رفع 'عبد الحميد' جذع 'جمال' بمساعدة 'أكرم' حتى يسند ظهره على السرير..
'عبد الحميد' :- عمي، كدا مرتاح ؟!!
'جمال' :- أيوة تمام، لكن فين 'أحلام'؟ بدأت أحس بالألم وعايزها تجيب لي الحقنة المسكنة للألم !!
'أكرم' :- لما نزلنا من العربية شفتها راحت ناحية مطعم الفندق، فقلت أسيبها تروح. يمكن هي جيعانة وعايزه تأكل !!
'جمال' :- هو أنا كل شوية هبعث حد وراها يدور لي عليها. تعبت منها قوي. مرة يلاقوها مشغولة بموبايلها في البلاكونة، ومرة يلاقوها بدردش مع 'نرجس' في أوضتها، ومرة ومرة. مش عارف ليه أختارها لي الدكتور تخلي بالها مني؟ أنا اللي بقيت باخذ بالي عليها؟ اسمع يا 'عبد الحميد' أنت لازم تكلمها. إما تشوف شغلها كويس أو تمشي وشوف لي حد ثاني غيرها !!
'عبد الحميد' :- حاضر ماتعصبش نفسك، هكلمها تهتم بيك وبصحتك، وأحذرها لو تقصر بشغلها !!
اقترب 'عبد الحميد' من 'أكرم'..
'عبد الحميد' :- لو سمحت يا 'أكرم' روح دور عليها ولو لقيتها في المطعم وخلصت أكلها قولها تجي تدي لعمي الحقنة !!
'أكرم' :- حاضر هروح أدور عليها بعد إذنكم !!
خرج 'أكرم' من الغرفة وجلس 'عبد الحميد' على حافة سرير 'جمال' وربت على ركبته ليطمئنه..
'عبد الحميد' :- اطمن يا عمي، إن شاء الله هتشفى وتنسى الأيام الصعبة اللي أنت بتمر بيها دلوقتى !!
'جمال' :- إن شاء الله، لكن عايز أعرف أنت ليه سايب 'نرجس' و'إيزابيل' يحقدوا عليك ومايقدروش جهدك في أنك اللي بنيت القرية السياحية، ودلوقتي بتتعب في الفندق اللي شغال عليه ليل نهار ؟!!
'عبد الحميد' :- أنا ماعملتش حاجة. أنت اللي جبت لي الفرصة احقق فيها أحلامي وطموحي !!
'جمال' :- فاهم لكن بقصد...!!
'عبد الحميد' - مقاطع - :- يا عمي مافيش فايدة من الكلام معاهم. هم ماقدروش كل اللي عملته علشانهم طول حياتهم، فهم هيقدروني؟ هم مابيقدروش حاجة غير الفلوس !!
'جمال' :- معاك حق يا أبني، أنا بقيت حاسس أني عايش وسط تماسيح جعانة، مستنين امتى أموت حتى يأكلوني !!
'عبد الحميد' :- ربنا يطول في عمرك، أنت بس اهتم بصحتك والباقي على ربنا !!
'جمال' :- ونعم بالله، ربنا بيحبني لأنه بعثك ليا !!
'عبد الحميد' :- يبقى تدعي لي يخلصني من عروستي الجميلة هاهاهاها !!
نظر 'جمال' إلى 'عبد الحميد' متسائلاً.
'جمال' :- ليه بتقول كده؟ مش قولت أنك بتفكر دائماً في كل خطوة قبل ما تعملها ؟!!
'عبد الحميد' :- إلا دي المرة حاسس أني تسرعت ولخبطت حياتي بجوازي من صديقة أختي !!
'جمال' :- إزاي وأنت عامل خطة على ' نرجس' بدا الجواز ؟!!
'عبد الحميد' :- أيوة بس جيت حضرتك وكشفت قدامها حقيقة العروسة قبل ما أجهز نفسي !!
'جمال' :- بإيه تجهز نفسك ؟!!
'عبد الحميد' :- زي ما قولت لك من قبل كنت بفكر في الأول أخليها تغار وتصدق أني بحب العروسة، وبعدين هي تتفاجأ وينكسر غرورها لما تشوف شكلها وعيوبها !!
'جمال' :- أعترف أني كشفت عيوب العروسة قدام بنتي حتى ترتاح وتعرف أنه مافيش خوف من عروستك أنها تأخذك منها. أرجوك تسامحني، لكن أعمل إيه؟ قلب الأب !!
'عبد الحميد' :- عارف لكن هي هتخاف من إيه؟ إحنا خلاص مابقيناش طايقين بعض. وصابر عليها علشانك وعلشان ولادي بس !!
'جمال' :- وبوصيك تخلي بالك منها بعد ما أموت !!
'عبد الحميد' :- ربنا يطول في عمرك بس صدقني مش ممكن نحب بعض ثاني. أنا تسرعت في جوازي قبل ما أتاكد من مشاعرنا، ودلوقتي بفكر أطلب من أختي تلاقي لي حل معاها، لكن بعد ما يخلص فرح 'عماد' !!
'جمال' :- ماتتسرعش واسأل ربنا الفرج !!
'عبد الحميد' :- الندم من جوازي بيشغل تفكيري طول الوقت، مش قادر ارتاح !!
'جمال' :- اطمن يا أبني، كل اللي بنعمله مقدر ومكتوب، وربنا يجعل جوازك منها صدقة في ميزان حسناتك. هي بنت طيبة وربنا جزى صبرها في خدمة والدها بجوازها منك !!
هز 'عبد الحميد' رأسه بصمت ولم يستطع أن يصارح 'جمال'..
أنها لو بقيت في ذمته..
ستبقى مرتبطة باسمه فقط..
♡•♡•♡
بعد أن قامت الممرضة 'أحلام' بإعطاء الحقنة لـ 'جمال' نام بهدوء، فخرج 'عبد الحميد' من الغرفة بعد أن نبهها للاهتمام بصحة عمه. رأى 'نرجس' و'إيزابيل' واقفتان في الممر تنتظران خروجه. أقترب منهما وأخرج بطاقة باب جناح 'نرجس' من جيبه..
'عبد الحميد' :- تعبتم؟ يلا دقيقة وتدخلوا المكان اللي هتكونوا تجتمعوا فيه علشان تخططوا لمؤامراتكم !!
'إيزابيل' :- من حقنا نفكر ونخطط. هو أنت فاكر أننا هنسيب لك الفلوس تفضل في جيبك ؟!!
تحسس 'عبد الحميد' جيوبه كأنه يبحث عن شيئ ما..
'عبد الحميد' :- هو في محفظة ضاعت منكم؟ استنوا لحظة، آسف مالقيتش حاجة. خلاص دوروا عليها مكان ثاني !!
'إيزابيل' :- مافيش حد هنا حرامي غيرك. أنت جيت لنا وأنت مفلس، ولسه بتدرس في الجامعة وإحنا اللي كبرناك وجوزناك ملكة جمال، وخلينا لأسمك يبقى له قيمة، لكن قريب هتخرج وأنت كحيان ومعاك نص ست !!
قرب 'عبد الحميد' أذنه من 'إيزابيل'..
'عبد الحميد' :- إيه بتقولي؟ حماتي طلع عندك حق اللغة الفرنسية بقت صعبة علي قوي، هو أنتي قولتي أنك وبنتك عايزين تسهروا في خدمة عروستي؟ والله ماعنديش مانع بالعكس دا يفرحني كثير، لكن بقول روحي اخدمي جوزك في الأول وبعدين بنتك تجي عندك تساعدك في خدمته وخليها تحكي لك اللي حصل بينا حتى تفكروا في الخطة الجاية !!
غضبت 'إيزابيل' من كلامه..
'إيزابيل' :- ليه حاشر نفسك بينا وكل حاجة في الأصل ملك جوزي ؟!!
'عبد الحميد' :- بقولك روحي شوفي جوزك ؟!!
'إيزابيل' :- حتى لو هو تنازل عن كل حاجة لـ 'نرجس' مش هو والدها؟ وأنت هتكسب معانا لأنك جوزها ؟!!
'عبد الحميد' - بغضب - :- مافيش فايدة منك، لكن اسمعي للي هقوله كويس. لو أحس بس ان صحة عمي بقت في النازل، أقسم بالله لتشوفي مني حساب عمرك ما شفتيه، ولخليكي تتمني الموت قبل ما هو يموت !!
خافت 'ايزابيل' من تهديده..
'إيزابيل' :- معاك ممرضته، هي المفروض اللي تحاسبها عليه، مش أنا ؟!!
'عبد الحميد' :- أنا مش هحاسب حد غيرك !!
'إيزابيل' :- أنت مجنون حقيقي !!
هربت 'إيزابيل' من أمام 'عبد الحميد' إلى جناح زوجها وحاولت 'نرجس' اللحاق بها..
'نرجس' :- ماما ماتخافيش منه !!
'عبد الحميد' :- وأنتي يا ميدوسا مش عايزه تشوفي الوكر بتاعك ؟!!
'نرجس' :- أهو قدامنا، يلا ندخل !!
'عبد الحميد' :- هتدخليه وحدك لأني حجزت السويت ليكي بس !!
'نرجس' :- طيب، لكن الناس وعيلتك مش خايف من كلامهم لما يعرفوا أنك مابتنامش معايا في أوضة واحدة، إيه هتقولهم ؟!!
'عبد الحميد' :- هقولهم أني لقيت ثعبان في سريري. بيلدغ جسمي بسمه كل يوم !!
'نرجس' :- وهيجي يوم وتلاقي السم أنتشر في كل جسمك. أنت تمنع بابا يتنازل عن أملاكه ليا؟ ليه؟ هي كانت فلوس والدك ؟!!
'عبد الحميد' :- ماتنطقيش اسم والدي. أنا بجد بقيت قرفان منك ومن والدتك وأخذت جناح بعيد عنك لأني بفكر أستعجل أجيب عروستي ومش عايز منك أي ازعاج !!
'نرجس' :- أشبع بالزومبي بتاعتك، هو أنت فاكر أني هغير منها؟ أنا بس بحذرك لو أشوفها في فندق بابا، هحرقها لك، وهحرق الفندق واللي فيه، وليك الشرف تكون أولهم !!
أخذت 'نرجس' بطاقة المفتاح من يد 'عبد الحميد' بقسوة وخطت خطوة نحو باب جناحها لكنها توقفت والتفتت نحوه..
'نرجس' :- ماتنساش يا عريس تبعث لي حد يرتب لي ملابسي !!
'عبد الحميد' :- وفين 'علية'؟ ليه ماجبتيهاش معاكي ؟!!
'نرجس' :- ومين هيهتم بـ "أولادك" ؟!!
'عبد الحميد' :- أنتي مش عايزاهم ييجيوا وينبسطوا هنا !!
'نرجس' :- مش فاضية ليهم، أنت رفضت تبعثهم لمدرسة داخلية في فرنسا أو تجيب لهم مربية أجنبية !!
'عبد الحميد' :- صح هم "أولادي" أنا بس لأنك مش خايفة عليهم لو يبعدوا عن حضنك وهم في السن دا؟ يا ست الحبابيب، أنا بطلت حكاية المربيات الأجنبيات لما شفت طريقتهم الجافة في تربية الأولاد، وكلامهم بلغة أجنبية تنسيهم اللغة العربية !!
'نرجس' :- وهم إيه هيستفيدوا من اللغة العربية؟ هيطلعوا القمر ؟!!
غضب 'عبد الحميد' من ردودها على كل كلمة يقولها..
'عبد الحميد' :- امشي، وماتنسيش هجتمع كلنا الليلة لاستقبال عيلة العروسين !!
ابتعد 'عبد الحميد' وترك 'نرجس' واقفة أمام باب جناحها تلاحقه بنظراتها المسمومة. دخل غرفه نومه وألقى جسده على سريره..
وجلس يفكر مع نفسه..
ويلومها بشدة..
على فكرته القديمة..
أن المال هو ما يجلب "السعادة" للإنسان..
༺༻