_ ااااااخخخ ياني آيه يا فاطمه ده أحنا آيه اللي خلانا نروح ونشتغل
= واحده كده فضلت تقول أحنا لازم يبقي لينا كرير ولازم نبقي إندبندت .. آيه رأيك يا بنت الجبالي دلوقتي وأحنا بنرجع كل يوم البيت نعيط
_ هات صبارة وأدفني يا ببلاوي أنا أستاهل والله
= قومي نطي ف البحر اللي جنبك ده يلا وأغسلي عارك بيدك
_ لا الميه سقعه يح هاخد برد
= تصدقي هموت وأشرب ميه سقعه مشبرة عشان تبرد ع قلبي شويه
_ اه والنبي واطلبيلنا مانجا فريش سقعه
= حاضر وبعد كده نطلب أيس كريم
_ ياريت أرجوكي
= ياااااا محماااااااااه
× ايوووه يا أساتذه
= بص يا سيدي عاوزين حالياً أتنين ميه مشبرة وأتنين مانجا فريش مشبرين برضوا
× عنينا يا هوانم
_ تسلم عنيك يا غالي
= بت إيمااان ألحقي
_ خيييررر
= شايفه جوز اللوز اللي داخلين دول
_ أنا غصب عني ضحكت بصوت عالي سيكا ع كلامها
= حطت إيديها ع بوقي، صووووتك الناس حوالينا
_ شيلت إيديها، أنا أسفه بس اللي أنتي قولتيه بريأكشن وشك خلاني فصلت ضحك، بصيت ناحية ما هي شاورت شوفت أتنين شباب جوز اللوز فعلاً طول بعرض بدقن حاجه أخر موديل كده أتكلمت وأنا لسه بصه عليهم، يا وعدي يا وعدي
= أنا بقول البنت ملهاش غير بيتها وجوزها
_ أنا أوافق ودوني ع بيت حبيبي نعيش مع بعض فيه
= ياااااااااه ياعبد الصمد لو نتجوزهم بجد
_ هييييييييح يالهوي يا خِضررر
× أتفضلوا يا هوانم، حط الحاجه ع الترابيزه
* محمااد
× جاي يا باشا
= فاطمه مسكت دراع محمد، محمد أنت تعرف الشابين اللي ندهولك دول
× ايوه طبعاً دول أعضاء مميزين للنادي زيكوا بالظبط
_ أنا فرحت اووووي، أحلف طيب ما تقولنا معلومات وكل حاجه تعرفها عنهم
× حاضر هشوف طلباتهم بس وأجيلكوا
= ربنا يرزقك بعروسه وأنت مروح يا شيخ
× ضحك ومشي راحلهم
_ بت يا فاطمه تفتكري ممكن نوقعهم ويحبونا
= فاطمه ضيقت عنيها بتفكير و قالت، الصبر حلو
× أفندم يا هوانم
_ أحكيلنا الله يسترك عنهم كل حاجه و أوعي تنسي أي تفصيله حتي لو تافهه
× دول إبراهيم بيه و أبو بكر بيه أزاي متعرفوهمش دول أصحاب الشركة اللي بتشتغلوا فيها
_ أنا كنت بشرب العصير ولما سمعته بيقول كده شرقت وفضلت أكح، أنت..أنت بتقول آيه
× اه والله العظيم زي ما بقولكوا كده
= أمال هيثم ده بيعمل ايه
× ده مدير فرع يا باشا، أنما هما المالكين الأصلين لمجموعة الشركات دي، لسه راجعين من تركيا كانوا بيفتتحوا فرع جديد هناك
_ عندهم كام سنه
× الأتنين 29
= مرتبطين خاطبين متجوزين ؟
× لا عُزاب
_ أحلف
× أقسم بالله
= فاطمه طلعتله فلوس، خد يا محمد ده غير الحساب بتاع الطلبات بتاعتنا
× لا يا أستاذه فاطمه أنتوا أخواتي وعارفين أن مفيش بينا الكلام ده
_ أصيل يابو رحاب
× ضحك، أي طلبات تاني يا هوانم
= اه الأيس كريم بتاعنا الله يخليك
× عنيا، مشي
جم 3 شباب قعدوا ف الترابيزه اللي ع يمينا وشكلهم مش مظبوط ومركزين معانا اوي ...
_ يا خراشي يا فاطمه شوفتي ضحكة إبراهيم عسل أزاي ضحكته حسيتها بتزغزغ كده
= اااااه وأبو بكر يااااالهويييي ع جمالوا بس تفتكري دول هيبصوا لبنات من طبقه متوسطه زينا
_ آيه يا بطوط ده هو أحنا أيام الجاهليه السلطان لازم يتجوز سلطانه
= لا بس الناس الأغنيه دول أهلهم مش بيرضوا يجوزوهم غير لبنات من نفس مستواهم
_ ده ف الأفلام و الروايات بس
= تفتكري
_ طبعاااااً بقولك آيه الشباب اللي قاعدين جنبنا دول سمعاهم عمالين يستظرفوا
= أعملي نفسك من بنها طالما محدش جه عندنا و تطاول فكك
_ اوووكي ما تيجي نروح نسلم عليهم و.........
- واحد من الشباب راح وقف قدمهم، ممكن أخد من وقتكم دقيقه يا بنات
= نعم خير حضرتك
- بصراحه لما قعدنا وشوفناكم عجبتونا و عاوزين نقعد نتكلم معاكم ونبقي صحاب و كده
= لا والله مش بنصاحب معلش
- ليه بس يا قمر، بصلي، قولي يا جميلة لصاحبتك عادي يعني لما نبقي صحاب ونتكلم ونخرج مع بعض ودنيتنا تبقي حلوه
_ هي مش قالتلك لا أتفضل يلا أمشي بعيد عننا
- الله ليه بس الطريقة دي ما أحنا حلوين، الشابين اللي معاه جم، ف ايه يا بنات مكبرين الموضوع ليه
_ قومي يا فاطمه نمشي عشان دول مشافوش بجنيه تربية
- الله ليه بس يا عسل الغلط ده
= يلا يابنتي
_ لسه هنمشي واحد مسكني من إيديا والأتنين وقفوا قدام فاطمه
- أستني بس يا عسل رايحين فين لسه مخلصناش كلامنا
_ أنا شديت دراعي منه و زعقت، أوعي كده أنت عبيط ولا ايه، وشديت فاطمه من إيديها ولسه هنمشي
- الشاب التاني، مش هتمشوا غير لما نتكلم
= فاطمه زعقت، وأحنا قولنا مش عاوزين نتكلم معاكوا أنتو مابتفهموش
هنا إبراهيم و أبو بكر خدوا بالهم و أتدخلوا ف الموضوع
* إبراهيم قال، ف آيه يا بنات حد بيضايقم
- ف ايه يا بطل أنت مش شايفهم معانا
~ أبو بكر أتكلم، شايفينهم مضايقين وبيزعقوا يا باشا خير بقي عاوزين منهم آيه
_ أيوه عمالين يضايقونا وعاوزين يقعدوا يتكلموا معانا بالعافيه ومش راضيين يخلونا نمشي
* يعني طلعتوا بضايقوهم وهما مش عارفينكوا أصلاً
- واحد من الشباب زق إبراهيم ف كتفه، طب يلا يا حلو منك ليه دول تبعنا وأحنا هنتفاهم معاهم
* إبراهيم مسك إيد الشاب، الله الله الله ده أنت بلغت وصوتك أخشن وفكرت نفسك راجل، راح مديله بوكس ف عينه وهنا بدأت الخناقه و إبراهيم و أبو بكر روقوا الشباب لحد ما آلأمن جه و خادهم وأعتذروا لأبو بكر وصاحبه و أعتذرولنا
أبو بكر وإبراهيم سألونا، أنتو كويسين يا بنات حد لمسكوا
= لا أحنا كويسين شكراً ليكوا بجد وأسفين ع اللي حصل بسببنا والله
~ لا لا مفيش حاجه خالص المهم أنتوا بخير
_ أنا كنت واقفه معاهم خلاص فصلت وحسيت بدوخه جامده ملحقتش ألفت نظر فاطمه و وقعت فقدت الوعي
= إيمااااان، قعدت جنبي ع الأرض وحطت راسي ع رجليها وبتحاول تفوقني، محمااااااااااه هات ميه بسرعة
* إبراهيم قالها طيب نقعدها ع الكرسي، وشالني و قعدني ع الكرسي و وقف قدامي عشان يحجب الشمس عني وبيهويلي، روح هات عصير وميه بسرعة يا بيكو
~ حاضر
* هي الأنسه إيمان بتشتكي من حاجه أو ده بيحصل معاها دايما
= فاطمه قاعده جنبي وماسكه إيدي و قلقانه، لا هو بس عشان مرهقين من الشغل وطبعاً الجو زي ما أنت شايف و اللي حصل من شوية ده وكمان هي مكالتش من الصبح فمستحملتش وحصل اللي حصل ده
* طيب ناخدها ونطلع ع مستشفي قريبه من هنا وعندي صديقي دكتور شاطر فيها نروحله ويطمنا عليها وممكن تحتاج تعلق محاليل
= لا مش عاوزين نتعبكوا معانا هي تفوق بس وأخدها ونروح وأكلها وترتاح وهتبقي كويسه
* لالا مفيش تعب و كده كده مش هنسيبكوا غير لما تفوق ونتطمن عليها
~ الميه والعصاير أهيه
* تعالي يا بيكو ناخدها لسامح عشان يطمنا عليها
~ يلا يا صاحبي هروح جري أنا أشغل العربيه، خد المفتاح وجري ع برا
* أستني متتعبيش نفسك أنا هشيلها
= لا والله متتعبش نفسك أنت أنا هسندها لحد العربيه
* و تروحي واقعه بيها يابنتي أنتي كمان شكلك مرهق خالص ريحي نفسك بس وأنا هشيلها، راح شايلها وركبوا العربية وشغل التكييف.....
بالليل ف البيت ....
= ها يا إيمان عامله ايه دلوقتي
_ الحمدلله يا بطتي أحسن
= فاتك نص عمرك كان شكلكوا قمر وإبراهيم شايلك إمبارح
_ بجد والنبي يا فاطمه ياريتني كنت فايقه
= اه والله أصلا الدكتور و الممرضه كانوا فاكرينكوا متجوزين بعد ما خلصوا كشف وعلقولك المحاليل الممرضه خرجت وقالتلوا الدكتور بيقولك تقدر تدخل تطمن ع المدام
_ الله بقي يارب أبقي مدامته حقيقي
= حقيقي كان مهتم بيكي كأنه يعرفك من زمان وكأنك حد غالي عليه من عيلته كده يعني وأبو بكر بقي ده دمه شربات أقسم بالله روحي كانت هتطلع من كتر الضحك لدرجة أني نسيتك أصلاً وفضلت قاعدة جنبهُ عمالين نضحك وإبراهيم هو اللي رايح جاي عليكي وقبل ما نمشي أدوني أرقامهم وخدوا أرقامنا و إبراهيم قال هيتصل يتطمن عليكي
_ أصيلة يا صاحبتي والله
تاني يوم لقينا هيثم المدير قالنا أنتوا أتنقلتوا الفرع الرئيسي ومستر أبو بكر هيبعتلكوا عربية دلوقتي توصلكوا هناك، أنا وفاطمه كنا مزقطتين من الفرحة لأننا هنبقي معاهم وفضلنا ٦ شهور هناك وبقينا قريبين منهم أوي و ف مره
* آيه رأيك يا بيكوا نتكلم معاهم النهارده ونفاتحهم ف موضوع الخطوبة
~ ياريت والنبي يا هيما أنا خلاص مش هقدر أقعد يوم زيادة من غير فوفتي
* ومين سمعك أنا مبقتش عارف أنام من كتر التفكير ف أمونتي بقولك آيه نعملهم مفجأه نكلم المطعم بتاعنا ونخليهم يفضوا ويظبطولنا ترابيزتين وجو رومانسي كده ونعترفلهم
~ أبو بكر طلع فونه وكلم المطعم ع طول وقالهم ع كل حاجه، خلاص ساعه كده وهنيجي وكل حاجه تكون جاهزة مش عاوز أي غلط، قفل، تمام يا هيما ظبطت الدنيا
* خلاص أتصل بالبنات وقولهم لما يخلصوا شغل مايمشوش عشان هنروح نتغدا برا .....
بعد ما خلصنا شغل و راكبين العربيه معاهم
_ هو مكانش ينفع نخلي الغدا ده ف يوم تاني
* إبراهيم بصلي بإستغراب، ليه يا أمونه كده
_ تعبانه ومرهقة من الشغل والله يا مستر إبراهيم
* يابنتي ما قولنا مستر إبراهيم دي ف الشركة بس
~ أبو بكر وقف العربية وبص لورا، يلا يا حلوين وصلنا
_ نزلنا كلنا ودخلنا المطعم اول ما شوفنا منظر المطعم أنا وفاطمه وقفنا تنحنا
= هو اللي أنا شايفاه ده صح
~ أبو بكر قرب جنب ودنها وأتكلم برقه، حقيقي جدا ولسه ف حقايق كتير هتعرفيها تعالي، مسك إيديها وهو مبتسم وراحوا يقعدوا ع الترابيزه بتاعتهم ....
* إبراهيم بصلي وهو مبتسم، أنتي كويسه
_ أنا رديت بتوتر وكسوف، اا..اااه تمام بس أنا عاوزه أفهم آيه كل ده
* طيب تعالي نقعد وأرتاحي شويه و هفهمك كل حاجه، مسك إيديا و روحنا عند الترابيزه وقعدنا وبعدها ع طول نزلنا الغدا وأشتغلت أغاني رومانسيه وهاديه
كلنا أتغدينا وبعدين كل واحد فيهم طلب نرقص رقصه سلو ...
~ طبعاً يا فوفتي أنتي مش فاهمه ف آيه
= دي حقيقه
~ هقولك ف إني بموت فيكي
= أستغربت بس الموضوع قلب بكوميديا معاها، يااااا راجل بجد من امتى
~ ضحك، لا أركنيلي الضحك والهزار ع جنب دلوقتي أحنا بنتكلم ف موضوع مصيري
= ما أنا مش مصدقه بصراحة اللي بتقوله ده
~ كمل وهما لسه بيرقصوا، والله العظيم بموت فيكي ومبقتش عاوز يوم يعدي من غير ما أشوفك وأسمع ضحكتك و وصلت لدرجة إني بفكر أبات ف الشركة وأخليكي تقعدي ساعات أكتر ف الشغل عشان أشوفك وقت أطول
= شرير اوي أنت
~ أعمل آيه طيب أنكويت بنار الحب هتفهميني لما تحسي بنفس المشاعر بس أديني فرصة
= ومين قال إني مش فاهمه ومش حاسه
~ أبو بكر أستغرب، يعني آيه
= يعني أنا فاهمه اللي بتقوله وحاسه بيه اوي كمان
~ أفهم من كده آيه
= الله يا بيكو ما تفتح مخك معايا
~ يا خراشي ع بيكو يا ناس فاهمك يا روح بيكو بس عاوز أطمن
= فاطمه أبتسمت بحب وقالت، من وقت ما كنا ف المستشفي وفضلنا نتكلم ونضحك حسيتك شبهي كأنك مني ومكنتش عاوزه الوقت يعدي و كل واحد يروح ولما بقينا ف الشركة مع بعض كل يوم كانت مشاعري دي بتزيد وكان نفسي تحس بيا بس كنت بفكر أزاااااي مستر أبو بكر اللي عندو شركات ومطاعم وأملاك هيبص لبنت عاديه و حتي مش جميله واو عشان تلفت نظره ف مكانش عندي أمل إن ممكن ف يوم من آلأيام يبقي بينا نفس المشاعر
~ هرد ع نص الكلام الأولاني وهعمل نفسي مسمعتش النص التاني ..حلوه أوي جملة شبهي و كأنك مني حسستني بالدفا كده ..من اول الخناقه اللي حصلت ف النادي شدتيني بصراحة وحاجه من جوايا بتقولي هي دي نصك التاني هي دي اللي هتكمل معاك ولما روحنا المستشفي وأتكلمنا وصلني نفس أحساسك كأنك مني .. موافقه تكملي معايا يا نصي التاني
= ضحكت بكسوف، موافقه .......
_ برقص مع إبراهيم وأنا متوترة ومحرجه بس ف أحساس جوايا بتمني يطلع صح
* الجميل ساكت ليه
_ أبداً بس مش عارفه أقول آيه
* قولي أي حاجه أسأليني آيه اللي بيحصل هنا
_ ضحكت ضحكه جانبيه، آيه اللي بيحصل هنا
* امممم حاسه ب آيه طيب يا أمونه
_ أمونه متوترة وعاوزه تفهم ف آيه عشان ترتاح
* بصلي ف عيني بتركيز، لا أمونه فاهمه ف آيه وعندها أحساس بس خايفه و عاوزه تتأكد عشان تطمن
_ أنا أتوترت أكتر، أنا عاوزه أمشي معلش تعبانه
* مستحيل مش هسيبك تبعدي عني تاني بعد النهاردة
_ يعني آيه مش فاهمه
* سند راسه ع راسي وأتكلم بهدوء، يعني هتفضلي بين إيديا كده لأخر العُمر
_ أنا كنت مفكره اللي بيحصل ده ف خيالي ف نسيت نفسي وغمضت عيوني وأتكلمت، ياريت هو ده اللي بتمناه من أول ما شوفتك ف النادي بس أنا عارفه أنه مش ممكن يحصل غير ف خيالي بس
* بعد راسه وقال، بس ده حقيقي بيحصل يا أمونتي مش ف خيالك بس
_ أنا هنا فوقت وفتحت عيني بسرعة، هاااااه هو آيه اللي بيحصل حقيقي
* أنك هتفضلي معايا لأخر العمر
_ بجد أنا كنت مفكره إني بتخيل أنك بتقول كده
* تؤ تؤ أنا قولت كده حقيقي
_ أصارحك بحاجه حتي محكتهاش لفاطمه
* ياريت
_ لما كنت شايلني أنا فوقت لمده دقيقه وفتحت عيني لقيتك شايلني وشكلك قلقان كنت مفكره أني بحلم أصلاً بس أتمنيت إن ده يبقي حقيقي عاوزه أفضل قريبه منك ع طول كنت حاسه بالأمان وأنا قريبه منك
* ااااااااخخخخخ منك ومن اللي بتعمليه فيا، عارفه كنت حاسس تجاهك بالمسؤليه كأنك شخص بيقربلي وإنك لازم تبقي بخير ع طول و ف أمان لما كنا ف النادي حرفيا كان نفسي أقتل الشباب اللي ضايقوكي وخلوكي تتعبي كده
_ ضحكت بهدوء، عارف من أول ما شوفتك ف النادي أنت و بيكو أول ما دخلتوا أتمنينا أنكوا تبقوا من نصيبنا ونتجوزكوا وكنت قاعده مركزه ف كل تفصيله فيك .. سحرتني بكل تفاصيلك وسبحان الله ربنا أستجاب لدعانا ف لحظتها و أدينا أهو هنبقي مع بعض ع طول
* فظيعه أنتي كلامك بيدي الواحد طاقة إيجابيه و راحه وفرحه رهيبه أنتي جميله أوي و مفيش كلام يقدر يوصفك ويوصف أنتي آيه جوايا، باس راسي، بحبك يا ست البنات
~ بحبك يا فوفتي يا نصي التاني وكَمالي
كل واحده فينا رجعت راسها لورا وبصت للتانيه وضحكنا وغمزنا لبعض .
تَمَلكتَ اَلفُؤَادَ بدُونَ عِلِمي
فَمَا أزْهَى الفُؤَادَ وَأنتَ فيه
تمت
بقلمي/ إيمان أحمد