_ أزيكوا أنا أماليا فاكرِني رجعتلكوا بتجربة جديدة، قاعده ف البلكونه فاتحه اللاب وبشتغل حسيت إني عطشانه دخلت فتحت التلاجه وشربت لفيت عشان أرجع لقيته واقف بهيئة الأسد نطت وصرخت ع خفيف وحطيت إيدي ع بوقي
= رجع بسرعه لهيئته البشريه، أسف أماليا مكانش قصدي أخوفك
_ حرام عليك يا جمران مش كده قطعتلي الخلف
= بعتذر أنا أسف، أنزلي ضروري حالاً نور ف خطر
_ أنا قولت بإستغراب، نوور عرفت أزاي
= مش وقته يا أماليا روحي ألحقي أنقذي صاحبتك هاتيها ع هنا وخلي الجيران يساعدوكي ويكسروا باب الشقه بسرعه يا أماليا
_ حاضر حاضر، خدت مفتاح العربية ونزلت جَري طول الطريق عماله أتصل بيها مش بترد، خير يا نور فيكي آيه يا حبيبتي يارب تكوني كويسه، وصلت عندها نزلت من العربيه وطلعت بسرعه ع السلم وقفت قدام الباب عماله أخبط مش بتفتح أفتكرت جمران لما قالي خلي الجيران يساعدوكي خبطت ع الشقه اللي قصادها واحد فتحلي، مساء الخير
- باصصلي بإستغراب، مساء النور مين حضرتك
_ أنا أسفه إني بزعج حضرتك ف الوقت ده بص صاحبتي ساكنه ف الشقه دي وكانت بتكلمني ف الفون من شويه وفجأه صرخت والخط فصل رجعت أتصل بيها تاني وكتير مش بترد قلقت اوي جيت هنا وعماله أخبط عليها برضوا مش بتفتح أنا خايفه لا يكون حصلها حاجه ممكن تساعدني نكسر الباب عشان أطمن
- طيب ما يمكن هي مش ف البيت
_ لا قالتلي إنها ف البيت أرجوك بسرعه بس هتساعدني ولا
- حاضر، راح معايا وقفنا قدام بابها ورن الجرس ونده عليها
_ بتعمل ايه حضرتك بقولك أنا خبطت مفتحتش
- يا أنسه ما جايز نايمه ما أحنا 10 بالليل ف لازم نتأكد قبل ما نكسر الباب عليها وتتخض .. هكسر الباب أهو، فضل يخبط برجليه الباب أربع مرات جامد جدا والمره الخامسه فتح
_ أنا دخلت بسرعه وعماله أنادي عليها فتحت أوضتها لقيتها واقعه قدام السرير جريت عليها وقفدت جنبها وبهز فيها وأنا عنيا بتدمع، نور قومي فيكي آيه عشان خاطري قومي، حطيت إيدي ع قلبها تمام النبض طبيعي، الحمدلله يارب إنها بخير، قومت جبت ميه ولقيت زجاجة برفان خدتها وقعدت جنبها وقربت البرفان من مناخيرها بدأت تفوق وتحرك راسها، نور نور فوقي يا ماما، بخبط ع وشها براحه، أنا أماليا يا نور فوقي يا حبيبتي
* فتحت عنيها براحه، ااااه يا دماغي أنا فين
_ أنتي ف بيتك يا حبيبتي متخافيش قومي أشربي ميه يلا، رفعتها شويه وشربتها ميه، آيه اللي حصل معاكي يا حبيبتي
* أتعدلت وقعدت، أماليا آيه اللي جابك هنا، أفتكرت اللي حصل معاها وبان عليها الرعب وقالت، أماليا الحمدلله إنك جيتي أن..أناا كنت هموت عاوزين يموتوني يا أماليا عشان أقتحمنا مكانهم من غير ما نستأذن بس..بس أزاي أنا مش فاكره إننا عملنا حاجه زي كده أماليا أنا مش فاهمه حاجه و خايفه اوي اوي والنبي متسبنيش لوحدي هنا
_ أنا مش فاهمه حاجه منها بس صعبانه عليا الحاله اللي هي فيها دي، طيب أهدي يا نور تعالي معايا البيت اقعدي براحتك لحد ما أعصابك تهدي وفهميني واحده واحده آيه اللي حصل عشان مش فاهمه حاجه دلوقتي
* قالت وهي مرعوبه وعماله تبص حواليها بخوف، ماشي ماشي يلا بينا نمشي بسرعه يلا
_ يلا يا حبيبتي خدتها و خدت فونها وخرجنا لقيت الراجل اللي فتح الباب واقف برا، هو حضرتك لسه واقف
- كان مُحرج، أيوه كنت عاوز أطمن ع الأنسه
_ أنا أسفه جدا والله مكنتش أعرف إن حضرتك واقف كل الوقت ده هي تعبانه شويه وكان مغمي عليها وهاخدها تقعد عندي يومين لحد ما تبقي كويسه شكراً ليك جداً وأسفه ع الأزعاج والله
- لا لا مفيش حاجه المهم إننا أطمنا عليها ولحقناها وإن شاء الله تكون بخير محتاجين مني حاجه
_ شكراً ربنا يخليك، قفلت بابا الشقه ونزلنا ركبنا العربيه سمعت جمران بيقولي شغلي قرءان ع الراديو، سمعت الكلام وشغلت القرءان لقيت نور راحت ف النوم ... وصلت عند البيت وصحيتها، يلا نور يا حبيبتي وصلنا
* نور قامت مخضوضه، معملتش حاجه والله متموتونيش
_ أهدي يا نور أنا أماليا وصلنا البيت ومحدش هيموتك
* هديت شويه لما أستوعبت، بجد معلش كنت بحلم بكابوس مرعب
_ طيب يلا يا حبيبتي نطلع وكملي نوم فوق، طلعنا ودخلنا الشقه وشميت ريحة بخور حلوه اوي عرفت إنه جمران، بصتلها وأبتسمت، دلوقتي أنتي ف أمان متخافيش يلا خدي دش وتعالي نتعشي حاجه خفيفه و ننام .....، بعد ما خلصنا قولتلها، أوضتك أهيه أدخلي نامي براحتك لو أحتاجتي حاجه البيت بيتك أنطلقي فيه
* أترسم ع ملامحها القلق
_ مالك يا نور
* قالت بتردد، هو أنا ممكن أنام معاكي ولا هتضايقي
_ أبتسمتلها، لا طبعاً مش هتضايق، مسكت إيديها عشان أطمنها، يلا ...، دخلنا الأوضه وسمعت جمران بيقولي شغلي قرءان قبل ما تناموا، سمعت الكلام وشغلته وقولتلها تصبحي ع خير ونمنا ف هدوء بس الهدوء ده خلص من بعد ما صحيت تاني يوم
تاني يوم ...
_ صحيت لقيت نور لسه نايمه ف قولت أقوم أنا بهدوء أخد دش و أصلي وأعمل فطار وأصحي نور .....، خلصت الفطار و رجعت الأوضه عشان أصحيها لقيتها قاعده ع السرير و سرحانه قعدت قدامها وهزرت معاها، شطوره يا نووون كنت لسه هصحيكي يلا أغسلي وشك وأطلعي عشان نفطر
* ...........
_ أستغربت من سكوتها، نور أنتي سمعاني بقولك قومي أغسلي وشك عشان نفطر
* .........
_ حطيت إيدي ع كتفها، نوووور
* بصتلي بهدوء، أماليا كنتي بتقولي حاجه
_ بقالي شويه بكلمك سرحانه ف آيه
* أبداً كنتي عاوزه حاجه
_ أيوه يا حبيبتي قومي أغسلي وشك عشان نفطر
* حاضر، قامت
_ أنا خرجت وقعدت مستنياها، جت قعدت وكلنا، ها مقولتيش رأيك ف الأكل
* جميل خالص تسلم أيدك
_ بالهنا يا حبيبتي هقوم أعملنا كوبايتين شاي بالنعناع ونروح نقعد ف البلكونه وتحكيلي بهدوء ايه اللي حصل أمبارح معاكي
* ماشي وأنا هاخد الأطباق بتاعت الفطار وأغسلها
_ ماشي، دخلنا المطبخ وأنا عملت الشاي وهي غسلت الأطباق وطلعنا البلكونه وقعدنا
* يااااااااه يا أماليا بقالي كتير مقعدتش قاعده رايقه زي دي
_ أي خدمه ياستي المهم يلا أحكيلي اللي حصل معاكي أمبارح
* سكتت شويه وبعدين أتكلمت، هتصدقيني لو حكتلك
_ مسكت إيديها عشان أطمنها، اه طبعاً يا حبيبتي
* أنااا شوفت عفاريت أمبارح
_ سمعت جمران بيقولي، اللي ف المغارة راحوا يخوفوها عشان ينتقموا منكوا
* كنت قاعده بتفرج ع فيلم وفجأة النور قطع شوفت خيال اسود معدي وبعدين بدأت أسمع خطوات كتير حواليا أنا أترعبت أوي وضميت رجليا وحضنتها من الخوف وبعدين أنوار الاوضه فضلت تنور وتطفي والفون نفس الحكايه والمروحه وكل الأجهزة اللي ف الأوضه وأنا كنت مرعوبه وعماله أعيط وبعدين سمعت صوت مرعب ورفيع بيقولي، أحنا جايين ننتقم منك ونموتك عشان أقتحمتي مكانا وأتسببتوا أنتي وصاحبتك ف موت 4 من عيالنا لااااازم تموووتي أنتي وصاحبتك لااااااااازم تموووووووتي، وفضل يضحك ضحكه مرعبه أنا.. أناااا مستحملتش و روحت مصرخه و أغمي عليا، إنهارت ف العياط
_ أنا قومت حضنتها، أهدي يا نور يا حبيبتي خلاص متقلقيش محدش هيقدر يعمل حاجه أنا معاكي
* نور بصتلي وهي بتعيط، أنا مش فاهمه حاجه يا أماليا مين دول و أزاي أتسببنا ف موت عيالهم ومين صاحبتي اللي عاوزين يموتوها معايا أنا آيه اللي بيحصل معايا ده، حطت إيديها ع وشها وفضلت تعيط جامد
_ جمران قالي أحكيلها، طيب عشان خاطري يا نور أهدي وأنا هفهمك كل حاجه
* بصتلي، أنتي عارفه آيه اللي بيحصل معايا ده
_ قولتلها بتردد، ااا..ااااه
* فهميني والنبي
_ فاكره لما كنا ف سينا وأتفقنا أنا وأنتي لما البنات يناموا نروح عند المغارة
* أيوه بس أنتي نمتي ومروحناش
_ قولت بتوتر، ل..لاا روحنا بس أنتي مش فاكره
* أزااااااي
_ أنا حكتلها كل حاجه حصلت بالتفصيل معانا لحد ما صحينا ف الخيَم وهي مش فاكره اللي حصل وقتها
* يا نهار أسود، ضربت بإيديها ع صدرها، يعني اللي قالوا حقيقي وهيموتونا عشان كنا السبب ف موت عيالهم
_ لا طبعاً مش هيقدروا يقربولنا أحنا معانا ربنا هيحمينا ومن بعده جمران هيساعدنا
* نور بدأ جسمها يتشنج وتترعش جامد وبعدين عنيها أتقلبت وطلع منها صوت تخين ومرعب، ها ها ها ها ها ها ها مسكينه أحنا هنموتلك صاحبتك قدام عينك
_ أنا سميت بالله، أنت مين و عاوز آيه منها
* أنا زعيم العشيرة الساكنه المغارة و هموتها وأموتك زي ما موتوا عيالي
_ أنا ضحكت بأستفزاز، مش هتقدر تعمل حاجه، لقيت نور بتتلوي و وشها بيزرق زي كأنها بتتخنق، جمران قالي، أقري آية الكرسي و أول سورة البقرة وأخرها، أنا بدأت أقرأ لحد ما هديت ولقيت الخمس بنات اللي مع جمران ظهروا ومسكوا معايا نور ودخلناها أوضتي ونيمناها ع سريري والبنات ماسكينها من إيديها ورجليها وراسها عشان متتحركش، جمران قالي هاتي ميه ومسك وأقري عليها الرقيه الشرعيه، عملت اللي قالي عليه، قالي شربيها من الميه، شربتها الميه لقيتها أستفرغت ورجع الصوت المرعب يتكلم تاني
* هموتهالك هموتهااااالك
_ قولتله يعني مش هتسيبها وتخرج مااااشي أنت اللي جبته لنفسك، جمران قالي رشي عليها من الميه وقالي ع آيات أقرأها من سورة البقرة و سورة يس والرحمن وهي بتصرخ بنفس الصوت المرعب، هاااااا هتخرج ولا أحرقك أنت وعاشيرتك
* بيصرخ، ااااااه هخرج هخرج خلاص
_ أديني العهد أنك مش هتقربلها لا أنت ولا عاشيرتك تاني وتسيبوها ف حالها
* محدش هيقربلها لا أنا ولا العاشيره
_ بدأت أقرأ آيات الصرف لحد ما نور رجعت لطبيعتها، جمران قالي خلاص بقت كويسه الحمدلله سبيها ترتاح والبنات ياخدوا بالهم منها و نروح أنا وأنتي نحصنلها الشقه، قولتله ماشي و روحنا شقتها وجبت ميه وحطيت عليها مسك وماء ورد وقريت عليها قرءان ورشيت من الميه ف أركان الشقه كلها وشغلت قرءان و ولعت بخور وقفلت الشقه ورجعنا ع شقتي، لقيت نور بدأت تفوق
* بصتلي بإرهاق، هو آيه اللي حصل أنا جيت الأوضه أزاي مش كنا قاعدين ف البلكونه
_ ضحكت، حمدلله ع سلامة الهانم اللي كانت هتوقفلي قلبي من الرعب، وحكتلها ع كل اللي حصل
* يااااااه كل ده حصل أنا محستش بأي حاجه ولا فاكره حاجه
_ الحمدلله أحسن دلوقتي أنتي بقيتي بخير والعفاريت الوحشه دي مشيت ومش هتجيلك تاني وحصنتلك البيت وكل اللي عليكي أنك تنتظمي ف الصلاه و الأذكار ومفيش حاجه هتقدر تقربلك
* شكراً أوي يا أماليا مش عارفه من غيرك كنت عملت آيه أكيد كانوا هيموتوني
_ متقوليش كده أحنا أخوات وبعيد الشر عنك يا قلبي .
و دي كانت تجربتي التانيه مع جن المغارة .
تمت
بقلمي/ إيمان أحمد