي نهلك العالم
؟؟؟؟؟؟:جيد و الأن أنصرف
*****************
الوقت المتبقي115:4:20:50