من ضمن المشاكل الكبيرة اللى بتحصل واحنا بنتعلم التسويق، اننا بنتعلمه بشكل عشوائى جداً، يعنى ممكن تقرا كتاب فى التسويق او تدخل كورس هتلاقى ان دماغك اتملت كلام حلو ومصطلحات مفيدة، وبتخرج مبسوط، لكن المشكلة فى بعد كده، لمّا يدخل عليك مصطلح جديد بتبقى متلخبط مش عارف مكانه فين، ومش عارف تحطه فى انهى درج اللى فى انهى مكتب فى انهى شقة فى انهى دور فى عمارة التسويق الكبيرة.
كل ده ممكن يتصلح مع قطر التسويق...
قطر التسويق لو ركبته، أو بمعنى أصح فهمته، هتوصل لفهم التسويق كله، وأى مصطلح أو معنى أو حالة تسويقية هتقدر تدخّ لها فى مكانها الصح فى العربية الصح فى قطر التسويق، و اللى ."Marketing Process – هنسميه كمان شوية "العملية التسويقية
قطر التسويق ده عربياته مش كتير، هما أربعة بس، بس كل عربية أتقل وأضخم وأهم من اللى قبلها.
بيبدأ القطر بعربية السوّاق، الراجل مرك ز وعارف وجهته، ويمكن هو أكتر واحد مرك ز فى القطر كله، إننه لو غفّل لحظة القطر كله هيتخبط، وكمان هو لازم يبقى عارف هو رايح فين، لأن كل العربيات اللى وراه معتمدة على شطارته.
العربية اللى وراها فيها راجل عجوز، عنده كل الخبرة، ومركز جداً إننّ على أساس تركيزه ونجاحه ده هينجح كل اللى فى القطر.
العربية التالتة فيها عيال عمّ الة تتنطط شمال ويمين، عندها كل الحماس والطاقة، واإنبداع. العربية الرابعة فيها ناس شيك جداً، وده باين من لبسهم وطريقة كلامهم وتعاملهم مع غيرهم. دلوقتى حاول تفكر شوية فى القطر ده وعربياته.. وصلت لتفسيره؟؟
التفسير بسيط جد اً..
العربية الأولى بتاعة السواق، هى تحديد احتياجات السوق، ودى أهم مرحلة فى التسويق، وهى سر النجاح أو الفشل لأى مشروع فى الدنيا، إنن ببساطة بدون ما الشركات تعرف هى رايحة على فين، وأنهى عميل اللى هتخدمه، يبقى هتوه فى زحمة السوق وصعوباته وتغيراته، وبالتى فعلاً كل المراحل الباقية مش هتبقى مهمة أو مؤثرة بالشكل المطلوب.
حاول تتخيل شركة عندها كل الامكانيات اللى فى العالم، لكن مش عارفه إيه هو السوق اللى هتخدمه، ومين هما العملاء اللى محتاجين لنشاطها، .. طبعاً الصورة واضحة، لخبطة فى لخبطة، وشركة بتعلن فشلها بعد فترة قصيرة، والسبب واضح.. القطر تاه .. أو خ ب ط.
تحديد احتياجات السوق مش قصة بسيطة، أو حاجة بنعملها وإحنا قاعدين على المكاتب، لكنها مهمة ضخمة ومعقدة، وفيها درجة عالية جداً من الفن والذكاء واللى لازم يصاحبه قدر كافى من الجهد والتعب، فى شكل أبحاث تسويقية، و جمع كل معلومة ممكنة من أصغرها لأكبرها، عشان تقدر تكو ن صورة واضحة عن سوقك، والاحتياجات اللى هتلعب عليها صح، وهتترجمها لمنتجات
وخدمات مربحة ليك ومفيدة للسوق.
العربية التانية اللى فيها الراجل الكبير فى السن بتمثل الخبرة فى التسويق، والخبرة التسويقية بتترجم فى شكل استراتيجية مُ حكمة بيحطها رجال التسويق المخضرمين.
فى الاستراتيجية التسويقية، الشركة هتحدد ببساطة نوعية العملاء اللى هتخدمهم وإزاى هتقدر
توصلهّم وتخدمهم بأحسن شكل ممكن، وفى حدود اإنمكانيات الموجودة.
فى الاستراتيجية التسويقية بتقسّ م السوق لشرائح سوقية، وبتختار أنهى شريحة اللى هتقدر تخدمها كويس فى حدود إمكانياتك، وبعدين بتبدأ تستهدف الشريحة اللى اخترتها، وتطور كل جهودك عشان تخدم الشريحة دى، وكمان هتحاول تكوّن صورة ذهنية معينة هتتحفر فى أذهان الشريحة دى عن منتجك أو خدمتك.
العربية التالتة بقى اللى كان فيها العيال المشاغبين، بتمث ل البرامج التسويقية، اللى بتخرج عن نطاق العقل والتركيز، وبتدخل فى نطاق اإنبداع والأفكار واإنبهار، و بتشمل المنتج وتطويره، التسعير وفنياته، التوزيع وطرقه، والدعاية واإنبداع والأفكار اللى ملهاش حدود.
العربية الأخيرة واللى كان فيه الناس الشيك، فبتمثل إدارة العلاقات المربحة اللى على درجة عالية جداً من الاحترافية مع العميل، واللى هى بقت جزء مهم جداً من العملية التسويقية، وفيها الشركة بتكوّن نظام كامل يخدم العميل فى كل نقطة بتتعامل الشركة مع العميل فيها، لدرجة إن قوة وجودة خدمة العميل بقت من ضمن المزايا التنافسية اللى بتمي ز الشركات عن بعضها.
بكده تكون العربيات التسويقية خلصت، أو بمعنى أصح العملية التسويقية اكتملت وفهمت أجزائها، اللى بتبدأ بتحديد احتياجات السوق عشان تروح لها وتحوّلها لمنتجات وخدمات مربحة، وبعدين بتكوّن استراتيجية تسويقية بتجاوب على أسئلة مهمة فى التسويق من ضمنها فين العميل وإزاى هنوصل هّ ونخدمه، و بعد كده بنترجم الاستراتيجية دى فى شكل برامج فى قمة اإنبداع و المرونة،
وبتنتهى بخدمة عملاء قوية جداً بتتواصل من خلالها مع العميل أثناء استخدامه المنتج أو الخدمة وبعدها، وبكده بتضمن عميل معاك مدى الحياة.
لو فهمت واستوعبت العملية التسويقية صح هتوصل لمرحلة إنك فاهم التسويق كلهّ، وبعد ماتقرا الفصول الجايّة هتبدأ تكو ن صورة أقوى عن العملية التسويقية ومراحلها، وبنهاية الكتاب هتوصل لمرحلة فهم كامل وشامل للتسويق، وده هيفيدك إن أى مصطلح أو خبر أو قصة فى التسويق هتقدر بسهولة جداً إنك تحطها فى مكانها الصح.
مش بس كده، لكن دى هتساعدك كمان إنك تعمل خطة تسويقية قوية جداً بدون أى لخبطة أو رجوع لمصادر أو خطط تسويقية تانية، إنن الخطة التسويقية القوية المحترفة هتعدّى على نفس الخطوات تقريباً، هتبدأ بالسوق ومعرفته، هتدخل فى الاستراتيجية التسويقية بما فيها تقسيم
السوق واستهداف الشريحة المناسبة، وبعدين هتناقش البرامج التسويقية، و فى الآخر ممكن
تشوف فيها شوية أمور مالية زى الميزانية التسويقية، وكمان إز اى تقيس كفاءة وجودة ودرجة
إلتزامك بالخطة.. هى هى خريطة التسويق برضه.. وهو هو نفس القطر!