بعد أن أخذت 'توليب' أطفال 'حنان' إلى بيت'حنان'، عادت إلى 'زهراء' وذهبتا معاً إلى فندق "زهرة النرجس". صعدتا إلى جناح 'جمال' ووجدتا 'أكرم' ينتظر وصولهما أمام الباب..
'أكرم' :- اتفضلوا. 'جمال' بيه في انتظارك يا دكتورة !!
دخلت 'توليب' غرفة النوم فرأت 'جمال' نائمًا في سريره، فاقتربت منه لإيقاظه..
'توليب' :- أستاذ 'جمال' ؟!!
استيقظ 'جمال' وابتسم عندما رأى 'توليب' أمامه..
'جمال' :- صباح الورد. صباح الجمال الملائكي !!
'توليب' - بابتسامة - :- هسمح لك تقولي كلام حلو، بس لو قمت بالسلامة !!
'جمال' :- هههه مش هتقدري تمنعيني لأني دلوقتي حاسس أني بخير !!
اقتربت منهما 'زهراء'..
'زهراء' :- الحمدُلله على سلامتك !!
نظر 'جمال' إلى 'زهراء' باهتمام، وحاول النهوض من سريره..
'زهراء' :- خليك مرتاح. أرجوك ماتتعبش نفسك !!
'جمال' :- أهلاً ست 'زهراء'، شكراً لزيارتك. تفضلوا أقعدوا !!
أشار 'جمال' إلى مقاعد قريبة منه، فجلست 'زهراء' و'توليب' عليهم..
'جمال' :- عاملة إيه يا ست 'زهراء'؟ دي فترة طويلة مرت ماشفناش فيها بعض. أفتكر أخر مرة كانت..!!
'زهراء' :- في باريس يوم ولدت بنتك التوأم !!
'جمال' :- صح، ماقدرتش أنسى اليوم دا خالص !!
'توليب' :- أكيد لأنك..!!
نظر 'جمال' إلى 'زهراء'..
'جمال' - مقاطع - :- شفت وردة جميلة عن قرب !!
'توليب' - بدهشة - :- علشان شفت وردة؟ إيه كانت نوع الوردة دي !!
ضحك 'جمال' من كلام 'توليب'..
'جمال' :- هاهاهاها من أحلى الورود طبعاً !!
شعرت 'زهراء' بالحرج من كلام 'جمال' ونظراته لها، واحمر خدودها، فالتفت إلى 'توليب'..
'زهراء' - بإرتباك - :- ما تقومي تشوفي الأدوية اللي هتجيبيها للسيد 'جمال' !!
'توليب' :- أيوة صح، دا أنا نسيت !!
أخذت 'توليب' الوصفة الطبية من الخزانة وبدأت بتحضير الأدوية . ساد الصمت في الغرفة لبضع دقائق. التفتت 'توليب' لمعرفة السبب ورأت نظرات الحب المتبادلة في عيون 'جمال' و'زهراء'. وابتسمت عندما رأت 'زهراء' احمرت خجلاً واخفضت عينيها لنظرته الطويلة. كسرت 'توليب' حاجز الصمت..
'توليب' :- بعتذر من حضرتك أستاذ 'جمال'، لكن من بكرة مش هقدر اجي لك، فيا ريت تشوف ممرض غيري !!
'زهراء' - بفزع - :- ليه يجيب ممرض غيرك وأنتي موجودة ؟!!
'توليب' :- لأن شغلي اهتم ب..!!
'زهراء' - مقاطعة - :- صحتي كويسة مافيهاش حاجة. وماتخافيش أنا هكون أجي معاكي كل يوم !!
'توليب' :- أخاف ؟!!
'زهراء' - بحرج - :- قصدي لأن الطريق بعيد عليكي !!
'جمال' - بفرحة - :- أيوة يا 'زهراء' تعالي معاها كل يوم !!
'توليب' :- بمناسبة إيه تجي معايا ؟!!
'جمال'- بإرتباك - :- علشان 'عبد الحميد' سكنكم بيت بعيد شوي عن الفندق. وماينفعش تجي هنا الليل أو حتى الصباح وحدك !!
'توليب' :- لا خلاص إحنا هننتقل للفندق بعد الظهر !!
'جمال' :- الفندق آه كويس. يعني هجيلك يا 'أمل' في أي وقت أحتاج لك فيه !!
'زهراء' - بسرعة - :- تشرف أي وقت سيد 'جمال' !!
'توليب' :-'زهراء' هو بيكلمني أنا !!
ابتسم 'جمال' من اغاظة 'توليب' لـ 'زهراء'، وتذكر مرضه..
'جمال' - بحزن - :- شفتي يا 'زهراء'، بقيت مريض بالسرطان، ومش عارف كم باقي لي يوم أعيشهم ؟!!
'زهراء' - بخوف - :- لااا ماتقولش كدا. دا في ناس كانت بصحتها وماتت بسرعة، وفي ناس مريضة وعاشت كثير. كله بإمر الله وأنا متأكدة أنك بإذن الله هتقدر تتغلب على المرض لأنك إنسان مؤمن. وبالدعاء والثقة بالله هتقدر تحقق المستحيل. مافيش حاجة صعبة على اللي خلقنا، أنت بس أحسن الظن بيه وأن شاء الله صحتك هترجع زي الأول وأحسن !!
شعر 'جمال' بالارتياح من كلام 'زهراء' ورأى الفرق الكبير بين زوجته 'إيزابيل' وهي تغذيه بالإحباط وتنتظر موته في أسرع وقت و'زهراء' وهي تمده بالقوة وتشجعه على الحياة..
بدأت 'توليب' بتحضير المحلول ووضع الأدوية المطلوبة بداخلة. وتتابع الحديث بين 'جمال' و'زهراء' بصمت..
'جمال' :- إيه رأيك يا 'زهراء' لما يخلص المحلول نخرج أنا وأنتي للحديقة وأعزمك على فطور !!
'توليب' :- بس أنت ممنوع تأكل أي حاجة ؟!!
'جمال' :- خلاص أنتم تفطروا وأنا اقعد معاكم. أصلي زهقت من القعدة في الجناح وحدي !!
'توليب' :- لكن أنت لو خرجت من أوضة نومك يمكن مراتك تزعل ؟!!
قفزت 'توليب' وهي تصرخ من الألم من قرصة أصابع 'زهراء' على ساقها، وفركت مكان الألم بيدها..
'توليب' :- آااااي قصدي هي فين ؟!!
'جمال' :- في البحر راحت تغطس، إن شاء الله تغوص ما ترجع !!
'توليب' :- لااا حرام تدعي على حد !!
أحست 'زهراء' بداخلها لذة فرح من دعاء 'جمال' على زوجته..
'زهراء' - لنفسها - ... " آمين. هي تستاهل !! " ...
'جمال' :- 'زهراء'، لو حاسة بملل تقدري تخرجي وتستنينا في أي مكان يعجبك وإحنا لما نخلص هنحصلك !!
'زهراء' :- لا لا بالعكس أنا بحس بالملل لو قعدت وحدي !!
'جمال' :- كويس خليكي هنا جنبي أنا محتاج لك !!
طار قلب 'زهراء' فرحاً بإعتراف 'جمال' بحاجته إليها، فتحمست في كلامها، واعترفت له بخوفها عليه..
'زهراء' :- تعرف يا سيد 'جمال' أنا سهرت طول الليل امبارح أدعي لك لما عرفت أنك تعبان وحتى أسال 'أمل' !!
'توليب' :- أنا كنت نايمة هاااه أيوة صح !!
ابتسم 'جمال' من طيبة 'زهراء'..
'جمال' :- ربنا يخليكي ليا ويسعدك ويحقق لك كل أمانيكي !!
'زهراء' - بصوت عالٍ - :- آميييين !!
فرح 'جمال' بزيارة 'زهراء'..
لأنها غيرت مشاعره من التشاؤم والخوف..
إلى التفاؤل والقوة..
وشعر أن صحته ستعود إليه من جديد..
♡•♡•♡