- لو سمحت...
اتفضلى
- كنت عاوزه أصلح اللابتوب بتاعي...
ثانيه واحده انادى لحضرتك بشمهندس احمد
- تمام
- اؤمري حضرتك
- كان اللاب بتاعى بيهنج بقاله مده وتقيل وفجأه فصل خالص ممكن حضرتك تشوفه
- طيب أنتي هتسيبيه معايا مده كدا أشوف ماله
- أنا شارياه من عندكم على فكره و مبقالوش كتير
- عارف يا فندم خدت بالى من اللوجو بتاع المحل
- طب اجى لحضرتك أمتا
- يعنى كمان يومين كدا
- خلاص تمام
" احمد "
جاءت مره اخرى تلك الفتاه التى قد اشترت جهاز الكمبيوتر منذ مده .. هذه فرصتى لكى ابدأ معها الحديث او حتى لاعرف من هى وما هى قصتها .. لا يعجب الشخص بفتاه كل يوم .. تسأل على شيئاً فى جهازها كما توقعت .. اكاد اجزم ان هذه افضل خدمه قدمها لى القدر .. الان يجب ان اعرف من هى وما تاريخها وقصتها .. كل شيئ عنها .. لا يجب عليك الثقه فى مهندس حواسيب ايضاً .. بالرغم من اننى لم ادخل كليه الهندسه من الاساس لكننى افهم فى الحواسيب افضل من اى مهندس .. بدأت فى تفحص جهازها بالرغم من تأكدى بعدم وجود اى تلف به .. وكما توقعت .. وجدت بعض البرامج التالفه فقط .. الان ابدأ عملى الحقيقى .. سأضع على ذلك الجهاز برنامج يجعلنى اراها .. اعيش معها .. وعندما توصله بالانترنت سوف اتمكن من رؤيه كل ما تفعله او اى محادثه تخوضها .. كل شيئ على ذلك الجهاز.. ابحث فيه كيفما اشاء .. اعرف ان ما افعله غير قانونى و لا يصح .. ولكن الضرورات تبيح المحظورات .. اننى لن اكون معجب بها وانتظر فرصه تأتى حتى اتحدث معها .. من يريد شيئ يسعى له بقوه .. ومنذ مجيئ تلك الفتاه الى المحل وانا معجب بها .. ظللت انظر اليها من شده تعلقى بملامحها .. حاولت ان احصل على اي معلومه عنها ولكن دون جدوي .. ولكن اتت لى تلك الفرصه الان وسأعرف عنها كل شيئ واجعلها تعجب بى
- اللاب خلص يا بشمهندس
- والله يا ...متشرفتش بأسمك
- روان
- والله يا انسه روان اللاب بتاعك دا خد منى وقت وشغل كبير كان عليه كميه حاجات متقلاه بس الحمد لله الموضوع اتحل
- شكرا يا بشمهندس والله تعبتك معايا
- لا خالص على إيه دا شغلى المهم بس لما تروحى توصليه بالنت وتعمليله ابديت ولو فيه اى حاجه تانى كلمينى
- تمام شكرا يا بشمهندس
فعلت كما توقعت تماماً .. اخذت الحاسوب و اوصلته بالانترنت .. حالياً استطيع ان اقول اهلاً بكى فى ملعبى .. ما كل هذا التناقض الغريب .. مؤكد فتاه مثلك وفى سنك يجب ان يكون لديها تلك الاشياء الغريبه على حاسوبها .. انتى فى علاقه مع شخص اخر .. غريب شكل هذا الشاب .. لكنكى تحبيه كثيرا والدليل انك محتفظه بالعديد من الصور له .. من الواضح انكى تستشيرى اصدقاءك فى كل كبيره وصغيره تحدث في حياتك .. واضح انكى تثقى فى رأيهم .. تعيشين بمفردك .. سأفتح الكاميرا لاري ماذا تفعلى .. بالطبع لو وجدتك تقومى بشيئ خصوصى سوف اغلقها .. انا لست مخترق او شخص غريب .. وجدتك تعدى الطعام .. شكلك رائع .. من الواضح انكى لا تستغنى عن الحاسوب .. من حسن حظى .. تصبحين على خير يا حبيبتى .. صباح الخير يا حبيبتى .. هذا ثالث يوم لى وانا اتابعك .. بالطبع لن احاول الان اخذ خطوه التقرب منك .. ولكن ما هذا .. عيد ميلاد صديقتك فى احد الكافيهات .. فرصه رائعه لاراكى عن قرب .. هممممممم .. بالطبع انتى ممسكه بالهاتف وتركتى الحاسوب .. من حسن حظى انكى قمتى بمزامنه هاتفك مع الحاسوب ..كأننى احمل هاتفك فى يدى .. تكلمين حبيبك .. بالطبع انتى تشعرين بالملل لذلك تكلميه .. وبالطبع ايضاً يخبرك انه كان يتمنى لو كان معكى ولكنه لن يستطيع بسبب عمله .. مع انه يكذب عليكى .. نعم لقد اخترقت هاتفه هو ايضاً .. لم يكن من الصعب على فعل ذلك .. انه اغبى شخص قمت بعمل ذلك معه .. يبدو غبياً .. بالطبع انتى لا تعلمين انه يجلس الان مع فتاه اخري ويحادثك اثناء ذلك .. ذلك الفتى لا يستحقك يا عزيزتى .. سوف نري ..يجب ان امشى وراءك حتى اوصلك الى المنزل .. ولكن ما هذا .. لا
- خدى بالك
- اههه
- حصلك حاجه
- ايدى ..ايدى مش حاسه بيها
ذهبنا الى المستشفى حتى نرى يدها التى اصيبت فى الحادثه .. اشك انها كسرت .. ولكن الحمد لله مجرد جزع بسيط فى يدها
- حمد الله على سلامتك
- الله يسلمك أنا مش عارفه اشكرك ازاى لولاك كان زمانى ميته
- لا خالص بعد الشر ...الحمد لله انى لحقتك ...المفروض تاخدى بالك
- أنا سرحت ومخدتش بالى بس وبعدين هو اللى سواق غبى وكاسر الاشاره
- الحمد لله انها جت على قد كدا
- أنا حاسه انى شوفتك فى حته قبل كدا
- وانا كمان
- ثوانى ...انت البشمهندس بتاع الكمبيوتر
- ايوا صح انتى انسه روان
- ايوا ايوا صح ...صدفه غريبه
- الدنيا صغيره بقا (مبتسم)
- أنا معرفتش اسمك
- احمد
- أنا بشكرك تانى يا استاذ احمد والله
- ولا شكر ولا حاجه أنا عملت الصح وبعدين من غير استاذ
- ماشى يا احمد
- طب الممرضه قالت انك تقدرى تروحى ...اتفضلى يالا عشان اوصلك
- لا ملوش لزوم والله متتعبش نفسك أنا هاخد تاكسى
- لا برضوا مينفعش اسيبك وانتى كدا لازم اوصلك
- أنا متشكره جدا
- طب يالا
مشينا سوياً حتى اوصلها الى منزلها كما اخبرتها .. ولكن عندما وصلنا حدثت مفاجأه لم تكن لطيفه
- إيه دا حسام
= انتى فين يا روان كنت بكلمك تليفونك مغلق قلقت عليكى بصيت ملقتش النور منور عرفت انك لسه مرجعتيش
- هتلاقى التليفون اتقفل من الخبطه على الارض
= إيه اللى حصلك
- عربيه كانت هتخبطنى بس الحمد لله بشمهندس احمد لحقنى
= اه
- الحمد لله انه لحقنى فى الوقت المناسب
= شكرا يا بشمهندس (بفتور)
- العفو أنا معملتش غير الواجب
- لا انت انقذتنى
- الحمد لله انك بخير وانا اتطمنت عليكى... أنا همشى بقا ..سلام
= سلام يا بشمهندس
ذهبت الى منزلى .. اول شيئ فعلته .. فتحت الحاسوب حتى اري مع من تتحدثين .. ربما تكلمين حبيبك التافهه تحكى له عن ما حدث .. ما هذا .. لقد اخبرتيه بالفعل .. وما هذا الذى يقوله عنى .. لما ليس مرتاحاً لى .. هل كنت امسك سكين واهدده بها .. فرحت عندما رأيت كلامك عنى مع اصدقاءك .. انا لم افعل شيئاً .. لقد انقذت حياتى .. عندما نصبح معاً سوف تعرفى اننى فعلت ذلك لاننى احبك .. انتى بحاجه لمن يقف بجانبك ويرعاكى يا روان .. وانا من سأفعل ذلك .. ولدى استعداد ايضاً لفعل اي شيئ حتى نكون معاً وتصبحى معى فى امان .. اي شيئ معناها اننى يجب ان اقوم بفعل ما كنت افكر فيه منذ مده .. يجب ان اعجل بفعله حتى لا اخسر تلك الحرب يا روان .. غداً عندماً تصبحين بجانبي سوف احكى لكى ما قمت بفعله حتى اكون معكى .. سوف احكى لكى حتى تفخرى بي وبحبى لكى