في طريق العودة للفندق جلست 'توليب' سعيدة بجانب 'عبد الحميد'..
'توليب' - لنفسها - ... " خلاص أنا دلوقتي تأكدت أنه ببحبني. والليلة بعد حفلة زفاف ابن خاله هيكون أنسب وقت أقوله بالحقيقة !! " ...
بقي 'عبد الحميد' صامتاً طوال الطريق..
'عبد الحميد' - لنفسه - ... " هي كل يوم بتخوفني منها أكثر. من يوم ما عرفتها وهي بتيجب لي دروس في الأخلاق. لسانها بيلسع مابيرحمش. صحيح هي دائما على حق، لكن أنا مش عايز أتجوز واحدة مافيهاش حاجة رومانسية. دي بتحاسبني وإحنا لسه في مرحلة تعارف على بعض. ولو اتجوزتها وعشت معاها تحت سقف واحد إيه هتعمل معايا؟ أكيد هتهيني طول الوقت. أنا الليلة لازم أكلم خالتي بصراحة إننا مش مناسبين لبعض !! " ...
اقتربت 'توليب' من 'عبد الحميد' وشبكت أصابعها بين أصابعه لتعبر له عن سعادتها، فالتفت إليها وابتسم لها أبتسامة بسيطة. وصلا إلى الفندق، وأوقف 'عبد الحميد' الشاحنة وطلب منها الخروج والذهاب إلى غرفتها..
طرقت 'توليب' الباب بمرح فتحت 'زهراء' الباب ورأت سعادتها..
'زهراء' :- أدخلي بسرعة وأحكي لي بكل اللي حصل أكيد خلاص قولتي له أنك مراته ؟!!
دخلت 'توليب' الغرفة وهي ترقص في عالم الأحلام..
'توليب' :- خلاص يا 'زهراء'، الليلة أنا عروسة، الليلة هقول لـ 'عبد الحميد' بكل حاجة، من أول لحظة حبيته لحد موعدنا في الجبل !!
'زهراء' :- الجبل ؟!!
دارت 'توليب' حول نفسها..
'توليب' :- 'زهراء' أنا خلاص أتأكدت أنه فعلاً بيحبني ومش هيقدر يسبنى !!
'زهراء' :- أنا فرحانة لكم الاثنين، أنتي تعبتي في حياتك وهو تعب كمان في حياته مع مراته المجنونة، ودلوقتي ربنا جمع بين قلوبكم، وإن شاء الله تعيشوا في سعادة بقية حياتكم !!
'توليب' :- أمين يا رب. 'زهراء' تعالي ساعديني، عايزه أجهز نفسي من دلوقتي !!
ركضت 'توليب' إلى المرأة ونظرت إلى صورتها..
'توليب' - بدلال - :- ماهو لازم يشوفني جوزي أحلى واحدة في فرح ابن اخوكي !!
'زهراء' - مازحة - :- يبقى أنتي محتاجه لشغل كثير !!
التفت 'توليب' إلى 'زهراء' بغضب متصنع..
وفجأة..
"أنفجرتا بالضحك" ..
༺♡༻
سمعت 'حنان' رنين هاتفها المحمول، ففتحت الإتصال..
'زهراء' :- خلاص خطتنا نجحت ووقع المسكين !!
'حنان' :- مين تقصدي ؟!!
أخذت 'توليب' الهاتف من يد 'زهراء' بلهفة..
'توليب' :- خلاص يا 'حنان' أخوكي طلع بيحبني !!
'حنان' :- أنتي بتتكلمي جد؟ يعني خلاص اعترفتي له أنك مراته؟ وهو إيه قالك ؟!!
'توليب' :- لااا لسه ماقلتلوش بحقيقتي، لكن في الليل هقول له بكل حاجة من بداية حبي ليه لحد اليوم، لأني خلاص عرفت أنه بيحبني !!
'حنان' :- مبروك يا حبيبتي. وإن شاء الله أشوفكم دائماً مبسوطين، لكن قولي لي إزاي عرفتي أنه فعلاً بيحبك ؟!!
'توليب' :- لاااا دا سر، بس أرجوكي ماتقوليش لـ 'عبد الحميد' بحاجة، عايزة أنا اللي أقول له علشان أشوف بنفسي إزاي هتكون فرحته لما يعرف أني مراته !!
'حنان' :- ربنا يبارك لكم ويسعدكم !!
'توليب' :- أمين يارب. دلوقتي هروح أجهز نفسي وأنتي حاولي تجهزي نفسك بسرعة حتى تجي تساعديني !!
'حنان' :- أنا هجي لك من دلوقتي وأساعدك، وهجيب شنطتي معايا أجهز نفسي عندك للفرح، وهطلب من 'فادي' يهتم بالاولاد، يأكلهم ويلبسهم ويجبهم معاه للفندق في الليل !!
'توليب' :- كويس قوي !!
'حنان' :- يلا استنوني مسافة السكة باي !!
اغلقت 'توليب' هاتف 'زهراء' وركضت إلى الحمام، وأخذت حماماً، وانتظرت وصول 'حنان' لتساعدها في الاستعداد..
༺༻
وقفت 'نرجس' أمام المراة وهي تجرب الفستان الذي سترتديه في حفل الزفاف. دخلت 'إيزابيل' فرأتها واقفة أمام المرأة..
'إيزابيل' :- مش جربتي فستانك قبل كده؟ فليه لبساه من الصبح والوقت لسه بدري على حفل الزفاف !!
'نرجس' :- بفكر إزاي أحرق 'توليب' ؟!!
'إيزابيل' :- ههههه تحرقيها؟
يعني هتخليها تطلب الطلاق من 'عبد الحميد' لما تشوف فستانك؟ شغلي عقلك هي الغيرة عمت عينك !!
التفت 'نرجس' إلى والدتها..
'نرجس' :- أنا أغير على 'عبد الحميد'؟ عايزاه يموت قدام عيني، وأنتي فاكره أني ممكن أغير عليه. ومن واحدة ناقصة مشوهة ؟!!
'إيزابيل' :- لكن أنا بشوف أنها عادية، قصدي بتمشي كويس ؟!!
'نرجس' :- علشان هي بتلبس جزمة طبية وبتغطيهم بالبدلات والفساتين الطويلة !!
'إيزابيل' :- 'عبد الحميد' فعلاّ اتجنن لما راح يتجوزها. طب مش قولتي أنها عمياء؟ فإزاي هي بتقدر تشوف ؟!!
'نرجس' :- يمكن بتحط عدسات طبية !!
عادت 'نرجس' لتنظر في المرآة..
'نرجس' :- 'عبد الحميد' ارتكب غلطة عمره لما جاب لي ضرة مش من مقامي. هو كدا كتب نهايته بإيده !!
'إيزابيل' :- طب قولي لي إزاي هتحرقي قلبها وتخليها تطلب الطلاق ؟!!
ابتسمت 'نرجس' بخبث..
'نرجس' :- مش كده قصدي. قصدي أني هنتقم منها بالطريقة الهندية !!
'إيزابيل' :- الحرق بالنار زي ما بيحرقوا الأرامل ؟!!
'نرجس' :- أيوة ولكن بالطريقة الحديثة !!
رفعت 'نرجس' رأسها بغرور وثقة بالنفس..
'نرجس' :- بالأسيد، مية النار زي ما بيقولوا عليه. دي الطريقة الوحيدة المناسبة للمشوهة هههههههه !!
ابتسمت 'إيزابيل' واحتضنت ابنتها من الخلف..
'إيزابيل' :- أنا مبسوطة منك لأنك أخذتي جمالي وذكائي !!
'نرجس' :- ماما مش قادرة استحمل أكثر. خلينا نخلص من الثلاثة مرة واحدة ؟!!
'إيزابيل' :- 'جمال' و'عبد الحميد' و'توليب'. هنخلص علبهم ومحدش هينتبه لنا زي محدش انتبه علينا من قبل ؟!!
'نرجس' :- كانت دي من أسعد لحظات حياتي !!
'إيزابيل' :- ولقيتي حد يساعدنا؟ ماهو مش معقول هنقدر أنا وأنتي نقتل الثلاثة في وقت واحد ؟!!
'نرجس' :- بعد ما تخلص الحفلة هقولك مين هيساعدنا !!
'إيزابيل' :- برافوا !!
مشيت 'نرجس' وجلست على الكرسي بحركة دراماتيكية..
'نرجس' :- والليلة يا ماما هبدأ أقرب من 'عبد الحميد' وادلعه قدام المعازيم حتى يصدقوا حبي الكبير ليه وأني مش ممكن أفكر أقتل جوزي !!
اقتربت منها 'إيزابيل'..
'إيزابيل' :- وجوزي كمان !!
وفجأة..
"أنفجرتا بالضحك" ..
༺°༻