* وبعدين معاكى هتفضلى كده لحد امتى
~ قلبى موجوععع
* قولنا انسى بقى و كفاياكى وجع وتعب ف نفسك
~ غصب عنى حاولت و معرفتش قلبى مش مرتاح ،النفس باخده بالعافيه ،مش عارفه اكمل ف حياتى كده،حاسه روحى بتتسحب منى بالبطيئ ،نفسى انا و قلبى نرتاح
* و أخرته ايه اللى انتى ف ده يا قلبى ، انتى اللى تعبانه و هو عايش حياته ولا همه
~ شهرين سايبنى و معرفش عنه حاجه ،هو ازاى جاله قلب يعمل كده ازاى بقى قاسى كده
* لو كان عاوز يتكلم كان اتكلم
~ لا لا لا اكيد ف حاجه حاصله معاه
* انتى لسه بتبرريله
~ ايوه عشان انا عارفاه كويس
* انتى غريبه اووووى ازاى بتحبه الحب ده كله بعد اللى عمله معاكى ده
~ عشان هو يستاهل كل الحب اللى ف الدنيا
* بس اللى انتى بتقولى عليه يستاهل ده مش سأل فيكى
~ مش مشكله الغايب حجته معاه
* طيب ما تروحيله
~ لو اعرف كنت روحتله من زمان و خبيته ف حضنى عن العالم كله
* حقيقى انتى جميله اوى و هو ما يستاهلش قلبك ده .
~ لقيت كل اللى ف القاعه قامو وقفو و بيسقفو جامد ، ايوه انا حققت حلمى و اخدت جايزة افضل كاتبه للعام، اه فرحانه باللى وصلتله ، بس فرحتى ناقصه ، ناقصها هو ، هما فاكرين ان القصه من وحى خيالى ، لكن انا بس اللى عارفه انها حقيقية وبعيش ف الوجع كل ثانيه ..
هيييييحح بعد ما اتصورت مع الناس و مضيتلهم ع النُسخ ، حسيت بخنقه و ان الاكسجين بيتسحب من المكان ، خرجت بسرعه برا القاعه و وقفت ف زاويه بعيده عن الانظار عشان اقدر اخد نفسى او بمعنى اصح اقدر اعيط براحتى ، سمعت صوت حد بيسقف ورايا ، فمسحت دموعى بسرعه
_ الف مبروك يا أنسه ايمان
~ ايه ده انا عارفه الصوت ده كويس ، لفيت عشان اتأكد من صاحب الصوت ، ايوه هو ، يا الله قد ايه ابتسامته بتسحرنى و بتطيب قلبى من اى وجع ، دمعه هربت من عينى غصب عنى
_ قرب منى و نزل ع ركبته ومسك ايدى و باسها ، و قال و عيونه كلها ندم و رجاء و حزن ، انا اااسسسف
~ اسف ع ايه ولا ع ايه
_ ع اى حاجه و كل حاجه
~ للأسف اعتذارك مش مقبول
_ طيب اعمل ايه يرضيكى
~ انك تبقى معايا دايما و ايدك ما تفلتش ايدى مهما يحصل
_ متأكده ؟! اصل انا مشاكلى كتير و كل فتره بيحصلى مصيبه يا بنت الناس
~ مستعده افوت معاك ف النار
_ قام وقف وهو ماسك ايدك الاتنين جامد و قال بكل حب ، كل مره ربنا بيأكدلى انه بعتلى حوريه من الجنه ، بحبكك
~ قلبى بيرقص من الفرحه ، لو ف كلمه اكتر من بعشقكك توصفلك الحب اللى جوايا كنت قولتها..
إن غبت لم ألق إنساناً يؤنسني،
وإن حضرت فكل الناس قد حضروا. 🖤
تمت
بقلم / إيمان أحمد..