_ قاعده ف أمان الله بقلب ف الفيس لَقيت إشعار من الصراحة
▪︎ عاوز اتكلم معاكي ف موضوع خطير يا ريم
_ خدت سكرين و نزلتها فيس، مين؟
▪︎انا حد ما تعرفيهوش بس انا عارفك كويس ومحتاج اتكلم معاكي ضروري
_ نزلتها، اتفضل
▪︎بس هابعتلك من أكونت فيك عشان ماتعرفيش أكونتي الحقيقي دلوقتي
_ نزلتها، أنتي واحده صاحبتي و عامله فيا مقلب صح خلاص مش هاتعرفو تضحكو عليا تاني
▪︎والله لا انا مش واحده صاحبتك انا واحد ومحتاج أتكلم معاكي
_ نزلتها، تمام أتفضل
▪︎هابعتلك خاص بقي من أكونتي و خلاص عشان مش هاينفع أتكلم ع الصراحة
_ نزلتها، تمام، دقيقه و لَقيت رسالة ف الركويست من أكونت بأسم مالك فتحت الرسالة
▪︎مساء الخير .. عامله ايه يا ريم
_ مساء النور .. الحمدلله .. مين حضرتك
▪︎انا مالك اللي كنت ببعتلك ع الصراحة
_ أهلاً بيك .. حضرتك كنت محتاجني ف ايه؟
▪︎ طيب اصبري أعرفك عليا الأول داخله حاميه كده ليه
_ انا مابتعرفش حضرتك .. حضرتك قولت محتاج تتكلم معايا ضروري .. فَ ندخل ف الموضوع ع طول
▪︎طب بذمتك ده أسلوب تتكلمي بيه مع الناس
_ يا فندم احنا مش صحاب .. حضرتك عاوز مني ايه دلوقتي
▪︎يا ساتر عليكي أنتي فظيعه اوي بجد .. حاضر هاتكلم ع طول .. الأول انا مالك مُستشار قانوني .. انا شوفتك من فتره كبيرة وعرفت عنك حاجات كتير اوى .. و أنتي كمان شوفتيني ف العيد الكبير ع فكرة
_ أمتي ده
▪︎أمتي ايه أني شوفتك ولا أنك شوفتيني
_ الأتنين
▪︎طيب خليني أبدء بأني شوفتك أمتي .. شوفتك مره ف الشارع و أنتي قاعده قدام البيت .. خطفتي قلبي الصراحه و قلبي قالي هي ده اللي هتحافظ ع أسمك و ع بيتك .. فَ قررت أعرف عنك كل حاجه قبل ما أتكلم معاكي .. و عرفت من مصادري الخاصه بتشتغلي ايه و فين وبتخرجي الساعة كام الصبح و بترجعي أمتي .. وبقيت أمشي وراكي الصبح من غير ما تاخدي بالك و أستخبي ف البنك اللي جنب الصيداليه اللي بتشتغلي فيها .. و أفضل مستنيكي لحد ما تخلصي وتخرجي وبرضو أمشي وراكي لحد ما توصلي الشارع بتاعك و أفضل واقف بعيد ببص عليكي لحد ما تدخلي البيت .. و شوفتك مره وأنتي فوق السطح بالأماره كنتي لابسه بيجامه حمرا و شكلك عسول اووووي
_ انا مصدومه من اللي بيقوله ده كمان عارف تفاصيل محدش يعرفها غير اللي قريبين مني، سألته أنت جبت المعلومات دي منين و عاوز مني ايه
▪︎ما انا قولت من مصادري الخاصه ومش بحب حد يعرف مصادري .. أنما عاوز ايه دي بقي عاوز أتجوزك بس مستني أبويا يرجع من السفر و أجيبه و نيجي أتقدم رسمي ع طول .. بس عاوز نتكلم و نعرف بعض الأول قبل ما أجي عشان لو ما اتفهمناش محرجش نفسي انا و أبويا
_ والله أمال فترة الخطوبة أتعملت ليه حضرتك .. أسفه طلبك مرفوض انا مش بتكلم مع حد غريب ف لما حضرتك تيجي ونتخطب رسمي أبقي أتكلم معاك
▪︎هو أنتي ليه كده بجد .. مافيهاش حاجه يعني يا ريم أنتي مكبرة الموضوع ع الفاضي .. احنا هانتكلم عادي كأصدقاء يعني
_ قولت أسفه .. ومش بعمل انا صداقات مع ولاد .. ومابحبش أعمل حاجه من ورا أهلي و ف الضلمه
▪︎أنتي معقدة ع فكرة
_ معقدة عشان بتكلم ف الصح !! تمام انا حابه نفسي كده .. حضرتك قولت اللي عندك خلاص .. ياريت ماتكلمنيش تاني بقي
▪︎أنتي بجد أسلوبك زفت اوي و ماعندكيش ذوق
_ الله يكرم أصلك .. شكراً .. سلام، عملت بلوك، روح الله يحرق دمك زي ما حرقت دمي يا بعيد ، بس يا ترا مين ده ازاي ساكن ف الشارع اللي ورانا اللي انا رايحه جايه منه ع طول وهو عارفني وانا مش عارفاه، لما أكلم إيمان أحكيلها و أشوف رأيها ايه، وكلمتها
بعد شهر ..
_ كنت بفك البلوكات من عند صحابي اللي كنت متخانقه معاهم وبعدين أتصالحنا، و فكيت البلوك من عنده
بالليل ...
▪︎خير فكيتي البلوك ليه
_ عادي كنت بشيل البلوكات من صحابي اللي كنت متضايقه منهم وشيلته منك من ضمنهم
▪︎والله
_ امممم
▪︎ماشي .. انا كلمت بابا و فاتحته ف موضوعنا وقالي انه راجع قريب بأذن الله و أول ما يرجع هانيجي
_ ان شاء الله
▪︎أبقي سلميلي ع أبن أخوكي
_ و أنت تعرفه منين
▪︎ شوفتكو امبارح بالليل قدام البيت
_ والله ده انت بتراقبني بقي
▪︎ انا مش بسيب حقي .. وأنتي حقي فَ مستحيل أسيبك و قريب هتبقي معايا
_ أتكلمت بلامبالاه، تمام، خلص الكلام ع كده
تاني يوم ...
= ريم
_ نعم يا ماما
= ف عريس متقدملك بس هو حالياً مسافر ف دوله عربية بيشتغل فَ أُمهُ و أخته هما اللي جايين بكرا يشوفوكي
_ تمام يا ماما، بصراحه بقيت مش عارفه أعمل ايه مش هاقدر اقول لماما ع مالك دلوقتي لأني مش عارفه هو صادق ولا لا و كمان مش هينفع ارفض العريس ده كمان لأن رفضت قبله كتير و من غير سبب و هما بدأو يشكو أن ف حد ف حياتي و طبعا الكلام ده مش صح بس لو رفضت العريس ده كمان هيتأكده من الشك، أعمل ايه، هاكلم إيمان و أقولها، بعتلها ع الواتس، إيمااااااااان .. ألحقيني
* أستر يارب خييييير
_ ف عريس متقدملي و أهله جايين بكرا
* حلو ف ايه بقي
_ مش عاوزاه + هاعمل ايه مع مالك
* طيب ما تقوليله ان ف عريس متقدملك و أهله جايين بكرا و شوفي هايقولك ايه
_ اممممم ماشي و ربنا يستر
* و كلميني لما تخلصي
_ حاضر، بعتله، مساء الخير
▪︎مساء النور
_ اخبارك ايه
▪︎الحمدلله .. أنتي عامله ايه
_ الحمدلله .. عاوزه اتكلم معاك 5 دقايق
▪︎يا سلام خليها ساعة .. اتفضلي معاكي
_ انا ف عريس متقدملي و أهله جايين بكرا و انا للأسف مش هاقدر أرفض لأني رفضت عرسان كتير قبل كده و من غير سبب
▪︎والله !! أنتي شايفاني طفل يعني جايه تضحكي عليا عشان تشوفي إذا كنت صادق معاكي ولا لا
_ والله العظيم ابداً انا بتكلم بجد و جيت قولتلك عشان تقولي أعمل ايه، بعتله سكرين كلامي مع صاحبتي، حتي بص كنت لسه بكلم صاحبتي، راح عملي بلوك، انا فضلت متنحه شويه بستوعب اللي حصل بعد كده بعت لإيمان، ألحقي ده عملي بلوك
* ايه ده ليه !!
_ قولتله راح اتعصب وقالي هو انا طفل أنتي بتعملي كده عشان تختبريني إذا كنت صادق ولا .. قولتله لا والله وبعتله سكرين لكلامي معاكي .. لًقيته عملي بلوك
* هو ايه أصله ده خلاص فكك منه يابنتي ف ستين داهيه .. أنتي أقعدي مع أهل العريس و أن شاء الله يبقو كويسين و يحصل نصيب
_ بس انا مش عاوزه الفكره مش ف دماغي يعني
* طب أشمعنا كنتي موافقه ع مالك
_ مش عارفه حاسه أني مياله ليه
* والله بس هو شكله خاف عشان كده عملك بلوك ع طول
_ مش عارفه بقي
* ريم يا حبيبتي شيلي موضوع مالك ده من دماغك و خليكي ف الناس اللي جايه بكرا وابقي كلميني بعد ما يمشو
_ حاضر
تاني يوم بالليل ...
_ انا مخنوقه اوي خليني أكلم إيمان أحكيلها اللي حصل، بعتلها، موجوده ؟
* اه .. عامله ايه
_ مخنوقه
* من ايه بس يا قلبي
_ اهل العريس جم النهارده واتكلمو مع أهلي و كده..
العريس عنده 27 سنه و اسمه سامي وشغال محاسب ف السعوديه .. المهم أخواتي سألو عليه لَقوه محترم جدا و كويس و كله بيشكر ف .. و عمالين يقنوعوني بيه .. و عاوزيني اكلمه ف الفون عشان اتعرف عليه او أكلمه فيديو
* طب حلو ما تجربي يا ريم جايز ترتاحيله ويحصل نصيب
_ مش عارفه يا إيمان مخنوقه اوي و اللي كنت خايفه منه حصل لَقيت امي بتسألني هو أنتي حطه عينك ع حد تاني طيب .. قولتلها لا والله بس انا فعلا مش بفكر ف الموضوع ده دلوقتي .. قالتلي معلش أتكلمي معاه بس الاول و بعدين قرري و أحنا مش هنغصبك ع حاجه .. معرفتش أقولها ايه فَ وافقت .. وطلعت الأوضه وعماله أعيط من ساعتها
* يا حبيبتي أهدي مافيش حاجه تستاهل دموعك والله .. بصي أنتي ريحيهم و أتكلمي معاه الأول جايز فعلا ترتاحي ولو مارتحتيش خلاص يا ستي قوليلهم مش مرتاحه .. و هما أكيد مش هيغصبوكي ع حاجه
_ و كمان أخواتي اللي ف السعوديه هيقابلوه ويتكلمو معاه
* طيب خلاص أعملي زي ما قولتلك و سيبي كل حاجه ع ربنا و زي ما تيجي تيجي و متزعليش نفسك
_ حاضر .. استني هاوريكي صورته
* ماشي
_ بصي
* ما شاء الله ده طويل اوي .. بس شكله مايطمنش
_ ده اللي حسيته مارتحتش لشكله
* طيب بلاش نحكم من الشكل الظاهر خلينا نتكلم معاه الاول ونعرفه وبعدين نحكم و جايز شكله ف الحقيقه يكون كويس مش زي الصوره لأن الكاميرا أحيناً بتظلم شكل الواحد
_ عندك حق ماشي هو أحتمال يكلمنا بكرا
* بجد طب كويس طبعا مش محتاجه أقولك تطمنيني ع طول
_ أكيد يا قلبي .. ع فكره انا مسافره الأسبوع الجاي يوم الجمعه
* بجد 😻 .. فرحتيني تروحي و ترجعي بالسلامه يا روحي
_ الله يسلمك يا روحي، إيماااااااااان .. إيماااااااااااااااان
* أستررر يااااااااااارب
_ كلمته
* مين
_ سامي العريس
* لولولولولولولي، هااا نبل الشربات بقي
_ انا بقولك كلمته مش أتجوزته
* أنجزي يا ست قولي عملتي ايه
_ ماشي .. هو اتصل ب بابا و أتكلم معاه وبعدين قاله ممكن أكلم ريم بابا ندهلي .. خدت الفون و طلعت الاوضه سلمنا ع بعض .. وبعدين انا سكت مش عارفه أقول ايه .. فضل يهزر معايا شويه عشان التوتر يقل وبعدين سألني ع سني وشويه اسأله عامه كده يعرف بيها معلومات وانا اللي جه ف بالي سألته و بس .. ف الأخر قالي لما تسافري ان شاء الله هاتفق مع أخواتك وأجي اقعد معاكم شويه ف يوم ونتكلم .. قولتله تمام وقفلنا
* طيب حسيتي ب ايه
_ يعني هو لطيف و مُريح ف الكلام و محترم
* طب كويس .. يعني هتوافقي
_ مش عارفه لما أشوفه الأول و أتكلم معاه عن قرب بقي
* طيب تمام
بعد أسبوع ...
_ سافرت السعوديه لأخواتي عشان هاعمل عمره، و سامي كلم أخواتي و قال انه هايجي النهارده و المفروض كان جه من ساعة، بس مجاش و طبعاً ماينفعش نكلمه عشان مايفتكرش اننا مدلوقين بقي و كده
* هااااااااااا جه
_ لا لسه
* ده اتأخر اوي
_ اه
* طب حد كلمه
_ لا
* طب ما تخلي حد من أخواتك يكلمه
_ لا طبعاً ما عنه ما جه هو احنا هنتحايل عليه
* صح عندك حق .. جايز عنده مشكله مثلا او حاجه حصلت طارئه و ممكن يجي يوم تاني
_ عادي بقي مش فارقه والله
بعد شهر ..
_ لَقيت واحده صاحبتي بتكلمني، وصاحبتي دي كمان عارفه بموضوع مالك
- عامله ايه يا ريم
_ الحمدلله يا قلبي .. وانتي
- الحمدلله يا حبيبتي .. بقولك
_ قولي يا قلبي
- انا كنت عملت أكونت فيك و كلمت مالك منه
_ نعم !! ده ليه إن شاء الله
- عشان أرجعكو لبعض و ماتكونيش زعلانه
_ أنتي عبيطه صح
- لا .. انا قولتله ماتزعلش من ريم .. ريم طيبه و غلبانه خالص .. بس هي مش بتتكلم مع حد غريب .. وفعلا والله كان ف عريس متقدملها ماكانتش بتختبرك زي ما فهمت .. ريم طيبه خالص مش زي ما انت بتقول معقده و غامضه .. لو بتحبها زي ما قولت ماتسيبهاش وتضيعها منك و أرجع كلمها .. هابعتلك رقم الواتس بتاعها .. وبس قالي ماشي هاكلمها
_ أنتي متخلفه أنتي أزاي تعملي كده من غير ما تاخدي رأيي
- والله مش قصدي انا كنت عاوزه أفرحك
_ أنتي كده مش بتفرحيني .. أنتي كده بتدللي عليا .. بقولك ايه ياريت ما تتكلميش معايا تاني ومالكيش دعوه بموضوعي مع مالك .. و كفايه لحد كده
- يا ريم أفهميني .. والنبي ما تزعلي مني مش قصدي والله
_ عملتلها ميوت و كبرت دماغي منها، شويه و لَ أشعار رسالة من رقم غريب ع الواتس، فتحت الرسالة
▪︎أزيك يا ريم
_ مين؟
▪︎انا مالك
_ أفندم عاوز ايه
▪︎ بطمن عليكي .. و بعتذر ع اللي حصل مني أخر مره
_ تمام .. انا كويسه
▪︎دايما يارب تبقي كويسه يا ريمو
_ يارب
▪︎تعرفي بنت أسمها ليليَ
_ اه صاحبتي و قالتلي أنها كلمتك
▪︎ايوه عشان أرجع اكلمك .. فضلت تشكر فيكي جامد و تقول كلام كويس اوي ف حقك
_ انا مابقتش أكلمها خلاص مابحبش حد يعمل حاجه من ورايا .. و انا مفيش بيني و بينك حاجه عشان نرجع نتكلم
▪︎ سيبك مني انا دلوقتي .. أرجعي كلمي صاحبتك حرام البنت كان قصدها خير
_ لا مش هاكلمها تاني
▪︎لا يا ريم بلاش تخسريها بسببي .. البنت بتحبك والله و فضلت تدافع عنك كتير وتقول كلام كتير ف حقك
_ ︎إن شاء الله .. حضرتك عاوز مني حاجه تاني
▪︎اه يا ريم عاوزك أنتي
_ ممكن أطلب منك طلب
▪︎أامريني يا ريمو
_ ممكن ماتتكلمش معايا تاني غير لما يكون بينا ارتباط رسمي
▪︎ما هو أنتي اللي مأخره الخطوه دي
_ ازاي
▪︎يعني لما حضرتك ترجعي بعد العيد زي ما قولتي يبقي ربنا يحلها
_ تمااام
▪︎عارفه ياريم كل مره بتكبري بنظري
_ شكراً
▪︎ اه والله و ده بيخليني أتمسك بيكي أكتر
_ شكراً
▪︎فكي بقي يا ريمو .. و حاضر هاسمع كلامك و مش هضايقك تاني
_ بصراحه من جوايا انا وقلبي مبسوطين جدا و أتمني يكون صادق ف كلامه ويتقدملي ع طول بعد ما أرجع، طبعا انا ضحكت عليه مش نزله بعد العيد، انا نزله التلات الجاي مش متخيله رد فعله لما يشوفني 🥺، بعت لإيمان و حكتلها
* بصراحه صاحبتك دي مستفزه اوي ياريت تعمليلها بلوك
_ مابقتش برد ع رسايلها .. كل شويه تبعتلي و تعتذرلي وانا مش برد عليها .. المهم انا فرحانه اوي و خايفه فرحتي ماتكملش
* لييييه كده يا وجه البومه
_ أصل مافيش حاجه انا عاوزاها بتحصل ف خايفه الحاجه دي كمان ماتكملش
* يابنتي سبيها ع ربنا ولو خير ربنا هايقربهولك
_ يااااااارب يا إيمان يااااااااارب
* بأذن الله يا حبيبتي
تاني يوم ...
_ كنت قاعده بقرأ قرءان سمعت صوت إشعار الفون، لما خلصت قرأتي فتحت الفون لَقيت رساله ع الواتس من مالك
▪︎كتكوتي
_ نعم
▪︎عامله ايه
_ الحمدلله .. وانت
▪︎بخير .. بقولك
_ نعم
▪︎العصفورة قالتلي أنك نزله يوم 13 .. المعلومه دي صح ولا غلط
_ 😂 معلومه خاطئه
▪︎بجد
_ طبعاااا أمااااااال ..بس مين العصفورة دي
▪︎ما انا قولتلك مابحبش أكشف عن مصادري ..بس ممكن تكون مامتك مثلا
_ و أنت عرفت منها ازاي
▪︎امممم جايز أكون سمعتها مثلاً بتتكلم مع حد .. مش هاتفرق المهم أني عرفت
بعد يومين ...
▪︎ريموووووو
_ امممم
▪︎نخلي الخطوبه 3 شهور وبعدها نتجوز ع طول
_ ده انت محدد بقي
▪︎لا خالص انا باخد رأيك
_ امممم .. طيب اللي أهلي هايقولو عليه هوافق عليه
▪︎خلاص ماشي يا ستي
_ كنت فرحانه اووووي روحت بعت لإيمان وحكتلها
* لولولولولولولولولولولولولييي يا دبلة الخطوبه عقبلنا كلنا 💃💃
_ بس خايفه اوي يا ايمان
*︎يابنتي أنتي هاتنقطيني، يا ماما خليها ع ربنا و ربنا مش هايجبلك حاجه وحشه ابدا
_ يارب يارب
* و لما ترجعي بقي تكلميني وتقوليلي قرينا الفاتحه و هنتخطب بعد العيد
_ يارب يا إيمان يارب .. يالهوي يا إيمان مش مصدقه .. ومش عارفه هيبقي عامل ازاي لما يشوفني
* مش عارفه يا أوختشي
_ طب ايه رأيك أعمل الخطوبه ف البيت ولا برا
* لا ف البيت كله بقي يعملها ف البيت دلوقتي
_ ماشي البس فستان ولا طقم عادي
* لا البسي جيبه و بلوزه ستان
_ ألوان ايه .. و اعمل ميك اب ف البيت ولا برا
* أنتي بتحبي الوان ايه .. لو بتعرفي تعملي ميك اب لنفسك تمام او حد عندك من قرايبك تمام برضو لو لا يبقي برا
_ بحب اللون الأسود ..تمام
* اسفوخس عليكي ف حد يلبس ف خطوبته اسود .. لا انا هبعتلك الوان و اختاري منها اللي يعجبك
_ اشطا .. امال لو خطوبتي بكرا كنا عملنا ايه
* ياستشي خلينا نهيص .. و رضا جه يام رضاااا لولولولولولولولولولولولولولولولولوليييي 💃💃
_ 💃💃💃
يوم الخميس بعد رجوعي ...
_ قاعده بلعب مع ولاد اخواتي
~ ريم
_ نعم يا بابا
~ ف ناس كلموني امبارح عشانك
_ كلموك عشاني ازاي يعني
~ يعني جايبين ابنهم عشان يتقدملك
_ انا من جوايا كنت برقص من الفرحه بس قولت اتأكد الاول مين، أحم منين بقي او احنا نعرفهم ؟
~ طلعو جيرانا ف الشارع اللي ورانا بس احنا ماتعاملناش معاهم قبل كده
_ هنا كان نفسي حقيقي اقوم ارقص من الفرحه بس مسكت نفسي، و هاييجو امتي
~ النهارده بالليل ان شاء الله
_ تمام يا بابا ماشي
بالليل ...
الناس جم وقعدو مع اهلي و جه وقت اني انزل و اقعد معاهم، اخويا طلعلي ونزلنا مع بعض وسلمت ع أهله و اتكسفت ابصله بصراحه و روحت قعدت جنب بابا
¤ ام العريس ابتسمت وقالت، ما شاء الله عروستنا زي القمر
_ انا اتكسفت اوي وبصيت ف الارض
كلهم ضحكو عليا، وبعدين سابونا انا و مالك و ابن أخويا
▪︎مال مش عارف يتكلم و مازن قاعد ف بيهزر معاه و حط ايده ه كتفه و مازن كان بيلعب ف الفون، منور يا ميزو
- بنورك يا حبيبي
_ انا كتمه الضحكه
▪︎معلش يا ميزو هتعبك معايا ممكن تجيبلي كوباية ميه
- طبعا يا حبيبي، الميه كانت ع الترابيزهجبهاله، اتفضل، وأبتسم ابتسامه مستفزه عشان فهمه
▪︎مالك اتحرج، اه معلش ماخدتش بالي منها
- مازن ابتسم تاني، ولا يهمك
▪︎طب بقولك ايه ماتخليك جدع للنهايه و تسيبنا 5 دقايق عشان نعرف نتكلم براحتنا
- مازن ضحك بخبث، طب ما كنت قولت كده من الاول بدل اللفه دي ماشي يا عم عشان انا جدع هاقعد هناك افتح التليفزيون ومش هاسمعكوا
▪︎حبيبي يا ميزو والله من اول ماشوفتك حسيتك جدع كده و هتساعدني
- مازن قام قعد قدام التليفزيون بعيد عننا
▪︎ مالك بصلي و غمزلي، حمدلله ع السلامه يا ريمو عمره مقبوله ان شاء الله
_ انا بصه ف الارض من الكسوف، الله يسلمك شكرا
▪︎سبحان الله ايه ده أمال مين اللي كانت بتحدف عليا دبش ف الشات
_ انا هنا نسيت الكسوف و بصتله و رفعت حاجبي و قولت بحِده طفيفه، نعم
▪︎يا ماما، ايوه كده هي دي ريمو اللي أعرفها، عامل ايه يا وحش
_ بصتله بقرف، كويسه
▪︎ضحك جامد، دايما يا ستي، طيب نتكلم جد بقي
_ أتفضل
▪︎هاعرفك بنفسي كويس، انا مالك أيمن، عندي 28 سنه، مُستشار قانوني معروف الحمدلله، عندي مكتب خاص بيا
_ أهلا بحضرتك
▪︎بلاش حضرتك دي و خليها مالك بس، المهم بقي نخش ف الموضوع، انا عاوزك ف الحلال وتبقي ملكه ف مملكتك يا ست البنات، قلبي و عقلي متفقين و موافقين عليكي و دي أول مره تحصل، محتاجك معايا ف اللي باقي من عمري، غمزلي و قال بمشاكسة، ونعيش ف تبات و نبات و نخلف صبيان وبنات
_ انا مقدرتش أمسك نفسي وفلتت مني ضحكه غصب عني
▪︎الله أكبر ايوه بقي خلي الشمس تطلع، ها يا عروستي قولتي ايه
_ داريت ابتسامتي، اللي أهلي يقولو عليه هوافق عليه
▪︎طب ورأيك أنتي
_ هاتعرفه من أهلي
▪︎اتنهد، ااااااه يا ريمو واضح انك هاتتعبيني معاكي، وانا وراكي وراكي مش هاسيبك
_ خلصنا كلام و أهلنا دخلو و اخيراً قرأنا الفاتحه وأتفقنا ع كل حاجه و الخطوبه هتبقي بعد العيد، و هو ماشي قالي جنب وداني مبروك عليا أنتي يا عروستي وغمزلي ومشي
▪︎آدينا أرتبطنا رسمي اهو يعني أكلمك براحتي بقي
_ 😂 ايوه خلاص براءه
▪︎ايوه بقي فكي كده ما أنتي طلعتي دمك خفيف أهو
_ انا بعتله فويس وانا متنرفزه سيكا، نعم هو حد قالك أني دمي تقيل
▪︎يا الله رجعنا تاني للدبش، يا ريم يا حبيبتي بهزر معاكي
_ طب اظبط كده عشان مابحبش الهزار ده
▪︎ حاضر يا باشا تؤمرني بحاجه تانيه
_ لا خلاص شاطر بتسمع الكلام
▪︎قويه
_ بتقول حاجه يا مالك
▪︎احم لا بقول القمر بيعمل ايه
_ لسه طالعه من المطبخ كنت بعمل أكل
▪︎كنتي بتعملي ايه
_ فراخ مشويه و مكرونة نجريسكو و ملوخيه
▪︎ما شاء الله تسلم أيدك يا ست البنات، كب ما تعزميني عندكو والنبي عشان أمي عامله سمك وانا مش بحبه و كل ما تعمله تقولي دوقه هايعجبك كأني أول مره أقولها مش بحبه
_ ضحكت، يا عيني صعبت عليا، خلاص هاخلي مازن يجبلك صينيه صغننه و فيها الاكل
▪︎قلباااااااااااي، مراتي اوي، بس تفتكري أمي ممكن تزعل ولا عادي
_ امممممم، بص أنت أعملها أختبار صغنن قولها انا جبت أكل لو ما أعترضتش ع الفكره نفسها قولها ريم بعتتهولي ولو أعترضت ع الفكره قولها أنك جايبه من مطعم، لا أستني كده هاتحرجني معاها عشان بعتلك أنت بس الأكل، خلاص انا هاقول لماما وهتصل بحماتي وأعزمكو
▪︎لا لا بلاش عشان ممكن تزعل ان ماحدش هياكل من الأكل اللي عملته وتعبت فيه، انا هاعمل زي ما قولتي و ابقي آدوقها منه مش مشكله
_ خلاص اللي أنت شايفه، لما الاكل يستوي أرن عليك تستني مازن وتاخد منه الأكل
▪︎حاضر يا قلبي مانحرمش منك يارب، وتسلم أيدك مقدماً
_ مش لما تدوقهُ الأول ما يمكن مش يعجبك
▪︎لا والله اي حاجه منك تعجبني
_ تسلملي
يوم الخطوبة ...
_ أغنية يا دبلة الخطوبة شغاله، وأهلنا واقفين بيزغرطو ومبسوطين، واحنا بنلبس بعض الشَبكه
▪︎ميل ع ودني وقال، مش قولتلك انا مش بسيب حقي وأنتي حقي، وغمزلي
_ انا طايره من الفرحه جداااااااا أخيراً حاجه نفسي فيها حصل، أبتسمتله بكسوف
▪︎بصلي بحب وقالي، بحبك
أتغيرت الأغنيه ومسكني من أيدي ورقصنا .
وإن تمنيت شيئاً .. فأنت كل التمني ..!
تمت
بقلمي/ إيمان أحمد