خرجت ‘نرجس’ و‘إيزابيل’ من المصعد..
‘نرجس’ :- ‘عبد الحميد’ طلع وراها أكيد، وهتشوفي بنفسك !!
‘إيزابيل’ :- قليل ذوق مش قادر يصبر حتى تخلص الحفلة !!
‘نرجس’ :- أنا هحرق قلبهم وأقطع عليهم..!!
توقفت ‘نرجس’ عن الكلام عندما رأت ‘توليب’ تخرج من جناح ‘عبد الحميد’ وهي تبكي، فوقفت أمامها وقطعت طريقها..
‘نرجس’ :- أنتي يا ممرضة، ليه بتعيطي ؟!!
رفعت ‘توليب’ رأسها فرأت ‘نرجس’ و‘إيزابيل’ تبتسمان بسخرية..
‘توليب’ :- ولا حاجة، بعد إذنكم !!
‘نرجس’ :- لا لا مش هتمشي حتى أعرف إيه اللي نزل دموعك من عيونك الـ... الحلوة ههههههه !!
فهمت ‘توليب’ معايرتها لأنهما تعرفان حقيقتها. سمع ‘عبد الحميد’ صوت ‘نرجس’ ووقف خلف الباب يستمع لها..
‘توليب’ :- لو سمحتي سيبيني أمشي، عايزه انام !!
‘نرجس’ :- ليه هتنامي والوقت لسه بدري؟ قولي لي يا ممرضة هو ‘عبد الحميد’ تحرش بيكي وخلاكي تعيطي ؟!!
اقتربت من ‘توليب’ أكثر وتابعت..
‘نرجس’ :- ولا هو شبع من مراته المشوهة هههههه !!
حزنت ‘توليب’ من إهانة ‘نرجس’..
‘توليب’ :- من لما جيت هنا وأنا بحاول أبعد عنكم على قد ما أقدر، فأرجوكي مش عايزه مشاكل معاكم ومش طايقه أشوفكم !!
انفجرت ‘نرجس’ بالضحك..
‘نرجس’ :- هههههه إزاي بتشوفينا ؟!!
ونظرت إلى ‘توليب’ بنظرات مليئة بالحقد وتابعت..
‘نرجس’ :- وأنتي عمياء ؟!!
تمالكت ‘توليب’ نفسها وهي تسمع كلام يحرحها..
‘توليب’ :- خلصتي؟ أقدر أمشي دلوقتي ؟!!
‘نرجس’ :- تمشي؟ ليه هي الساعة بقت واحدة و.. نص هههه ؟!!
شعر ‘عبد الحميد’ بالحزن من معايرة ‘نرجس’ لـ ‘توليب’..
‘عبد الحميد’ :- يلا افتحي بقك وأضربيهم بكلامك، ولا أنتي ماتقدريش غير عليا أنا بس ؟!!
أزداد ألم ‘توليب’..
‘توليب’ - لنفسها - … ” ربنا ينتقم منك يا ‘عبد الحميد’. فضحتني قدام كل واحد !! ” …
دفعتها ‘نرجس’ بقوة من كتفها..
‘نرجس’ :- قولي لي لما بتخلعي جزمتك بتمشي إزاي؟ زي البطريق ولا بترقصي على واحدة ونص زي ما بتقولوا؟ نفسي أشوف يا ريت !!
‘توليب’ :- لما أخلع جزمتي، مابعرفش غير ادوس على اللي قدامي، تحبي تشوفي ؟!!
ابتعدت عنها ‘نرجس’ باشمئزاز وتحدثت مع والدتها بالفرنسية..
‘نرجس’ :- ماما دي طلعت مش مؤدبة !!
‘إيزابيل’ :- هي إيه قالت لك ؟!!
تجاهلت ‘نرجس’ سؤال والدتها..
‘نرجس’ :- شفتي يا مشوهة إزاي بقت علبة مكياجك؟ أنا اللي كسرتها علشان تبقى مشوهة زيك !!
بدأت الدموع تتدفق من عيني ‘توليب’ لمعايرتها طول الوقت، ففتحت عينيها قدر استطاعتها لتمنع دموعها من السقوط. خافت ‘نرجس’ من عيني ‘توليب’، فابتعدت وأمسكت بذراع والدتها لتستمد منها القوة..
‘نرجس’ :- ماما بصي إزاي بتهددني ؟!!
‘إيزابيل’ - بإستهزاء - :- بتهددك بإيه وهي مش قادرة حتى تجري وراكي ؟!!
ابتلعت ‘توليب’ لعابها لتتحكم في أعصابها وتتحكم في صوتها، وتحدثت الفرنسية بطلاقة..
‘توليب’ :- برافوا عليكم قدرتوا على العلبة وماقدرتوش تواجهوني من ضعفكم وخوفكم مني !!
نظرتا ‘نرجس’ و‘إيزابيل’ إلى بعضهما البعض في دهشة من معرفة ‘توليب’ الفرنسية..
‘توليب’ :- أنتي كسرتي علبة واحدة وأنا هقدر أجيب بدالها ألف علبة !!
‘نرجس’ - بغضب - :- وأنتي إيه معاكي حتى تقدري تشتري غيرها ؟!!
‘توليب’ :- هههههه بسيطة !!
أشارت ‘توليب’ برأسها مرتين، الأولى نحو ‘نرجس’ والثانية نحو ‘إيزابيل’..
‘توليب’ :- بفلوس جوزك قصدي جوزي، وبالطيارة الخاصة لجوزك هسافر كل دول أوروبا وأشتري كل الماركات العالمية اللي عايزاها، وعلشانكم مخصوص هسافر ميلانو واشتري جزمة بكعب رفيع من أشهر الماركات، واخبط على دماغكم بفرده منها وبكدا تكون نهايتكم بحاجة تليق بمقامكم. حلو الكلام !!
‘إيزابيل’ :- أنتي وقحة !!
‘توليب’ :- ماتلخبطيش بيني وبينكم !!
‘نرجس’ :- يبقى أنتي فهمتي كلامنا وبكدا قدرتي تنقذ..!!
‘إيزابيل’ - مقاطعة - :- أسكتي !!
‘توليب’ :- خايفه حد يسمع بنتك ويعرف جريمتكم؟ أنا لو كنت مكانكم لنكسفت من نفسي لو فكرت اذي حد عن طريق الغدر، أسلوب الجبناء !!
‘نرجس’ :- مش هتلحقي تتهني بفلوس بابا !!
‘توليب’ :- أنا دلوقتي بتهنى بفلوس جوزي !!
‘نرجس’ :- ماهي فلوس ‘عبد الحميد’ تبقى فلوس بابا !!
‘توليب’ :- طيب خذي الفلوس، مايهمنيش، اللي يهمني بس ‘عبد الحميد’ أنه يبقى لي وحدي !!
‘نرجس’ :- أنتي و’عبد الحميد’ هتدخلوا نار واحدة !!
‘توليب’ :- دا مكانك أنتي ووالدتك بإذن الله، يلا وسعي من قدامي ضيعتي وقتي !!
ابتعدت ‘توليب’ ورفعت ‘نرجس’ صوتها خلفها..
‘نرجس’ :- هتنحرقي قريب. سامعة هتنحرقي !!
‘إيزابيل’ :- اسكتي، امسكي نفسك !!
فتح ‘عبد الحميد’ الباب..
‘عبد الحميد’ :- أنتي اللي انحرقتي فخليكي ساكته !!
‘نرجس’ :- هنشوف مين اللي هينحرق ؟!!
‘عبد الحميد’ :- كان نفسي أخرج وأحذركم منها لكن قولت ماينفعش أدخل بين نسوان !!
‘إيزابيل’ :- ههههه هي خرجت من عندك وهي بتبكي وإحنا فرحنا طبعاً. لكن قول لنا أنت عملت لها إيه ؟!!
‘عبد الحميد’ :- هي كانت بتبكي؟ دلوعة قوي مش راضيه نخرج من أوضة النوم وننزل للمعازيم. أنا هصالحها بعد ما تخلص الحفلة !!
‘نرجس’ :- هتصالحها بفلوس بابا !!
‘عبد الحميد’ :- هي مش زيك بتفرح بالفلوس. هي بتفرح بالمشاعر والحب !!
‘نرجس’ :- يبقى اشتري لها المشاعر اللي بتقول عليه !!
‘عبد الحميد’ :- نعم؟ أنا بجد هشتري لك عقل حتى تفهمي معنى كلمة المشاعر. أنا نازل دلوقتي ومش هسألكم إيه اللي جابكم هنا !!
ابتعد ‘عبد الحميد’ وتركهما وهو يفكر كيف يعاقب عائلته من جهة..
وكيف يتخلص من ‘نرجس’ ووالدتها من جهة أخرى..
༺༻