قبل 13 ساعة..
في الساعة العاشرة صباحاً، في غرفة يملؤها الدخان الكثيف، والأثاث متناثر في كل مكان، والملابس ملقاة بلا مبالاة. أخذ ‘شاكر’ نفساً عميقاً من قصبة شيشة يحتوي على مواد مخدرة، وهو يفكر في الانتقام من ‘عبد الحميد’ و‘نرجس’..
‘شاكر’ :- ملاعين. قهروني يا ‘عادل’ !!
دخل ‘عادل’ وهو يحمل كوبين شاي..
‘عادل’ :- مين دول اللي قهروك يا صاحبي ؟!!
‘شاكر’ :- صاحب الفندق اللي كنت بشتغل فيه ومراته !!
وضع ‘عادل’ الأكواب على الطاولة وجلس..
‘عادل’ :- وأنت ليه تعاكس مراته ؟!!
‘شاكر’ : ولا قربت ناحيتها. بالعكس، أنا اشتغلت معاهم بكل ذمة وضمير. وضحيت علشانهم من عمري وكنت داخل علىٰ الشهر السابع من الشغل معاهم !!
‘عادل’ - مازحاً - :- يعني كان باقي لِك شهرين وتولدي. هاهاهاها هاتي القصبة يا بطة، دوري !!
ركل ‘شاكر’ ‘عادل’ بقوة في ساقه..
‘شاكر’ :- أنت بستهتزأ ؟!!
‘عادل’ :- آاااي أنت اللي بتقول كلام يضحك. زعلان علىٰ سبعة شهور وفي ناس بتشتغل بإخلاص ثلاثين سنة، وثلاثين سنة يقضوها وهم بيطالبوا بحقوقهم من أصحاب الشغل !!
‘شاكر’ :- لأنهم ضيعوا تعبي وأنا بتعرف على الموظفين وأعرف مين اللي هشغله معايا ييبع المخدرات بين السواح في الفندق !!
‘عادل’ :- يعني أنت كنت عايز تضرب السياحة وتشوه سمعة البلد ؟!!
‘شاكر’ :- يا أهبل فكر كام كنا هنكسب بالعملة الصعبة ولو بعناهم بخمس أضعاف ثمنهم الحقيقي !!
‘عادل’ :- ااه يااا سلام كنا هنبقى في الهاي في سنة واحدة !!
‘شاكر’ :- هاه من حقي أزعل ولا لأ ؟!!
‘عادل’ :- آه من حقك !!
رن هاتف ‘شاكر’ الخلوي برقم غريب..
‘شاكر’ :- مين هيكون ده ؟!!
فتح ‘شاكر’ المكالمة..
‘شاكر’ :- الووو !!
‘نرجس’ :- الو. ‘شاكر’ ؟!!
‘شاكر’ :- أيوة ‘شاكر’ مين معايا ؟!!
‘نرجس’ :- أنا ‘نرجس’ صاحبة فندق زهرة النرجس !!
انتظر ‘شاكر’ ثواني ليتمكن من السيطرة على أعصابه..
‘شاكر’ :- مش خلاص انطردت من شغلي بسببك، فإيه عايزه مني دلوقتي ؟!!
‘نرجس’ :- عايزه مساعدتك !!
‘شاكر’ - بإستهزاء - :- عايزه مفتاح اوضة كام علشان تفتشيها؟ وليه صوتك متغير ؟!!
‘نرجس’ :- لأني تعبانه مش قادرة أنام من يوم ما طردك ‘عبد الحميد’ من الشغل. أرجوك سامحني، أنا عارفه أني السبب، لكن دا كان غصب عني. أنا قولت اسمك لـ ‘عبد الحميد’ لأني كنت عارفه أنه شافك من كاميرات المراقبة وخفت لو أكذب عليه يقوم يضربني زي كل مرة. أنا تعبت من العيشه معاه. نفسي أخلص منه هيء هيء !!
انتفخ صدر ‘شاكر’ غروراً من فصح 'نرجس' بأسرارها الشخصية..
‘شاكر’ :- خلاص ماتعيطيش ربنا يكون في عونك، وأنا أخذت كل مستحقاتي، فريحي نفسك !!
‘نرجس’ :- أنت عارف أنه تجوز عليا ؟!!
‘شاكر’ - بدهشة - :- إيه؟ بجد هو تجوز عليكي ؟!!
‘نرجس’ :- اه بجد، الست اللي كانت ساكنه الأوضة اللي أخذت منك مفتاحها. أعمل إيه غيرة ستات !!
‘شاكر’ :- معقول يتجوز عليكي؟ هو مش مقدر النعمة اللي في إيده !!!
‘نرجس’ :- شايف حظي الزفت !!
‘شاكر’ :- لكن أنتي بتحبيه فخلاص استحمليه !!
‘نرجس’ :- عمري ماحبيته، بابا هو اللي غصبني اتجوزه، ودلوقتي أخذ توكيل من بابا وكل حاجة بقت باسمه، وقالي بعد ما يموت بابا هيرميني في الشارع !!
‘شاكر’ :- اخس على النذالة لما “يشوفوا” الفلوس بينسوا نعمة ربنا عليهم. لكن أنتي ليه بتحكي لي بكل دا ؟!!
‘نرجس’ :- أول حاجة عايزاك تنقذني منه، والثانية لأني عايزه اعترف لك بحاجة. أنااا أنا بحبك !!
أطار أعتراف 'نرجس' بقية عقل ‘شاكر’ المتأثر بالمخدرات..
‘شاكر’ :- بتحبيني ؟!!
‘نرجس’ :- مش عارفه ليه حسيت بمشاعر الحب ناحيتك لما شفتك لأول مرة. علشان كدا كنت دائماً أول واحد يجي في بالي لما أحتاج أطلب مساعدة من حد !!
ظن ‘شاكر’ أنها صيد سهل يستغله بأخذ المال، ففكر في خداعها بقوله إنه يحبها أيضاً..
‘شاكر’ :- أنا كنت حاسس بمشاعرك ناحيتي لكن علشان حبي ليكي كتمت مشاعري ناحيتك حتى مااسببلكيش أي مشاكل مع جوزك !!
‘نرجس’ :- أنت بجد راجل حقيقي. طب ممكن أطلب منك طلب صغير !!
‘شاكر’ :- عنيا !!!
‘نرجس’ :- ممكن تيجي عندي الليلة الساعة 9..!!
"وبعد حوار لمدة ربع ساعة"
‘شاكر’ :- هتعملي بيهم إيه ؟!!
‘نرجس’ :- هخلص على الحقير ومراته. عايزه أستغل آخر يوم من زحمة المعازيم !!
‘شاكر’ :- أه لكن دا هيكلفك كثير ومساعدة !!
‘نرجس’ :- تعال ومعاك واحد تثق بيه وهجب له 100 ألف جنية !!
‘شاكر’ :- طب وأناااا هتجيبي لي كام ؟!!
نظرت ‘نرجس’ للأعلى بملل وشعرت أنها ستلقي ما في بطنها من الإشمئزاز..
‘نرجس’ :- هتكون جوزي حبيبي وصاحب الفندق، لكن دا مش هيحصل غير بعد موت ‘عبد الحميد’ !!
‘شاكر’ :- الحقير لازم يموت الليلة ققـ قصدي قبل ما يرميكي في الشارع !!
‘نرجس’ :- بحبك يا ‘شاكر’ !!
اغلقت ‘نرجس’ المكالمة وانفجرت ضاحكة على غباء ‘شاكر’..
‘نرجس’ :- هههههههه وأنت بس “سمعت” كلمة الفلوس ومستعد تقتل الليلة ههههههه أيوة كده اكتملت أركان الجريمة الكاملة !!
طرقت الموظفة ‘سوسن’ الباب قبل أن تدخل، فقامت ‘نرجس’ من مكانها واحتضنتها وكأنها سعيدة..
‘نرجس’ :- شكراً لأنك اشتريتي لي موبايل وسيم باسمك حتى أقدر اكلم إنسان غالي على قلبي. اه طبعاً دا سر بينا !!
‘سوسن’ :- أكيد مدام، وأنا فرحانه لأني قدرت إسعدك !!
‘نرجس’ :- مش هقدر انسى جميلك دا، وهعوضك بأكثر مما دفعتيه ليا، ودلوقتي أخرجي لو سمحتي !!
‘سوسن’ :- حاضر بعد اذنك !!
خرجت ‘سوسن’ وأنفجرت ‘نرجس’ بالضحك من جديد..
‘نرجس’ :- ليه أعوضك وأنتي هتقضي بقية عمرك في السجن ههههههههههه !!
صفقت 'نرجس' بحماس..
'نرجس' :- مممم ودلوقتي أستنى لما تيجي ماما وأقولها بخطتي وأحطها في الأمر الواقع قبل ما تقولي زي كل مرة، أننا لازم نفكر قبل أي خطوة نعملها !!
ذهبت ‘نرجس’ إلى السرير واخذت الفستان لتقيسه..
‘نرجس’ :- ودلوقتي أجرب الفستان اللي هلبسه في حفل الزفاف الليلة وأشوف إزاى هيبقى عليا !!!
༺༻